நீங்கள் தேடியது "slug 219231"

ஜப்பான் நாட்டை சேர்ந்த மோட்டார்சைக்கிள் உற்பத்தியாளரான ஹோண்டா 2023 NT1100 மோட்டார்சைக்கிளை அறிமுகம் செய்தது. ஆப்ரிக்கா ட்வின் சார்ந்து உருவாக்கப்பட்ட ஹோண்டா NT1100 ஸ்போர்ட் டூரர் மாடல் புதிய நிற ஆப்ஷன்கள் மற்றும் மேனுவல், டிசிடி டிரான்ஸ்மிஷன் ஆப்ஷன்களில் கிடைக்கிறது.

ஆப்ரிக்கா ட்வின் அட்வென்ச்சர் மோட்டார்சைக்கிள் போன்றே புதிய 2023 NT1100 லிக்விட் கூல்டு, 8 வால்வுகள், 1084சிசி பேரலல் ட்வின் என்ஜின் வழங்கப்பட்டு இருக்கிறது. இந்த என்ஜின் 100.57 ஹெச்பி பவர், 104 நியூட்டன் மீட்டர் டார்க் இழுவிசையை வெளிப்படுத்துகிறது. இத்துடன் 6 ஸ்பீடு மேனுவல் கியர்பாக்ஸ் அல்லது 6 ஸ்பீடு டூயல் கிளட்ச் டிரான்ஸ்மிஷன் என இருவித கியர்பாக்ஸ் ஆப்ஷன்களில் கிடைக்கிறது.

இந்த டிசிடி யூனிட் மோட்டார்சைக்கிளை நான்கு வித மோட்களில் கண்ட்ரோல் செய்ய உதவுகிறது. இத்துடன் விரும்புவோர் தேர்வு செய்யும் வகையில் ஆப்ஷனல் முறையில் குயிக்‌ஷிப்டர் வழங்கப்பட்டு இருக்கிறது. இந்த மோட்டார்சைக்கிள்- அர்பன், ரெயின், டூர், யூசர் 1 மற்றும் யூசர் 2 என ஐந்து வித ரைடிங் மோட்களை கொண்டிருக்கிறது. இத்துடன் குரூயிஸ் கண்ட்ரோல், வீலி கண்ட்ரோல், 3 ஸ்டெப் டிராக்‌ஷன் கண்ட்ரோல் சிஸ்டம் வழங்கப்பட்டு உள்ளது.

புதிய ஹோண்டா NT1100 மாடலில் டிஎப்டி டச் ஸ்கிரீன் டிஸ்ப்ளே, இரண்டாவதாக பெரிய எல்சிடி யூனிட் வழங்கப்பட்டு இருக்கிறது. இதன் பெரிய டிஸ்ப்ளே ஆண்ட்ராய்டு ஆட்டோ மற்றும் ஆப்பிள் கார்பிளே மற்றும் ப்ளூடூத் உள்ளிட்டவைகளுக்கான சப்போர்ட் கொண்டிருக்கிறது.

டிவிஎஸ் மோட்டார் கம்பெனி நிறுவவனம் இந்திய சந்தையில் புதிய ரைடர் 125 SmartXonnect மோட்டார்சைக்கிளை அறிமுகம் செய்து இருக்கிறது. புதிய வெர்ஷன் அறிமுகமாகி இருப்பதை தொடர்ந்து ரைடர் 125 மோட்டார்சைக்கிள்: டிரம், டிஸ்க் மற்றும் SmartXonnect என மூன்று வித வேரியண்ட்களில் கிடைக்கிறது.

டிசைன் மற்றும் மெக்கானிக்கல் அம்சங்களை பொருத்தவரை புதிய ரைடர் 125 SmartXonnect ஒரே மாதிரியே உள்ளது. புது SmartXonnect வேரியண்டிலும் எல்இடி ஹெட்லைட், இளமை மிக்க ஸ்டைலிங், காம்பேக்ட் அளவீடுகளை கொண்டிருக்கிறது. எனினும், SmartXonnect வேரியண்டில் புதிதாக டிஎப்டி கன்சோல் மற்றும் ப்ளூடூத் கனெக்டிவிட்டி வழங்கப்பட்டு உள்ளது. இதன் மூலம் அழைப்புகள், எஸ்எம்எஸ், நோட்டிபிகேஷன் மற்றும் வாய்ஸ் அசிஸ்டண்ட் வசதியை பெறலாம்.

