நீங்கள் தேடியது "Cricket Australia"

ஆஸ்திரேலியாவின் விக்கெட் கீப்பர் பேட்ஸ்மேனான மேத்யூ வேட் சர்வதேச கிரிக்கெட்டில் இருந்து ஓய்வு பெற்றுள்ளார்.

ஆஸ்திரேலிய அணியில் கடந்த 2011-ல் அறிமுகம் ஆன மேத்யூ வேட் 36 டெஸ்ட், 97 ஒருநாள், 92 டி20 சர்வதேச போட்டிகளில் விளையாடியுள்ளார்.

கடைசியாக அமெரிக்கா மற்றும் வெஸ்ட் இண்டீசில் நடைபெற்ற டி20 உலகக் கோப்பையில் விளையாடினார்.

ஓய்வு குறித்து மேத்யூ வேட் கூறியதாவது:-

கடந்த டி20 உலகக் கோப்பையின் முடிவில் சர்வதேச போட்டியில் விளையாடுவதற்கான எனது நாட்கள் முடிந்துவிட்டதாக நான் முழுமையாக அறிந்தேன். என்னுடைய ஓய்வு மற்றும் பயற்சியாளர் பதவி உள்ளிட்டவைகள் குறித்து ஜார்ஜ் பெய்லி மற்றும் ஆண்ட்ரூ மெக்டொனால்டு ஆகியோரிடம் கடந்த ஆறு மாதங்களாக ஆலோசனை நடததி வந்தேன்.

பயிற்சியாளர் என்பது எனது பார்வையில் கடந்த சில ஆண்டுகளாக இருந்து வந்தது. தற்போது அந்த வாய்ப்பு அளித்ததற்கு நன்று தெரிவித்துக் கொள்கிறேன். பிக்பாஷ் உள்ளிட்ட பிரான்சிஸ் லீக் போட்டிகளில் விளையாடுவேன்.

இவ்வாறு மேத்யூ வேட் தெரிவித்துள்ளார்.

மேத் வேட் ஆஸ்திரேலிய அணியின் கோச்சிங் ஸ்டாஃப் ஆக பணியாற்ற இருக்கிறார்.

இந்தியா -பாகிஸ்தான் ஆகிய அணிகள் ஐசிசி தொடர்களில் மட்டுமே விளையாடி வருகிறது. இரு அணிகளும் இருதரப்பு தொடரில் விளையாடுவது இல்லை.

இந்நிலையில் இரு அணிகளுக்கு இடையேயான இரு தரப்பு தொடரை ஆஸ்திரேலியாவில் நடத்த அந்நாட்டு கிரிக்கெட் வாரிய தலைவர் ஹாக்லி விருப்பம் தெரிவித்துள்ளது.

இது குறித்து அவர் கூறியதாவது:-

இது தொடர்பான முறையான ஆலோசனைகளை நடத்தவில்லை. ஆனால் இந்தியா- பாகிஸ்தான் அணிகளுக்கு இடையேயான இருதரப்பு தொடருக்கு உதவுவதிலும், எளிதாக்குவதிலும் எங்களால் ஒரு பங்கை ஆற்ற முடிந்தால், அதைச் செய்வதில் நாங்கள் மிகவும் மகிழ்ச்சியடைவோம்.

அனைத்து அணிகளும் இருதரப்பு தொடர்களிலும் விளையாட வேண்டும் என்பதை உறுதி செய்வதே உலக கிரிக்கெட்டுக்கான சவால் என்று நான் நினைக்கிறேன். உலக டெஸ்ட் சாம்பியன்ஷிப் (WTC) தொடரில் நிறைய டெஸ்ட் போட்டிகளில் விளையாடி இறுதிப் போட்டிக்கு இரு அணிகள் முன்னேறும். அதுபோல ஒவ்வொரு தொடரிலும் இருக்க வேண்டும்.

வெள்ளை பந்து தொடருக்கும் இதே போன்ற ஒன்று தேவை. தரவரிசை மற்றும் இதர வழிகள் முறையே உலகக் கோப்பைகளுக்கான தகுதி இருக்க வேண்டும்.

மேலும் இந்தியா - பாகிஸ்தான் போட்டிகளுக்கு எப்போதும் நல்ல வரவேற்பு இருக்கும். 3 அணிகளுக்கு இடையே முத்தரப்பு தொடர் நடத்த நாங்கள் தயாராக இருக்கிறோம். ஆனால் இறுதி முடிவு இரு கிரிக்கெட் வாரியங்களின் கையில்தான் உள்ளது.

என்று நிக் ஹாக்லி கூறினார்.

