நீங்கள் தேடியது "Nayab Singh Saini"

அரியானா மாநிலத்தில் நடைபெற்ற சட்டமன்ற தேர்தலில் பா.ஜ.க. 48 இடங்களில் வெற்றி பெற்று தனி மெஜாரிட்டி பெற்றது. ஏற்கனவே முதல்வராக இருக்கும் நயாப் சிங் சைனி 2-வது முறையாக இன்று முதல்வராக பதவி ஏற்றுக்கொண்டார்.

இந்த நிலையில் பா.ஜ.க.-வில் முதல்வர் பதவிக்கு சண்டை நடைபெற்று வருவதாகவும், சில தினங்களில் முதல்வர் மாற்றப்படலாம் எனவும் ஆம் ஆத்மி கட்சியின் டெல்லி மாநில மந்திரி சவுரப் பரத்வாஜ் தெரிவித்துள்ளார்.

இது தொடர்பாக சவுரப் பரத்வாஜ் கூறியதாவது:-

தசரா நாளில் அரியானா மாநில முதல்வராக நயாப் சிங் சைனி பதவி ஏற்கும் விழா நடக்கிறது. முதல்வர் பதவி யாருக்கு என்பதில் பா.ஜ.க.வில் ஏராளமான சண்டைகள் நடைபெற்று வருகிறது. தற்போது இந்த சண்டை எப்படியோ சமாளிக்கப்பட்டுள்ளது. பதவி ஏற்பு விழா நடந்துள்ளது. ஆனால், அரியானா முதல்வர் இன்னும் நில நாட்களில் மாற்றப்படுவார்.

இன்று நடைபெற்ற பதவி ஏற்பு விழாவில் பா.ஜ.க. ஆட்சி நடைபெறும் மாநில முதல்வர்கள் கலந்து கொண்டனர்.

உத்தர பிரதேச மாநில முதல்வர் யோகி ஆதித்யநாத், உத்தரகாண்ட் மாநில முதல்வர் புஷ்கர் சிங் தாமி கலந்து கொண்டனர். பிரதமர் மோடி கலந்து கொண்டார்.

பதவி ஏற்ற நயாப் சிங் சைனி, அரசு மீது நம்பிக்கை வைத்த அரியானா மாநில மக்களுக்கு நன்றி எனத் தெரிவித்தார்.

90 சட்டமன்ற இடங்களை கொண்ட அரியானா மாநிலத்தில் நடைபெற்ற தேர்தலில் பா.ஜ.க. வெற்றி பெற்றது. தொடர்ந்து 3-வது முறையாக பா.ஜ.க. ஆட்சியை பிடித்து சாதனைப் படைத்தது. தற்போது முதல்வராக இருக்கும் நயாப் சிங் சைனி, மீண்டும் முதல்வராக பதவி ஏற்பார் என பா.ஜ.க. மேலிடம் அறிவித்தது.

இந்த நிலையில் இன்று மாலை நயாப் சிங், மத்திய உள்துறை மந்திரி அமித் ஷா, மத்திய மந்திரி மனோகர் லால் கட்டார், அரியானா மாநில பா.ஜ.க. தேர்தல் பொறுப்பாளரான இருந்த மத்திய மந்திரி தர்மேந்திர பிரதான் உள்ளிட்டோர் ஆளுநர் பண்டாரு தாத்ரேயாவை சந்தித்தனர். அப்போது எம்.எல்.ஏ.-க்கள் ஆதரவு கடிதத்தை நயாப் சிங் சைனி வழங்கினார்.

இதனைத் தொடர்ந்து நாளை அரியானா மாநிலத்தின் முதல்வராக பதவி ஏற்க உள்ளார்.

அரியானா மாநில தேர்தலில் பா.ஜ.க. 48 இடங்களை பிடித்து தனிமெஜாரிட்டி பிடித்தது. காங்கிரஸ் 37 இடங்களில் வெற்றி பெற்றது.

