நீங்கள் தேடியது "பெரியார்"

சென்னை:

துக்ளக் இதழின் 55-வது ஆண்டு நிறைவு விழா சென்னையில் நேற்று நடைபெற்றது. இதில் துக்ளக் ஆசிரியர் ஆடிட்டர் குருமூர்த்தி கலந்து கொண்டு உரையாற்றினார். அப்போது அவர் கூறியதாவது:-

அடுத்த ஆண்டு சட்டசபை தேர்தல் நடைபெற உள்ளது. தேர்தலில் யார் யாருடன் கூட்டணி வைப்பார்கள் என்று தெரியாது. யார் வெற்றி பெறுவார்கள் என்று சொல்லவே முடியாது.

விஜய் அரசியலுக்கு வந்து இருக்கார். ஆனால் உறுதியாக ஒன்று சொல்கிறேன். தி.மு.க.வுக்கும், தி.மு.க. ஆட்சிக்கும், கலைஞர் குடும்பத்துக்கும் மிகப்பெரிய அவப்பெயர் ஏற்படும். இதனுடைய தாக்கம் தமிழ்நாட்டு அரசியலில் இருக்கத்தான் செய்யும். இதற்கு எப்படி எதிர்க்கட்சியினர் வியூகம் வகுக்கப் போகிறார்கள் என்பதுதான் முக்கியம்.

தி.மு.க.வை தோற்கடிக்க வேண்டும் என்பது தமிழ்நாட்டுக்கு செய்யும் தொண்டு என்று துக்ளக் கூறி வருகிறது. இதற்காக எது வேண்டுமானாலும் செய்யலாம். எல்லாம் ஊழல் கட்சிதான். தி.மு.க.வும் அ.தி.மு.க.வும் ஊழலில் பெரிய வித்தியாசம் இல்லை. ஆனால் அ.தி.முக. தேசிய விரோத கட்சி கிடையாது. இந்து விரோத கட்சி கிடையாது.

அராஜகமான கட்சி கிடையாது. இதனால் அதிமுக மீது ஒரு பற்று இல்லை என்றாலும் கூட ஆக்கப்பூர்வமாக பார்க்கும் தன்மை இருக்கிறது. பா.ஜ.க.வும் அ.தி.மு.க.வும் சேர வேண்டும் என்பதில் எனக்கு சந்தேகமே இல்லை.

எடப்பாடி பழனிசாமியிடம் அரசியல் தலைவருக்கு உண்டான போக்கே இல்லை. எல்லா தலைவர்களுடனும் நான் பேசியிருக்கிறேன். எடப்பாடி பழனிசாமி நல்ல மனிதர்தான். அவருடன் பழகியிருக்கிறேன். 2021-ல் கையில் வந்த ஒரு வாய்ப்பை எடப்பாடி தவறவிட்டுவிட்டார்.

பெரியாரை ஏற்றால் பெருமாளை ஏற்க முடியாது.. பெருமாளை ஏற்றால் பெரியாரை ஏற்க முடியாது. ஆனால் இதை தமிழ்நாடு பார்த்துக்கொண்டு இருக்கிறது. பெரியார் வக்கிரமானவர். கண்ணகியையும் இழிவுபடுத்துவார். பெண்களையும் இழிவுபடுத்துவார்.. தொல்காப்பியத்தையும் இழிவுபடுத்துவார். திருக்குறளையும் இழிவுபடுத்துவார்.. இதையெல்லாம் சொல்லியது சோ மட்டும்தான்.

சீமானோடு எனக்கும் அவருக்கு கருத்து ஒற்றுமை இருப்பதாக சொல்ல முடியாது. ஆனால் அரசியலில் முதன் முதலாக பெரியாரை நேரடியாக எதிர்த்ததற்காக நான் அவரை பாராட்டுகிறேன். ஏனென்றால் பெரியாரை எதிர்த்து யாரும் கூறக் கூடாது. உலகத்தில் பிறந்த யாராக இருந்தாலும் பெரியாரை எதிர்த்து சிலர் பேசத்தான் செய்வார்கள். அதை நாம் ஒன்னும் செய்ய முடியாது.

