கேசோரம் இண்டஸ்ட்ரீஸ் லிமிடெட் நிறுவனத்தின் தலைவரும், அசோக் ஹால் குழுமத்தின் அறங்காவலருமான மஞ்சுஸ்ரீ கைதான் காலமானதாக பி கே பிர்லா குழுமம் அறிவித்துள்ளது.
கொல்கத்தாவில் உள்ள வீட்டில் உடல்நலக்குறைவால் பாதிக்கப்பட்டு இருந்த மஞ்சுஸ்ரீ கைதான் உயிரிழந்துள்ளார். அவருக்கு வயது 68.
அக்டோபர் 1998 இல் கேசோரம் வாரியத்தில் இணைந்த கைதன், தனது தந்தையும் தொழிலதிபருமான பி.கே. பிர்லாவின் மறைவைத் தொடர்ந்து ஜூலை 2019 இல் தலைவர் பொறுப்பை ஏற்றார்.
கைதானின் அர்ப்பணிப்பு போர்டுரூமைத் தாண்டி கல்வித் துறைக்கு நீட்டிக்கப்பட்டுள்ளதாக பி.கே. பிர்லா குழு ஒரு அறிக்கையில் தெரிவித்துள்ளது.
அசோக் ஹால் குழும பள்ளிகளுடனான அவரது நான்கு தசாப்த கால தொடர்பு, சமூகத்தின் பின்தங்கிய பிரிவுகளைச் சேர்ந்த பெண் குழந்தைகளை மேம்படுத்துவதில் கவனம் செலுத்தி, இளம் மனங்களை வளர்ப்பதில் அவர் அர்ப்பணிப்பிற்கு ஒரு சான்றாக உள்ளது என்று குழு அதிகாரிகள் தெரிவித்தனர்.
