மகாராஷ்டிரா மாநிலம் மும்பையில் குர்லா பகுதியில் இருந்து அந்தேரிக்கு சென்று கொண்டிருந்த மாநகர பேருந்து திடீரென வாகனங்கள் மற்றும் பாதசாரிகள் மீது மோதி விபத்துக்குள்ளானது.
இந்த விபத்தில் 7 பேர் உயிரிழந்த நிலையில், 43க்கும் மேற்பட்டோர் படுகாயம் அடைந்துள்ளனர். இந்த விபத்து தொடர்பான சிசிடிவி காட்சிகள் இணையத்தில் வெளியாகி பெரும் அதிர்ச்சியை ஏற்படுத்தியுள்ளது.
இதுகுறித்து தகவல் அறிந்த போலீசார் சம்பவ இடத்திற்கு வந்து விபத்தில் சிக்கியவர்களை மீட்டு மருத்துவமனைக்கு அனுப்பி வைத்தனர். மேலும் விபத்தில் உயிரிழந்தவர்கள் குறித்து விசாரணை நடத்தினர்.
இந்நிலையில், பேருந்து விபத்தில் உயிரிழந்தவர்களின் குடும்பத்திற்கு 5 லட்ச ரூபாய் நிவாரண தொகை வழங்கப்படும் என்று அம்மாநில முதல்வர் தேவேந்திர பட்நாவிஸ் அறிவித்துள்ளார்.
