பீஜிங்:
சீனாவில் கிங் கோப்பைக்கான சர்வதேச பேட்மிண்டன் ஓபன் போட்டிகள் நடந்து வருகின்றன.
இதில், உலக தர வரிசையில் 12-ம் இடம் வகிக்கும் இந்தியாவின் லக்ஷயா சென், உலக தர வரிசையில் 17-ம் இடம் வகிக்கும் ஹாங்காங்கின் ஆங்கஸ் இங் கா லாங் உடன் மோதினார்.
இதில் முதல் செட்டை சென் இழந்தார். இதனால் சுதாரித்த சென் அடுத்த இரு செட்களைக் கைப்பற்றினார்.
இறுதியில் லக்ஷயா சென் 10-21, 21-13, 21-13 என்ற செட் கணக்கில் வென்று அரையிறுதிக்கு முன்னேறினார்.
அரையிறுதியில் சீன வீரரான ஹூ ஜே ஆன் (18) என்பவருடன் சென் மோதுகிறார்.
