நீங்கள் தேடியது "pothigai express"

கடையநல்லூர்:

தென்காசி மாவட்டம் செங்கோட்டையில் இருந்து சென்னைக்கு தினமும் பொதிகை எக்ஸ்பிரஸ் இயக்கப்பட்டு வருகிறது.

இந்த ரெயில் தினமும் மாலை 6.30 மணிக்கு செங்கோட்டையில் இருந்து புறப்படுகிறது. பின்னர் கடையநல்லூர், பாம்புகோவில், ஸ்ரீவில்லி புத்தூர் வழியாக சென்னைக்கு சென்றடைகிறது.

நேற்று மாலை வழக்கம்போல் செங்கோட்டை ரெயில் நிலையத்தில் இருந்து பொதிகை எக்ஸ்பிரஸ் புறப்பட்டு சென்றது. 6.50 மணிக்கு கடையநல்லூர் ரெயில் நிலையத்திற்கு வந்த பொதிகை எக்ஸ்பிரஸ் அங்கு பயணிகளை ஏற்றிக்கொண்டு மீண்டும் புறப்பட்டது.

இந்த ரெயில் கடையநல்லூர்-பாம்புகோவில் ரெயில் நிலையங்களுக்கு இடையே போகநல்லூர் பகுதியில் சென்றபோது அங்கு தண்டவாளத்தின் நடுவே சுமார் 10 கிலோ எடை கொண்ட பெரிய அளவிலான பாறாங்கல் வைக்கப்பட்டிருந்தது.

இதனைப்பார்த்த ரெயில் என்ஜின் டிரைவர் சுதாரித்துக்கொண்டு ரெயிலை மெதுவாக இயக்கியவாறு அதனை நிறுத்தினார். தகவல் அறிந்ததும் ரெயில்வே போலீசார் விரைந்து சென்று தண்டவாளத்தில் இருந்த பாறாங்கற்களை அகற்றினர். பின்னர் மீண்டும் அங்கிருந்து பொதிகை எக்ஸ்பிரஸ் புறப்பட்டு சென்றது.

ஏற்கனவே கடந்த மாதமும் சங்கனாப்பேரி பகுதியில் தண்டவாளத்தில் பாறாங்கல் வைக்கப்பட்ட சம்பவத்தில் வடமாநில தொழிலாளர்கள் 2 பேரை போலீசார் கைது செய்தனர். 'ரீல்ஸ்' வீடியோ எடுப்பதற்காக அவர்கள் தண்டவாளத்தில் பாறாங்கல் வைத்தது தெரிய வந்தது.

கடந்த ஒரு மாதமாக ரெயில்வே போலீசார் கடையநல்லூரில் இருந்து பாம்பு கோவில் சந்தை வரை தண்டவாளங்களை தீவிரமாக கண்காணித்து வந்தனர்.

இந்நிலையில் தேவர் ஜெயந்தியை முன்னிட்டு பசும்பொன்னுக்கு ஏராளமான போலீசார் பாதுகாப்பிற்கு சென்றனர். இந்த நிலையில் தான் நேற்று இந்த சம்பவம் நடந்துள்ளது.

எனவே தண்டவாளத்தில் பாறாங்கல் வைத்து ரெயிலை கவிழ்க்க சதி நடந்ததா? என ரெயில்வே போலீசார் வழக்குப்பதிவு செய்து விசாரணை நடத்தி வருகின்றனர். 

நெல்லை:

தென்னக ெரயில்வேயின் கீழ் இயங்கும் பொதிகை எக்ஸ்பிரஸ் ரெயிலானது தினமும் சென்னை எழும்பூர் ரெயில் நிலையத்தில் இருந்து செங்கோட்டை வரையிலும், மறு மார்க்கமாக செங்கோ ட்டையில் இருந்து சென்னை எழும்பூர் வரையிலும் இயக்கப்படுகிறது.

ஏ.சி. பெட்டிகள் இணைப்பு

இதேபோல் நெல்லை எக்ஸ்பிரஸ் ரெயிலானது நெல்லை-சென்னை-நெல்லை இடையே தினமும் இயக்கப்பட்டு வருகிறது. இந்த 2 ெரயில்களிலும் வருகிற ஜூன் மாதம் 17-ந்தேதி முதல் ஏசி பெட்டிகளில் மாற்றம் செய்யப்படுகிறது.