அரியானா மாநிலத்தில் 90 இடங்களுக்கும் ஒரே கட்டமாக வாக்குப்பதிவு நடைபெற்று வருகிறது. இரண்டு முறை ஆட்சியை தொடர்ந்து பிடித்துள்ள பா.ஜ.க. இந்த முறையும் ஆட்சியை தக்கவைத்துக் கொள்ள முனைப்பு காட்டி தீவிர தேர்தல் பிரசாரத்தில் ஈடுபட்டது.

முதல்வர் நயாப் சிங் சைனி லத்வா சட்டமன்ற தொகுதியில் போட்டியிடுகிறார். இன்று காலை அவர் தனது வாக்கை செலுத்தினார். பின்னர் கூறியதாவது:-

பா.ஜ.க.-வுக்கு சாதகமாக காற்று வீசுகிறது. அரியானாவில் பா.ஜ.க. 3-வது முறையாக ஆட்சி அமைக்கும். மிகப்பெரிய வாக்கு வித்தியாசத்தில் லத்வா தொகுதியில் தாமரை மலரும். கனவு காண்பதில் இருந்து காங்கிரசை யாராலும் தடுத்து நிறுத்த முடியாது. அவர்கள் ஏற்கனவே சத்தீஸ்கர், மத்திய பிரதேசத்தில் கனவு கண்டார்கள்.

அவர்களுடைய பணிகளை அவர்கள் உற்று நோக்க வேண்டும். அவைகள் வளர்ச்சிக்கு எவ்வாறு தடையாக இருந்தது என்பதையும் பார்க்க வேண்டும். தலித் மக்களை அவர்கள் இழிவுப்படுத்தியதை மாநில மக்கள் புரிந்து கொண்டுள்ளனர்.

இவ்வாறு நயாப் சிங் சைனி தெரிவித்தார்.

அரியானாவில் வருகிற 5-ந்தேதி ஒரே கட்டமாக 90 தொகுதிகளுக்கு சட்டமன்ற தேர்தல் நடைபெற இருக்கிறது. ஆளும் பா.ஜ.க.-வுக்கும் காங்கிரஸ் கட்சிக்கும் இடையில் பலத்த போட்டி நிலவுகிறது.

இந்த நிலையில் அரியானா முதல்வரான நயாப் சிங் சைனி கூறியதாவது:-

கடந்த சில நாட்களில், மத்திய பிரதேசம் மற்றும் சத்தீஷ்கர் சட்டமன்ற தேர்தல்களில் காங்கிரஸ்க்கு ஏற்பட்ட நிலைதான் இங்கேயும் ஏற்படப்போகிறது என்பது தெளிவாக தெரிகிறது. இதற்கு முக்கிய காரணம் கடந்த 15 முதல் 20 நாட்களாக காங்கிரஸ் தலைவர்கள் அரியாவிற்கு வர ஒத்துக்கொள்ளவில்லை.

தற்போது மாநில மக்கள் விரக்தியில் உள்ளனர். காங்கிரஸ் சில நேரங்களில் இரண்டு தேர்தல் அறிக்கைகளை வெளியிடுகிறது. சில நேரம் அக்கட்சியின் தலைவர்கள் அபத்தமான அறிக்கையை கொடுக்கின்றனர். அரியானாவில் காங்கிரஸ் தற்போது குழப்பமாக உள்ளது. என்ன செய்ய வேண்டும் என்பது அவர்களால் புரிந்துகொள்ளக் கூடிய திறன் இல்லை.

ஒதுக்கீட்டிற்கு எதிராக பேசிய ராகுல் காந்தி இரண்டு மூன்று நாள் தேர்தல் பிரசாரத்திற்காக அரியானா வரப்போவதாக திடீரென செய்திகள் பரவுகின்றன. அரியான சிறந்த இடம். கடந்த 10 ஆண்டுகளாக எல்லை நிலைகளிலும் பா.ஜ.க. அரசு வளர்ச்சியை ஏற்படுத்தியுள்ளது.

எனவே, ராகுல் காந்தி இங்கு வந்து சுற்றித்திரிந்து தனது சுற்றுலாவைச் செய்ய வேண்டும். ஹூடா ஆட்சியில் நடைபெற்ற கர்ச்சி பர்ச்சி குறித்து இளைஞர்கள் கேள்வி கேட்பார்கள். அரியானாவில் உள்ள தலித் மக்கள், ஒதுக்கீட்டிற்கு எதிர்ப்பு தெரிவித்தபின், எந்முகத்துடன் அரியானாவுக்கு வருகிறீர்கள் என கேள்வி கேட்பார்கள். இதுபோன்ற எல்லாக் கோள்விகளுக்கும் ராகுல் காந்தி பதில் அளிக்க வேண்டும்.

