நீங்கள் தேடியது "Jammu kashmir"

ஜம்மு காஷ்மீரில் 5.2 ரிக்டர் அளவில் இன்று நிலநடுக்கம் ஏற்பட்டுள்ளது. இன்று காலை 10.43 மணியளவில் காஷ்மீர் பள்ளத்தாக்கில் இந்த நிலநடுக்கம் ஏற்பட்டுள்ளதாகத்  தேசிய நில அதிர்வு கண்காணிப்பு மையம் தெரிவித்துள்ளது.

பூமியில் சுமார் 192 கிலோமீட்டர் ஆழத்தில் இந்த நிலநடுக்கமானது ஏற்பட்டுள்ளதாக அதன் அறிக்கை தெரிவிக்கின்றது. இதனால் அதிர்ச்சியடைந்த மக்கள் சாலைகளில் தஞ்சமடைந்தனர்.

இந்த நிலநடுக்கத்தால் உயிரிழப்பு சம்பவங்கள் எதுவும் ஏற்படவில்லை. மேலும், பொருட்சேதமும் ஏற்படவில்லை எனத் தெரிவிக்கப்பட்டுள்ளது.

ஆப்கானிஸ்தானில்  முதலில் நிலநடுக்கம் ஏற்பட்டது என்றும் அதன் காரணமாகவே ஜம்மு காஷ்மீரில் நிலநடுக்கம் ஏற்பட்டதாக தெரிவிக்கப்பட்டள்ளது. அந்நாட்டின் பல்வேறு பள்ளத்தாக்கு பகுதிகளில் இது உணரப்பட்டதாகவும் கூறப்படுகிறது.

ஜம்மு-காஷ்மீர் மாநிலத்தின் பந்திபோரா மாவட்டததில் பாதுகாப்புப்படை வீரர்களுக்கும், பயங்கரவாதிகளுக்கும் இடையில் கடும் துப்பாக்கிச் சண்டை நடைபெற்று வருகிறது.

பந்திபோரா மாவட்டத்தின் நக்மர்க் என்ற இடத்தில் பயங்கரவாதிகள் நடமாட்டம் இருப்பதாக உளவுத்துறைக்கு ரகசிய தகவல் கிடைத்தது. அதன்படிப்படையில் பாதுகாப்புப்படை வீரர்கள் அந்த இடத்தை சுற்றிவளைத்து தேடுதல் வேட்டையில் ஈடுபட்டனர்.

அப்போது சந்தேகத்திற்குரிய வகையில் நடமாட்டம் இருந்ததை வீரர்கள் கண்டறிந்தனர். அந்த இடத்தை நெருங்கும்போது பாதுகாப்புப்படை வீரர்களை நோக்கி பயங்கரவாதிகள் துப்பாக்கியால் சுடத்தொடங்கினர். அதற்கு வீரர்களும் பதில் தாக்குதல் நடத்த தொடங்கினர்.

இதனால் துப்பாக்கிச்சண்டை நடைபெற்று வருகிறது.

ஜம்மு-காஷ்மீர் மாநிலம் இந்தியா-பாகிஸ்தானில் எல்லையில் பயங்கரவாதிகள் நடமாட்டம் கடந்த சில வாரங்களாகவே அதிகரித்த வண்ணம் உள்ளது. அவர்களை வேட்டையாடும் பணியில் வீரர்கள் ஈடுபட்டு வருகிறார்கள்.

ஜம்மு-காஷ்மீர் மாநிலத்தில் சட்டசபை தேர்தல் முடிவடைந்து முதல் சட்டமன்ற கூட்டத்தொடர் தொடங்கி நடைபெற்று வருகிறது. ஜம்மு-காஷ்மீர் மாநிலத்தில் சட்டப்பிரிவு 370-ஐ மீண்டும் கொண்டு வர வேண்டும் என தீர்மானம் நிறைவேற்றப்பட்டது.

