நீங்கள் தேடியது "Gautam Gambhir"

இந்திய டெஸ்ட் கிரிக்கெட் அணி ஐந்து போட்டிகள் கொண்ட டெஸ்ட் தொடரில் விளையாடுவதற்காக ஆஸ்திரேலியா சென்றுள்ளது. இரு அணிகளுக்கும் இடையில் பெர்த் நகரில் நடைபெற்ற முதல் டெஸ்ட் போட்டியில் இந்தியா 295 ரன்கள் வித்தியாசத்தில் அபார வெற்றி பெற்றது.

அடுத்த டெஸ்ட் போட்டி டிசம்பர் 6-ந்தேதி அடிலெய்டில் தொடங்குகிறது. இது பகல்-இரவு பிங்க் பால் டெஸ்ட் போட்டியாகும். இதற்கு முன்னதாக இரண்டு நாட்கள் கொண்ட பிங்க் பால் பயிற்சி ஆட்டம் ஒன்றில் இந்தியா விளையாடுகிறது. இந்த போட்டி வருகிற 30-ந்தேதி கான்பெர்ராவில் தொடங்குகிறது.

இந்த நிலையில் இந்திய அணியின் தலைமை பயிற்சியாளரான கவுதம் கம்பீர் அவசரமாக இந்தியா திரும்புகிறார். குடும்பம் தொடர்பான தனிப்பட்ட எமர்ஜென்சி காரணமாக நாடு திரும்புவதாக தகவல் வெளியாகியுள்ளது.

இதனால் டிசம்பர் 30-ந்தேதி தொடங்கும் பயிற்சி ஆட்டத்தின்போது அவர் அணியுடன் இருக்கமாட்டார். அதேவேளையில் டிசம்பர் 6-ந்தேதி நடைபெற இருக்கும் பிங்க் பால் போடடியின்போது அணியுடன் இணைந்து கொள்வார் எனத் தெரிவிக்கப்பட்டுள்ளது.

இன்று காலை ஆஸ்திரேலியாவில் இருந்து இந்தியா புறப்பட்டுள்ளார். இந்திய அணி புதன்கிழமை கான்பெர்ரா புறப்படுகிறது. ஆஸ்திரேலியா பிரதமர் அந்தோணி அல்பானீஸ் இந்திய அணிக்கு விருந்து அளிக்கிறார். இதில் அனைத்து வீரர்களும் கலந்து கொள்வார்கள் என எதிர்பார்க்கப்படுகிறது.

இந்திய அணி பிரதமர் லெவன் அணிக்கு எதிராக பயிற்சி ஆட்டத்தில் விளையாடுகிறது. பிரதமர் லெவன் அண முற்றிலும் இளைஞர்களை கொண்டதாகும். இந்த பயிற்சி ஆட்டம் இந்திய அணிக்கு அடிலெய்டு டெஸ்டிற்கு உதவிகரமாக இருக்கும் என எதிர்பார்க்கப்படுகிறது.

நியூசிலாந்துக்கு எதிரான டெஸ்ட் தொடரை 0-3 என இந்தியா இழந்ததோடு, முதன்முறையாக 2 போட்டிக்கு அதிகமான போட்டிகள் கொண்ட தொடரில் சொந்த மண்ணில் ஒயிட்வாஷ் ஆனது.

இந்த தோல்விக்குப் பிறகு இந்திய அணி ஆஸ்திரேலியாவில் சுற்றும் பயணம் செய்து ஐந்து போட்டிகள் கொண்ட டெஸ்ட் தொடரில் விளையாடுகிறது. இந்த தொடரை 4-1 என கைப்பற்றினால்தான் ஐசிசி உலக டெஸ்ட் சாம்பியன்ஷிப் இறுதிப் போட்டிக்கு தகுதி பெற முடியும். இந்தியா- ஆஸ்திரேலியா தொடர் வருகிற 22-ந்தேதி தொடங்குகிறது.

இதற்காக இந்திய அணி ஆஸ்திரேலியாவுக்கு புறப்பட்டு சென்றுள்ளது. அதற்கு முன் இந்திய அணியின் தலைமை பயிற்சியாளர் கவுதம் கம்பீர் செய்தியாளர்களுக்கு பதில் அளித்தார்.

