நீங்கள் தேடியது "aluminum wires"

முக்கூடல்:

பாப்பாக்குடி மின்வாரியத்தில் அலுமினிய மின் கம்பிகள் வைக்கப்பட்டுள்ளது. இங்கிருந்த ரூ. 80 ஆயிரம் மதிப்புள்ள கம்பிகள் சம்பவத்தன்று திருட்டு போனது.

இது தொடர்பாக உதவி மின் பொறியாளர் பரிமளாதேவி பாப்பாக்குடி போலீசில் புகார் செய்தார். அதன்பேரில் போலீசார் விசாரணை நடத்தினர்.

அதில் அலுமினிய கம்பிகளை பாப்பாக்குடி சமத்துவபுரத்தை சேர்ந்த சுதாகர், குமாரசாமிபுரம் மாரியப்பன், பனையங்குறிச்சியைச் சேர்ந்த முருகன், பழைய இரும்பு வியாபாரி கணேசன் ஆகியோர் திருடியது தெரியவந்தது.

இதைத்தொடர்ந்து அவர்கள் 4 பேரையும் போலீசார் கைது செய்தனர். மேலும் கடத்தலுக்கு பயன்படுத்திய ஆட்டோவை பறிமுதல் செய்தனர். இது தொடர்பாக மேலும் ஒருவரை தேடி வருகின்றனர்.

மதுரை

மதுரை முத்துப்பட்டி மெயின் ரோடு, டி.வி.எஸ். நகர் பகுதியில் தமிழ்நாடு மின்சார வாரிய உதவி பொறியாளர் (பகிர்மானம்) அலுவலகம் செயல்பட்டு வருகிறது.

இந்த அலுவலக வளாத்திற்குள் மர்ம நபர்கள் அத்துமீறி சென்று அலுமினிய கம்பி திருடி செல்வது தெரியவந்தது. இதுபற்றி மின்வாரிய உதவி பொறியாளர் தனமூர்த்தி இது தொடர்பாக சுப்பிர மணியபுரம் போலீசில் புகார் செய்தார். இதில் தொடர்புடைய குற்றவா ளிகளை உடனடியாக கைது செய்ய வேண்டும் என்று மாநகர போலீஸ் கமிஷனர் செந்தில்குமார் உத்தரவிட்டார்.

இதன்படி மாநகர தெற்கு துணை கமிஷனர் சீனிவாச பெருமாள், திடீர் நகர் உதவி கமிஷனர் ரவீந்திர பிரகாஷ் ஆலோசனை பேரில், சுப்பிரமணியபுரம் குற்றப்புலனாய்வு பிரிவு போலீஸ் இன்ஸ்பெக்டர் சங்கீதா தலைமையில் தனிப்படை அமைக்கப்பட்டது.

இந்த தனிப்படை போலீசார் மின்வாரிய அலுவலகத்தில் உள்ள சி.சி.டி.வி. கண்காணிப்பு காமிரா பதிவுகளை ஆய்வு செய்தனர்.

இதில் அலுமினிய கம்பிகளை ஒரு பெண் திருடி செல்லும் காட்சி பதிவாகி இருந்தது. அதில் இருக்கும் பெண்ணை விசாரணை நடத்திய போது அவனியாபுரம் ஜீவா நகர் தமிழ்நாடு வீட்டு வசதி வாரிய குடியிருப்பு காலனியைச் சேர்ந்த அயில் என்பவர் மனைவி பஞ்சவர்ணம் (வயது 57) என்று தெரிய வந்தது. அவரை போலீசார் விசாரணை நடத்தினர். அப்போது அவர் திருடிய 12 கிலோ அலுமினிய கம்பிகள் பறிமுதல் செய்யப்பட்டது.

இது தொடர்பாக போலீசார் வழக்குப்பதிவு செய்து மின்வாரிய அலுவலகத்தில் திருடிய பஞ்சவர்ணத்தை கைது செய்தனர்.