இதற்கு பா.ஜ.க. எம்.எல்.ஏ.-க்கள் கடும் எதிர்ப்பு தெரிவித்து அமளியில் ஈடுபட்டு வருகின்றனர். நேற்று மக்களவை எம்.பி.யான இன்ஜினீயர் ரஷித்தின் சகோதரர் குர்ஷித் அகமது ஷேக் 370 சட்டப்பிரிவுக்கு ஆதரவான பேனரை சட்டமன்றத்திற்குள் கொண்டு வந்து காண்பித்தார்.

இதற்கு பா.ஜ.க. எம்.எல்.ஏ.-க்கள் கடும் எதிர்ப்பு தெரிவித்து அமளில் ஈடுபட எம்.எல்.ஏ.-வுக்குள் கைகலப்பு ஏற்பட்டது. இதனைத் தொடர்ந்து அவையை நாள் முழுவதும் சபாநாயகர் ஒத்திவைத்தார்.

இந்த நிலையில் இன்று காலை சட்டசபை கூடியது. இன்றும் 370 சட்டப்பிரிவு தொடர்பாக பா.ஜ.க. எம்.எல்.ஏ.க்கள் அமளில் ஈடுபட்டனர். அப்போது அவாமி கட்சி எம்.எல்.ஏ.-க்களுக்கும், பா.ஜ.க. எம்.எல்.ஏ.க்களுக்கும் இடையில் மோதல் ஏற்படும் நிலை உருவானது.

இதனால் சபாநாயகர் அப்துல் ரஹிம் ராதர், பாதுகாவலர்களை அழைத்து பா.ஜ.க. எம்.எல்.ஏ.க்களை வெளியேற்ற உத்தரவிட்டார். எம்.எல்.ஏ.-க்கள் வெளியே மறுப்பு தெரிவித்ததால் குண்டுகட்டாக தூக்கி அவையில் இருந்து அப்புறப்படுத்தினர். 

ஜம்மு-காஷ்மீர் மாநில பிரிவினைவாத தலைவர் யாசின் மாலிக். இவர் மீது தேசத்துரோகம் உள்ளிட்ட பல்வேறு வழக்குகள் உள்ளன. பயங்கரவாத குழுவுக்கு நிதி திரட்டிய வழக்கில் சிறையில் அடைக்கப்பட்டுள்ளார்.

யாசின் மாலிக்கிற்காக தங்களுடைய செல்வாக்கை பயன்படுத்தி பாராளுமன்றத்தில் விவாதத்தை தெடாங்கவும் என அவரது மனைவி, மக்களவை எதிர்க்கட்சி தலைவர் ராகுல் காந்திக்கு கடிதம் எழுதியதை பா.ஜ.க. விமர்சித்துள்ளது. மேலும், ராகுல் காந்தியின் இதுபோன்ற செயலால் ஆச்சர்யப்படுவதற்கு ஒன்றுமில்லை என விமர்சித்துள்ளது.

 யாசின் மாலிக் மனைவி ராகுல் காந்திக்கு கடிதம் எழுதியது தொடர்பாக பா.ஜ.க. ஐ.டி. பிரிவு தலைவர் அமித் மால்வியா கூறியதாவது:-

ஏன் காங்கிரஸ் எப்போதும் பயங்கரவாதிகளுடன் நிற்கிறது?. பாகிஸ்தான் ஆதரவு பெற்ற பயங்கரவாதி யாசின் மாலிக்கிற்காக பாராளுமன்றத்தில் விவாதத்தை தொடங்குமாறு எதிர்க்கட்சி தலைவர் ராகுல் காந்திக்கு யாசின் மாலிக் மனைவி கடிதம் எழுதியதில் ஆச்சர்யப்படுவதற்கு ஏதுமில்லை.

