செய்யாறு:
செய்யாறு அடுத்த மோரணம் ரோட்டு தெருவை சேர்ந்தவர் பாபு (வயது 57). சமையல் மாஸ்டர். இவர் நேற்று முன்தினம் இரவு வெம்பாக்கம் கூட்ரோட்டில் சென்று கொண்டிருந்தார்.
அப்போது அந்த வழியாக வந்த அடையாளம் தெரியாத வாகனம் இவர் மீது மோதியது. இதில் தூக்கி வீசப்பட்டு சம்பவ இடத்திலேயே பாபு பரிதாபமாக இறந்தார்.
தகவல் அறிந்து விரைந்து வந்த மோரணம் போலீசார் பாபு உடலை மீட்டு பிரேத பரிசோதனைக்காக செய்யாறு அரசு ஆஸ்பத்திரிக்கு அனுப்பி வைத்தனர். மேலும் போலீசார் வழக்கு பதிவு செய்து விசாரணை நடத்தி வருகின்றனர்.