பெரியாருக்கு எதிராக கருத்து பேசுகிறவர்களை எல்லாரும் சேர்ந்து பாய்வது என்பது தமிழகத்தில் 50, 60 ஆண்டுகளாக உள்ளது. அதை பத்திரிகை துறையில் உடைச்சது சோ. இப்போது சீமான் அரசியலில் உடைத்துக்கொண்டு இருக்கிறார். இது தமிழ்நாட்டிற்கு நல்லது என்று அவர் கூறினார்.

சென்னை நகரில் பல வகையான கலை நிகழ்ச்சிகளுடன் பொங்கல் திருவிழாவின்போது 'சென்னை சங்கமம் - நம்ம ஊரு திருவிழா' என்ற மாபெரும் கலைவிழா நடத்தப்பட்டு வருகிறது. கடந்த மூன்று ஆண்டுகளாக நடத்தப்பட்டு வரும் இந்த திருவிழாவை கலை பண்பாட்டுத் துறை நடத்தி வருகிறது.

இந்த ஆண்டின் சென்னை சங்கமம் - நம்ம ஊரு திருவிழா கலைநிகழ்ச்சிகள் இன்று தொடங்கியுள்ளது. இதனை கீழ்ப்பாக்கம் பெரியார் ஈ.வெ.ரா நெடுஞ்சாலையில் உள்ள ஏகாம்பரநாதர் ஆலயத் திடலில் முதலமைச்சர் மு.க. ஸ்டாலின் முரசு கொட்டி தொடங்கி வைத்தார்.

சென்னை சங்கமம் நம்ம ஊர் திருவிழாவின் தொடக்க விழாவில் பிரபல பாடகர் டி.எம். கிருஷ்ணா அவர்கள் தந்தை பெரியார் குறித்து உணர்ச்சி பொங்க பாடல் பாடினார்.

பெரியார் குறித்து டி.எம். கிருஷ்ணா பாடல் பாடியதை முதலமைச்சர் மு.க.ஸ்டாலின் உன்னிப்பாக கவனித்து பாராட்டினார்.

பெரியாருக்கு நன்றி செலுத்தும் பெருவிழாவாக பொங்கல் விழாவைக் கொண்டாடுவோம் என்று விசிக தலைவர் திருமாவளவன் தெரிவித்துள்ளார்.

இது தொடர்பாக திருமாவளவன் வெளியிட்டுள்ள எக்ஸ் பதிவில், "தமிழினத்தின் பாரம்பரிய பண்பாட்டுப் பெருவிழாவாம் பொங்கல் திருவிழாவையொட்டி உலகமெங்கும் பரவி வாழும் தமிழ்ச் சொந்தங்கள் யாவருக்கும் விடுதலைச் சிறுத்தைகள் கட்சியின் சார்பில் மனம் நிறைந்த பொங்கல் வாழ்த்துகளைத் தெரிவித்துக் கொள்கிறேன்.

தமிழர் திருநாளாய்ப் போற்றப்படும் இப்பெருநாள் சமூக நல்லிணக்கத்தின் அடையாளமாக விளங்கும் நனிசிறந்த நன்னாளாகும். சாதி, மத அடையாளங்களைக் கடந்து அனைத்துத் தரப்பாரும் தமிழர்களாய் உணர்ந்து, ஒருங்கிணைந்து பொங்கலைக் கொண்டாடுவதற்கான சகோதரத்துவம் மலர வழிகாட்டும் உன்னத நாளாகும்.

இத்தகைய சிறப்பு வாய்ந்த இனிய பொங்கல் விழா வெறும் கொண்டாட்டத்திற்கான பண்டிகையாக மட்டும் இல்லாமல்; தமிழ்ச்சமூகத்தின் உயரிய மாண்புகளை மென்மேலும் செழுமைப் படுத்துவதற்கான "பண்பாட்டுக் கூடலாகவும்" விளங்குகிற ஒன்றாகும்.