அப்போது ரிக்கி பாண்டிங் இந்திய அணி கேப்டன் ரோகித் சர்மா மற்றும் விராட் கோலியை விமர்சிப்பதற்கு பதிலாக ஆஸ்திரேலியா அணி மீது கவனம் செலுத்தவும் எனத் தெரிவித்திருந்தார்.

இந்த நிலையில் கவுதம் கம்பீருக்கு ரிக்கி பாண்டிங் பதில் அளித்துள்ளார். "என்னுடைய கருத்துக்கு கவுதம் கம்பீரின் எதிர்வினையை படித்து ஆச்சர்யப்பட்டேன். இருந்தபோதிலும், இந்திய அணியின் தலைமை பயிற்சியாளரான கவுதம் கம்பீர், மிகவும் எளிதாக நிதானத்தை இழக்கும் கேரக்டர் (prickly character). ஆகவே, திருப்பிச் சொன்னதில் எனக்கு என்ற ஆச்சர்யமும் இல்லை" என்றார்.

விராட் கோலி கடந்த சில வருடங்களில் 2 இரண்டு டெஸ்ட் சதங்கள் மட்டுமே அடித்துள்ளார். மற்றொரு வீரராக இருந்திருந்தால் இந்திய அணியில் இடம் பிடித்திருக்கமாட்டார் என ரிக்கி பாண்டிங் தெரிவித்திருந்தார் என்பது குறிப்பிடத்தக்கது.

இந்திய அணியின் தலைமை பயிற்சியாளர் கம்பீர் நேற்று நிருபர்களின் கேள்விகளுக்கு அதிரடி தொனியில் வெளிப்படையாக பதில்கள் அளித்தார். ஆஸ்திரேலிய முன்னாள் கேப்டன் ரிக்கி பாண்டிங்கை பகிரங்கமாக சாடினார்.

இந்த நிலையில் கம்பீருக்கு பொதுவெளியில் வார்த்தைகளை எப்படி பயன்படுத்த வேண்டும் என்பது தெரியவில்லை. அதனால் அவரை செய்தியாளர்கள் சந்திப்புக்கு அனுப்பாதீர் என இந்திய முன்னாள் வீரரும், வர்ணனையாளருமான சஞ்சய் மஞ்ச்ரேக்கர் இந்திய கிரிக்கெட் வாரியத்தை கேட்டுக் கொண்டுள்ளார்.

இது தொடர்பாக மஞ்ச்ரேக்கர் தனது எக்ஸ் தள பதிவில், 'கம்பீரின் செய்தியாளர் சந்திப்பை இப்போது தான் பார்த்தேன். அவரை இது போன்ற பணியில் இருந்து விலக்கி வைப்பது தான் கிரிக்கெட் வாரியத்துக்கு நல்லது. அவர் அணிக்கு பின்னணியில் இருந்து மட்டும் வேலை பார்க்கட்டும்.

செய்தியாளர்களுடன் உரையாடும் போது, அவரது நடத்தை, வார்த்தைகள் மெச்சும்படி இல்லை. இந்திய கேப்டன் ரோகித் சர்மா, தேர்வு குழு தலைவர் அகர்கர் ஊடகத்தினரை எதிர்கொள்வதில் திறமையானர்கள்' என்று குறிப்பிட்டுள்ளார்.

இந்தியாவில் சமீபத்தில் நடைபெற்ற நியூசிலாந்துக்கு எதிரான டெஸ்ட் தொடரை இந்தியா 0-3 இழந்து ஒயிட்வாஷ் ஆனது. இதில் சீனியர் வீரர்களான ரோகித் சர்மா, விராட் கோலி குறிப்பிடத்தகுந்த வகையில் சிறப்பாக விளையாடவில்லை.

இதனால் தலைமை பயிற்சியாளர்கள் கவுதம் கம்பீர், ரோகித் சர்மா, விராட் கோலி உள்ளிட்டோர் மீது கடுமையான விமர்சனம் வைக்கப்பட்டு வருகிறது.

இந்தியா ஆஸ்திரேலியாவுக்கு எதிராக ஐந்து போட்டிகள் கொண்ட ஆலன் பார்டர்- கவாஸ்கர் தொடரில் விளையாடுவதற்காக ஆஸ்திரேலியா புறப்பட்டுள்ளது. இந்த தொடரில் ரோகித் மற்றும் விராட் கோலி சரியாக விளையாடவில்லை என்றால் ஓய்வு பெறும் நிலைக்கு தள்ளப்படுவார்கள் என கிரிக்கெட் விமர்சகர்கள் கருத்து தெரிவித்துள்ளனர்.