இத்துடன் டர்ன்-பை-டர்ன் நேவிகேஷன் வழங்கப்பட்டு இருக்கிறது. இதை கொண்டு அருகாமையில் உள்ள எரிபொருள் நிரப்பும் மையத்திற்கு டிஎப்டி ஸ்கிரீன் மூலம் வழி பார்த்து எளிதில் சென்றடைய முடியும். டிவிஎஸ் ரைடர் SmartXonnect வேரியண்டிலும் 124.8சிசி சிங்கில் சிலிண்டர் என்ஜினே வழங்கப்பட்டு இருக்கிறது. இந்த என்ஜின் 11.2 ஹெச்பி பவர், 11.2 நியூட்டன் மீட்டர் டார்க் இழுவிசையை வெளிப்படுத்துகிறது.

இத்துடன் 5 ஸ்பீடு கியர்பாக்ஸ், முன்புறம் ஃபோர்க்குகள், பின்புறம் மோனோஷாக் யூனிட், முன்புறம் டிஸ்க் பிரேக், பின்புறம் டிரம் பிரேக் வழங்கப்பட்டு இருக்கிறது. இந்திய சந்தையில் புதிய டிவிஎஸ் ரைடர் SmartXonnect விலை ரூ. 99 ஆயிரத்து 990, எக்ஸ்-ஷோரூம் என நிர்ணயம் செய்யப்பட்டு உள்ளது. இது டிவிஎஸ் ரைடர் டிரம் வேரியண்டை விட ரூ. 14 ஆயிரமும், டிஸ்க் பிரேக் வேரியண்டை விட ரூ. 6 ஆயிரம் அதிகமாகவும் நிர்ணயம் செய்யப்பட்டு உள்ளது.

இந்திய சந்தையில் டிவிஎஸ் ரைடர் 125சிசி மோட்டார்சைக்கிள் ஹோண்டா SP125, ஹீரோ கிளாமர் 125 மற்றும் பஜாஜ் பல்சர் 125 போன்ற மாடல்களுக்கு போட்டியாக அமைகிறது.

கேடிஎம் 890 அட்வென்ச்சர் ஆர் மோட்டார்சைக்கிள் இந்தியாவில் சோதனை செய்யப்படும் போது எடுக்கப்பட்ட படங்கள் முதல் முறையாக வெளியாகி உள்ளது. பூனேவை அடுத்த சக்கன் ஆலை அருகில் இந்த மோட்டார்சைக்கிள் பாகங்கள் பிக்-அப் டிரக்-இல் எடுத்துவரப்பட்டு இருக்கிறது.

இந்திய சோதனையை அடுத்து புதிய கேடிஎம் 890 அட்வென்ச்சர் ஆர் மோட்டார்சைக்கிள் விரைவில் இந்தியாவில் அறிமுகம் செய்யப்படுமா என்ற எதிர்பார்ப்பு எழுந்துள்ளது. இதுதவிர இந்திய பைக் வார நிகழ்வில் காட்சிப்படுத்தும் நோக்கில் கேடிஎம் தனது 890 அட்வென்ச்சர் ஆர் மோட்டார்சைக்கிளின் சில யூனிட்களை மட்டும் இந்தியா கொண்டுவந்திருக்கலாம் என்றும் கூறப்படுகிறது.

முன்னதாக 2019 வாக்கில் நடைபெற்ற இந்திய பைக் வார நிகழ்வின் கேடிஎம் அரங்கில் 1290 சூப்பர் டியூக் மற்றும் 790 அட்வென்ச்சர் மோட்டார்சைக்கிள் மாடல்களை கொண்டுவந்திருந்தது. எனினும், இந்த மாடல்கள் எதுவும் இந்திய சந்தையில் இதுவரை அறிமுகம் செய்யப்படவில்லை. கேடிஎம் 890 அட்வென்ச்சர் ஆர் மாடல் ஏராளமான எலெக்டிரானிக் அம்சங்கள், பிரீமியம் ஹார்டுவேர் மற்றும் செயல்திறன் மிக்க என்ஜின் கொண்டிருக்கிறது.

