நீங்கள் தேடியது "mitchell marsh"

சிட்னி:

20 அணிகள் கலந்து கொள்ளும் டி20 உலகக் கோப்பை கிரிக்கெட் போட்டி ஜூன் 2-ம் தேதி முதல் 29-ம் தேதி வரை வெஸ்ட் இண்டீஸ் மற்றும் அமெரிக்காவில் நடக்க உள்ளது. இந்தப் போட்டி தொடரில் பங்கேற்கும் 20 அணிகளும் 15 பேர் கொண்ட அணியை மே 1ம் தேதிக்குள் அறிவிக்க வேண்டும் என் ஐ.சி.சி. அறிவித்திருந்தது.

நியூசிலாந்து, இங்கிலாந்து, தென் ஆப்பிரிக்கா, இந்தியா, ஆப்கானிஸ்தான் போன்ற நாடுகள் தங்களது அணிகளை அறிவித்துவிட்டன.

இந்நிலையில், டி20 உலகக் கோப்பை தொடருக்கான ஆஸ்திரேலியா அணி அறிவிக்கப்பட்டது. இந்த அணிக்கு மிட்செல் மார்ஷ் கேப்டனாக நியமிக்கப்பட்டுள்ளார்.

இதில் ஸ்டீவ் ஸ்மித், ஐபிஎல்லில் அதிரடி காட்டி வரும் மெக்கர்க் ஆகியோருக்கு இடமில்லை.

ஆஸ்திரேலியா அணி விவரம்:

ஆஷ்டன் ஆகர், பாட் கம்மின்ஸ், டிம் டேவிட், நாதன் எல்லிஸ், கேமரூன் கிரீன், ஜோஷ் ஹேசில்வுட், டிராவிஸ் ஹெட், மிட்செல் மார்ஷ், ஜோஷ் இங்லீஷ், கிளென் மேக்ஸ்வெல், மிட்செல் ஸ்டார்க், மார்கஸ் ஸ்டோய்னிஸ், மேத்யூ வேட், டேவிட் வார்னர், ஆடம் ஜாம்பா

ஆஸ்திரேலிய அணியின் வேகப்பந்து வீச்சு ஆல்ரவுண்டர் மிட்செல் மார்ஷ். ஐபிஎல் கிரிக்கெட்டில் டெல்லி கேப்பிட்டல்ஸ் அணியில் இடம் பிடித்திருந்தார். காலில் ஏற்பட்ட காயம் (hamstring) காரணமாக ஏப்ரல் மாதம் 2-வது வாரத்தில் ஆஸ்திரேலியா திரும்பினார்.

அவர் டி20 உலகக் கோப்பைக்கான ஆஸ்திரேலிய அணியின் கேப்டனாக நியமிக்கப்பட்டுள்ளார். உலகக் கோப்பை தொடர் தொடங்குவதற்குள் காயத்தில் இருந்து மீண்டு விடுவாரா? என்ற கேள்வி எழுந்துள்ளது.

இந்த நிலையில் ஆஸ்திரேலிய அணியின் பயிற்சியாளர் ஆண்ட்ரூ மெக்டொனால்டு கூறுகையில் "காயத்தில் இருந்து மீள்வதற்கான செயல்பாடு சிறப்பாக இருந்து வருகிறது. நாங்கள் எதிர்பார்த்ததை விட கொஞ்சம் மெதுவாக இருக்கிறது. ஐபிஎல் கிரிக்கெட் தொடரில் இருந்து அவர் விலகியுள்ளார். இதனால் டி20 உலகக்கோப்பை வரை அதிக நாட்கள் உள்ளது. முதல் போட்டி தொடங்குவதற்கு இன்னும் ஒருமாத காலம் உள்ளது. அவர் தயாராவதற்கு போதுமான நேரம் உள்ளது.

இன்னும் ஒன்றிரண்டு வாரங்கள் அவரால் பந்து வீச முடியாது. அதன்பின் அவர் பந்து வீச வாய்ப்புள்ளது. தொடரின்போது அவருடைய முழு பந்து வீச்சையும் பெறுவார்.