அதாவது முதல் மற்றும் 2-ம் வகுப்புடன் கூடிய ஏ.சி. பெட்டிகள் இந்த 2 ரெயில்களிலும் இணைக்கப்படுகிறது. இதன் காரணமாக தூங்கம் வசதி பெட்டியில் ஒன்று குறைக்கப்படும் என ரெயில்வே சார்பில் தெரிவிக்கப்பட்டுள்ளது. இதுகுறித்து ரெயில்வே ஆலோசனைக்குழு உறுப்பினர் பாண்டியராஜா கூறியதாவது:-

தூத்துக்குடி முத்துநகர் எக்ஸ்பிரஸ் மற்றும் கன்னியாகுமரி எக்ஸ்பிரஸ் ஆகிய 2 ெரயில்களும் பெட்டிகள் பகிர்வு முறையில் தூத்துக்குடி பராமரிப்பு பணிமனையில் பராமரிக்கப்பட்டு வருகின்றன. அதேபோல் நெல்லை எக்ஸ்பிரஸ் மற்றும் செங்கோட்டை பொதிகை எக்ஸ்பிரஸ் ஆகிய இரண்டும் பெட்டிகள் பகிர்வு முறையில் நெல்லையில் பராமரிக்கப் பட்டு வருகின்றன. இதில் முத்து நகர், கன்னியாகுமரி ெரயில்களில் இருந்து முதல்வகுப்புடன் கூடிய 2 அடுக்கு குளிர்சாதன பெட்டி ஒன்று நீக்கப்பட்டு நெல்லை மற்றும் பொதிகை ெரயில்களுக்கு கொடு க்கப்பட இருக்கின்றன. முத்துநகர் மற்றும் கன்னி யாகுமரி ெரயில் களுக்கு முழுமையான முதல் வகுப்பு குளிர்சாதன பெட்டி வழங்கப்பட இருக்கிறது.

8 தூங்கும் வசதி பெட்டிகள்

இதில் வருத்தமான செய்தி, தற்போது 9 தூங்கும் வசதி பெட்டிகளுடன் இயங்கி வந்த நெல்லை மற்றும் பொதிகை ெரயில்களில் இருந்து ஒரு பெட்டி நீக்கப்பட்டு இந்த முதல்வகுப்புடன் கூடிய 2 அடுக்கு குளிர்சாதன பெட்டி இணைக்கப்பட இருக்கிறது.

இனிமேல் பொதிகை மற்றும் நெல்லை ெரயில்களில் 8 பெட்டிகள் தான் குளிர்சாதன வசதி இல்லாத தூங்கும் வசதி பெட்டிகள் இருக்கும்.

இவ்வாறு அவர் கூறினார்.

தென்காசி:

தென்காசி மாவட்டம், செங்கோட்டையிலிருந்து சென்னைக்கு பொதிகை எக்ஸ்பிரஸ் ரெயில் நாள்தோறும் மாலை 6.20 மணிக்கு செங்கோட்டையில் இருந்து சென்னைக்கு இயக்கப்பட்டு வருகிறது.

அந்த வகையில், கடந்த 2004-ம் வருடம் தொடங்கப்பட்ட இந்த ரெயில் சேவையானது, தென்காசியில் இருந்து சென்னை வரை முதலில் இயக்கப்பட்டு வந்த சூழலில், கடந்த 2008-ம் வருடம் செங்கோட்டை வரை நீட்டிப்பு செய்யப்பட்டு, அந்த நாள் முதல் செங்கோட்டை யிலிருந்து சென்னைக்கு இயக்கப்பட்டு வருகின்றன.

இந்த ரெயில் சேவை தொடங்கப்பட்டு 17 வருடங்கள் முடிந்து 18-வது ஆண்டு இன்று தொடங்குகிறது. இதனை கொண்டாடும் விதமாக செங்கோட்டை ெரயில் பயணிகள் சங்கத்தின் சார்பாகவும், உள்ளூர் அரசியல் பிரமுகர்கள் தி.மு.க. நகர செயலாளர் ரஹீம் உள்ளிட்டோர் சார்பாகவும் பொதிகை எக்ஸ்பிரஸ் ெரயிலுக்கு மாலை அணிவித்து தோர ணங்கள் கட்டப்பட்டன.

தொடர்ந்து, பொதிகை எக்ஸ்பிரஸ் ரெயிலின் 18-வது ஆண்டை கொண்டாடும் வகையில், செங்கோட்டை ரெயில் நிலையத்தில் வைத்து பொதிகை எக்ஸ்பிரஸ் ரெயிலின் புகைப்படம் அடங்கிய கேக்கை வெட்டி பொதிகை எக்ஸ்பிரஸ் ரெயிலின் 18-ம் ஆண்டு தொடக்க விழா கொண்டாடப்பட்டது.