இந்த மாடலில் 889சிசி, பேரலெல் ட்வின் என்ஜின் வழங்கப்பட்டு இருக்கிறது. இந்த என்ஜின் 104 ஹெச்பி பவர், 100 நியூட்டன் மீட்டர் டார்க் இழுவிசையை வெளிப்படுத்தும் திறன் கொண்டுள்ளது. இத்துடன் டிராக்‌ஷன் கண்ட்ரோல், 6டி சென்சார், ஆஃப்-ரோடு ஏபிஎஸ், கார்னெரிங் ஏபிஎஸ் மற்றும் நான்கு ரைடிங் மோட்கள் கேடிஎம் 890 அட்வென்ச்சர் ஆர் மோட்டார்சைக்கிளில் வழங்கப்பட்டு இருக்கிறது.

அம்சங்களை பொருத்தவரை இந்த மோட்டார்சைக்கிளில் ஐந்து இன்ச் டிஎப்டி டிஸ்ப்ளே, புதிய கிராபிக்ஸ், மேம்பட்ட நேவிகேஷன் சிஸ்டம், யுஎஸ்பி சி கனெக்டர், 21-18 இன்ச் ஸ்போக் வீல்கள், டியூப்லெஸ் டயர்கள், 48 எம்எம் யுஎஸ்டி முன்புற போர்க்குகள், பின்புறம் மோனோஷாக் சஸ்பென்ஷன் வழங்கப்பட்டு இருக்கிறது.

இந்திய சந்தையில் கேடிஎம் 890 அட்வென்ச்சர் ஆர் மோட்டார்சைக்கிள் டிரையம்ப் டைகர் 900, பிஎம்டபிள்யூ F850 GS அட்வென்ச்சர் மற்றும் டுகாட்டி மல்டிஸ்டிராடா வி2 போன்ற மோட்டார்சைக்கிள் மாடல்களுக்கு போட்டியாக அமைகிறது.

Photo Courtesy: ZigWheels

ராயல் என்பீல்டு நிறுவனம் 2020 வாக்கில் மீடியோர் 350 மாடலின் மூலம் ஜெ சீரிஸ் பிளாட்பார்மை அறிமுகம் செய்தது. இதைத் தொடர்ந்து கிளாசிக் 350 மோட்டார்சைக்கிளை ஜெ சீரிசில் உருவாக்கி அப்டேட் செய்து இருந்தது. புதிய ஜெ சீரிஸ் பிளாட்பார்ம் மோட்டார்சைக்கிளை முன்பு இருந்ததை விட சிறப்பானதாக மாற்றி இருக்கிறது.

சமீபத்தில் ஜெ சீரிஸ் பிளாட்பார்மில் உருவாக்கப்பட்ட ஹண்டர் 350 மோட்டார்சைக்கிளை ராயல் என்பீல்டு அறிமுகம் செய்தது. இதைத் தொடர்ந்து தற்போது முற்றிலும் புதிய புல்லட் 350 மாடல் அறிமுகம் செய்யப்பட இருக்கிறது. புதிய ராயல் என்பீல்டு புல்லட் 350 மோட்டார்சைக்கிள் வெளியீட்டை உணர்த்தும் டீசர்கள் வெளியிடப்பட்டு உள்ளது.

மற்ற ராயல் என்பீல்டு மோட்டார்சைக்கிள் மாடல்களுடன் ஒப்பிடும் போது, புல்லட் 350 மாடலை அறிமுகம் செய்ய அதிக நேரம் எடுத்துக் கொண்டு வருகிறது. தொழில்நுட்ப சிக்கல்கள் மட்டுமின்றி உலகின் மிக பழைய மோட்டார்சைக்கிள் என்ற பெருமையை புல்லட் 350 பெற்று இருக்கிறது. இந்த மாடலுக்கு இந்திய சந்தையில் அதிக ரசிகர்கள் உள்ளனர்.

கீவே இந்தியா நிறுவனம் இந்திய சந்தையில் புதிய ரெட்ரோ கிளாசிக் மோட்டார்சைக்கிளை அறிமுகம் செய்து இருக்கிறது. இந்திய சந்தையில் கீவே நிறுவனத்தின் ஏழாவது மோட்டார்சைக்கிள் ஆகும். இந்த மாடல்- கிளாசி வைட், கிளாசி பிளாக் மற்றும் கிளாசி ரெட் என மூன்று விதமான நிறங்களில் கிடைக்கிறது.

