நீங்கள் தேடியது "கபடி"

இந்திய கபடி அணியின் முன்னணி வீரராக திகழ்ந்தவர் அனுப் குமார். இவர் கடந்த 2006-ம் ஆண்டு தெற்காசிய போட்டியில் இலங்கை அணிக்கு எதிராக அறிமுகம் ஆனார். இவரது தலைமையில் இந்திய கபடி அணி ஆசிய போட்டியில் தங்கம் வென்றுள்ளது. 2014-ம் ஆண்டு தங்கம் வென்ற அணியில் ஒரு வீரராக இடம்பிடித்திருந்தார்.

கடந்த 15 வருடங்களாக கபடி விளையாடி வந்த அனுப் குமார், நேற்று தனது ஓய்வை அறிவித்தார். 2006-ம் ஆண்டு விளையாட்டிற்கான அர்ஜூனா விருதை வென்றுள்ளார். இவரது தலைமையில் புரோ கபடி லீக்கின் 2-வது சீசனில் மும்பை அணி (U Mumba) கோப்பையை கைப்பற்றியது குறிப்பிடத்தக்கது.

சென்னை:

2018-ம் ஆண்டுக்கான 14-வது ஈஷா கிரா மோத்ஸவ விளையாட்டு போட்டிகள் தமிழகம் முழுவதும் கடந்த மாதம் 20-ந்தேதி தொடங்கியது. அனைத்து மாவட்டங்களிலும் முதல் கட்ட கைப்பந்து மற்றும் எறிப்பந்து போட்டிகள் நிறவடைந்துள்ளன.

இந்த நிலையில், ஈஷா கிராம புத்துணர்வு இயக்கம், தமிழ்நாடு அமெச்சூர் கபடி கழகத்துடன் இணைந்து நடத்தும் கபடி போட்டிகள் நாளை (10-ந்தேதி) தொடங்குகிறது. இந்த போட்டிகள் மாவட்டம், மண்டலம், மாநிலம் என 3 கட்டங்களாக நடைபெற உள்ளது. மாவட்ட அளவிலான போட்டிகள் வருகிற 10, 11, 17, 18 ஆகிய தேதிகளில் 32 மாவட்டங்களிலும் நடைபெறும்.

இதையடுத்து, கோவை, வேலூர், திருச்சி மற்றும் மதுரை ஆகிய இடங்களில் மண்டல அளவிலான கபடி போட்டிகள் நடத்தப்படும். மாநில அளவிலான இறுதிப் போட்டிகள் டிசம்பர் 8-ந்தேதி மற்றும் 9-ந்தேதிகளில் நடைபெற உள்ளது.

இந்த கபடி போட்டியில் 2,250 கிராமப்புற அணிகளும், 27 ஆயிரம் வீரர்-வீராங்கனைகளும் பங்கேற்கின்றனர். மொத்தம் ரூ. 20 லட்சத்து 50 ஆயிரம் பரிசுத் தொகையாக வழங்கப்பட உள்ளது.

ஆண்களுக்கான போட்டியில் மாநில அளவில் முதல் 4 இடங்கள் பிடிக்கும் அணிகளுக்கு முறையே ரூ. 2 லட்சம், ரூ. 1 லட்சம், ரூ. 50 ஆயிரம் பரிசு தொகையாக வழங்கப்படும்.

இதேபோல், பெண்களுக்கான போட்டியில் முதல் 4 இடங்கள் பிடிக்கும் அணிகளுக்கும் முறையே ரூ. 1 லட்சம், ரூ. 50 ஆயிரம், ரூ. 25 ஆயிரம், ரூ. 25 ஆயிரம் பரிசு தொகையாக வழங்கப்படும்.

இதுதவிர, மண்டலம் மற்றும் மாவட்ட அளவிலான போட்டிகளில் முதல் 4 இடங்கள் பிடிக்கும் அணிகளுக்கும் ரொக்கப் பரிசுகள் வழங்கப்படும்.

சென்னை:

கபடி ஸ்டார் மற்றும் ராணிமேரி கல்லூரி சார்பில் சென்னை ஓபன் மகளிர் கபடி போட்டி நடத்தப்படுகிறது. இந்தப்போட்டி நாளையும் (4-ந்தேதி), நாளை மறுநாளும் (5-ந்தேதி) ராணிமேரி கல்லூரி மைதானத்தில் நடக்கிறது.

சர்வதேச கபடி சம்மேளன நிறுவன தலைவரான ஜனார்த்தன்சிங். கெலாட்டின் பிறந்தநாளையொட்டி நடத்தப்படும் இந்தப்போட்டியில் 24 அணிகள் பங்கேற்கின்றன.

எத்திராஜ், கபடி ஸ்டார், தமிழ்நாடு போலீஸ், ராணிமேரி கல்லூரி, சாய் (தர்மபுரி), தமிழ் தலைவாஸ், ஏ.எம்.ஜெயின் (மீனம்பாக்கம்) போன்ற முன்னணி அணிகள் இதில் கலந்து கொள்கின்றன. நாக்அவுட் மற்றும் ‘லீக்’ முறையில் போட்டிகள் நடக்கிறது.

இந்தப்போட்டியின் மொத்த பரிசு தொகை ரூ.74 ஆயிரமாகும். சாம்பியன் பட்டம் பெறும் அணிக்கு சுழற்கோப்பையுடன் ரூ.30 ஆயிரம் வழங்கப்படும். 2-வது முதல் 6-வது இடங்களை பிடிக்கும் அணிகளுக்கு முறையே ரூ.20 ஆயிரம், ரூ.10 ஆயிரம், ரூ.7 ஆயிரம், ரூ.4 ஆயிரம், ரூ.3 ஆயிரம் வழங்கப்படும்.

நாளை காலை 10.30 மணிக்கு இந்தப்போட்டியை விளையாட்டுத்துறை அமைச்சர் பாலகிருஷ்ணா ரெட்டி தொடங்கி வைக்கிறார். இந்தப் போட்டிக்கான ஏற்பாடுகளை போட்டி அமைப்பாளர் கோல்டு எம்.ராஜேந்திரன் செய்து வருகிறார்.

புதுடெல்லி:

டெல்லி மேல்-சபையில் நேற்று மத்திய விளையாட்டு துறை மந்திரி ராஜ்யவர்தன்சிங் ரத்தோர் பேசுகையில், ‘பலம், திறமை, வேகம், சிந்திக்கும் ஆற்றல் ஆகியவற்றை ஒருங்கிணைத்து செயல்படக்கூடிய கபடி ஆட்டம் தற்போது 30-க்கும் மேற்பட்ட நாடுகளில் விளையாடப்பட்டு வருகிறது. மிகவும் குறைந்த விளையாட்டு உபகரணங்களை பயன்படுத்தும் இந்த போட்டியை நிச்சயம் உலகம் ஏற்றுக்கொள்ளும். இறுதியாக கபடி ஆட்டம் விரைவில் ஒலிம்பிக் போட்டியில் இடம் பெறும் என்று நம்புகிறேன். மாநில விளையாட்டு சங்கங்கள் அனைத்தும் தேசிய விளையாட்டு கொள்கையை ஏற்று அதன்படி வெளிப்படையாக தேர்தல் மற்றும் நிர்வாகத்தை நடத்த வேண்டும் என்று கேட்டுக்கொள்கிறேன்’ என்று தெரிவித்தார். #RajyavardhanSingh