ஆஸ்திரேலியாவின் முன்னாள் கேப்டன் ரிக்கி பாண்டிங் "கடந்த ஐந்து ஆண்டுகளில் விராட் கோலி இரண்டு சதங்கள் மட்டுமே அடித்துள்ளார். மற்றொரு வீரராக இருந்திருந்தால் இந்திய அணியில் இடம் பிடித்திருக்கமாட்டார்" என கோலியின் ஃபார்ம் குறித்து விமர்சித்திருந்தார்.

இந்த நிலையில்தான் கவுதம் கம்பீர் பதில் கொடுத்துள்ளார். "இந்திய கிரிக்கெட் அணியுடன் ரிக்கி பாண்டிற்கு என்ன தொடர்பு?. ரோகித் சர்மா மற்றும் விராட் கோலிக்கு எதுவாக இருந்தாலும் சரி. அதைப்பற்றி கவலைப்படாமல், அவர் ஆஸ்திரேலியா கிரிக்கெட் பற்றி சிந்திக்க வேண்டும்.

அவர்கள் (விராட் கோலி, ரோகித் சர்மா) நம்பமுடியாத வகையில் கடினமான மனிதர்கள். இந்திய கிரிக்கெட்டிற்காக ஏராளமான சாதனைகளை இருவரும் படைத்துள்ளனர். அதேபோல் வரும் காலத்திலும் அதுபோன்ற சாதனையை தொடருவார்கள்.

அவர்கள் இன்னும் பேரார்வத்துடன் இந்திய அணிக்காக பல சாதனைகள் படைக்க வேண்டும் என இருக்கிறார்கள். இது முக்கியமான விசயம்" என்றார்.

2024-ல் விராட் கோலி 6 போட்டிகளில் 12 இன்னிங்சில் 250 ரன்கள் அடித்துள்ளார். சராசரி 22.72 ஆகும். ரோகித் சர்மா 11 போட்டிகளில் 588 ரன்கள் அடித்துள்ளார். சராசரி 29.40 ஆகும். இரண்டு சதங்கள் இதில் அடங்கும்.

ஐந்து போட்டிகள் கொண்ட டெஸ்ட் கிரிக்கெட் தொடரில் விளையாடுவதற்காக இந்திய அணி இன்று ஆஸ்திரேலியா புறப்பட்டு சென்றது. இதற்கு முன்னதாக இந்திய அணியின் தலைமை பயிற்சியாளர் கவுத் கம்பீர் செய்தியாளர்களுக்கு பேட்டி அளித்தார்.

அப்போது கவுதம் கம்பீர் கூறியதாவது:-

தற்போது வரை ரோகித் சர்மா இடம் பெறுவாரா? இல்லையா? என்பது உறுதிப்படுத்தப்படவில்லை. அவர் முதல் டெஸ்டில் இடம் பெறுவார் என்ற நம்பிக்கை உள்ளது. ரோகித் சர்மா இல்லை என்றால் முதல் டெஸ்ட் தொடங்குவதற்கு முன் முடிவு எடுப்போம்.

கே.எல். ராகுல் உள்ளார். அபிமன்யூ ஈஸ்வரன் உள்ளார். சிறந்த ஆடும் லெவன் அணியை தேர்வு செய்து விளையாட முயற்சிப்போம். பும்ரா தற்போது துணை கேப்டனாக உள்ளார். ரோகித் சர்மா இல்லை என்றால், பும்ரா கேப்டனாக செயல்படுவார்.

இவ்வாறு கம்பீர் தெரிவித்துள்ளார்.

டி20 உலகக்கோப்பைக்கு பிறகு இந்திய அணியின் தலைமைப் பயிற்சியாளராக கவுதம் கம்பீர் நியமிக்கப்பட்டார். அவர் பயிற்சியாளராக பொறுப்பேற்ற பிறகு இந்திய அணி தொடர்ந்து தடுமாற்றங்களை சந்தித்து வருகிறது.

இலங்கைக்கு எதிரான ஒருநாள் தொடரில் இந்திய அணி 27 ஆண்டுகளுக்குப் பிறகு தோல்வியை சந்தித்தது. தற்போது நியூசிலாந்துக்கு எதிரான 3 டெஸ்டிலும் தோற்று ஒயிட்வாஷ் ஆனது.