புதிய கீவே SR125 விலை ரூ. 1 லட்சத்து 19 ஆயிரம், எக்ஸ்-ஷோரூம் என நிர்ணயம் செய்யப்பட்டு உள்ளது. இந்த மாடலில் 125சிசி, சிங்கில் சிலிண்டர் என்ஜின் வழங்கப்பட்டு இருக்கிறது. இந்த என்ஜின் 9.5 ஹெச்பி பவர், 8.2 நியூட்டன் மீட்டர் டார்க் இழுவிசையை வெளிப்படுத்துகிறது.

இந்த மோட்டார்சைக்கிள் எடை 120 கிலோ ஆகும். ஹார்டுவேரை பொருத்தவரை முன்புறம் 300எம்எம் டிஸ்க், பின்புறம் 210எம்எம் ரோட்டார் வழங்கப்பட்டு இருக்கிறது. பாதுகாப்பிற்கு கம்பைன்டு பிரேக்கிங் சிஸ்டம், சைடு ஸ்டாண்டு என்ஜின் கட்-ஆப் உள்ளது. இத்துடன் வயர் ஸ்போக் வீல்கள் வழங்கப்பட்டு இருக்கிறது.

புதிய கீவே SR125 மோட்டார்சைக்கிள் அதிகாரப்பூர்வ பெனலி மற்றும் கீவே விற்பனை மையங்களில் விற்பனை செய்யப்படுகிறது. இந்த மோட்டார்சைக்கிள் வினியோகம் இந்த மாத இறுதியில் துவங்க இருக்கிறது. மேலும் இந்த மாடலுக்கான முன்பதிவு ஏற்கனவே துவங்கி நடைபெற்று வருகிறது. முன்பதிவு கட்டணம் ரூ. 1000 என நிர்ணயம் செய்யப்பட்டுள்ளது.

பிஎம்டபிள்யூ மோட்டராட் நிறுவனம் 2023 எம் 1000 ஆர்ஆர் மோட்டார்சைக்கிளை சர்வேதச சந்தையில் அறிமுகம் செய்து இருக்கிறது. இத்துடன் எம் 1000 ஆர் மாடலும் அறிமுகம் செய்யப்பட்டுள்ளது. இரு மோட்டார்சைக்கிள் மாடல்களிலும் கார்பன் பைபர் பாகங்கள் மற்றும் ஏராளமான எலெக்ட்ரிக் அம்சங்கள் வழங்கப்பட்டு இருக்கிறது.

புதிய எம் 1000 ஆர்ஆர் மற்றும் எம் 1000 ஆர் மாடல்களின் டிசைன் எஸ் மாடல்களில் உள்ளதை போன்றே வழங்கப்பட்டு இருக்கிறது. இத்துடன் ஏரோடைனமிக் விங்லெட் வழங்கப்பட்டுள்ளது. இதன் காரணமாக புதிய ஆர் சீரிஸ் மணிக்கு 220 கிலோமீட்டர் வேகத்தில் செல்லும் போது 11 கிலோ வரை டவுன்போர்ஸ் வழங்குகிறது.

மேலும் பிஎம்டபிள்யூ எம் 1000 ஆர்ஆர் மற்றும் எம் 1000 ஆர் மாடல்களில் 999சிசி, இன்லைன் நான்கு சிலிண்டர்கள் கொண்ட என்ஜின் வழங்கப்பட்டு இருக்கிறது. இந்த என்ஜின் 210 ஹெச்பி பவர், 207 நியூட்டன் மீட்டர் டார்க் இழுவிசையை வெளிப்படுத்தும் திறன் கொண்டிருக்கிறது. இதில் உள்ள போர்ஜ் செய்யப்பட்ட பிஸ்டன்கள், சிஎன்சி மெஷின்டு இண்டேக் போர்ட் மற்றும் பிஎம்டபிள்யூ ஷிப்ட்கேம் தொழில்நுட்பம் காரணமாக இத்தனை செயல்திறன் சாத்தியமாகி இருக்கிறது.

