நீங்கள் தேடியது "punjab"

வட இந்தியாவிலும் அண்டை நாடான பாகிஸ்தானிலும் காற்று மாசுபாடு கட்டுப்படுத்தமுடியாத அளவுக்கு அதிகரித்த வண்ணம் உள்ளது. பாகிஸ்தானின் பஞ்சாபில் புகை மூட்டம் தொடர்ந்து மோசமாகி வருகிறது. நேற்று காலை அந்நகரில் காற்றின் தரக் குறியீடு 2000 என்ற அளவைத் தாண்டி மோசமடைந்தது. இதனால் நகரம் புகைமூட்டமாக காட்சி அளித்தது.

பஞ்சாபின் அனைத்து முக்கிய நகரங்களிலும் காற்றின் தரம் கடுமையான அளவில் மோசமடைந்ததால் காற்றின் மாசு அளவைக் குறைக்க பாகிஸ்தானின் பஞ்சாப் மாநில அரசு கடுமையான நடவடிக்கைகளை எடுத்து வருகிறது.

எனவே நவம்பர் 17ம் தேதி வரை பூங்காக்கள் மற்றும் அருங்காட்சியகங்களை மூட அரசு உத்தரவிட்டுள்ளது. அதன்படி பல்வேறு நகரங்களில் கட்டாய 'லாக்டவுன்' அறிவிக்கப்பட்டுள்ளது. மோசமான காற்றின் தரம் காரணமாக தொண்டை வலி ஏற்படுவதாகப் பொதுமக்கள் புகார் தெரிவித்து வருகின்றனர். மமேலும் லாகூர் உலகின் மிகுவும் மாசுபட்ட நகரமாக மாறி உள்ளது.

ஒரு கன மீட்டருக்கு ஐந்து மைக்ரோகிராம்களுக்கு மேல் உள்ள எதையும் அபாயகரமானது என்று உலக சுகாதர அமைப்பு வரையறுக்கிறது. ஆனால் இங்குள்ள நகரங்களில் காற்றில் கலந்துள்ள நுண்துகள்கள் ஒரு கன மீட்டருக்கு 947 மைக்ரோகிராம்கள் உள்ளது. இது உலக சுகாதார அமைப்பு அபாயம் என்று வரையறுத்ததை விட 189.4 மடங்கு அதிகமாகும்.

புகழ்பெற்ற பஞ்சாப் பாடகரும் காங்கிரஸ் கட்சியின் பிரமுகருமான சித்து மூஸ் வாலா [28 வயது], அங்குள்ள மன்சா மாவட்டத்தில் 2022-ம் ஆண்டு மே 29-ம் தேதி சுட்டுக் கொல்லப்பட்டார். லாரன்ஸ் பிஸ்னோய் கும்பலுடன் தொடர்புடைய கனடாவைச் சேர்ந்த கூலிப்படைத் தலைவர் கோல்டி பிரார் இந்த கொலை சம்பவத்துக்கு பொறுப்பேற்றாா். இச்சம்பவம் அம்மாநிலத்தில் பெரும் பரபரப்பை ஏற்படுத்தியது.

58 வயதான சரண் சிங்கின் ஒரே மகனான சித்து மூஸ்வாலாவின் திடீர் மரணம் அவர்களை வெகுவாக பாதித்தது. ஆதலால் தனது மகனின் நினைவாக ஒரு குழந்தை பெற வேண்டும் என்ற எண்ணத்தில் சித்து மூஸ்வாலாவின் தாயார் செயற்கை கருவுறுதல் முறையில் கருவுற்று கடந்த மார்ச் மாதம் ஆண் குழந்தையை பெற்றெடுத்தார்.

சித்து மூஸ்வாலாவின் சகோதரனான பிறந்திருக்கும் அந்த ஆண் குழந்தைக்கு சுப்தீப் சிங் சித்து என பெற்றோர் பெயரிட்டிருந்தனர். இந்நிலையில் குழந்தை சுப்தீப் சிங்கின் புடைக்கப்படத்தை பொதுவெளியில் முதல்முறையாக வெளியிட்டு பெற்றோர் நெகிழ்ச்சி தெரிவித்துள்ளனர்.