தமிழினத்தின் மாண்புகளில் உயரியது " யாதும் ஊரே; யாவரும் கேளிர்" என்னும் சிந்தனை முதிர்ச்சியாகும். அத்தகைய பக்குவம் , முதிர்ச்சி மென்மேலும் பல்கிப் பெருக வேண்டும். சாதி, மதம், மொழி, இனம் , பால் போன்ற அடையாளங்களின் பெயரால் ஒருவருக்கொருவர் வெறுப்பை உமிழ்வது, வெறுப்பு அரசியலை விதைப்பது, ஆதாயநோக்கில் அதனைப் பரப்புவது போன்றவற்றைத் தவிர்ப்பது தமிழினத்தின் மாண்புகளுக்குப் பெருமை சேர்க்கும்.

அத்தகைய பரந்த பார்வையோடு தமிழினத்தின் தலைநிமிர்வுக்காக தன் வாழ்நாளை முழுமையாக ஒப்படைத்துக் கொண்ட மாமனிதர் தந்தை பெரியாரின் பெருவழியில், சமத்துவ இலக்கை எட்டுவதற்கு இந்நன்னாளில் உறுதியேற்போம்.

தமிழ், தமிழர், தமிழ்நாடு என்னும் நமது பாரம்பரிய பண்பாட்டு அடையாளங்களையும் அவற்றின் நீண்ட நெடிய வரலாற்றுச் சிறப்புகளையும் பாதுகாக்கும் மகத்தான பேரரண் பெரியார் என்பதை மீள் உறுதி செய்வோம்.

தன்மானத்தையும் தலைநிமிர்வையும் தமிழர்களுக்கு மீட்டளித்த தந்தை பெரியாருக்கு நன்றி செலுத்தும் பெருவிழாவாக பொங்கல்விழாவைக் கொண்டாடுவோம்" என்று பதிவிட்டுள்ளார்.

சென்னை:

ஈரோடு கிழக்கு தொகுதி இடைத்தேர்தலை பிரதான கட்சிகள் புறக்கணித்து உள்ளது. பெரியார் பற்றி விமர்சிப்பதால் சீமான் பிரசாரத்துக்கு சென்றால் தடுப்போம் என்று அந்த மாவட்ட காங்கிரஸ் முடிவு செய்து உள்ளது.

இதுபற்றி தமிழக காங்கிரஸ் தலைவர் செல்வப்பெருந்தகையிடம் கேட்டபோது அவர் கூறியதாவது:-

அ.தி.மு.க. மற்றும் பா.ஜ.க. தேர்தலை புறக்கணித்து இருப்பது அவர்கள் கட்சியின் முடிவு. மற்ற கட்சிகள் உள்விவகாரத்தில் தலையிட முடியாது.

நான் முடிவெடுப்பதில்லை என்று அண்ணாமலை என்னைப் பற்றி விமர்சித்துள்ளார். அவரும் தேசிய கட்சியில்தான் இருக்கிறார். தேசிய தலைமை சொல்லாமல் முடிவெடுப்பாரா? தலைமை இடதுபுறமாக செல் என்றால் இடது புறமாக செல்வார். வலது புறமாக செல் என்றால் வலது புறமாக செல்வார். அவர் என்னை விமர்சிப்பது ஆச்சரியமாக உள்ளது.

பெரியார் பற்றி சீமான் தொடர்ந்து விமர்சிப்பது அவரது முதிர்ச்சி இன்மையை காட்டுகிறது. இதனால் அவருக்கு எதிர்ப்பு அதிகரித்து இருக்கிறது.

அதற்காக ஈரோடு தொகுதியில் பிரசாரம் செய்ய விடாமல் தடுப்போம் என்பது கட்சியின் முடிவு அல்ல. அந்த மாவட்ட தலைவரின் தனிப்பட்ட கருத்து.

ஜனநாயகத்தில் யார் வேண்டுமானாலும் மக்களிடம் ஆதரவு திரட்டலாம். அவர்களை ஏற்பதும் ஏற்காததும் மக்கள் கைகளில் உள்ளது.