மாலிக் உள்ளிட்ட பல குற்றவாளிகள் விமானப்படை அதிகாரிகளை காஷ்மீரில் சுட்டுக்கொலை செய்ததற்காக குற்றம்சாட்டப்பட்டவர்கள். இது மாநிலத்திற்கு எதிரான போருக்கு சமமாகும். டாக்டர் மன்மோகன் சிங் அவரது ஆலோசகராக நியமனம் செய்தார். அப்போது டெல்லி ஊடகங்கள் அவரை 'யூத் ஐகான்' என்று அழைத்தன.

இவ்வாறு அமித் மால்வியா தெரிவித்துள்ளார்.

யாசின் மாலிக்கின் மனைவி முஷால் ஹுசைன் முல்லிக் ஆவார். இவர் பாகிஸ்தான் பிரதமரின் மனித உரிமை மற்றும் பெண்களுக்கு அதிகாரமளித்தலுக்கான முன்னாள் உதவியாளர் ஆவார்.

30 ஆணடுகளுக்கு முன்பாக தேசத்துரோக வழக்கு தொடர்பாக என்.ஐ.ஏ. யாசிக் மாலிக்கிற்கு மரண தண்டனை வழங்க வேண்டும் என வலியுறுத்தியது, தற்போது சிறையில் சிறையில் உண்ணாவிரதம் இருக்கும் அவரது கணவர் யாசிக் மாலிக் உடல்நலம் தொடர்பாக ராகுல் காநதிக்கு முல்லிக் எழுதிய கடிதம் தற்போது சர்ச்சையை ஏற்படுத்தியது.

காஷ்மீர் பிரிவினைவாத தலைவரான யாசிக் மாலிக், பயங்கரவாதிகளுக்கு நிதியுதவி அளித்த வழக்கில் தனக்கு மரண தண்டனை விதிக்க கோரி என்ஐஏ தாக்கல் செய்த மேல்முறையீட்டை எதிர்த்து தானே டெல்லி உயர்நீதிமன்றத்தில் வாதிடுகிறார்.

2017-ல் என்.ஐ.ஏ. யாசிக் மாலிக் உள்ளிட்ட பல்வேறு தனிநபர்கள் மீது வழக்கு தொடர்ந்தது. இந்த வழக்கில் 2022-ம் ஆண்டு விசாரணை நீதிமன்றம் ஆயுள்தண்டனை விதித்து தீர்ப்பு அளித்தது. அவர் சிறையில் உண்ணாவிரதம் இருந்து வருவதால் உடல்நிலை பாதிப்படைந்துள்ளது.

யாசின் மாலிக் குறித்து அவரது மனைவி ராகுல் காந்திக்கு எழுதிய கடிதத்தில் கூறியிருப்பதாவது:-

சிறையில் மனிதாபிமானமற்ற முறையில் நடத்துவதற்கு எதிர்ப்பு தெரிவித்து யாசின் மாலிக் கடந்த 2-ந்தேதியில் இருந்து உண்ணாவிரதம் இருந்து வருகிறார். இந்த உண்ணாவிரதப் போராட்டம் அவரது நல்வாழ்வை மேலும் மோசமாக பாதிக்கும் மற்றும் ஆயுதப் போராட்டத்தை கைவிட்டு, அகிம்சை கொள்கையில் நம்பிக்கை கொண்ட ஒரு மனிதனின் உயிருக்கு ஆபத்தை ஏற்படுத்தும். எனது கணவருக்கு தொடர்ந்து சிகிச்சை அளிக்கப்படுவது சித்திரவதைக்கு குறைவில்லை, அவருக்கு நீதி கிடைக்க எங்களுக்கு உதவுமாறு கேட்டுக்கொள்கிறேன்

மேலும் "ராகுல் ஜி, ஒரு நியாயமான வாய்ப்பு கிடைத்தால் யாசின் மாலிக் ஜம்மு-காஷ்மீரில் அமைதிக்கான சக்தியாக இருக்க முடியும். அமைதி நடவடிக்கைகளில் யாசின் மாலிக்கின் பங்கு முக்கியமானது மற்றும் அவரது அவலநிலை அவசரமாக கவனிக்கப்பட வேண்டும்.