இவ்வாறு மெக்டொனால்டு தெரிவித்துள்ளார்.

டி20 உலகக் கோப்பை கிரிக்கெட் தொடரின் சூப்பர் 8 சுற்றில் ஆஸ்திரேலியா, ஆப்கானிஸ்தான், வங்காளதேசம் அணிகளில் யார் அரையிறுதிக்கு முன்னேறுவது என்பதில் பலத்த போட்டி நிலவியது.

வங்காளதேசத்தை வீழ்த்தினால் ஆப்கானிஸ்தான் தகுதி பெறும். ஆப்கானிஸ்தான் நிர்ணயித்த 116 ரன் இலக்கை 12.1 ஓவரில் எட்டினால் வங்காளதேசம் தகுதி பெறும். மாறாக 12.1 ஓவரில் எட்ட முடியாமல் வங்காளதேசம் வெற்றி பெற்றால் ஆஸ்திரேலியா வெற்றி பெறும் என்ற நிலை இருந்தது.

ஆஸ்திரேலியாவுக்கு நேரடி தொடர்பு இல்லை என்றாலும், வங்காளதேச அணியின் ஆட்டத்தை அவர்கள் எதிர்பார்த்து இருந்தனர். 116 எளிதான இலக்குதான். வங்காளதேசம் எப்படியும் எட்டிவிடும் என எதிர்பார்த்தனர். ஆனால் ஆப்கானிஸ்தான் வெற்றி பெற்று இரண்டு அணிகளையும் வெளியேற்றியது.

வங்காளதேசம் சேஸிங் செய்யும்போது அடிக்கடி மழை குறுக்கீடு செய்தது. இதனால் டக்வொர்த் லீவிஸ் விதி கடைபிடிக்கப்படும் நிலை உருவாகியது. ஒரு சில நேரத்தில் ஆப்கானிஸ்தான் முன்னிலையில் இருப்பதும், ஒரு சில நேரத்தில் வங்காளதேசம் முன்னிலையில் இருப்பதுமாக இருந்தது.

இதனால் போட்டியின் முடிவு பரபரப்பானதாகவே சென்றது. ஒரு கட்டத்தில் மழை வருவதுபோல் இருந்தது. அப்போது வங்காளதேசத்தை விட ஆப்கானிஸ்தான் டக்வொர்த் லீவிஸ் விதிப்படி 3 ரன்கள் முன்னிலை இருந்தது. அந்த நேரம் ஆப்கானிஸ்தானுக்கு சாதகமாக இருந்தது.

அப்போது ரஷித் கான் பந்து வீசிக் கொண்டிருந்தார். ஒருவேளை அடுத்த சில பந்துகளில் சிக்ஸ் அல்லது பவுண்டரி சென்றால் அது வங்காளதேசத்திற்கு சாதகமாக மாறிவிடும். இதனால் ஆப்கானிஸ்தான் பயிற்சியாளர் ஜோனாதன் ட்ராட், ஆப்கானிஸ்தான் வீரர்களை பார்த்து போட்டியை மெதுவாக கொண்டு செல்லுங்கள் என சைகை காட்டினார்.

இதை ஸ்லிப் திசையில் நின்று கொண்டிருந்த குல்பதின் நைப் கவனித்துக் கொண்டார். ரஷித் கான் பந்து வீச தயாராகும்போது, தசைப்பிடிப்பு எனக் காலைப்பிடித்துக் கொண்டு கீழே சரிந்தார். அவரது செயலை பார்த்து வர்ணனையாளர்கள் சிரித்தனர். பலர் விமர்சனம் செய்தனர்.

இது பெரும் பேசும்பொருளாக மாறியது. என்ற போதிலும் இந்த செயல் போட்டியில் எந்த தாக்கத்தையும் ஏற்படுத்தவில்லை. இறுதியாக ஆப்கானிஸ்தான் 8 ரன்னில் வெற்றி பெற்று அரையிறுதிக்கு முன்னேறியது.

