செய்யாறு:
சேத்துப்பட்டு அடுத்த மேலப்பாளையம் சேர்ந்தவர் அண்ணாமலை. விவசாயி. இவரது மனைவி காமாட்சி (வயது 60). இவர்கள் சொந்தமாக மாடுகள் வளர்த்து வருகின்றனர்.
கடந்த 4-ந் தேதி மாடுகளுக்கு தண்ணீர் மற்றும் வைக்கோல் வைப்பதற்காக காமாட்சி வீட்டின் அருகே உள்ள கொட்டகைக்கு சென்றார்.
ஒரு மாடுக்கு வைக்கோல் வைத்துக் கொண்டிருந்த போது திடீரென்று காமாட்சி முட்டி தள்ளியது. இதில் அவர் பலத்த காயம் அடைந்தார்.
ரத்த வெள்ளத்தில் கிடந்தவரை மீட்டு சேத்துப்பட்டு அரசு மருத்துவமனைக்கு சிகிச்சைக்காக அனுப்பி வைத்தனர்.
மேல் சிகிச்சைக்காக சென்னை ராஜு காந்தி அரசு மருத்துவமனைக்கு மாற்றம் செய்யப்பட்டார். அங்கு சிகிச்சை பலனின்றி காமாட்சி பரிதாபமாக இறந்தார்.
இது குறித்து காமாட்சியின் கணவர் அண்ணாமலை பெரணமல்லூர் போலீசில் புகார் அளித்தார். போலீசார் வழக்கு பதிவு செய்து விசாரணை நடத்தி வருகின்றனர்.