ஜம்மு-காஷ்மீரில் இயற்கையான மற்றும் ஒப்பனை அல்லாத அமைதியைக் கொண்டுவருவதற்கான கருவியாக மாறக்கூடிய யாசின் மாலிக் விஷயத்தில் உங்கள் தார்மீக மற்றும் அரசியல் செல்வாக்கைப் பயன்படுத்தி விவாதத்தைத் தொடங்கவும் என நான் உங்களை (ராகுலை) கேட்டுக்கொள்கிறேன்.

ராகுல் காந்திக்கு எழுதிய கடிதத்தில் யாசின் மாலிக் மனைவி இவ்வாறு தெரிவித்துள்ளார்.

ஜம்மு-காஷ்மீர் மாநிலத்தின் கிஷ்த்வார் மாவட்டத்தில் நேற்று மாலை கிராம பாதுகாப்பு குழுவைச் சேர்ந்த இருவரை பயங்கரவாதிகள் கடத்திச் சென்று கொலை செய்துள்ளனர். ஜெய்ஷ்-இ-முகமது அமைப்பின் காஷ்மீர் டைகர்ஸ் என தங்களை அழைத்துக் கொள்ளும் குழு இந்த கொலைக்கு பொறுப்பேற்றுள்ளது. கண்கள் தோண்டப்பட்ட நிலையில் இறந்தவர்களின் உடல் படங்களை பயங்கரவாத குரூப் வெளியிட்டுள்ளது.

கொலை செய்யப்பட்டவர்கள் நசீர் அகமது, குல்தீப் யாதவ் என அடையாளம் காணப்பட்டுள்ளது. இருவரும் ஒஹ்லி குந்த்வாரா கிராமத்தை சேர்ந்தவர்கள். உடல்கள் இன்னும் கைப்பற்றப்படவில்லை. போலீசார் உடல்களை தேடும் பணியில் ஈடுபட்டு வருகின்றனர்.

இருவரும் தங்களுடைய கால்நடைகளை மேய்ச்சலுக்கு காட்டுப்பகுதிக்கு கொண்டு செல்லும்போது பயங்கரவாதிகளால் கடத்தப்பட்டுள்ளனர்.

இருவர் பயங்கரவாதிகளால் கொடூரமாக கொல்லப்பட்டதற்கு அம்மாநில துணைநிலை ஆளுநர் கடும் கண்டனம் தெரிவித்துள்ளார்.

இத்தகைய காட்டுமிராண்டித்தனமான வன்முறைச் செயல்கள் ஜம்மு-காஷ்மீரில் நீண்டகால அமைதியை அடைவதில் குறிப்பிடத்தக்க தடையாக உள்ளது என முதல்வர் உமல் அப்துல்லா கண்டனம் தெரிவித்துள்ளார்.

சந்தேகப்படும்படி யாராக நடமாடினால் அது தொடர்பாக தகவல் தெரிவிக்கும்படி கிராம மக்களுக்கு ராணுவம் வேண்டுகோள் விடுத்துள்ளது.

ஜம்மு-காஷ்மீர் மாநிலத்தில் இன்று காலை சட்டமன்ற கூட்டம் தொடங்கியது. சட்டமன்றம் கூடியதும் மக்களவை எம்.பி.யான இன்ஜினீயர் ரஷித்தின் சகோதரர் குர்ஷித் அகமது ஷேக் 370 சட்டப்பிரிவுக்கு ஆதரவான பேனரை காண்பித்தார்.

இதற்கு ஒரு பிரிவு எம்.எல்.ஏ.க்கள் கடும் எதிர்ப்பு தெரிவித்தனர். இதனால் கூச்சல் குழப்பம் ஏற்பட்டது. அவர்களை சபாநாயகர் இருக்கையில் அமர வற்புறுத்தினார். இருந்தாலும் அவர்கள் கேட்கவில்லை. பின்னர் ஒருவருக்கொருவர் தள்ளுமுள்ளில் ஈடுபடத் தொடங்கினர். இதனால் பரபரப்பு ஏற்பட்டது. இதனைத் தொடர்ந்து சபாநாயகர் பா.ஜ.க. எம்.எல்.ஏ.-க்களை வெளியேற்ற பாதுகாவலர்களுக்கு உத்தரவிட்டார்.