ஜனநாயகத்தில் உரிமை இருக்கிறது என்பதற்காக எதை வேண்டுமானாலும் பேசிவிட முடியாது. உண்மைகள் தானாகவே வெளிவரும். அதை ஒரு போதும் மறைக்க முடியாது.

இவ்வாறு அவர் கூறினார்.

தந்தை பெரியார் குறித்து சர்ச்சைக்குரிய வகையில் நாம் தமிழர் கட்சியின் ஒருங்கிணைப்பாளர் சீமான் பேசியதற்கு பல்வேறு தரப்பினர் கடும் கண்டனம் தெரிவித்து வருகின்றனர்.

பெரியார் குறித்து சீமான் அவதூறாக பேசியது தொடர்பாக அமைச்சர் துரைமுருகனிடம் செய்தியாளர்கள் கேள்வி எழுப்பினர். அதற்கு பதில் அளித்த துரைமுருகன், "பெரியார் பற்றி அவதூறாக பேசுபவர்களின் பிறப்பையே நான் சந்தேகப்படுகிறேன்" என்று தெரிவித்தார்.

இதனையடுத்து அண்ணாமலையிடம் துரைமுருகன் கருத்து தொடர்பாக செய்தியாளர்களை கேள்வி எழுப்பினர்.

அதற்கு பதில் அளித்த அவர், "நான் பெரியார் பற்றி பேசுகிறேன். ஆனால் நான் ஒரு அம்மா அப்பாவுக்கு தான் பிறந்தேன். அரசியலில் ஒரு வயது வந்தவுடன் ஓய்வளிக்க வேண்டும் என்பதற்கு கிளாசிக் உதாரணம் துரைமுருகன். அவர் ஓய்வு வயதை எட்டி விட்டார் என்று நினைக்கிறேன். சில தலைவர்களுக்கு ரிட்டயர்மென்ட் கொடுத்து விடலாம் என்று சூப்பர் ஸ்டார் ரஜினிகாந்த், மேடையிலேயே கூறினார் .

பெரியாருக்கும் நிகழ்கால தமிழ்நாட்டிற்கும் தொடர்பு இல்லை .எப்போதோ கட்டமைத்த பிம்பத்தை வைத்து அரசியல் செய்ய நினைக்கிறார்கள்.

ஆளுநர் கடுமையான வார்த்தைகளை பயன்படுத்தியுள்ளார்; அவர் சொன்னது சரியே. ஆளுநர் அந்த வார்த்தைகளை பயன்படுத்த வேண்டிய கட்டாயத்திற்கு தள்ளப்பட்டுள்ளார்" என்று தெரிவித்தார்.

தந்தை பெரியார் குறித்து சர்ச்சைக்குரிய வகையில் நாம் தமிழர் கட்சியின் ஒருங்கிணைப்பாளர் சீமான் பேசியதற்கு பல்வேறு தரப்பினர் கடும் கண்டனம் தெரிவித்து வருகின்றனர்.

அதே சமயம் பெரியார் குறித்து சீமான் அவதூறாக பேசியதற்கு தமிழக பாஜக தலைவர் அண்ணாமலை ஆதரவு தெரிவித்திருந்தார்.

இந்நிலையில், சீமான் எங்கள் வழியில் வந்திருக்கிறார். இது பாஜகவுக்கு கிடைத்த வெற்றி என்று மூத்த பாஜக தலைவர் தமிழிசை சவுந்தர்ராஜன் பேசியுள்ளார்.

இன்று செய்தியாளர்களை சந்தித்து பேசிய தமிழிசை சவுந்தர்ராஜன், இத்தனை காலமாக எங்கள் கருத்தியலாக நாங்கள் சொல்லி கொண்டிருந்ததை தற்போது சகோதரர் சீமான் பேச ஆரம்பித்திருக்கிறார்.

எங்கள் கருத்தியலுக்கு கிடைத்திருக்கிற பலமாகவும் இதுவரை நாங்கள் சொல்லிக்கொண்டிருந்த கருத்தியலுக்கு ஆதரவாகவும் இதை நான் பார்க்கிறேன். இது பாஜகவுக்கு கிடைத்த வெற்றியாக நான் பார்க்கிறேன்.