டர்பன் அணிந்த குழந்தை சுப்தீப் சிங் சித்துவை மடியில் வைத்தவாறு பெற்றோர் இன்ஸ்டாகிராமில் வெளியிட்ட புகைப்படம் வைரலாகி வருகிறது. அந்த பதிவில், முகத்தில் உள்ள குழந்தைமையை தாண்டி, அதில் தெரியும் விலைமதிப்பில்லாத பிரகாசம், நாங்கள் கண்ணீருடன் கடவுளிடம் ஒப்படைத்த எங்களின் பிரியத்துக்குரியவன் மீண்டும் சிறிய உருவத்தில் எங்களுக்கு திரும்பக்கிடைத்ததாக உணர்த்துகிறது என்று அவரது குடும்பம் தெரிவித்துள்ளது. சித்து மூஸ்வாலா தங்களுக்கு மீண்டும் மகனாகப் பிறந்ததாக அவர்கள் நெகிழ்ச்சி தெரிவித்துள்ளனர்.

பாபா சித்திக் 

மகாராஷ்டிர முன்னாள் அமைச்சரும் என்சிபி முக்கியப் புள்ளியான பாபா சித்திக் நேற்று முன்தினம் [சனிக்கிழமை] சுட்டுக் கொலை செய்யப்பட்டார். இந்த கொலையில் லாரன்ஸ் பிஷ்னோய் கும்பல் பொறுப்பேற்றுள்ளது. பாலிவுட் நடிகர் சல்மான் கானை கொலை செய்ய தொடர்ந்து முயற்சித்து வரும் இந்த கும்பல் சல்மானுக்கு உதவி செய்தால் பாபா சித்திக்கின் கதிதான் ஏற்படும் என்று பகிரங்கமாக மிரட்டல் விடுத்துள்ளது.

அடுத்த தாவூத் 

 மும்பை நிழலுலக தாதா தாவூத் இப்ராஹிமிற்கு அடுத்தபடியாக லாரன்ஸ் பிஷ்னோய் தாதா கும்பல் எந்த சட்டத்துக்கும் பயப்படாமல் துணிச்சலாக இயங்கி வருவதையே பாபா சித்திக் கொலை காட்டுகிறது. நாட்டில் உயர்மட்டத்தில் நடக்கும் பல்வேறு குற்றச்செயல்களில் லாரன்ஸ் பிஷ்னோய் கும்பலின் பெயர் அடிபடுவதை சாதரணமாக பார்க்கலாம். பஞ்சாபை சேர்ந்த பிரபல பாடகர் சித்து மூஸ்வாலா கொலைக்கும் லாரன்ஸ் பிஷ்னோய் கும்பலே பொறுப்பு.

நெட்வொர்க் 

இந்தியாவில் டெல்லி, பஞ்சாப், ராஜஸ்தான், மகாராஷ்டிரா உள்ளிட்ட 11 மாநிலங்களில் சுமார் 700 துப்பாக்கி பயிற்சி பெற்ற ஷூட்டர்களை கொண்டு என வட இந்தியாவில் மிகபெரிய தாதா கும்பலாக லாரன்ஸ் பிஷ்னோய் இயங்கி வருவதாக தேசிய புலனாய்வு அமைப்பான [என்ஐஏ] தெவிர்த்துள்ளது. லாரன்ஸ் பிஷ்னோய் உட்பட இந்த கும்பலில் உள்ள 700 பேரில் 300 பேர் பஞ்சாபை சேர்த்தவர்கள் என்றும் என்ஐஏ தற்போது உபா சட்டத்தின்கீழ் வெளியிடுயுள்ள குற்றப்பத்திரிகையில் கூறப்பட்டுள்ளது.

லாரன்ஸ் 

31 வயதான லாரன்ஸ் பிஷ்னோய் பஞ்சாபின் பெரோஸ்பூர் மாவட்டத்தில் உள்ள தட்டரன்வாலி [Dhattaranwali] கிராமத்தில் வசதி படைத்த விவசாய குடும்பத்தில் பிறந்தவர் ஆவார், இவரின் பிஸ்னாய் சமுதாயம் பஞ்சாப் , அரியானா, மற்றும் ராஜஸ்தான் பகுதிகளில் பரவலாக காணப்படுகிறது.