இந்த நிலையில் இந்த சம்பவம் குறித்து ஆஸ்திரேலிய அணி கேப்டன் மிட்செல் மார்ஷ் கூறியதாவது:-

குல்பதின் நைப் செயலைப் பார்க்கும்போது எனக்கு சிரித்து சிரித்து கண்ணீர் வந்துவிட்டது. கடைசியில் அது போட்டியினை பெரிதாக பாதிக்கவில்லை. அதனால் நாங்கள் சிரித்துக்கொண்டுதான் பார்த்தோம். அது மிகவும் நகைச்சுவையாக இருந்தது. போட்டி நன்றாக இருந்தது.

அணியாகத்தான் அந்தப் போட்டியைப் பார்த்துக்கொண்டிருந்தோம். இது வெளிப்படையாக ஒரு அற்புதமான போட்டி அல்லவா? போட்டியில் அதிகமான சுவாரசியங்களும் திருப்பங்களும் இருந்தன. எங்களின் கட்டுக்குள் இல்லாமல் போட்டி சென்றுவிட்டது. அதற்காக நாங்கள் எங்களைத்தான் குற்றம் சொல்ல வேண்டும்.

நாங்கள் உலகக் கோப்பையில் தொடர வேண்டுமென நினைதோம். ஆனால் ஆப்கானிஸ்தான் வீரர்கள் சிறப்பாக விளையாடினார்கள். எங்களையும் வங்காளதேசத்தையும் வீழ்த்தியுள்ளார்கள். நிச்சயமாக அரையிறுதிக்கு தகுதியானவர்கள்.

இவ்வாறு மிட்செல் மார்ஷ் தெரிவித்துள்ளார்.

இந்தியா- ஆஸ்திரேலியா அணிகளுக்கு இடையில் ஐந்து போட்டிகள் கொண்ட டெஸ்ட் கிரிக்கெட் தொடர் நடைபெற்று வருகிறது. ஏற்கனவே முடிவடைந்த 4 போட்டிகளில் ஆஸ்திரேலியா 2 போட்டிகளிலும், இந்தியா ஒரு போட்டியிலும் வெற்றி பெற்றுள்ளது. ஒரு போட்டி டிராவில் முடிந்துள்ளது.

இந்த நிலையில் 5-வது மற்றும் கடைசி டெஸ்ட் போட்டி சிட்னியில் நாளை தொடங்குகிறது. சிட்னி டெஸ்ட் போட்டிக்கான ஆஸ்திரேலியா அணியில் இருந்து மிட்செல் மார்ஷ் நீக்கப்பட்டுள்ளார். அவர் நான்கு டெஸ்டிலும் 73 ரன்கள் (7 இன்னிங்ஸ்) மட்டுமே அடித்துள்ளார். 33 ஓவர்கள் வீசி 3 விக்கெட் மட்டுமே வீழ்த்தினார்.

"எங்கள் அணியில் ஒரு மாற்றம் செய்யப்பட்டுள்ளது. பியூ வெப்ஸ்டர் மிட்செல் மார்ஷ்க்கு பதிலாக அணியில் சேர்க்கப்பட்டுள்ளார். போதுமான ரன்கள் அடிக்கவில்லை என்பது மிட்செல் மார்ஷ்க்கு தெரியும்" என ஆஸ்திரேலிய அணி கேப்டன் மிட்செல் மார்ஷ் தெரிவித்துள்ளார்.

வெப்ஸ்டர் கடந்த நவம்பர் மாதம் இந்தியா ஏ அணிக்கு எதிராக விளையாடினால். முதல்தர கிரிக்கெட்டில் 5247 ரன்கள் அடித்துள்ள நிலையில், 148 விக்கெட்டுகள் வீழ்த்தியுள்ளார்.

சிட்னி:

9-வது ஐ.சி.சி. சாம்பியன்ஸ் கோப்பை கிரிக்கெட் போட்டி பாகிஸ்தானில் பிப்ரவரி 19-ம் தேதி முதல் மார்ச் 9-ம் தேதி வரை நடைபெற உள்ளது. பிப்ரவரி 19-ந்தேதி கராச்சியில் தொடங்கும் முதல் ஆட்டத்தில் நடப்பு சாம்பியன் பாகிஸ்தான் அணி, நியூசிலாந்தை சந்திக்கிறது.