அதனைத் தொடர்ந்து பா.ஜ.க. எம்.எல்.எ.-க்கள் குண்டுகட்டாக வெளியேற்றப்பட்டனர். பின்னர் சட்டப்பிரிவு 370 ஐ ரத்து செய்ததற்கு எதிராக நிறைவேற்றப்பட்ட தீர்மானம் தொடர்பாக உறுப்பினர்கள் அமளியில் ஈடுபட்டதால் அவையை சபாநாயகர் நாள் முழுவதும் ஒத்திவைத்தார்.

ஜம்மு:

காஷ்மீரில் சமீபகாலமாக டெங்கு பாதிப்பு தீவிரமாகி வருகிறது. குறிப்பாக ஜம்முவில் டெங்கு பாதிப்பு தொடர்ந்து அதிகரித்து வருகிறது. இந்த நிலையில் ஜம்முவில் 5 ஆயிரத்துக்கும் மேற்பட்டோர் டெங்கு காய்ச்சலால் பாதிக்கப்பட்டுள்ளதாக சுகாதார அதிகாரிகள் தெரிவத்துள்ளனர்.

இதுபற்றி அவர்கள் கூறுகையில், "நோய் பாதிப்பு அதிகரிக்கலாம், ஆனால் நிலைமை கட்டுக்குள் உள்ளது. இதுவரை, 27,809 பேருக்கு டெங்கு பரிசோதனை நடத்தப்பட்டுள்ளன. அதில் 5,009 பேருக்கு டெங்கு பாதிப்பு இருப்பது உறுதி செய்யப்பட்டுள்ளது. 5,009 பேரில், 425 பேர் ஆஸ்பத்திரிகளில் அனுமதிக்கப்பட்டனர். டெங்கு பாதிப்புக்கு ஆளான நோயாளி ஒருவர் உயிரிழந்தார்" என்றனர்.

ஸ்ரீநகர்:

ஜம்மு காஷ்மீரின் ஸ்ரீநகரில் உள்ள கன்யார் பகுதியில் பாதுகாப்புப் படையினர் மற்றும் பயங்கரவாதிகளுக்கு இடையே துப்பாக்கிச் சண்டை நடந்து வருகிறது.

இந்த மோதலில் அப்பகுதியில் இருந்த சில வீடுகள் தீப்பிடித்து எரிந்தன. இதனால் அப்பகுதியில் பதற்றம் ஏற்பட்டுள்ளது.

முன்னதாக, அனந்த்நாக் மாவட்டத்தில் உள்ள ஹல்கன்காலி பகுதி அருகே பாதுகாப்பு படையினர் மற்றும் பயங்கரவாதிகள் இடையே நடந்த துப்பாக்கி சண்டையில் 2 பயங்கரவாதிகள் சுட்டுக் கொல்லப்பட்டனர் என பாதுகாப்புப்படை தெரிவித்தது. கொல்லப்பட்ட 2 பயங்கரவாதிகளில் ஒருவர் வெளிநாட்டவர் என்பதும், மற்றொருவர் உள்ளூரைச் சேர்ந்தவர் என்பதும் உறுதி செய்யப்பட்டது. 

ஜம்மு-காஷ்மீர் மாநிலத்தில் பயங்கரவாதிகள் நடமாட்டம் அதிகரித்துள்ளது. 60-க்கும் மேற்பட்ட பயங்கரவாதிகள் பாகிஸ்தான் எல்லை வழியாக இந்தியாவுக்குள் ஊடுருவ தயாராக இருப்பதாக உளவுத்துறை தகவல் கொடுத்ததன் பேரில் கண்காணிப்பு பணி அதிகரிக்கப்பட்டுள்ளது.