சொந்த மண்ணில் ஏற்பட்ட இந்த படுதோல்வியால் பயிற்சியாளர் கம்பீர் கடும் விமர்சனத்துக்கு உள்ளாகி இருக்கிறார். அவருக்கு நெருக்கடி ஏற்பட்டுள்ளது.

நியூசிலாந்திடம் முழுமையாக தோற்றதால் ஆஸ்திரேலிய சுற்றுப்பயணதில் இந்திய அணி 5 டெஸ்டில் 4-ல் வெல்ல வேண்டும். அப்படி நிகழாவிட்டால் உலக டெஸ்ட் சாம்பியன்ஷிப் இறுதிப்போட்டிக்கு தொடர்ந்து 3-வது முறையாக முன்னேற இயலாது. இதனால் ஆஸ்திரேலிய தொடர் கம்பீரின் தலை விதியை நிர்ணயம் செய்யும் என்று சொல்லப்படுகிறது.

நியூசிலாந்து டெஸ்ட் தொடரின் படுதோல்விக்கு பிறகு பிசிசிஐ தலைமையில் நீண்ட நேரம் ரிவ்யூ மீட்டிங் நடந்தது. இந்த மீட்டிங்கில் கம்பீர் மற்றும் ரோகித்தை தேர்வுக்குழு தலைவர்கள் கடுமையாக விமர்சித்ததாக சொல்லப்படுகிறது.

நியூசிலாந்து அணிக்கு எதிரான 3 ஆவது டெஸ்ட் போட்டியின் தோல்விக்கு பிறகு செய்தியாளர்களை சந்தித்து பேசாத இந்திய கிரிக்கெட் அணியின் தலைமைப் பயிற்சியாளர் கவுதம் கம்பீர் மும்பையில் நாளை காலை 9 மணிக்கு செய்தியாளர்களை சந்தித்து பேச இருக்கிறார்.

ஆஸ்திரேலியாவில் பார்டர் கவாஸ்கர் கோப்பை தொடர் விரைவில் தொடங்க இருப்பதால் இச்சந்திப்பு முக்கியத்துவம் வாய்ந்ததாக பார்க்கப்படுகிறது.

புதுடெல்லி:

டி20 உலகக்கோப்பைக்கு பிறகு இந்திய அணியின் தலைமைப் பயிற்சியாளராக கவுதம் காம்பீர் நியமிக்கப்பட்டார். அவர் பயிற்சியாளராக பொறுப்பேற்ற பிறகு தொடர்ந்து தடுமாற்றங்களை சந்தித்து வருகிறார்.

இலங்கைக்கு எதிரான ஒருநாள் தொடரில் இந்திய அணி 27 ஆண்டுகளுக்குப் பிறகு தோல்வியை சந்தித்தது. தற்போது நியூசிலாந்துக்கு எதிரான 3 டெஸ்டிலும் தோற்று ஒயிட்வாஷ் ஆனது.

சொந்த மண்ணில் ஏற்பட்ட இந்த படுதோல்வியால் பயிற்சியாளர் காம்பீர் கடும் விமர்சனத்துக்கு உள்ளாகி இருக்கிறார். அவருக்கு நெருக்கடி ஏற்பட்டுள்ளது.

நியூசிலாந்திடம் முழுமையாக தோற்றதால் ஆஸ்திரேலிய சுற்றுப்பயணதில் இந்திய அணி 5 டெஸ்டில் 4-ல் வெல்ல வேண்டும். அப்படி நிகழாவிட்டால் உலக டெஸ்ட் சாம்பியன்ஷிப் இறுதிப்போட்டிக்கு தொடர்ந்து 3-வது முறையாக முன்னேற இயலாது. இதனால் ஆஸ்திரேலிய தொடர் காம்பீரின் தலை விதியை நிர்ணயம் செய்யும்.

இதற்கிடையே காம்பீரின் அதிகாரத்தை பறிக்க இந்திய கிரிக்கெட் கட்டுப்பாட்டு வாரியம் (பி.சி.சி.ஐ.) முடிவு செய்துள்ளது. வீரர்கள் தேர்வு விஷயத்தில் அவருக்கு அனைத்து சுதந்திரமும் வழங்கப்பட்டு இருக்கிறது. இதற்கு முன்பு பயிற்சியாளர்கள் பணியாற்றிய ரவி சாஸ்திரி, ராகுல் டிராவிட் ஆகியோருக்கு கொடுக்காத இந்த முன்னுரிமை காம்பீருக்கு மட்டும் வழங்கப்பட்டு இருந்தது.