இது அண்ணா வளர்த்த தமிழ் அல்ல, ஆண்டாள் வளர்த்த தமிழ். இது பெரியார் வளர்த்த தமிழ் அல்ல. பெரியாழ்வார் வளர்த்த தமிழ் என்று நான் அடிக்கடி சொல்வது உண்டு.

இன்று அண்ணன் சீமான், இன்று நாங்கள் பெரிய புராணம் படிக்கும்போது பிடிக்கவில்லை. பெரியார் புராணம் படிக்கும்போது பிடிக்கிறதா? என்று நாங்கள் சொன்னதை அவர் தொடர்வது எங்களுக்கு மகிழ்ச்சி தான்.

எங்கள் கருத்தியலை அவர் ஏற்றிருக்கிறார். பாஜகவுக்கு யாரவது ஆதரவாக பேசினால் அவரை பி டீம் சி டீம் என்று சொல்லி விடுகிறார்கள். எங்கள் டீம் என்று சொல்வதை விட எங்கள் தீமை அண்ணன் சீமான் எடுத்திருக்கிறார். அதனால் சீமானை எங்க தீம் பார்ட்னராக எடுத்துக்கொள்ளலாம்.

தந்தை பெரியார் குறித்து சர்ச்சைக்குரிய வகையில் நாம் தமிழர் கட்சியின் ஒருங்கிணைப்பாளர் சீமான் பேசியதற்கு பல்வேறு தரப்பினர் கடும் கண்டனம் தெரிவித்து வருகின்றனர்.

இந்நிலையில், இன்று செய்தியாளர்களை சந்தித்து பேசிய துரைமுருகன், "சட்டசபையில் தமிழ்த்தாய் வாழ்த்திற்கு பிறகு தான் தேசிய கீதம் பாடப்படுவது மரபு. ஆளுநர் என்ற ஆணவத்தினால் மரபை மாற்ற முயற்சிக்கிறார் ஆளுநர் ஆர்.என்.ரவி" என்று தெரிவித்தார்.

இதனையடுத்து பெரியார் குறித்து சீமான் அவதூறாக பேசியது தொடர்பாக அவரிடம் செய்தியாளர்கள் கேள்வி எழுப்பினர். அதற்கு பதில் அளித்த துரைமுருகன், "பெரியார் பற்றி அவதூறாக பேசுபவர்களின் பிறப்பையே நான் சந்தேகப்படுகிறேன்" என்று தெரிவித்தார்.

கொங்கு நாடு மக்கள் தேசிய கட்சியின் தலைவர் ஈ.ஆர். ஈஸ்வரன் இன்று செய்தியாளர்களை சந்தித்தார்.

அப்போது பேசிய அவர், "ஈரோடு கிழக்கு இடைத்தேர்தலில் திமுக வேட்பாளர் சந்திரகுமாருக்கு கொங்குநாடு மக்கள் தேசிய கட்சி முழு ஆதரவு அளிக்கு"ம் என்று தெரிவித்தார்.

இதனையடுத்து பெரியார் குறித்து சீமான் அவதூறாக பேசியது தொடர்பாக அவரிடம் செய்தியாளர்கள் கேள்வி எழுப்பினர்.

அதற்கு பதில் அளித்த அவர், "ஒவ்வொருவருக்கும் ஒவ்வொரு தத்துவம் இருக்கிறது. மறைந்த தலைவர்களை கொச்சைப்படுத்த வேண்டிய அவசியம் இல்லை.

மக்கள் அனைத்தையும் பார்த்து கொண்டிருக்கிறார்கள் என்பதை நாம் யோசித்து பார்க்க வேண்டும். இவ்வளவு நாள் இல்லாமல் இப்போது இந்த கருத்தை அவர் கூறுவது இடைத்தேர்தலை மனதில் வைத்து பேசுகிறார் என்று அர்த்தம்.

திமுகவுக்கு எதிரான வாக்குகளை பெறுவதற்காக சீமான் இவ்வாறு அவர் பேசுகிறார் என்று நினைக்கிறேன். பெரியார் குறித்து அவதூறு கருத்துகளை கூறி மக்களை திசை திருப்ப முடியாது" என்று தெரிவித்தார்.