ஆஸ்திரேலிய கிரிக்கெட் அணியின் ஆல்-ரவுண்டர், 35 வயதான க்ளென் மேக்ஸ்வெல் (Glenn Maxwell).

2012ல் இருந்து அனைத்து வடிவ கிரிக்கெட்டிலும் சிறப்பான ஆட்டத்தை வெளிப்படுத்தியவர் மேக்ஸ்வெல்.

கடந்த 2023 நவம்பர் மாதம் இந்தியாவில் நடைபெற்ற ஐசிசி உலக கோப்பை ஆண்கள் ஒரு நாள் கிரிக்கெட் போட்டி தொடரில் அதிவேக இரட்டை சதம் அடித்தார்.

2022ல் கால்முறிவின் காரணமாக 3 மாதங்களுக்கும் மேல் விளையாடாமல் இருந்தார்.

சென்ற வருடம் க்ளென் தொடர்ச்சியாக பல காயங்களை சந்தித்தார். அகமதாபாத் நகரில் கீழே விழுந்ததில் ரத்த கட்டு ஏற்பட்டது.

ஆனாலும், உலக கோப்பை போட்டிகளில் சிறப்பாக விளையாடினார். இறுதி போட்டியில் ஆஸ்திரேலியாவின் வெற்றிக்கு வழிவகுத்த இறுதி ரன்களை எடுத்தவர் க்ளென் என்பது குறிப்பிடத்தக்கது.

இந்நிலையில், ஆஸ்திரேலியாவின் அடிலெய்ட் நகரில் நடைபெற்ற ஒரு இரவு விருந்தில் கலந்து கொண்டு மது அருந்தினார். பிறகு முன்னாள் ஆஸ்திரேலிய வேக பந்து வீச்சாளர் ப்ரெட் லீ நடத்தி வரும் "சிக்ஸ் அண்ட் அவுட்" எனும் இசைக்குழுவின் கச்சேரியை ரசித்து கொண்டிருந்தார்.

அப்போது திடீரென அவருக்கு உடல்நல குறைவு ஏற்பட்டது. இதையடுத்து, உடனடியாக அவர் ராயல் அடிலெய்ட் (Royal Adelaide) மருத்துவமனையில் அனுமதிக்கப்பட்டார்.

சில மணி நேரங்களில் அவர் டிஸ்சார்ஜ் செய்யப்பட்டார்.

இந்நிலையில், அதிக மது அருந்தியதால் அவருக்கு உடல்நல குறைவு ஏற்பட்டதா அல்லது வேறு ஏதேனும் காரணமா என கண்டறிய ஆஸ்திரேலிய தேசிய கிரிக்கெட் அமைப்பான கிரிக்கெட் ஆஸ்திரெலியா (Cricket Australia), இச்சம்பவம் குறித்து விசாரணைக்கு உத்தரவிட்டுள்ளது.

மார்ச் மாதம் ஐக்கிய அரபு எமிரேட்ஸில் நடைபெறவிருந்த ஆப்கானிஸ்தானுக்கு எதிரான 3 போட்டிகள் கொண்ட ஒருநாள் தொடரில் இருந்து ஆஸ்திரேலியா விலகியுள்ளது. அரசாங்கம் உட்பட முக்கிய பங்குதாரர்களுடன் கலந்துரையாடிய பின்னர் ஆஸ்திரேலியா கிரிக்கெட் வாரியம் அறிக்கையை வெளியிட்டது.

ஆப்கானிஸ்தானில் பெண்கள் மற்றும் பெண்களின் கல்வி மற்றும் வேலைவாய்ப்பில் மேலும் கட்டுப்பாடுகள் குறித்த ஆளும் தலிபான்களின் அறிவிப்பைத் தொடர்ந்து இந்த முடிவு எடுக்கப்பட்டதாக ஆஸ்திரேலியா கிரிக்கெட் வாரியம் தனது அறிக்கையில் தெரிவித்துள்ளது.

ஆப்கானிஸ்தான் அரசின் கொள்கைகளுக்கு எதிராக ஆஸ்திரேலியா கடுமையான நிலைப்பாட்டை எடுப்பது இது முதல் முறையல்ல. செப்டம்பர் 2021-இல் ஆப்கானிஸ்தானில் தலிபான் ஆட்சிக்கு வந்தது. விரைவில், விளையாட்டில் பெண்கள் பங்கேற்பதற்கு கட்டுப்பாடுகளை விதித்தது. அதற்கு ஆஸ்திரேலியா கண்டனம் தெரிவித்தது. பின்னர் அந்த ஆண்டு நவம்பரில் ஹோபார்ட்டில் நடைபெறவிருந்த ஒரே ஒரு டெஸ்ட் போட்டியை வாரியம் ரத்து செய்தது.