நியூசிலாந்து தொடரில் ஆடுகளம் உள்ளிட்ட பல்வேறு விஷயங்களில் அவரது முடிவு ஏமாற்றத்தை அளித்தது. மும்பை டெஸ்டில் முகமது சிராஜ், சர்பராஸ் கான் ஆகியோரை பேட்டிங் செய்ய அனுப்பிய முடிவு பல்வேறு கேள்விகளை எழுப்பியது.

கிரிக்கெட் வாரிய விதிப்படி தேர்வு விஷயங்களில் பயிற்சியாளர் எந்த கருத்தும் தெரிவிக்க முடியாது. ஆஸ்திரேலிய சுற்றுப்பயணம் முக்கியமானது என்பதால் தேர்வு குழு கூட்டத்தில் அவரை பங்கேற்க கிரிக்கெட் வாரியம் அனுமதித்து இருந்தது.

நியூசிலாந்திடம் ஏற்பட்ட மோசமான தோல்வியால் வீரர்கள் தேர்வு விஷயத்தில் தலையிடும் காம்பீரின் அதிகாரம் பறிக்கப்படும் என்று தெரிகிறது.

இதேபோல கேப்டன் ரோகித்சர்மா, விராட்கோலி, அஸ்வின், ஜடேஜா ஆகிய சீனியர் வீரர்கள் மீதும் நட வடிக்கை எடுக்க கிரிக்கெட் வாரியம் முடிவு செய்துள்ளது. ஆஸ்திரேலிய தொடருக்கு பிறகு அவர்களின் எதிர்காலம் குறித்த முடிவு நிர்ணயிக்கப்படும்.

மும்பை:

இந்தியாவில் சுற்றுப்பயணம் மேற்கொண்டுள்ள டாம் லாதம் தலைமையிலான நியூசிலாந்து கிரிக்கெட் அணி 3 போட்டிகள் கொண்ட டெஸ்ட் தொடரில் விளையாடி வருகிறது. இதில் எதிர்பாராத திருப்பமாக முதல் இரு டெஸ்டிலும் நியூசிலாந்து அணி இந்தியாவை வீழ்த்தி 2-0 என்ற கணக்கில் தொடரை கைப்பற்றி வரலாறு படைத்து விட்டது.

டெஸ்ட் கிரிக்கெட்டில் 12 வருடங்கள் கழித்து தங்களுடைய சொந்த மண்ணில் முதல் முறையாக இந்தியா ஒரு தொடரில் தோல்வியை பதிவு செய்துள்ளது.

இந்நிலையில் இந்த தோல்விக்கு பேட்ஸ்மேன்கள் மட்டும் காரணம் என்று சொல்ல விரும்பவில்லை என தலைமை பயிற்சியாளர் கம்பீர் கூறியுள்ளார். அத்துடன் 12 வருடங்கள் கழித்து சொந்த மண்ணில் தோற்பதில் என்ன தவறு? என்றும் அவர் கேள்வி எழுப்பியுள்ளார்.

இது பற்றி பயிற்சியாளர் கம்பீர் கூறியதாவது:-

அனைவருக்கும் பொறுப்பு இருக்கிறது. பேட்ஸ்மேன்கள் மட்டும் எங்களை கீழே விட்டார்கள் என்று நான் சொல்ல மாட்டேன். இந்த தோல்வி வலிக்கிறது என்று சொல்லி நான் மூடி மறைக்க விரும்பவில்லை. இது எங்களுக்கு வலிக்க வேண்டும். அந்த வலிதான் எங்களை இன்னும் சிறந்தவர்களாக மாற்றும்.

இந்த இடத்தில் இருப்பதில் என்ன தவறு?. இது எங்களுடைய இளம் வீரர்களை இன்னும் சிறப்பாக முன்னேறுவதற்கு தள்ளும். கான்பூரில் வங்காளதேசத்துக்கு எதிராக அற்புதமான வெற்றியை பெற்ற எங்களுக்கு இது போன்ற தோல்வியும் கிடைக்கலாம். நாங்கள் அதிலிருந்து முன்னோக்கி செல்ல வேண்டும்.