சண்டிகரில் கல்லூரி காலத்திலேயே மாணவர் அரசியலை மறைப்பாக வைத்துக்கொண்டு குற்றச் செயல்களில் ஈடுபடத்தொடங்குள்ளார் லாரன்ஸ். 2010 ஆம் ஆண்டு அவர் மீது முதல் வழக்கு பதிவாகியுள்ளது. அதுவும் ஓரூ கொலை முயற்சி வழக்கு. இவ்வாறு குற்றச்செயலுக்காக ஒரு குவளை சிறிய அளவில் தொடங்கி காலப்போக்கில் அதை விரிவுபடுத்தியுள்ளார். 

ராக்கி  

இதற்கு ராக்கி எனப்படும் ஜஸ்விந்தர் சிங் நெருங்கிய கூட்டாளியும் பஞ்சாப் பசில்காவை சேர்ந்த உள்ளூர் அரசியல்வாதியின் உதவியும் முக்கிய காரணம். இந்த ராக்கி கடந்த 2020 ஆம் ஆண்டு இமாச்சல பிரதேசத்தில் சுட்டுக் கொல்லப்பட்டார்.

அரசியல்வாதிகள், தொழிலதிபர்களை குறிவைத்து இயங்கும் லாரன்ஸ் பிஸ்னாய் கும்பல் மற்ற கும்பல்களுடன் அடிக்கடி மோதலில் ஈடுபட்டு வெளியுலகுக்கு தெரியத் தொடங்கியது. இந்தியா மட்டுமல்லாது வெளிநாடுகளில் உள்ள நெட்வொர்க்களுடனும் லாரன்ஸ் பிஷ்னோய்க்கு தொடர்புள்ளதாக குஜராத் பயங்கரவாத தடுப்பு பிரிவு படை கூறுகிறது. சமூக வலைத்தளங்கள் மூலம் லாரன்ஸ் பிஷ்னோய் குழுவுக்கு ஆட்கள் சேர்க்கப்படுவதாக என்ஐஏ கூறுகிறது.

சிறை 

ஆள் கடத்தல், காண்டிராக்ட் கொலைகள் என பல்வேறு குற்றச்செயல்களில் ஈடுபடும் இவர்கள் சிறைகளில் இருந்தும்கூட நெட்வொர்க்கிங் மூலம் செயல்பட்டவரே இருக்கின்றனர் கடந்த 2015 இல் லாரன்ஸ் பிஷ்னோய் கைதுசெய்யப்பட்டு தற்போது குஜராத்தின் அகமதாபாத் சபர்மதி சிறையில் உள்ளார். இருந்தபோதும் அவரின் கும்பலின் செயல்பாடுகள் தடையில்லாமல் நடப்பதன்மூலம் அந்த கும்பல் எந்த அளவுக்கு வளர்ந்துள்ளது என்பதை யூகிக்க முடியும்.

சல்மான் கான் பகை 

கடந்த 1998 இல் பாலிவுட் நடிகர் சல்மான் கானுக்கு முதன்முதலில் லாரன்ஸ் பிஸ்னாய் கொலை மிரட்டல் விடுத்தார். அதன்மூலமே அவர் முதன்முதலில் பரவலாக அறியப்பட்டார். 1998 இல் சல்மான் கான் கரும்புலி வகை மான்களை வேட்டையாடிய வழக்கில் சிக்கியதை அடுத்து இந்த கொலை மிரட்டல் வந்தது. இந்து மதத்தின் பசு புனித விளங்காக உள்ளதுபோல் லாரன்ஸின் பிஷ்னோய் சமூகத்தில் கரும்புலி மான் என்பது புனித விலங்காகும்.

சல்மான் கான் அதை வேட்டையாடினர் என்பதனால் லாரன்ஸ் அவருடன் பகையை வளர்த்துக்கொண்டார். அதுமுதல் பல்வேறு சமயங்களில் சல்மான் கானுக்கு லாரன்ஸ் பிஷ்னோய் கும்பல் குறிவைத்து வருகிறது.சமீபத்தில் கடந்த ஏப்ரல் மாதம் சல்மான் கான் வீட்டின்மீது துப்பாக்கிச்சூடு நடந்தது. இந்நிலையில் தற்போது பாபா சித்திக் கொலை செய்யப்பட்ட பின்னர் சல்மான் கானின் பாதுகாப்பு அதிகரிக்கப்பட்டுள்ளது. 