பெரியார் குறித்த சீமானின் அவதூறு பேச்சுக்கு நாம் தமிழர் கட்சியின் மாநில ஒருங்கிணைப்பாளர் ஜெகதீச பாண்டியன் எதிர்ப்பு தெரிவித்துள்ளார். அவர் கூறியிருப்பதாவது:

* சீமான் பேச்சு இந்துத்துவா சக்திகளின் வளர்ச்சிக்கு உதவுமே தவிர தமிழ் தேசிய வளர்ச்சிக்கு உதவாது.

* ஆரியம், இந்துத்துவா, இந்தி, இந்திய தேசியத்தை எதிர்ப்பதுதான் பெரியாரை ஏற்றுக்கொண்டவர்கள் நோக்கம்.

* தமிழீழத்தையும் பிரபாகரனையும் தமிழ்மொழியையும் இந்துத்துவாவினர் ஏற்றுக்கொள்கிறார்களா?

* பெரியாரியவாதிகள் ஏற்றுக்கொண்டுள்ள அனைத்து சாதியினரும் அர்ச்சராகலாம் என்பதை இந்துத்துவாவாதிகள் எதிர்க்கிறார்கள்.

* பெரியாரை ஏற்றுக்கொண்டுள்ளவர்கள் தான் தேசிய கல்விக் கொள்கையை எதிர்க்கிறார்கள்.

* ஒரே நாடு, ஒரே தேர்தல், ஒரே மொழி, ஒரே குடும்ப அட்டை போன்ற திட்டங்களை ஆர்.எஸ்.எஸ்., பா.ஜ.க. திணிக்கிறது.

* நாம் தமிழர் கட்சி தொடங்கியதும் அரவணைத்தவர்கள் மார்க்சிய, பெரியாரிய, அம்பேத்கரிஸ்டுகள் தான்.

* திராவிடம், பெரியாரை ஒழிக்கும் திட்டத்தை கைவிட்டு காலத்திற்கேற்ப சீமான் செயல்பட வேண்டும்.

* பகைவர் சூழ்ச்சிக்கு பலியாகாமல் நட்பு முரணோடு சீமான் கைகோர்த்து தமிழ் தேசியம் வெல்ல கேட்டுக்கொள்கிறேன் என்று கூறினார்.

தந்தை பெரியார் குறித்து சர்ச்சைக்குரிய வகையில் நாம் தமிழர் கட்சியின் ஒருங்கிணைப்பாளர் சீமான் பேசியதற்கு பல்வேறு தரப்பினர் கடும் கண்டனம் தெரிவித்து வருகின்றனர்.

இந்நிலையில், பெரியார் குறித்து சீமான் அநாகரீகமாக பேசியது தொடர்பாக எடப்பாடி பழனிசாமியிடம் செய்தியாளர்கள் கேள்வி எழுப்பினர்.

அதற்கு பதில் அளித்த அவர், "இது வருத்தத்திற்கு உரியது. ஒரு இறந்த பெருந்தலைவரை பற்றி அவதூறாக பேசுவது ஏற்றுக்கொள்ள முடியாது. அவர் வாழ்ந்த காலத்தில் பாமர மக்களுக்கு அவரால் ஏற்பட்ட நன்மைகள் ஏராளம்.

அந்த காலகட்டத்தில் தாழ்த்தப்பட்ட, பிற்படுத்தப்பட்ட மக்கள் பெரியாரால் ஏற்றம் பெற்றனர். அதை எல்லாம் நாம் மறந்து விட கூடாது. யாராக இருந்ததாலும் பெரியாரை அவதூறாக பேசுவதை ஏற்றுக்கொள்ள முடியாது. இவ்வாறு பேசுவது சரியல்ல" என்று தெரிவித்தார்.

சென்னை:

பெரியாரை கடுமையாக விமர்சித்ததால் சீமானுக்கு எதிராக போலீஸ் நிலையங்களில் புகார்கள் குவிந்து வருகிறது. இதுவரை சீமான் மீது 62 வழக்குகள் பதிவாகி உள்ளன.