இவ்வாறு நயாப் சிங் சைனி தெரிவித்துள்ளார்.

சண்டிகர்:

அரியானாவில் முதல்- மந்திரி நாயப் சிங் சைனி தலைமையிலான மாநில அமைச்சரவையின் பரிந்துரையின் பேரில் சட்டப் பேரவையை முன்கூட்டியே கலைத்து, கவர்னர் பண்டாரு தத்தாத்ரேயா நேற்று நடவடிக்கை மேற்கொண்டாா்.

அரசமைப்புச் சட்டத்தின் கீழ், மாநில பேரவை கடைசியாக கூடியதில் இருந்து 6 மாதங்களுக்குள் மீண்டும் கூட்டப்பட வேண்டும்.

அரியானாவில் பேரவைக் கூட்டம் கடைசியாக கடந்த மாா்ச் 13-ந் தேதி நடைபெற்றது. எனவே, அடுத்த கூட்டத்தை செப்டம்பா் 12-ந் தேதிக்குள் கூட்ட வேண்டிய நிலை ஏற்பட்டது.

மாநிலத்தில் அக்டோபா் 5-ந் தேதி சட்டப் பேரவைத் தோ்தல் நடைபெற இருக்கும் சூழலில், பேரவையை கூட்ட வேண்டியதை தவிா்க்க அதை முன்கூட்டியே கலைக்குமாறு கவர்னருக்கு மாநில அமைச்சரவை பரிந்துரைத்தது.

இதையடுத்து, அரசமைப்புச் சட்டத்தின் 174 (2) (பி) பிரிவின்கீழ் உள்ள அதிகாரங்களைப் பயன்படுத்தி, பேரவையை கவர்னர் நேற்று (வியாழக்கிழமை) கலைத்தாா். அரசமைப்புச் சட்ட சிக்கல் ஏற்படாமல் தவிா்க்க இந்த நடவடிக்கை மேற்கொள்ளப்பட்டது.

இனி, காபந்து முதல்வராக நாயப் சிங் சைனி செயல்படுவாா். அரியானா பேரவையின் பதவிக்காலம் நவம்பா் 3-ந் தேதி வரை இருந்தது குறிப்பிடத்தக்கது.

சண்டிகர்:

அரியானா மாநிலத்தில் பாஜக சார்பில் நயாப் சிங் சைனி முதல் மந்திரியாக பதவி வகித்து வருகிறார்.

இதற்கிடையே, அரியானா மாநிலத்தில் அக்டோபர் 1-ம் தேதி சட்டசபைத் தேர்தல் நடைபெறும் என தேர்தல் ஆணையம் அறிவித்துள்ளது. இதனால் அனைத்து அரசியல் கட்சிகளும் தீவிர பிரசாரத்தில் ஈடுபட்டு வருகின்றன.

90 சட்டசபை தொகுதிகளைக் கொண்டுள்ள அரியானாவில் ஒரே கட்டமாக தேர்தல் நடைபெற உள்ளது. அங்கு பா.ஜ.க. மற்றும் காங்கிரஸ் கட்சி இடையே கடும் போட்டி நிலவுகிறது.

இந்நிலையில், அரியானா முதல் மந்திரி நயாப் சிங் சைனி மற்றும் மாநில பா.ஜ.க. தலைவரான மோகன் லால் பதோலி ஆகியோர் ஜிந்த் கிராமத்தில் இன்று மாட்டு வண்டியில் பயணம் செய்தனர்.

அப்போது மாட்டு வண்டியை ஓட்டி வந்த பெண்மணியிடம் முதல் மந்திரி நயாப் சிங் சைனி கிராமத்தில் நடைபெறும் விவசாயம் உள்பட பல்வேறு விஷயங்கள் குறித்து கேட்டறிந்தார்.