சர்வதேச கிரிக்கெட்டில் என்னுடைய வேலை எளிதாக இருக்கும் என்று எதிர்பார்த்து வரவில்லை. முதலில் இலங்கையிடம் தோற்ற நாங்கள் தற்போது நியூசிலாந்திடம் தோற்றுள்ளோம். ஆனால் தொடர்ந்து தயாராகி நாட்டுக்காக சிறந்த முறையில் விளையாட நாங்கள் முயற்சிக்க உள்ளோம்.

டி20 போட்டிகள் மற்றும் டெஸ்ட் சாம்பியன்ஷிப் வருகையால் இப்போதெல்லாம் டிராவை நம்மால் அதிகம் பார்க்க முடிவதில்லை. ஒவ்வொரு டெஸ்ட் போட்டியும் முக்கியமானது.

இவ்வாறு அவர் கூறினார்.

இந்திய அணியின் தலைமை பயிற்சியாளராக கவுதம் கம்பீர் உள்ளார். தேசிய அகாடமியின் தலைமை ஆலோசகராக வி.வி.எஸ். லஷ்மண் உள்ளார். இந்திய அணி நவம்பர் மாதம் தென்ஆப்பிரிக்காவில் சுற்றுப் பயணம் செய்து நான்கு போட்டிகள் கொண்ட டி20 கிரிக்கெட் தொடரில் விளையாட இருக்கிறது. இதற்கான டி20 இந்திய அணி சூர்யகுமார் தலைமையில் அறிவிக்கப்பட்டுள்ளது.

இந்த நிலையில் தென்ஆப்பிரிக்கா தொடருக்கான இந்திய டி20 அணிக்கு தலைமை பயிற்சியாளராக வி.வி.எஸ். லட்சுமண் நியமிக்கப்பட்டுள்ளார்.

ஏனென்றால், இந்திய டி20 கிரிக்கெட் அணி தென்ஆப்பரிக்காவில் நவம்பர் 8, 10, 13 மற்றும் 15-ந்தேதிகளில் விளையாடுகிறது. அதே நேரத்தில் ஆஸ்திரேலியாவுக்கு எதிரான பார்டர்-கவாஸ்கர் டெஸ்ட் தொடரில் விளையாடுவதற்கான இந்திய அணி 10-11-ந்தேதிகளில் புறப்படுகிறது.

கவுதம் கம்பீர் இந்திய டெஸ்ட் அணியுடன் ஆஸ்திரேலியா புறப்பட வேண்டியிருப்பதால், டி20 அணியுடன் செல்ல முடியாது. இதனால் லட்சுமண் நியமிக்கப்பட்டள்ளார்.

லஷ்மண் உடன் சாய்ராஜ் பகதுலே, ஹிஷ்கேஷ் கனித்கர், சுபாதீப் கோஷ் போன்ற கோச்சிங் ஸ்டாஃப்களும் செல்ல இருக்கிறார்கள்.

இந்திய அணியின் விக்கெட் கீப்பர் பேட்ஸ்மேனான சஞ்சு சாம்சன், இந்திய அணிக்காக அறிமுகமாகி 9 ஆண்டுகள் ஆகியிருந்தாலும் இதுவரை அவர் 50 சர்வதேச போட்டிகளில் மட்டுமே விளையாடியுள்ளார். சிறப்பான திறமை இருந்தும் அவருக்கு தொடர்ந்து வாய்ப்புகள் கிடைக்கவில்லை என்று பேசப்பட்டு வந்த வேளையில் தற்போது அவருக்கு அதிக வாய்ப்புகள் கிடைத்து வருகின்றன.

அந்த வகையில் வங்கதேச அணிக்கு எதிரான டி20 தொடரில் வாய்ப்பு வழங்கினர். இந்த வாய்ப்பில் வங்கதேசம் அணிக்கு எதிரான மூன்றாவது டி20 போட்டியில் சதம் அடித்து தான் அசத்தினார். இதனை தொடர்ந்து பயிற்சியாளர் கம்பீர் மற்றும் டெஸ்ட் கேப்டன் ரோகித் சர்மாவிடம் டெஸ்ட் போட்டியில் விளையாட விருப்பம் உள்ளதாக சாம்சன் தெரிவித்துள்ளார்.

டெஸ்ட் கிரிக்கெட்டில் விளையாட வேண்டும் என்றால் சில நிபந்தனைகளை அவர்கள் கூறியதாக சஞ்சு சாம்சன் கூறியுள்ளார்.

