செயற்கை நுண்ணறிவு (ஏ.ஐ.) தொழில்நுட்பம் உலக அளவில் ஆதிக்கம் செலுத்த தொடங்கியுள்ளது. ஏ.ஐ. தொழில்நுட்பத்தில் ஓபன் ஏஐ (சாட்ஜிபிடி), கூகுள் (ஜெமினி) ஆகிய அமெரிக்க நிறுவனங்களே கோலோச்சி வருகின்றன.
இந்த நிலையில்தான் நேற்று முன்தினம் சீனா டீப்சீக் மாடலை அறிமுகப்படுத்தியுள்ளது. சீனாவின் டீப்சீக் அமெரிக்காவின் சாட்ஜிபிடி, கூகுள் ஆகியவற்றிற்கு கடும் சவாலாக விளங்கும் என தொழில்நுட்ப வல்லுனர்கள் கணித்துள்ளனர்.
இந்த நிலையில் சாட்ஜிபிடி, டீப்சீக், ஜெமினி போன்று இந்தியா தன்கென பிரத்யேக ஏ.ஐ. மாடல் உருவாக்கி வருவதாக மத்திய எலக்ட்ரானிக் மற்றும் தகவல் தொடர்பு அமைச்சர் அஸ்வினி வைஷ்ணவ் தெரிவித்துள்ளார்.
இது தொடர்பாக அஸ்வினி வைஷ்ணவ் கூறியதாவது:-
கடந்த ஆண்டு மார்ச் மாதம் பிரதமர் மோடி இந்தியாவின் முதல் ஏ.ஐ. மாடல் திட்டத்திற்கு ஒப்புதல் வழங்கினார். ஒப்புதல் கொடுத்த முதல் நான்கு மாதத்திலேயே அதற்கான கட்டமைப்பின் முதற்கட்ட பணிகளை தொடங்கப்பட்டது.
இந்தியாவின் ஏ.ஐ. திட்டத்திற்கான முதல் தூண் என கருப்பதப்படும் "Common Compute Facility" (அனைத்து நிறுவனங்களும், நிர்வாகங்களும் பயன்படுத்தும் வகையில் உருவாக்கப்படும் மாடல்) என்பதை உருவாக்கியுள்ளோம்.
"Common Compute Facility" அடிப்படையில் 10 ஆயிரம் GPUs இலக்கு நிர்ணயித்த நிலையில், நாம் 18693 GPUs பட்டியலிட்டுள்ளோம். இந்த பணி சிறப்பாக அமைந்துள்ளது.
GPUs
NVIDIA நிறுவனத்தின் H100- 12896 GPUs
NVIDIA நிறுவனத்தின் H200- 1480 GPUs
MI325 and MI325X-ன்- GPUs
விவசாயம், காலநிலை மாற்றம் உள்ளிட்ட 18 செயலிகளை உருவாக்க முதற்கட்ட நிதி ஒதுக்கீட்டில் ஒப்புதல் வழங்கப்பட்டுள்ளது.
நான்காவது கட்டம் ஏ.ஐ.யின் பாதுகாப்பு தொடர்பானது. ஏ.ஐ. பாதுகாப்பு நிறுவனம் அதற்கான பணியில் ஈடுபட்டு வருகிறது.
வளர்ந்து வரும் நிறுவனங்கள், 10 பெரும் மென்பொருள் நிறுவனங்கள் இதற்கான பணியில் ஈடுபட்டு வருகின்றன. இன்னும் 8 முதல் 10 மாதங்களுக்குள் இந்த ஏ.ஐ. மாடல் தயாராகிவிடும்.
இந்தியாவின் தனித்துவமான மொழியியல் மற்றும் கலாச்சார பன்முகத்தன்மையை நிவர்த்தி செய்யும் வகையில் இந்த ஏ.ஐ. மாடல் உருவாகும்.
இவ்வாறு அஸ்வினி வைஷ்ணவ் தெரிவித்துள்ளார்.