முதல் மந்திரியின் பாதுகாப்புக்காக வந்த பாதுகாவலர்களும் மாட்டு வண்டியுடன் நடந்து சென்றனர்.

அரியானா மாநிலத்தில் அரசுப் பணிகளில் சேர்வதற்கான ஓபிசி இட ஒதுக்கீட்டை ஆளும் பாஜக அரசு அதிரடியாக அதிகரித்துள்ளது. குரூப் A மற்றும் குரூப் B பணிகளில் சேர்வதற்கான இடஒதுக்கீடு 15 சதவீதத்தில் இருந்து 27 சதவீதமாக அதிகரிக்கப்பட்டுள்ளது. மேலும் ஓபிசி கிரீமி லேயர் வருமான உச்சவரம்பு வருடத்துக்கு ரூ.8 லட்சம் எனவும் அதிகரிகரிக்கப்பட்டுள்ளது.

இந்த அறிவிப்பை வெளியிட்டு பேசிய அம்மாநில முதல்வர் நயாப் சிங் சைனி, இதர பிற்படுத்தப்பட்ட வகுப்பைச் சேர்ந்த ஓபிசி பிரிவினரின் நலனை கருத்தில் கொண்டு இந்த முடிவு எடுக்கப்பட்டுள்ளதாக தெரிவித்துள்ளார். இதர பிற்படுத்தப்பட்ட வகுப்பைச் சேர்த்தவர்கள் குரூப் A மற்றும் B பணிகளில் பின்தங்கியுள்ள நிலையில் அவர்களுக்கென மாநிலம் முழுவதும் சிறப்பு வேலைவாய்ப்பு முகாம் நடத்தப்படும் என்றும் அரியானா அரசு அறிவித்துள்ளது.

இந்த வருட இறுதியில் அரியானாவில் சட்டமன்றத் தேர்தல் வர உள்ள நிலையில் அரசின் இந்த முடிவை முக்கியத்துவம் வாய்ந்த நகர்வாக பார்க்கமுடிகிறது. மாநிலத்தில் இளைஞர்களுக்கான வேலை வாய்ப்பை அதிகரித்து முன்னேற்றப் பணிகளில் கவனம் செலுத்தி, ஏழைகள், விவசாயிகள் மற்றும் பெண்களின் நலனில் அக்கறை கொண்ட அரசாக இருந்துவருவதால் தாங்கள் தொடர்ச்சியாக மூன்றாவது முறையாக ஆட்சியைப் பிடிப்போம் என்று முதல்வர் சைனி நம்பிக்கை தெரிவித்துள்ளார்.

முன்னதாக புதிய வேளாண் சட்டங்களை எதிர்த்து நடந்த போராட்டங்களில் அரியானா விவசாயிகள் அதிகளவில் கலந்துகொண்டனர் என்பது குறிப்பிடத்தக்கது. 

பிரதமர் மோடியின் வேண்டுகோளை ஏற்று ஜூன் 21-ம் தேதியை சர்வதேச யோகா தினமாக ஐக்கிய நாடுகள் சபை அங்கீகரித்தது.

இதையடுத்து, 2015-ம் ஆண்டு முதல் ஒவ்வொரு ஆண்டும் ஜூன் 21-ம் தேதி சர்வதேச யோகா தினமாக கொண்டாடப்பட்டு வருகிறது. 10-வது சர்வதேச யோகா தினம் இன்று கொண்டாடப்படுகிறது.

சர்வதேச யோகா தினத்தை முன்னிட்டு டெல்லியில் பல்வேறு இடங்களில் நடைபெற்ற யோகா நிகழ்ச்சியில் மத்திய சுகாதாரத்துறை அமைச்சர் ஜே.பி.நட்டா, ரெயில்வே அமைச்சர் அஸ்வினி வைஷ்ணவ், மத்திய கலாச்சாரத்துறை அமைச்சர் கஜேந்திர சிங் ஷெகாவத் ஆகியோர் பங்கேற்று யோகா செய்தனர்.

மும்பையில் யோகா நிகழ்ச்சியில் பாஜக தலைவர் ஷைனா என்சி மற்றும் பலர் யோகாசனம் செய்தனர்.

