நீங்கள் தேடியது "satellites"

புதுடெல்லி:

பாராளுமன்றத்தின் மாநிலங்களவையில் கேள்வி ஒன்றுக்கு மத்திய மந்திரி ஜிதேந்திர சிங் பதிலளித்தார். அப்போது அவர் கூறியதாவது:

கடந்த 5 ஆண்டுகளில் 177 வெளிநாட்டு செயற்கைக்கோள்களை இஸ்ரோ விண்ணில் செலுத்தியுள்ளது.

இஸ்ரோவின் பிஎஸ்எல்வி, ஜிஎஸ்எல்வி-எம்கே3 ராக்கெட்டுகள் மூலம் கடந்த 2018 முதல் 2022 வரை என 5 ஆண்டுகளில் அமெரிக்கா, பிரிட்டன், பிரான்ஸ் உள்ளிட்ட 19 நாடுகளின் 177 செயற்கைக்கோள்கள் விண்ணில் வெற்றிகரமாக செலுத்தப்பட்டது.

இதுபோன்ற வெளிநாட்டு செயற்கைக்கோள்கள் மூலம் 94 மில்லியன் அமெரிக்க டாலரும், 46 மில்லியன் யூரோவும் அந்நியச் செலாவணியாக இந்தியாவுக்கு கிடைத்துள்ளது என தெரிவித்தார்.

பெங்களூரு:

இரு செயற்கைக்கோள்களை விண்வெளியில் இணைக்கும் முயற்சியில் இஸ்ரோ ஈடுபட்டுள்ளது. இதற்காக கடந்த 30-ம் தேதி தலா 220 கிலோ எடை கொண்ட சேஸர், டார்கெட் ஆகிய விண்கலன்களை உள்ளடக்கிய ஸ்பேடெக்ஸ் விண்கலன்கள், பி.எஸ்.எல்.வி. சி60 ராக்கெட் மூலம் வெற்றிகரமாக விண்ணில் ஏவப்பட்டது. அத்துடன் 24 ஆய்வுக்கருவிகளும் அனுப்பி வைக்கப்பட்டன.

இந்த இரு விண்கலன்களும் பூமியில் இருந்து 475 கி.மீ. சுற்றுவட்டப்பாதையில் நிலைநிறுத்தப்பட்டுள்ளன. அவற்றின் தொலைவு படிப்படியாக 20 கி.மீ. குறைக்கப்பட்டு அவை ஒன்றோடு ஒன்று ஒருங்கிணைக்கப்படவுள்ளன.

இதையடுத்து, இரு விண்கலன்களை ஒருங்கிணைக்கும் ஆய்வுப்பணி ஜனவரி 9-ம் தேதி காலை 8 மணி முதல் நடைபெறும் என இஸ்ரோ திட்டமிடப்பட்டிருந்தது.

இந்நிலையில், விண்கலன்களை விண்வெளியில் ஒருங்கிணைப்பதில் சிக்கல் ஏற்பட்டுள்ளதாக இஸ்ரோ தெரிவித்துள்ளது. தொழில்நுட்பக் கோளாறு காரணமாக இந்த நிகழ்வு ஒத்திவைக்கப்படுவதாக இஸ்ரோ தெரிவித்துள்ளது. சில தொழில்நுட்ப இடையூறுகள் காரணமாக திட்டமிட்டபடி விண்கலன்கள் இணையும் நிகழ்வு ஒத்திவைக்கப்பட்டுள்ளது.

'ஸ்பேடெக்ஸ்' திட்டத்தின் கீழ் இரண்டு செயற்கைக்கோள்களை கடந்த 7-ந் தேதி இணைக்க திட்டமிடப்பட்டது. ஆனால் எதிர்பாராத செயற்கைக்கோள் நகர்வு காரணமாக ஸ்பேடெக்ஸ் பணியில் தாமதங்கள் ஏற்பட்டன. குறிப்பாக 500 மீட்டரில் இருந்து 225 மீட்டராக அதனுடைய தூரத்தை குறைக்கும் போது, எதிர்பாராத விதமாக நடந்த செயலால் 2 செயற்கைக்கோள்களும் 6.5 கிலோமீட்டர் தூரத்துக்கு விலகி சென்றன.

பின்னர் மீண்டும் இணைப்பு பரிசோதனையில் இஸ்ரோ விஞ்ஞானிகள் ஈடுபட்டனர். தொடர்ந்து கடந்த 9-ந் தேதி மீண்டும் இணைக்க முயற்சித்தனர். ஆனால் பல்வேறு காரணங்களால் அதுவும் முடியாமல் போனது.