தொடரில் இருந்து விலகுவதன் மூலம், ஆஸ்திரேலியாவின் சுழற்சிக்கான கடைசி ஒதுக்கீட்டில் வழங்கப்பட்ட 30 ஒருநாள் சூப்பர் லீக் புள்ளிகளை ஆப்கானிஸ்தானுக்கு ஆஸ்திரேலியா வழங்கும். ஆனால் இந்த ஆண்டு அக்டோபர்-நவம்பரில் இந்தியாவில் நடைபெறும் 50 ஓவர் உலகக் கோப்பைக்கு ஏற்கனவே தகுதி பெற்றுள்ள நிலையில், ஐந்து முறை சாம்பியனான புள்ளிகள் இழப்பால் பாதிக்கப்படாது.

இந்த வார இறுதியில் தொடங்கும் முதல் மகளிர் 19 வயதுக்குட்பட்ட உலகக் கோப்பையில் பெண்கள் அணி இல்லாத மற்றும் பிரதிநிதி பங்கேற்கும் அணி இல்லாத ஒரே முழு உறுப்பினர் நாடாக ஆப்கானிஸ்தான் குறிப்பிடத்தக்கது.

ஆஸ்திரேலியாவில் டி20 உலகக் கோப்பை கிரிக்கெட் தொடர் நடைபெற்று வருகிறது. உலகக் கோப்பையை வெல்லும் அணிகளில் ஒன்றாக கருதப்பட்டது ஆஸ்திரேலியா. முதல் போட்டியில் நியூசிலாந்திடம் தோல்வியடைந்தது. இங்கிலாந்துக்கு எதிரான போட்டி மழையால் கைவிடப்பட்டதால் அரையிறுதிக்கான வாய்பை இழந்து, ஏமாற்றத்துடன் தொடக்க சுற்றோடு வெளியேறியது.

நடப்பு சாம்பியனான ஆஸ்திரேலியா முதல் சுற்றோடு வெளியேறியது அந்த அணியின் ரசிகர்களுக்கு ஏமாற்றம்தான். இருந்தாலும், அதையே நினைத்துக் கொண்டிருக்க முடியாது என்பதுபோல் அடுத்து வரும் இங்கிலாந்து, வெஸ்ட் இண்டீஸ் தொடருக்கான அணியை அறிவித்துள்ளது ஆஸ்திரேலியா.

இங்கிலாந்துக்கு எதிராக ஒருநாள் கிரிக்கெட் தொடரில் விளையாடுகிறது. இதற்கான அணியின் கேப்டனாக பேட் கம்மின்ஸ் சேர்க்கப்பட்டுள்ளார். டிராவிஸ் ஹெட்டிற்கும் அணியில் இடம் கிடைத்துள்ளது. ஆரோன் பிஞ்ச் ஓய்வு கேட்டதால் இடம் பெறவில்லை. அதிரடி வீரர் மார்கஸ் ஸ்டாய்னிஸ் அணியில் இடம் பிடித்துள்ளார்.

வெஸ்ட் இண்டீஸ் அணிக்கெதிரான டெஸ்ட் தொடருக்கான ஆஸ்திரேலிய அணியில் சீன் அபாட் சேர்க்கப்பட்டுள்ளார்.

கேமரூன் க்ரீன் இரண்டு தொடரிலும் இடம் பிடித்துள்ளார்.

இங்கிலாந்து தொடருக்கான அணி: பேட் கம்மின்ஸ் (கேப்டன்), அஷ்டோன் அகர், ஆலெக்ஸ் கேரி, கேமரூன் க்ரீன், ஜோஷ் ஹசில்வுட், டிராவிட் ஹெட், மார்னஸ் லாபஸ்சேன், மிட்செல் மார்ஷ், கிளென் மேக்ஸ்வெல், ஸ்டீவ் ஸ்மித், மிட்செல் ஸ்டார்க், மார்க்ஸ் ஸ்டாய்னிஸ், டேவிட் வார்னர், ஆடம் ஜம்பா

வெஸ்ட் இண்டீஸ் தொடருக்கான ஆஸ்திரேலிய டெஸ்ட் அணி:

பேட் கம்மின்ஸ், ஸ்காட் போலந்து, அலேக்ஸ் கேரி, கேமரூன் க்ரீன், மார்கஸ் ஹாரிஸ், ஜோஷ் ஹசில்வுட், டிராவிஸ் ஹெட், உஸ்மான் கவாஜா, மார்னஸ் லாபஸ்சேன், நாதன் லயன், ஸ்டீவ் ஸ்மித், மிட்செல் ஸ்டார்க், டேவிட் வார்னர்.