திருவண்ணாமலை:
திருவண்ணாமலை திருவூடல் தெருவைச் சேர்ந்த முரளி மகன் நவீன் (வயது 26) போக்குவரத்துத் துறையில் பணியாற்றி வந்தார்.
இவர் நேற்று இரவு சுமார் 11.15 மணி அளவில் சொந்த வேலை காரணமாக இருசக்கர வாகனத்தில் அய்யம்பாளையத்திற்கு சென்றுவிட்டு பைபாஸ் சாலை வழியாக திருவண்ணாமலைக்கு வந்தார்.
நல்லவன் பாளையம் பைபாஸ் சாலை சந்திப்பு அருகில் வந்தபோது எதிர்பாராத விதமாக சாலையோரம் பழுதாகி நின்று கொண்டிருந்த சரக்கு லாரி மீது மோதினார்.
இதில் படுகாயம் அடைந்த நவீனை அக்கம் பக்கத்தில் இருந்தவர்கள் 108 ஆம்புலன்ஸ் மூலம் திருவண்ணாமலை அரசு மருத்துவக்கல்லூரி மருத்துவமனையில் சேர்த்தனர்.
அங்கு சிகிச்சை பலனின்றி நவீன் இறந்தார்.
திருவண்ணாமை மேற்கு போலீசார் வழக்குப்பதிவு செய்து விசாரணை நடத்தி வருகின்றனர்.