ஆக்னூர் என்ற பகுதியில் பயங்கரவாதிகளுக்கும், பாதுகாப்புப்படையினருக்கும் இடையில் கடும் துப்பாக்கிச் சண்டை நடைபெற்றது. இதில் 3 பயங்கரவாதிகள் கொல்லப்பட்டனர்.

இந்த நிலையில் ஜம்மு-காஷ்மீர் மாநிலத்தில் ஆட்சியை பிடித்துள்ள தேசிய மாநாடு கட்சியின் தலைவர் பரூக் அப்துல்லாவிடம் பயங்கரவாதிகள் சுட்டுக்கொலை செய்யப்பட்டது தொடர்பாக கேள்வி எழுப்பப்பட்டது.

அதற்கு பரூக் அப்துல்லா பதில் கூறுகையில் "என்கவுண்டர்கள் தொடர்ந்து நடைபெறும். பயங்கரவாதிகள் வந்து கொண்டிருக்கும் வரை, அவர்கள் சுட்டுக்கொலை செய்யப்படுவார்கள்

தலைமைச் செயலகம், அரசு அதிகாரிகள் அலுவலகம் ஒரு தலைநகரில் இருந்து மற்றொரு நகருக்குச் செல்லும் தர்பார் நகர்வு நடைபெறும்.

எல்லோரும் தீபாவளி கொண்டாட வேண்டும். இது மிகப்பெரிய திருவிழா. இந்த பகுதியில் செல்வம் குறைவாக இருப்பதால், கடவுளும் லட்சுமி தேவியும் இங்குள்ள மக்களுக்கு செழிப்புடன் அருள்பாலிக்கட்டும். இன்று, பெரும்பாலான கடைகள் இங்கு காலியாக காட்சியளிக்கிறது" என்றார்.

இந்தியாவில் ஜம்மு-காஷ்மீர் மாநிலத்தில் இருநாட்டு எல்லை வழியாக பாகிஸ்தான் ஆதரவு பெற்ற பங்கரவாதிகள் நுழைந்து தாக்குதலில் ஈடுபடுவதாக இந்தியா தொடர்ந்து குற்றம்சாட்டி வருகிறது.

இந்தியாவுக்கு இது மிகப்பெரிய தலைவலியாக உள்ளது. நேற்றிரவு பாரமுல்லாவில் வாகனம் மீது நடத்தப்பட்ட பயங்கரவாத தாக்குதலில் இரண்டு வீரர்கள் உள்பட நான்கு பேர் கொல்லப்பட்டனர்.

இந்த நிலையில்தான் பாகிஸ்தானில் நீண்ட காலமாக வாழ்ந்து வந்த பின்லேடன் வகித்து வந்த அபோதாபாத்தில் பயங்கரவாத மையம் செயல்பட்டு வருவதாக தெரியவந்துள்ளது.

இந்திய அரசு லஷ்கர்-இ-தொய்பா, ஹிஸ்புல் முஜாஹிதீன், ஜெய்ஸ்-இ-முகமது ஆகிய பயங்கரவாத அமைப்புக்கு தடைவிதித்துள்ளது.

இந்த அமைப்புகள் இணைந்து அபோதாபாத்தில், பாகிஸ்தான் ராணுவம் கேம்பஸ் பகுதிக்குள் பயிற்சி முகாமை உருவாக்கியுள்ளதாக புலனாய்வு மூலம் தெரிய வந்துள்ளது.

இந்த முகாம் பக்கத்தில் பாகிஸ்தான் ராணுவ முகாமின் கதவு உள்ளதால், வெளியில் இருந்து பயங்கரவாத பயிற்சி மையத்தை ராணுவத்தின் அனுமதி இல்லாமல் எளிதில் அணுக முடியாது எனவும் கூறப்படுகிறது.