இது குறித்து சாம்சன் கூறியதாவது:-

சிவப்பு பந்து கிரிக்கெட்டில் சிறப்பாக விளையாடும் திறன் என்னிடம் இருக்கிறது என்று நினைக்கிறேன். நான் ஒருநாள் மற்றும் டி20 போட்டிகளில் மட்டும் விளையாட விரும்பவில்லை. டெஸ்ட் கிரிக்கெட்டில் விளையாட வேண்டும் என்பதும் தான் என்னுடைய ஆசை. அந்த வகையில் தற்போது இந்திய அணியின் நிர்வாகம் என்னிடம் சிவப்பு பந்தில் பயிற்சி செய்யுமாறு கூறியுள்ளது.

அதுமட்டும் இன்றி உள்ளூர் கிரிக்கெட்டில் சிவப்பு பந்தில் சிறப்பாக விளையாடினால் டெஸ்ட் வாய்ப்பு வழங்கப்படும் என்று தெரிவித்துள்ளது. இதன் காரணமாக நான் ரஞ்சி டிராபி போட்டிகளில் தொடர்ந்து விளையாட இருக்கிறேன். இந்திய அணியின் நிர்வாகமும் என்னிடம் அடுத்து அதைத்தான் விரும்புகிறது.

எனவே உள்ளூர் போட்டிகளில் சிவப்பு பந்தில் என்னுடைய திறமையை நிரூபித்து நிச்சயம் இந்திய அணிக்காக டெஸ்ட் கிரிக்கெட்டில் விளையாடுவேன்.

இவ்வாறு சஞ்சு சாம்சன் கூறினார்.

வங்கதேசத்துக்கு எதிராக நடைபெற்ற டெஸ்ட் கிரிக்கெட் தொடரை 2- 0 (2) என்ற கணக்கில் இந்தியா வெற்றி பெற்றது. அந்த தொடரில் கான்பூரில் நடைபெற்ற இரண்டாவது போட்டியில் 2 நாட்கள் ஆட்டம் மழையால் ரத்து செய்யப்பட்டது. அதனால் டிராவில் முடிவடையும் என்று எதிர்பார்க்கப்பட்ட அந்த போட்டியில் கடைசி 2 நாட்களில் வங்கதேதத்தை அடித்து நொறுக்கி இந்தியா அட்டகாசமான வெற்றி பெற்றது.

அத்துடன் டெஸ்ட் கிரிக்கெட்டில் அதிவேகமாக 50, 100, 150, 200, 250 ரன்களை குவித்த இந்தியா 5 உலக சாதனைகளையும் படைத்தது. அப்போது தங்களுடைய பஸ்பால் அணுகுமுறையை காப்பி அடித்து இந்தியா விளையாடி வெற்றி கண்டதாக முன்னாள் இங்கிலாந்து கேப்டன் மைக்கேல் வாகன் பெருமை பேசினார்.

இருப்பினும் கம்பீர் தலைமையில் இந்தியா அதிரடியாக விளையாடும் இந்த அணுகுமுறைக்கு பெயர் கம்'பால் என்று ஆடம் கில்கிறிஸ்ட் கூறினார். அதே போல இந்தியாவின் புதிய அணுகு முறையை கம்'பால் என்று ரசிகர்கள் அழைப்பதை சமூக வலைதளங்களில் பார்த்ததாக ரவிச்சந்திரன் அஸ்வின் கூறினார்.

இந்நிலையில் 2023 உலகக் கோப்பை முதல் ரோகித் சர்மா தலைமையில் இந்தியா அதிரடியாக விளையாடும் அணுகுமுறைக்கு "கோஹிட்" என்பதே சரியான பெயர் என்று கவாஸ்கர் கூறியுள்ளார்.

இது குறித்து அவர் கூறியதாவது:-

ஒரு செய்தித்தாள் இந்திய பேட்டிங்கை பாஸ்பால் என்றழைத்தது. இங்கிலாந்தைச் சேர்ந்த சிலர் கம்பீர் பயிற்சியாளராக வந்துள்ளதால் கம்'பால் என்றழைத்தனர். பென் ஸ்டோக்ஸ் - ப்ரெண்டன் மெக்கல்லம் தலைமையில் இங்கிலாந்தின் அணுகுமுறை முழுமையாக மாறியது.