இந்நிலையில் இந்த தொடருக்கான ஆஸ்திரேலிய அணியில் இடம்பெற்றிருந்த முன்னணி ஆல் ரவுண்டர் மிட்செல் மார்ஷ் முதுகு வலி காரணமாக தொடரிலிருந்து விலகியுள்ளார். இவருக்கு மாற்று வீரர் இன்னும் அறிவிக்கப்படவில்லை. இவரது விலகல் அணிக்கு பின்னடைவாக கருதப்படுகிறது. 

ஆஸ்திரேலிய அணி விவரம் பின்வருமாறு:-

பேட் கம்மின்ஸ் (கேப்டன்), அலெக்ஸ் கேரி, நாதன் எல்லிஸ், ஆரோன் ஹார்டி, ஜோஷ் ஹேசில்வுட், டிராவிஸ் ஹெட், ஜோஷ் இங்கிலிஸ், மார்னஸ் லபுஸ்சேன், கிளென் மேக்ஸ்வெல், மேட் ஷார்ட், ஸ்டீவ் ஸ்மித், மிட்செல் ஸ்டார்க், மார்கஸ் ஸ்டோய்னிஸ், ஆடம் ஜம்பா.

மெல்போர்ன்:

டி20 உலகக்கோப்பை கிரிக்கெட் தொடரில் நேற்று முன்தினம் நடைபெற்ற பாகிஸ்தானுக்கு எதிரான முதல் ஆட்டத்தில் இந்திய அணி 4 விக்கெட் வித்தியாசத்தில் வெற்றி பெற்றது. ஆட்டமிழக்காமல் விராட் கோலி எடுத்த 82 ரன்கள் இந்திய அணியை வெற்றிப் பாதைக்கு அழைத்துச் சென்றது.

இது குறித்து மெல்போர்னில் பேசிய ஆஸ்திரேலிய ஆல்-ரவுண்டர் மிட்செல் மார்ஷ் கூறியுள்ளதாவது: மெல்போர்னில் இதைவிட சிறப்பான கிரிக்கெட் போட்டி இதுவரை நடைபெற்றதில்லை .இந்தியா மற்றும் பாகிஸ்தான் இடையே எப்போதுமே பார்க்க முடியாத நம்ப முடியாத ஒரு ஆட்டமாக அது இருந்தது. என்னால் கற்பனை செய்து பார்க்க முடியவில்லை. 

இதற்கு பிறகு உலககோப்பையை கைப்பற்றும் எங்களது எண்ணத்தை அங்கேயே நிறுத்த வேண்டும் என்று நான் நினைக்கிறேன். விராட் கோலி வாழ்க்கையைப் பற்றி நினைக்கும் போது அவரது ஆட்டம் ஆச்சரியமாக இருக்கிறது.12 மாதங்கள் அவர் அலட்சியமாக இருந்துள்ளார். உலகக் கோப்பையில் அவரது முத்திரையை பதித்தார், இது பார்ப்பதற்கு நம்ப முடியாத ஒரு இன்னிங்ஸ். இவ்வாறு அவர் தெரிவித்துள்ளார்.

ஆஸ்திரேலிய ஆல்-ரவுண்டர் மிட்செல் மார்ஷ், கணுக்காலில் ஏற்பட்ட வலி காரணமாக ஜிம்பாப்வேக்கு எதிரான எஞ்சிய இரண்டு ஒருநாள் மற்றும் நியூசிலாந்துக்கு எதிரான மூன்று போட்டிகள் கொண்ட ஒருநாள் தொடரில் இருந்து விலகி உள்ளார்.

அவருக்குப் பதிலாக விக்கெட் கீப்பர்-பேட்டர் ஜோஷ் இங்கிலிஸ் அணியில் இடம்பிடித்துள்ளார்.