பாகிஸ்தானின் புலானாய்வுத்துறையான ஐ.எஸ்.ஐ.-யின் அதிகாரி ஒருவர் அந்த முகாமின் மேற்பார்வையாளராக உள்ளார் என நம்பப்படுகிறது, இந்த முகாமில் பெண்கள் மற்றும் இளைஞர்களுக்கு ஆயுதங்களை கையாள்தல் உள்ளிட்ட பயிற்சிகள் அளிக்கப்படுவதாக தெரிகிறது.

அபோதாபாத்தில் பின்லேடன் பாதுகாப்பான ஒரு வீட்டை வளாகத்திற்குள் அமைத்து செயல்பட்டு வந்தார். அமெரிக்க ராணுவம் அவரை தேடிவந்த நிலையில், 2011-ம் ஆண்டு சுட்டுக்கொலை செய்தது. பாகிஸ்தான் அந்த இடத்தை 2012-ல் இடித்தது.

பயிற்சி முகாம் பின்லேடன் பாதுகாப்பாக வாழ்ந்து வந்த வீட்டின் இடிபாட்டிற்கு மேல் கட்டப்பட்டதா? எனத் தெளிவாக தெரியவில்லை. இந்த முகாம் ஹபீஸ் சயீத் (லஷ்கர்), சயத் சலாஹுதீன் (ஹிஸ்புல்), மசூத் அசார் (ஜெய்ஷ்) ஆகியோரால் மிகப்பெரிய அளவில் இயக்கப்பட்டு வருகிறது.

சயத் சலாஹுதீன்

 இந்த மூன்று பேரும் இந்தியாவின் பயங்கரவாத தடுப்பு அமைப்பான என்.ஐ.ஏ.-வின் மிகவும் தேடுப்படும் பயங்கரவாதிகள் பட்டியலில் உள்ளனர்.

இந்த முகாமின் முக்கிய நோக்கம் மூன்று அமைக்களுக்கும் ஆட்களை சேர்ப்பதுதான். கடந்த சில தினங்களாக ஜம்மு-காஷ்மீரில் தாக்குதல் நடத்தப்பட்டு வரும் நிலையில் இந்த முகாம் குறித்த தகவல் வெளியாகியுள்ளது.

கடந்த சில நாட்களாக ஜம்மு-காஷ்மீரில் பொதுமக்கள் மீது தாக்குதல் நடத்தப்படுவது அதிகரித்து வரும் நிலையில், புதிதாக உருவாக்கப்பட்ட பயங்கரவாத குழுவான தெரீக் லபைக் யா முஸ்லிம் பல்வேறு மாவட்டங்களில் தீவிர சோதகை்குப்பிறகு கலைக்கப்பட்டுள்ளது.

ஜம்மு-காஷ்மீர் மாநிலத்திற்கு வழங்கப்பட்ட சிறப்பு அந்தஸ்து சட்டப்பிரிவு 370-ஐ மத்திய அரசு கடந்த 2019-ம் ஆண்டு நீக்கியது. அத்துடன் மாநில அந்தஸ்தை ரத்து செய்து மாநிலத்தை இரண்டாக பிரித்து ஜம்மு-காஷ்மீரையும், லடாக்கையும் யூனியன் பிரதேசங்களாக அறிவித்தது.

ஜம்மு-காஷ்மீர் மாநில கட்சிகள் மீண்டும் மாநில அந்தஸ்து வழங்க வேண்டும் என கோரிக்கை விடுத்து வருகின்றன. இந்த நிலையில்தான் சமீபத்தில் நடைபெற்ற சட்டமன்ற தேர்தலில் தேசிய மாநாடு கட்சி- காங்கிரஸ் கூட்டணி வெற்றி பெற்றது உமர் அப்துல்லா முதல்வராக பதவி ஏற்றார்.