இந்த நிலையில் மீண்டும் செயற்கைக்கோள்களை படிப்படியாக தூரத்தை குறைத்துக்கொண்டே விஞ்ஞானிகள் வந்தனர். நேற்று முன்தினம் இரவு 500 மீட்டர் அளவில் கொண்டு வர முயற்சித்தனர் அதில் பல்வேறு தடைகள் ஏற்பட்டதால் நேற்று இரவு 1.5 கிலோமீட்டர் தூரத்திற்கு கொண்டு வந்தனர். தொடர்ந்து விஞ்ஞானிகள் கட்டுப்பாட்டு அறையில் இருந்து வழங்கிய சிக்னல்களால் இரண்டு செயற்கைக்கோள்களும் 230 மீட்டர் தொலைவில் கொண்டுவரப்பட்டது.

தொடர்ந்து இதனுடைய வேகத்தை குறைத்து இரண்டு செயற்கைக்கோள்களையும் இணைக்கும் பணியில் இஸ்ரோ விஞ்ஞானிகள் நேற்று இரவு தீவிரமாக ஈடுபட்டனர். தீவிரமாக வேலை செயல்படுத்தினால் இந்த தொழில்நுட்பத்தை அறிந்த 4-வது நாடு என்ற பெருமையை இந்தியா பெரும் என்று இஸ்ரோ விஞ்ஞானிகள் கூறினர்.

பெங்களூரு:

சர்வதேச விண்வெளி மையத்தைப் போல, வரும் 2035-ம் ஆண்டுக்குள் சொந்த விண்வெளி மையத்தை அமைக்க இந்தியா முயற்சித்து வருகிறது.

இதன் ஒருபகுதியாக விண்வெளியில் 2 செயற்கைக்கோள்களை இணைக்கும் முயற்சியில் இந்தியாவின் விண்வெளி கழகமான இஸ்ரோ ஈடுபட்டுள்ளது.

இதற்காக கடந்த டிசம்பர் 30-ந்தேதி பி.எஸ்.எல்.வி. சி60 ராக்கெட் மூலம் தலா 220 கிலோ எடை கொண்ட எஸ்.டி.எக்ஸ்01 (சேஸர்) மற்றும் எஸ்.டி.எக்ஸ்02 (டார்கெட்) ஆகிய விண்கலன்களை உள்ளடக்கிய ஸ்பேடெக்ஸ் விண்கலன்கள் விண்ணில் ஏவப்பட்டது.

இதில் 24 ஆய்வு கருவிகளும் அனுப்பி வைக்கப்பட்டன. புவி வட்டப்பாதையில் நிலைநிறுத்தப்பட்ட பின்னர் 2 செயற்கைக்கோள்களும் ஒரே சுற்று வட்டப்பாதையில் ஒன்றன்பின் ஒன்றாக இஸ்ரோ சுற்றி வரச் செய்தது.

இதையடுத்து ஸ்பேடெக்ஸ் திட்டத்தின் கீழ் 2 செயற்கைக்கோள்களுக்கு இடையேயான தூரத்தை குறைத்து வந்தது.

இந்த நிலையில் இன்று அதிகாலை உந்துசக்தி குறைக்கப்பட்டு, மெல்ல மெல்ல செயற்கைகோள்களுக்கு இடையிலான தூரம் மேலும் குறைக்கப்பட்டது.

2 செயற்கைக்கோள்களுக்கு இடைப்பட்ட தொலைவு 230 மீட்டர் தூரத்தில் இருந்து 15 மீட்டராக குறைக்கப்பட்டது. பின்னர் படிப்படியாக இடையேயான தூரம் 3 மீட்டராக குறைக்கப்பட்டது.

இதுகுறித்து இஸ்ரோ தனது எக்ஸ் வலைதள பக்கத்தில் கூறும்போது, இரு விண்கலன்களுக்கு இடையேயான தூரம் 15 மீட்டராக குறைக்கப்பட்டுள்ளது.

மேலும் தூரத்தை 3 மீட்டராக குறைக்கும் சோதனை முயற்சியும் வெற்றிகரமாக மேற்கொள்ளப்பட்டது. தற்போது 2 விண்கலங்களும் மீண்டும் பாதுகாப்பான தூரத்திற்கு நகர்த்தப்பட்டு விட்டது. தரவுகளை ஆய்வு செய்த பிறகு 2 விண்கலங்களையும் ஒருங்கிணைக்கும் பணி நடக்கும் என்று தெரிவித்து உள்ளது. 2 செயற்கைக்கோளும் வினாடிக்கு 10 மில்லிமீட்டர் வேகத்தில் ஒன்றையொன்று நெருங்கி நகர்த்தப்பட உள்ளது.

விண்வெளியில் செயற்கைக்கோள்களை இணைக்கும் சோதனையை ரஷியா, அமெரிக்கா, சீனா ஆகிய நாடுகள் வெற்றிகரமாக செய்திருக்கின்றன. அடுத்தபடியாக இந்தியா இந்த சோதனையை செய்ய இருக்கிறது.

இதன் மூலம் இஸ்ரோ புதிய மைல்கல்லை நெருங்கி இருக்கிறது.