வேலூர்:
வேலூர், கோட்டையில் உள்ள ஸ்ரீ ஜலகண்டேஸ்வரர் கோவிலில் ஸ்ரீ அகிலாண்டேஸ்வரி அம்மனுக்கு ஆடி வெள்ளி திருவிழா நாளை தொடங்கி வருகிற ஆகஸ்ட் 25-ந் தேதி வரை 6 வெள்ளிக்கிழமைகளில் நடைபெற உள்ளது.
முதலாவது வெள்ளி மஞ்சள் காப்பு அலங்காரமும்,2-வது வெள்ளி குங்குமப்பூ அலங்காரமும்,3-வது வெள்ளி புஷ்ப பாவாடை அலங்காரமும், 4-வது வெள்ளி சந்தன காப்பு அலங்காரமும்,5-வது வெள்ளி மீனாட்சி அலங்காரமும் 6-வது வெள்ளி சந்தன காப்பு அலங்காரமும் செய்யப்பட்டு அம்மன் பக்தர்களுக்கு காட்சியளிப்பார்.
மேலும் ஆகஸ்ட் மாதம் 3-ந் தேதி கங்கா பாலா ஈஸ்வரர் 23-வது ஆண்டு விழாவை முன்னிட்டு மழைவளம் பெருகி நீர்வளம் பெருகவும், தண்ணீர் பஞ்சம் நீங்கவும் கூட்டு பஞ்சபூத மகா யாகம் நடைபெற உள்ளது.
விழா ஏற்பாடுகளை ஸ்ரீஜலகண்டேஸ்வரர் தர்ம ஸ்தாபன நிர்வாகிகள் செய்து வருகின்றனர்.