ஆனால் ரோகித் சர்மா தலைமையில் கடந்த சில வருடங்களாகவே நம்முடைய இந்திய அணி அதிரடியாக விளையாடுவதை பார்த்து வருகிறோம். கம்பீர் இரண்டு மாதங்கள் மட்டுமே பயிற்சியாளராக இருந்து வருகிறார். எனவே இந்த அணுகுமுறைக்கு அவர்தான் காரணம் என்று காட்டுவது மிகவும் உயர்ந்த தரத்தின் கால் நக்கலாகும்.

உண்மையில் மெக்கல்லம் போல கம்பீர் இந்த பாணியில் பேட்டிங் செய்ததில்லை. ரோகித் மட்டுமே தொடர்ந்து அவ்வாறு செய்தார். எனவே இந்த பால், அந்த பால் என்று சொல்வதற்கு பதிலாக ரோகித் சர்மா பெயரின் முதல் பகுதியை வைத்து "கோஹிட்" என்று இதை சொல்லலாம். பஸ்பால் என்றழைக்கும் சோம்பேறி விருப்பத்தை விட புத்திசாலித்தனமான இந்த நாகரீக பெயரை கொண்டு அழைக்கலாம்.

என்று சுனில் கவாஸ்கர் கூறினார்.

இந்தியா- வங்கதேசம் அணிகளுக்கு இடையேயான முதல் டெஸ்ட் போட்டி நாளை சென்னை சேப்பாக்கம் மைதானத்தில் நடைபெற உள்ளது. இந்த போட்டிக்காக இரு அணி வீரர்களும் தீவிர வலை பயிற்சியில் ஈடுப்பட்டு வருகின்றனர். இந்த தொடர் இந்திய பயிற்சியாளராக கவுதம் கம்பீருக்கு முதல் டெஸ்ட் தொடராகும்.

இந்நிலையில் போட்டிக்கு முன்னதாக கம்பீர் மற்றும் கோலி கலகலப்பான நேர்காணலில் பங்கேற்றுள்ளனர். இவர்கள் இருவரும், ஐபிஎல் தொடரின் போது பலமுறை வாக்குவாதங்களில் ஒருவருக்கொருவர் மோதி கொண்டதை காணலாம். ஆனால் தற்போது ஒரே அணியில் பயிற்சியாளராக கம்பீர் மற்றும் வீரராக விராட் கோலி இந்திய அணியில் ஒன்றாக செயல்பட்டு வருகின்றனர்.

இருவரும் பயிற்சியின் போது சகஜமாக பேசிக்கொள்ளும் வீடியோ மற்றும் புகைப்படம் சமூக வலைதளங்களில் பரவி ரசிகர்களிடையே ஆச்சரியத்தையும் மகிழ்ச்சியையும் ஏற்படுத்தி உள்ளது.

இந்நிலையில் களத்தில் தகராறில் ஈடுபடுவது குறித்து பயிற்சியாளர் கவுதம் கம்பீர் மற்றும் விராட் கோலி கலகலப்பாக பேசியுள்ளனர். இதனை பிசிசிஐ தனது அதிகாரப்பூர்வ சமூக வலைதளங்களில் வெளியிட்டுள்ளது.

விராட் கோலி: நீங்கள் பேட்டிங் செய்யும்போது, எதிரணியினருடன் சிறிது நேரம் வாக்குவாதத்தில் ஈடுபட்டு கொண்டிருக்கும் போது, நீங்கள் எப்போதாவது களத்தை விட்டு வெளியே சென்று அவுட் ஆகலாம் என நீங்கள் எப்போதாவது உணர்ந்திருக்கிறீர்களா அல்லது அது உங்களை அதிக உந்துதலுக்கு உள்ளாக்கியதா?

கவுதம் கம்பீர்: என்னை விட உங்களுக்கு அதிக வாக்குவாதம் ஏற்பட்டிருக்கும். அந்த கேள்விக்கு என்னை விட சிறப்பாக பதில் சொல்ல உங்களால் தான் முடியும் என்று நினைக்கிறேன்.

விராட் கோலி (சிரிக்கிறார்): நான் சொல்வதை ஒத்துக்கொள்ளும் ஒருவரைத் தான் தேடுகிறேன். தவறு என்று சொல்லவில்லை. குறைந்தபட்சம் யாராவது சொல்ல வேண்டும், ஆம் இப்படித்தான் நடக்கும்.

இந்த வீடியோ சமூக வலைதளங்களில் பெரும் வரவேற்ப்பை பெற்று வருகிறது.