பஞ்சாப் மாநிலத்தில் தனது வளர்ப்பு நாயைக் கிண்டல் செய்ததாக 5 வயது சிறுவனை நாயின் உரிமையாளர் சரமாரியாக தாக்கும் சிசிடிவி வீடியோ வெளியாகியுள்ளது. பஞ்சாப் மாநிலம் மொகாலி பகுதியைச் சேர்ந்த நபர் ஒருவர் தனது வளர்ப்பு நாயுடன் வாக்கிங் சென்று கொண்டிருந்தார். அப்போது எதிரே 2 சிறுவர்கள் டியூசன் முடிந்து வீடு திரும்பிக் கொண்டிருந்தனர். அந்த சிறுவர்களைப் பார்த்து நாய் குறைக்கத் தொடங்கியுள்ளது.

அதில் ஒரு 5 வயது சிறுவன் நாய் தன்னை பார்த்து குறைப்பதுபோல் தானும் நாயை பார்த்து குறைக்கும்விதமாக குரல் எழுப்பியுள்ளான். தனது செல்லப் பிராணி கேலிசெய்யப்படுவதைச் சகித்துக்கொள்ள முடியாத நாயின் ஓனர், சிறுவன் என்றும் பார்க்காமல் வெறி பிடித்ததுபோல் அவனை பிடித்து சரமாரியாக அடித்துள்ளார். சிறுவனை தரையில் தூக்கி வீசி, காலால் எட்டி மிதித்துள்ளார்.

இந்த வீடியோ சமூக வலைதளங்களில் வைரலான நிலையில் சிறுவனை தாக்கிய நாய் ஓனர் மீது நடவடிக்கை எடுக்க வேண்டும் எடுக்க வேண்டும் என்று பலர் கூறி வருகின்றனர். இந்த சம்பவம் தொடர்பாக விசாரணை நடத்தி வருவதாக போலீசும் தெரிவித்துள்ளது.

பஞ்சாபில் பட்டப்பகலில் வீட்டுக்குள் நுழைய முயன்ற மூன்று திருடர்களை பெண் ஒரே ஆளாக தடுத்து நிறுத்திய நெகிழ்ச்சி சம்பவம் நிகழ்ந்துள்ளது. வீட்டுக்குள் நுழைய முயன்ற திருடர்கள் உள்ளே வராமல் கதவைப் பிடித்துக்கொண்டு பெண் போராடும் சிசிடிவி வீடியோவை இணையத்தில் வைரலாகி வருகிறது.

கடந்த வாரம் வியாழக்கிழமை பஞ்சாப் மாநிலம் அம்ரிஸ்தரில் உள்ள வெர்கா பகுதியில் பட்டப்பகலில் வீடு ஒன்றில் 3 கொள்ளையர்கள் நுழைய முயன்றுள்ளனர். உள்ளூர் நகை வியாபாரி ஒருவர் வீட்டில் இல்லாததை நோட்டம் விட்ட அந்த மூவர் வீட்டுக்குள் வர முயன்ற நிலையில் அவர்களை அந்த வீட்டில் இருந்த பெண் அதை கவனித்து அவர்கள் உள்ளே வராதபடி கதவு அடைத்து நின்று போராடுகிறார்.

இறுதியில் சோபாவை இழுத்து வழியை அடைத்ததாலும் பெண் கூச்சலிட்டதாலும் உள்ளே நுழையும் முயற்சியைக் கைவிட்டு திருடர்கள் வெறுங்கையுடன் திரும்பினர். இதுதொடர்பாக அளிக்கப்பட்ட புகாரில் பேரின் போலீசார் திருடர்களை தேடி வருகிறனர். இதற்கிடையே ஒற்றை ஆளாக திருடர்களை தடுத்து நிறுத்திய பெண்மணிக்கு இணையத்தில் பாராட்டுகள் குவித்து வருகிறது.

புதுடெல்லி:

புதுடெல்லியில் இருந்து பஞ்சாப் மாநிலம் பதிண்டாவுக்கு எக்ஸ்பிரஸ் ரெயில் புறப்பட்டு சென்றது. ரெயில் இன்று அதிகாலை பதிண்டா ரெயில் நிலையம் அருகே சென்று கொண்டிருந்தது. அப்போது ரெயில் தண்டவாளத்தில் இரும்பு கம்பிகள் கிடப்பதை என்ஜின் டிரைவர் பார்த்தார்.