இரு மாடல்களிலும் லீன்-சென்சிடிவ் எலெக்டிரானிக்ஸ், ரைடிங் மோட்கள், திராட்டில் மற்றும் என்ஜின் பிரேக் மோட்கள், லான்ச் கண்ட்ரோல், பிட் லேண் லிமிட்டர், ஹில் ஹோல்டு மற்றும் ஏராளமான அம்சங்கள் வழங்கப்பட்டுள்ளன. புதிய மாடல்கள் ஸ்டாண்டர்டு மற்றும் எம் காம்படிஷன் என இரண்டு வேரியண்ட்களில் கிடைக்கிறது. புதிய எம் 1000 ஆர்ஆர் மாடலின் கார்பன் பைபர் மூலம் உருவாக்கப்பட்ட முன்புற பிரேக் கூலிங் டக்ட்கள் வழங்கப்பட்டுள்ளன.

ஹோண்டா நிறுவனம் தனது மிடில்வெயிட் அட்வென்ச்சர் பைக், ஹோண்டா XL750 டிரான்சால்ப் மாடலை இத்தாலி நாட்டின் மிலன் நகரில் நடைபெற இருக்கும் 2022 EICMA நிகழ்வில் அறிமுகம் செய்யும் என எதிர்பார்க்கப்படுகிறது. ஹோண்டா வரலாற்றில் டிரான்சால்ப் பெயர் மீண்டும் பயன்பாட்டுக்கு வர இருக்கிறது. முன்னதாக டிரான்சால்ப் மாடலின் ஸ்பை படங்கள் பலமுறை இணையத்தில் வெளியாகி உள்ளது.

புதிய ஹோண்டா XL750 டிரான்சால்ப் பேரிங், சைடு பேனல்கள், விண்ட்ஸ்கிரீன் மற்றும் ஹெட்லைட் டிசைன் விவரங்கள் காப்புரிமை படங்களில் வெளியாகி இருக்கிறது. சமீபத்தில் அறிமுகம் செய்யப்பட்ட ஹோண்டா CB750 ஹார்னெட் மாடலில் வழங்கப்பட்டு இருக்கும் என்ஜினே புதிய டிரான்சால்ப் மாடலிலும் வழங்கப்படுகிறது. இது 270 டிகிரி பேரலெல் ட்வின் என்ஜின் ஆகும்.

இந்த என்ஜின் 90.6 ஹெச்பி பவர், 75 நியீட்டன் மீட்டர் டார்க் இழுவிசையை வெளிப்படுத்துகிறது. புதிய ஹோண்டா மாடலில் ரிகிட் ஸ்டீல் டைமண்ட் பிரேம் வழங்கப்படுகிறது. தோற்றத்தில் இது CB750 ஹார்னெட் மாடலில் உள்ளதை போன்றே வழங்கப்படும் என தெரிகிறது. எனினும், இந்த மாடலில் அதிக சஸ்பென்ஷன் டிராவல், பெரிய முன்புற வீல், நீண்ட வீல்பேஸ் மற்றும் அதிக சவுகரியமான ஸ்டீரிங் ஆங்கில் வழங்கப்படுகிறது. 

மோட்டோ மொரினி நிறுவனம் இந்திய சந்தையில் எக்ஸ்-கேப் 650 அட்வென்ச்சர் மோட்டார்சைக்கிளை அறிமுகம் செய்துள்ளது. புதிய மோட்டோ மொரினி எக்ஸ்-கேப் 650 விலை ரூ. 7 லட்சத்து 20 ஆயிரம், எக்ஸ்-ஷோரூம் என நிர்ணயம் செய்யப்பட்டு இருக்கிறது. இந்த பைக் ஸ்டாண்டர்டு மற்றும் எக்ஸ் என இரண்டு வேரியண்ட்களில் கிடைக்கிறது.

மோட்டோ மொரினி எக்ஸ்-கேப் 650 எக்ஸ் வேரியண்ட் விலை ரூ. 7 லட்சத்து 40 ஆயிரம், எக்ஸ்-ஷோரூம் என நிர்ணயம் செய்யப்பட்டு உள்ளது. புதிய எக்ஸ்-கேப் 650 மாடல் அட்வென்ச்சர் டூரர் போன்று உருவாக்கப்பட்டு இருக்கிறது. இந்த மாடலில் ஸ்ப்லிட் எல்இடி ஹெட்லைட்கள், டிரான்ஸ்பேரண்ட் வைசர் என மோட்டார்சைக்கிள் ஒட்டுமொத்த தோற்றம் ஸ்போர்ட் பைக் போன்றே காட்சியளிக்கிறது.