இந்நிலையில் நாம் தமிழர் கட்சியின் ஒருங்கிணைப்பாளர் சீமான் மீது சென்னையில் மேலும் 3 வழக்குகள் பதிவு செய்யப்பட்டுள்ளது.

திராவிட கழகம், திராவிட விடுதலைக்கழகம், வீரலட்சுமி ஆகியோர் அளித்த புகார்களின் அடிப்படையில் சீமான் மீது வழக்குப்பதிவு செய்யப்பட்டுள்ளது.

சென்னை கிழக்கு சைபர் கிரைம், மேற்கு சைபர் கிரைம், சிசிபி ஆகிய இடங்களில் அளிக்கப்பட்ட புகாரின்படி வழக்குப்பதிவு செய்யப்பட்டுள்ளது.

தந்தை பெரியார் திராவிடர் கழகம் அளித்த புகாரின் பேரில் 2 வழக்குகள் பதிவு செய்யப்பட்டுள்ளது. வீரலட்சுமி அளித்த புகாரின் பேரில் ஒரு வழக்கு பதிவு செய்யப்பட்டுள்ளது.

திருவாரூர்:

திருவாரூர் மாவட்ட திராவிடர் கழக மாவட்ட தலைவர் கிருஷ்ணமூர்த்தி தலைமையில் நிர்வாகிகள் திருவாரூர் மாவட்ட சைபர் கிரைம் போலீஸ் நிலையத்தில் புகார் மனு அளித்துள்ளனர். அந்த மனுவில் கூறியிருப்பதாவது:-

நாம் தமிழர் கட்சியின் தலைமை ஒருங்கிணைப்பாளர் சீமான், பெரியார் கூறியதாக சில சர்ச்சையான கருத்துக்களை தெரிவித்துள்ளார். அவர் கூறியது போல், எந்த ஒரு சர்ச்சையான கருத்துக்களையும் பெரியார் எழுதியதும் இல்லை, பேசியதும் இல்லை.

இந்த நிலையில் பெரியாரின் நன்மதிப்பையும், அவரது புகழையும் குறைக்கும் வகையில் எந்த ஒரு ஆதாரமும் இன்றி, தரவுகளும் இன்றி நாம் தமிழர் கட்சியின் தலைமை ஒருங்கிணைப்பாளர் சீமான் பேட்டி அளித்துள்ளார்.

சீமானின் இந்த பேச்சு பெரியாரின் புகழை சீர்குலைப்பது மட்டுமின்றி, தமிழகத்தில் நிலவும் சட்டம் ஒழுங்கை சீர்குலைக்கவும் திட்டமிட்டு பேசியதாக தெரிகிறது.

எனவே, சீமான் மீது உரிய சட்ட நடவடிக்கை எடுக்க வேண்டும். இவ்வாறு அந்த மனுவில் கூறப்பட்டுள்ளது.

இந்த புகாரின் பேரில், ஆதாரமற்ற தரவுகளை கொண்டு அவதூறாக பேசியது மற்றும் சட்டம் ஒழுங்கை சீர்குலைக்கும் வகையில் பேசியதாக 2 பிரிவுகளின் கீழ் நாம் தமிழர் கட்சியின் தலைமை ஒருங்கிணைப்பாளர் சீமான் மீது சைபர் கிரைம் போலீசார் வழக்குபதிவு செய்துள்ளனர்.

இதேபோல், திராவிடர் விடுதலை கழக நிர்வாகி செந்தில், திருவாரூர் டவுன் போலீசில் புகார் கொடுத்தார். அந்த புகாரில், பெரியார் குறித்து அவதூறாக பேசிய நாம் தமிழர் கட்சியின் தலைமை ஒருங்கிணைப்பாளர் சீமான் மீது நடவடிக்கை எடுக்க வேண்டும் என தெரிவித்திருந்தார். அதன் பேரில் சீமான் மீது போலீசார் வழக்குப்பதிவு செய்துள்ளனர்.