ரெயில் மெதுவாக வந்ததால் டிரைவர் உடனடியாக பிரேக் போட்டு நிறுத்தினார். ரெயிலில் பாதுகாப்புக்கு வந்த போலீசார் தண்டவாளத்தில் இரும்பு கம்பிகள் வைக்கப்பட்டிருப்பதை பார்த்து அதிர்ச்சி அடைந்தனர்.

சம்பவ இடத்தில் 9 இரும்பு கம்பிகள் கிடந்தன. அவற்றை போலீசார் அப்புறப்படுத்தினார்கள். பதிண்டாவின் பாங்கி நகரில் சம்பவம் நடந்த இடத்திற்கு அருகே ரெயில்வே மேம்பாலம் கட்டப்பட்டு வருகிறது. அதை கவிழ்க்கும் சதி செயலாக இது நிகழ்ந்திருக்கலாம் என்று போலீசார் கருதுகிறார்கள்.

இதுபற்றி அடையாளம் தெரியாத நபர்கள் மீது வழக்குப் பதிவு செய்து மேலும் விசாரணை நடத்தி வருகின்றனர்.

இதை ரெயில் என்ஜின் டிரைவர் சரியான நேரத்தில் தண்டவாளத்தில் கம்பிகள் கிடப்பதை பார்த்து ரெயிலை நிறுத்தியதால் பெரும் சேதம் தவிர்க்கப்பட்டது.

நாடு முழுவதும் சமீபகாலமாக ரெயில் தண்டவாளத்தில் சந்தேகத்திற்கிடமான பல பொருட்கள் மீட்கப்பட்டுள்ளன. ரெயில்களை கவிழ்க்க செய்வதற்கான சதித்திட்டத்தின் ஒரு பகுதியாக அவை இருக்கலாம் என்று போலீசார் தெரிவித்தனர்.

ஏற்கனவே கடந்த 2 நாட்களுக்கு முன்பு உத்தரபிரதேச மாநிலம் பிரேம்பூர் ரெயில் நிலையம் தண்டவாளத்தில் கியாஸ் சிலிண்டர் வைக்கப்பட்டிருந்தது. அப்போது அந்த வழியாக வந்த சரக்கு ரெயில் என்ஜின் டிரைவர் பார்த்து அவசர பிரேக் போட்டதால் பெரும் விபத்து தவிர்க்கப்பட்டது.

போலீசார் விரைந்து சென்று சிலிண்டரை ஆய்வு செய்து தண்டவாளத்தில் இருந்து அகற்றினர். ஆய்வு செய்ததில், 5 லிட்டர் சிலிண்டர் காலியாக இருந்தது கண்டுபிடிக்கப்பட்டது. இது குறித்து விசாரணை நடத்துவதற்கு தனிப்படை அமைக்கப்பட்டு உள்ளது.

கடந்த ஒரு வாரத்தில் மட்டும் சுமார் 7 இடங்களீல் ரெயிலை கவிழ்க்க சதி நடந்துள்ளது. உரிய நேர்த்தில் தண்டவாளத்தில் கிடந்த பொருட்கள் அகற்றப்பட்டதால் பெரும் சேதங்கள் தவிர்க்கப்பட்டு உள்ளன. இது தொடர்பாக உரிய விசாரணை நடத்த உத்தரவிடப்பட்டு உள்ளது.

சண்டிகர்:

பஞ்சாப் மாநிலம் லூதியானா மாவடம் ஹனா பகுதி இகொலனா கிராமத்தை சேர்ந்தவர் தர்லோஜன் சிங் (வயது 60). இவர் ஹனா பகுதி ஆம் ஆத்மி விவசாய பிரிவு தலைவராக செயல்பட்டு வருகிறார்.

இந்நிலையில், ஆம் ஆத்மி நிர்வாகியான இவர் தனது தோட்டத்தில் இருந்து வீடு திரும்பிக்கொண்டிருந்தார். அப்போது பைக்கில் வந்த சிலர் தர்லோஜன் சிங் மீது துப்பாக்கி சூடு நடத்திவிட்டு தப்பிச்சென்றனர்.