 இந்தோ-திபெத் எல்லை போலீசார் 15,000 அடி உயரத்தில் உள்ள வடக்கு சிக்கிமில் உள்ள முகுதாங் சப் செக்டார் என்ற இடத்தில் யோகா செய்தனர்.

அரியானா முதல்வர் நயாப் சிங் சைனி ஹிசாரில் நடைபெற்ற யோகா நிகழ்ச்சியில் பங்கேற்று யோகா செய்தார்.

#WATCH | Haryana CM Nayab Singh Saini performs Yoga at a Yoga event in Hisar, on the occasion of International Day of Yoga. pic.twitter.com/FSYI1jjIZz

— ANI (@ANI) June 21, 2024

காஷ்மீரில் நடக்கும் யோகா தின நிகழ்ச்சியில் பிரதமர் மோடி பங்கேற்கிறார். ஸ்ரீநகரில் தால் ஏரிக்கரையில் உள்ள ஷெர்-இ-காஷ்மீர் சர்வதேச மாநாட்டு மையத்தில் நடக்கும் நிகழ்ச்சியில் அவர் பங்கேற்கிறார். இந்த நிகழ்ச்சியில் காஷ்மீரைச் சேர்ந்த பல்வேறு விளையாட்டு வீரர்களும் பங்கேற்கின்றனர்.

இந்த யோகா நிகழ்ச்சியில் 7 ஆயிரத்துக்கும் அதிகமானோர் கலந்துகொண்டு பிரதமர் மோடியுடன் யோகா பயிற்சிகள் செய்ய உள்ளனர்.

அரியானா மாநிலத்தில் பா.ஜனதா தலைமையிலான கூட்டணி ஆட்சி நடைபெற்று வந்தது. மனோகர் லால் கட்டார் முதல்வராக இருந்து வந்தார். கட்டார் ஆட்சிக்கு ஜனநாயக ஜனதா கட்சி என்ற மாநில கட்சி ஆதரவு அளித்து வந்தது.

இரு கட்சிகளும் இணைந்து மக்களவை தேர்தலில் போட்டியிட முடிவு செய்தன. ஜேஜேபி கட்சி தலைவரும், அரியானா மாநிலத்தின் துணை முதல்வராக இருந்த துஷ்யந்த் சவுதாலா டெல்லியில் ஜே.பி. நட்டா உடன் தொகுதி பங்கீடு தொடர்பாக பேச்சுவார்த்தை நடத்தினார்.

அப்போது பேச்சுவார்த்தையில் உடன்பாடு எட்டப்படவில்லை எனத் தெரிகிறது. இதனால் பா.ஜனதா- ஜேஜேபி இடையிலான கூட்டணி முறிவடைய வாய்ப்புள்ளதாக தகவல் வெளியானது.

இருந்த போதிலும் சில சுயேட்சை சட்டமன்ற உறுப்பினர்கள் கட்டாருக்கு ஆதரவு தெரிவித்தனர். இதனால் ஆட்சி கவிழ வாய்ப்பு இல்லை எனக் கூறப்படுகிறது. இருந்தபோதிலும் கட்டார் தனது முதல்வர் பதவியை ராஜினாமா செய்வார் எனத் தகவல் வெளியானது. இந்த நிலையில் கட்டார் தனது முதல் பதவியை ராஜினாமா செய்தார். அவர் ஆளுநரை சந்தித்து தனது ராஜினாமா கடிதத்தை கொடுத்தார்.

இந்நிலையில், அரியானா மாநில பாஜக தலைவராகவும், குருக்ஷேத்ரா தொகுதி எம்.பி ஆகவும் இருக்கும் நயாப் சைனி ஹரியானா முதல்வராக பதவியேற்றார்

இன்று மாலை 5 மணியளவில் நயப் சிங் சைனிக்கு ஹரியானா ஆளுநர் பண்டாரு தத்தாத்ரேயா பதவிப் பிரமாணம் செய்து வைத்தார்

முதல்வர் பதவியை ராஜினாமா செய்துள்ள மனோகர் லால் கட்டார், மக்களவை தேர்தலில் போட்டியிட வாய்ப்புள்ளதாக கூறப்படுகிறது.