அடுத்த மாதம் இந்திய அணிக்கு எதிரான டி20 சுற்றுப்பயணத்தில் மிட்செல் மார்ஷ் கலந்து கொள்வார். அதனை தொடர்ந்து வரும் டி20 உலகக்கோப்பையை மனதில் வைத்து இந்த முடிவு எடுக்கப்பட்டுள்ளது.

கடந்த ஆண்டு ஐக்கிய அரபு எமிரேட்சில் நடந்த டி20 உலகக்கோப்பையில் முதல் முறையாக ஆஸ்திரேலியா வென்றது. இந்த வெற்றிக்கு 30 வயதான அவர் முக்கிய பங்காற்றினார். மேலும் இந்த ஆண்டு அவருக்காக பெரிய திட்டங்கள் உள்ளன. எனவே அவரை சரி செய்ய முன்னுரிமை வழங்கப்படும் என ஆஸ்திரேலிய கிரிக்கெட் வாரியம் தெரிவித்துள்ளது.

ஜிம்பாப்வேக்கு எதிரான முதல் ஒருநாள் போட்டியில் ஆஸ்திரேலியா 5 விக்கெட் வித்தியாசத்தில் வெற்றி பெற்று தொடரில் 1-0 என முன்னிலை பெற்றுள்ளது. இரண்டாவது போட்டி புதன்கிழமை நாளை நடைபெறவுள்ளது.

கொழும்பு:

15-வது ஐ.பி.எல். கிரிக்கெட்டில் ரிஷப்பண்ட் தலைமையிலான டெல்லி அணி பிளே-ஆப் சுற்றுக்கு தகுதி பெறவில்லை. அந்த அணி 14 புள்ளிகள் எடுத்து 5-வது இடத்தை பிடித்தது.

மும்பை அணிக்கு எதிரான தனது கடைசி லீக் ஆட்டத்தில் டெல்லி வெற்றி பெற்றால் பிளே-ஆப் சுற்றுக்கு தகுதி பெறலாம் என்ற நிலை இருந்தது. ஆனால் அந்த ஆட்டத்தில் தோற்று டெல்லி வெளியேறியது.

இந்த நிலையில் டெல்லி தகுதி பெறாதது குறித்து அந்த அணியில் விளையாடிய ஆஸ்திரேலியா வீரர் மிட்செல் மார்ஷ் தனது ஆதங்கத்தை வெளிப்படுத்தி உள்ளார். இதுகுறித்து அவர் கூறியதாவது:-

நாங்கள் (டெல்லி அணி) ஐ.பி.எல். இறுதிப்போட்டிக்கு முன்னேற முடியாமல் போனது அவமான கரமானது. இது வேதனை அளித்தது. ஐ.பி.எல். போட்டி தொடக்கத்தில் எனக்கு சிறிய காயம் ஏற்பட்டது. பிறகு ஒரு போட்டியில் விளை யாடினேன்.

அப்போது கொரோனா பாதிப்பு ஏற்பட்டதால் சற்று நடுக்கம் ஏற்பட்டது. அதன்பின்னர் மீண்டும் போட்டிகளில் விளை யாடியது மகிழ்ச்சியாக இருந்தது.

நான் 3-வது வரிசையில் பேட்டிங் செய்வதை விரும்புகிறேன். அதை 20 ஓவர் கிரிக்கெட்டில் எனது சிறந்த நிலைப்பாடு என்று நான் நிச்சயமாக உணர்கிறேன். மேலும் பவர்பிளேவில் பேட்டிங் செய்வதை விரும்பினேன். என்னால் 3-வது வரிசை யில் தொடர்ந்து நிலைத்து நிற்க முடியும் என்று நம்புகிறேன்.

சர்வதேச கிரிக்கெட் மிகவும் கடினமானது. உலகில் எந்த அணிக்கு எதிராக எனது சிறந்த ஆட்டத்தை வெளிப்படுத்த முடியும் என்ற நம்பிக்கை உள்ளது.

இவ்வாறு அவர் பேசினார்.