இந்த துப்பாக்கி சூட்டில் படுகாயமடைந்த தர்லோஜன் சிங்கை மீட்ட அக்கம்பக்கத்தினர் அருகில் உள்ள மருத்துவமனையில் அனுமதித்தனர். அவருக்கு சிகிச்சை அளிக்கப்பட்ட நிலையில் தர்லோஜன் சிங் சிகிச்சை பலனின்றி உயிரிழந்தார். இச்சம்பவம் தொடர்பாக வழக்குப்பதிவு செய்த போலீசார் தர்லோஜனை சுட்டுக்கொன்றுவிட்டு தப்பிச்சென்ற கும்பலை தேடி வருகின்றனர்.

பஞ்சாபில் வழிப்பறி  கொள்ளையர்களால் 12 வகுப்பு மாணவி இரு சக்கர வாகனத்தில் சுமார் 350 மீட்டர் தூரம் தரதரவென இழுத்துச் செல்லப்பட்ட சம்பவம் அரங்கேறியுள்ளது. பஞ்சாப்  மாநிலம் ஜலந்தரில் கடந்த சனிக்கிழமை இளைய சகோதரியுடன் வீட்டுக்கு திரும்பிக் கொண்டிருந்த 12 வகுப்பு படிக்கும் லக்ஷ்மி என்ற பெண் [18 வயது] சாலையில் நடந்து நடந்து சென்றுகொண்டிருந்தபோது இருசக்கர மோட்டார் வாகனத்தில் வந்த மூவர் லக்ஷ்மியின் செல்போனை பறிக்க முயன்றுள்ளனர்.

ஆனால் தனது செல்போனை இறுக்கமாக பிடித்துக்கொண்ட லக்ஷ்மி அந்த வழிப்பறி கொள்ளையர்களிடம் போராடியுள்ளார். லக்ஷ்மியின் கையை பிடித்தபடி அந்த தரதரவென சாலையில் 350 மீட்டர்களுக்கு இழுத்துசென்ற அவர்கள் கடைசியாக அந்த செல்போனை பிடுங்கிக்கொண்டனர்.

சிறிதுதூரம் சென்ற பின் வண்டியை நிறுத்தி அவர்களின் ஒருவன் சாலையில் விழுந்து கிடந்த லக்ஷ்மியை பார்த்து மன்னிப்பு விடு [sorry] என்று சொல்லிவிட்டு செல்போனுடன் அங்கிருந்து மற்ற இருவருடன் சென்றுள்ளான். லக்ஷ்மி சாலையில் இழுத்துச்செல்லப்பட்ட சிசிடிவி காட்சி வெளியாகியுள்ளது. படுகாயமடைந்த லக்ஷ்மி மருத்துவமனையில் அனுபாதிக்கப்பட்டுளார். லக்ஷ்மியின் பெற்றோர் புகார் அளித்ததை அடுத்து அந்த காட்சிகளில் அடிப்படையில் கொள்ளையர்களை தேடிய போலீசார் அவர்களை கைது செய்துள்ளனர். 

தான்சானியாவில் 19,340 அடி உயரத்தில் அமைந்துள்ள கிளிமஞ்சாரோ ஆப்பிரிக்காவின் மிக உயரமான சிகரம் ஆகும்.

ஆசியாவிலேயே குறைந்த வயதில் இந்த கிளிமஞ்சாரோ சிகரத்தை தொட்டவர் என்ற சாதனையை பஞ்சாபை சேர்ந்த 5 வயதான டெக்பீர் சிங் படைத்துள்ளார்.

ஆகஸ்ட் 18 அன்று கிளிமஞ்சாரோ மலையின் மீது ஏற துவங்கிய டெக்பீர் சிங், ஆகஸ்ட் 23 அன்று, அந்த மலையின் மிக உயரமான இடமான உஹுருவை அடைந்தார்.

டெக்பீர் சிங்கின் இந்த சாதனைக்காக அவரின் தந்தையும் அவருடன் மலை எறியுள்ளார். தனது மகனின் இந்த சாதனை குறித்து பேசிய அவரது தந்தை, "டெக்பீர் சிங் இதற்காக கடுமையான மலையேற்ற பயிற்சிகள், இதயம் மற்றும் நுரையீரலுக்கான சுவாச பயிற்சிகள் ஆகியவற்றை மேற்கொண்டார். அவரது இந்த சாதனை எங்கள் குடும்பத்தை பெருமைப்படுத்தியுள்ளது என்று தெரிவித்தார்.

