கண்ணமங்கலம்:
கண்ணமங்கலம் அருகே உள்ள கொளத்தூர் ஏகாம்பரேஸ்வரர் கோவிலில் புரட்டாசி மாத பவுர்ணமி பூஜையுடன், ரத உற்சவம் நடைபெற்றது.
இந்த ரத உற்சவத்தில் திருமணம் ஆகாத ஆண்கள், பெண்கள் கலந்து கொண்டு சாமிக்கு மாலை அணிவித்து வழிபாடு செய்தனர். இன்னொரு மாலையை தங்களுக்கு திருமணம் வேண்டி சாமிக்கு அணிவித்து வாங்கிச் சென்றனர்.
பின்னர் அன்னதானம் வழங்கப்பட்டது. இதற்கான ஏற்பாடுகளை விழாக்குழு தலைவர் சரவணன் மற்றும் நிர்வாகிகள் செய்திருந்தனர்.