ஜம்மு-காஷ்மீர் மாநில முதல்வர் உமர் அப்துல்லா நேற்று மாலை டெல்லியில் உள்துறை மந்திரியாக அமித் ஷாவை சந்தித்து பேசியுள்ளார். இந்த பேச்சுவார்த்தை சுமார் அரைமணி நேரம் நடைபெற்றுள்ளது. இருவருடைய சந்திப்பு மிகவும் சுமுகமாக சென்றுள்ளது.

அப்போது புதிதாக தேர்வு செய்யப்பட்ட ஜம்மு-காஷ்மீர் அரசுக்கு மத்திய அரசு முழு ஒத்துழைப்பு கொடுக்கும். ஜம்மு-காஷ்மீருக்கு மாநில அந்தஸ்து வழங்குவதற்கான செயல்பாடுகள் தொடங்கப்படும் என அமித் ஷா உமர் அப்துல்லாவுக்கு உறுதி அளித்ததாக தகவல் வெளியாகியுள்ளது.

கடந்த வாரம் புதிய அரசின் முதல் அமைச்சரவை கூட்டம் நடைபெற்றது. அப்போது மாநில அந்தஸ்து வழங்க கோரிக்கை தொடர்பான தீர்மானம் நிறைவேற்றப்பட்டது.

ஜம்மு-காஷ்மீர் மாநிலத்தில் நடைபெற்ற சட்டமன்ற தேர்தலில் தேசிய மாநாடு கட்சி- காங்கிரஸ் கூட்டணி வெற்றி பெற்று ஆட்சியை பிடித்தது. தேசிய மாநாடு கட்சியின் துணைத் தலைவர் உமர் அப்துல்லா முதல்வராக பதவி ஏற்றுக்கொண்டார்.

அவர் புட்காம் மற்றும் கந்தர்பால் ஆகிய இரண்டு தொகுதிகளில் போட்டியிட்டார். இரண்டிலும் வெற்றி பெற்றார். இரண்டு தொகுதிகளில் வெற்றி பெற்றால் ஒரு தொகுதி எம்.எல்.ஏ. பதவியை ராஜினாமா செய்ய வேண்டும்.

அதன்படி உமர் அப்துல்லா புட்காம் தொகுதி எம்.எல்.ஏ. பதவியை ராஜினாமா செய்துள்ளார். இந்த தொகுதியில் மக்கள் ஜனநயாக கட்சியின் அகா சையத் முந்தாஜிர் மெஹ்தியை 18 ஆயிரத்திற்கு 485 வாக்குகள் வித்தியாசத்தில் தோற்கடித்தார்.

கந்தர்பால் தொகுதியில் பிடிபி வேட்பாளர் பஷிர் அகமது மிர்-ஐ 10 ஆயிரத்து 574 வாக்குகள் வித்தியாசத்தில் தோற்கடித்தார்.

புட்காம் தொகுதி எம்.எல்.ஏ. பதவியை ராஜினாமா செய்ததை தற்காலிய சபாநாயகர் முபாரக் குல் உறுதிப்படுத்தியுள்ளார்.

உமர் அப்துல்லா ஏற்கனவே ஜம்மு-காஷ்மீர் மாநில முதல்வராக இருந்தவர். அப்போதைய 2009 முதல் 2014 வரையிலான காலக்கட்ட்தில் கந்தர்பால் தொகுதி எம்.எல்.ஏ.-வாக இருந்தார்.

கந்தர்பால் தொகுதியில் அவரது தந்தை பரூக் அப்துல்லா, உமர் அப்துல்லா தாத்தா ஷேக் அப்துல்லா ஆகியோரும் போட்டியிட்டுள்ளனர்.

கடந்த வாரம் புதன்கிழமை ஜம்மு-காஷ்மீர் மாநில முதல்வராக உமர் அப்துல்லா பதவி ஏற்றுக் கொண்டார். யூனியன் பிரதேசமாக அறிவிக்கப்பட்ட பின் ஜம்மு- காஷ்மீரின் முதல் முதல்வராக உமர் அப்துல்லா பதவி ஏற்றுள்ளார்.