பஞ்சாப் மாநிலம் லூதியானாவில் தங்கள் வீட்டுப் பெண்ணை இழுத்துச்சென்ற இளைஞனின் சகோதரியைப் பெண்ணின் தகப்பன் உட்பட 4 பேர் சேர்ந்து கூட்டுப் பாலியல் பலாத்காரம் செய்த சம்பவம் அதிர்ச்சியை ஏற்படுத்தியுள்ளது.

உத்தரப் பிரதேசம் கோரக்பூரைச் சேர்ந்த ரவீந்தர் சிங் என்பவரது மகள் அப்பகுதியில் வசித்து வந்த பஞ்சாபை சேர்ந்த இளைஞனை காதலித்து வந்த நிலையில் ரவீந்தர் சிங்கின் எதிர்ப்பை மீறி கடந்த ஏப்ரல் மாதம் இருவரும் புது வாழ்வைத் தொடங்க ஊரைவிட்டு சென்றுள்ளனர்.

இதனால் ஆத்திரத்தில் இருந்த ருந்த ரவீந்தர் சிங், அவரது தம்பி வீரேந்தர் சிங், மகன் அமன் சிங் மற்றும் உறவினர் சந்தோஷ் சிங் ஆகிய நால்வருமாக சேர்ந்து கடந்த மே 1 ஆம் தேதி பஞ்சாபில் அந்த இளைஞனின் சொந்த ஊரான லூதியானாவுக்கு சென்றுள்ளனர்.

அங்கு வீட்டில் தனது மகளை இழுத்துச்சென்ற இளைஞனின் சகோதரி இருந்த நிலையில் அவரை ரவீந்தர் அவரது தம்பி, மகன், உறவினர் என நால்வருமாக சேர்ந்து இளைஞனின் சகோதரியைக் கூட்டுப் பாலியல் பலாத்காரம் செய்து, அதை வீடியோவும் எடுத்துள்ளனர்.  நடந்ததை வெளியே சொன்னால்  வீடியோவை  ரிலீஸ் செய்துவிடும் என்று மிரட்டிவிட்டுச் சென்றுள்ளனர்.

இதனால் கடந்த 3 மாதகங்களாகப் பயத்திலும், அதிர்ச்சியிலும் இருந்த இளைஞனின் சகோதரி தற்போது இந்த சம்பவம் குறித்து போலீசில் புகார் அளித்துள்ளதால் இந்த கொடூரம் வெளிச்சத்துக்கு வந்துள்ளது. இதைத்தொடர்ந்து அவர்கள் நால்வர் மீதும் போலீசார் வழக்குப்பதிவு செய்து விசாரித்து வருகின்றனர். பாலியல் வன்கொடுமைக்கு ஆளான இளைஞனின் சகோதரி இரண்டு குழந்தைகளுக்கு தாய் என்பது குறிப்பிடத்தக்கது. 

இந்தியா முழுவதும் தென்மேற்கு பருவமழை தீவிரமடைந்துள்ளது. கனமழையால் வாடா இந்திய மாநிலங்கள் வெள்ளக்காடாக மிதக்கின்றன.

பஞ்சாப் மாநிலத்தில் பெய்து வரும் கனமழையால் ஆறுகளில் வெள்ளப்பெருக்கு ஏற்பட்டுள்ளது. இதனால் பருவகாலங்களில் மட்டும் தண்ணீர் வரும் நதியான ஜெய்ஜோன் சோவில் திடீர் வெள்ளப்பெருக்கு ஏற்பட்டது.

திருமண நிகழ்விற்காக இமாச்சலப் பிரதேச மாநிலத்தில் இருந்து பஞ்சாப் மாநிலத்திற்கு ஒரு குடும்பத்தைச் சேர்ந்த 11 பேர் காரில் வந்துள்ளனர். வெள்ளப்பெருக்கு ஏற்பட்டுள்ள ஜெய்ஜோன் சோ நதியை கடக்கும் போது அவர்கள் வந்த கார் ஆற்றில் அடித்து செல்லப்பட்டுள்ளது.

ஆற்றில் வெள்ளப்பெருக்கு ஏற்பட்டதால் அதனை கடக்க வேண்டாம் என்று கார் ஓட்டுநரிடம் உள்ளூர் மக்கள் எச்சரித்த போதும் அதனை பொருட்படுத்தாமல் அவர்கள் ஆற்றை கடந்துள்ளனர்.

ஆற்றில் இருந்து 5 பெண்களின் சடலங்கள் உட்பட 9 பேரில் உடல்கள் மீட்கப்பட்டன. காணாமல் போன 2 பேரை தேடும் முயற்சிகள் மேற்கொள்ளப்பட்டு வருகின்றன.

காரில் பயணித்த தீபக் பாட்டியா என்பவரை மீட்டு அருகில் உள்ள அரசு மருத்துவமனையில் உள்ளூர் மக்கள் அனுமதித்தனர்.

இமாச்சலப் பிரதேச முதல்வர் சுக்விந்தர் சிங் சுகு, இந்த துயரச் சம்பவத்திற்கு இரங்கல் தெரிவித்துள்ளதோடு, இந்த துயரமான நேரத்தில் உயிரிழந்த குடும்பங்களுக்கு மாநில அரசு உறுதுணையாக நிற்கும் என்று தெரிவித்துள்ளார். 

புதுடெல்லி:

காஷ்மீர் மாநிலத்தில் சிறப்பு அந்தஸ்து வழங்கும் வகையில் 370-வது சட்டப் பிரிவு அமலில் இருந்தது. நாடு முழுவதும் ஒரே மாதிரியான சட்டம்தான் இருக்க வேண்டும் என்ற நோக்கத் துடன் கடந்த 2019-ம் ஆண்டு ஆகஸ்டு மாதம் 5-ந்தேதி 370-வது சட்டப் பிரிவை மத்திய அரசு அதிரடியாக நீக்கியது.

இதன் மூலம் காஷ்மீர் மாநிலம் அனுபவித்து வந்த சிறப்பு சட்ட சலுகைகள் பறிபோனது. இதற்கு காஷ்மீரில் உள்ள அனைத்துக் கட்சி தலைவர்களும் கடும் எதிர்ப்பு தெரிவித்தனர்.

370-வது சட்டப்பிரிவை நீக்கியதோடு காஷ்மீர் மாநிலத்தை லடாக், ஜம்மு என்று யூனியன் பிரேதசங்களாக பிரித்து மத்திய அரசு நடவடிக்கை எடுத்தது. இதையடுத்து தீவிரவாதிகளின் பயங்கரவாத செயல்கள் ஒடுக்கப்பட்டன.

இந்த நிலையில் கடந்த சில தினங்களாக காஷ்மீர் பகுதியில் தீவிரவாதிகளின் தாக்குதல் அதிகரித்துள்ளது. அதை ஒடுக்குவதற்காக மத்திய அரசு தீவிர நட வடிக்கைகளை எடுத்து வருகிறது.

இதற்கிடையே காஷ்மீரில் 370-வது சட்டப்பிரிவு நீக்கப்பட்ட 5-வது ஆண்டு தினமான இன்று (திங்கட்கிழமை) காஷ்மீரிலும் பஞ்சாப் மாநிலத்திலும் மிகப்பெரிய தாக்குதலுக்கு பாகிஸ்தான் ராணுவத்தின் சிறப்பு படை சதி திட்டம் தீட்டியிருப்பது தெரிய வந்துள்ளது.

காஷ்மீர் எல்லையில் உள்ள தீவிரவாதிகள் அவர்களது இந்திய ஆதர வாளர்களுடன் தொலைபேசியில் பேசியதை ஒட்டு கேட்டு உளவுப்படை இதை உறுதிப்படுத்தி உள்ளது.

சர்வதேச உளவு அமைப்புகளும் காஷ்மீரில் மிகப்பெரிய தாக்குதலுக் கான சதி திட்டம் நடந்து வருவதாக இந்தியாவை எச்சரித்துள்ளது. இதையடுத்து காஷ்மீர், பஞ்சாப் இரு மாநில அரசுகளும் உஷார் படுத்தப்பட்டுள்ளன.

காஷ்மீரில் உள்ள அனைத்து மாவட்டங்களிலும் பாதுகாப்பு அதிகரிக்கப்பட்டுள்ளது. எல்லையில் கண்காணிப்பும், சோதனை யும் தீவிரப்படுத்தப்பட்டு உள்ளது.

காஷ்மீரில் இயல்பு நிலை பாதிக்காத வகையில் வாகன சோதனையும் நடந்து வருகிறது.