இதன் பின்புறம் சிறிய டெயில் ரேக் வழங்கப்பட்டு இருக்கிறது. மோட்டோ மொரினி எக்ஸ்-கேப் 650 மாடலில் 649சிசி, லிக்விட் கூல்டு இன்லைன் ட்வின் என்ஜின் வழங்கப்பட்டு இருக்கிறது. இத்துடன் 6 ஸ்பீடு கியர்பாக்ஸ் வழங்கப்பட்டு இருக்கிறது. இந்த என்ஜின் 60 ஹெச்பி பவர், 54 நியூட்டன் மீட்டர் டார்க் இழுவிசையை வெளிப்படுத்தும் திறன் கொண்டிருக்கிறது.

அம்சங்களை பொருத்தவரை புதிய மோட்டோ மொரினி எக்ஸ்-கேப் 650 மாடலில் எல்இடி இலுமினேஷன், 7 இன்ச் டிஎப்டி கன்சோல், ப்ளூடூத் கனெக்டிவிட்டி, ரைடிங் மோட்கள், யுஎஸ்பி சார்ஜிங் போர்ட் மற்றும் ஏபிஎஸ் உள்ளிட்டவை வழங்கப்பட்டு இருக்கிறது. இதன் முன்புறம் யுஎஸ்டி முன்புற போர்க்குகள், பின்புறம் மோனோஷாக் யூனிட் வழங்கப்பட்டு இருக்கிறது. இத்துடன் முன்புறம் இரு 298 எம்எம் டிஸ்க், பின்புறம் ஒற்றை 255 எம்எம் டிஸ்க் மற்றும் டூயல் சேனல் ஏபிஎஸ் வழங்கப்பட்டுள்ளது.

இந்திய சந்தையில் புதிய மோட்டோ மொரினி எக்ஸ்-கேப் 650 மாடலுக்கான முன்பதிவு ஏற்கனவே துவங்கி நடைபெற்று வருகிறது. முன்பதிவு கட்டணம் ரூ. 10 ஆயிரம் ஆகும். இந்த மோட்டார்சைக்கிள் ஸ்மோகி ஆந்த்ரசைட், கரரா வைட் மற்றும் ரெட் பேஷன் என மூன்று நிறங்களில் கிடைக்கிறது. இந்த மோட்டார்சைக்கிள் டிரையம்ப் டைகர் ஸ்போர்ட் 650, கவாசகி வெர்சிஸ் 650, சுசுகி வி ஸ்டாம் 650 XT மற்றும் சிஎப் மோட்டோ 650 MT போன்ற மாடல்களுக்கு போட்டியாக அமைகிறது.

டுகாட்டி இந்தியா நிறுவனம் முற்றிலும் புதிய மல்டிஸ்டிராடா V4 பைக்ஸ் பீக் மோட்டார்சைக்கிளை இந்திய சந்தையில் அறிமுகம் செய்து இருக்கிறது. புதிய டுகாட்டி மல்டிஸ்டிராடா V4 பைக்ஸ் பீக் மோட்டார்சைக்கிள் விலை ரூ. 31 லட்சத்து 48 ஆயிரம், எக்ஸ்-ஷோரூம் என நிர்ணயம் செய்யப்பட்டு உள்ளது. புதிய பைக்ஸ் பீக் வேரியண்ட் மல்டிஸ்டிராடா V4 மாடலின் ஸ்போர்ட் அம்சங்கள் நிறைந்த வேரியண்ட் ஆகும்.

ஸ்டைலிங்கை பொருத்தவரை புதிய டுகாட்டி மல்டிஸ்டிராடா V4 பைக்ஸ் பீக் மாடல் அதன் ஸ்டாண்டர்டு மோட்டார்சைக்கிள் போன்றே காட்சியளிக்கிறது. இதில் ட்வின் பாட் ஹெட்லைட், செமி ஃபேரிங், அட்ஜஸ்ட் செய்யக்கூடிய விண்ட்-ஸ்கிரீன், ஸ்ப்லிட் ஸ்டைல் சீட்கள், சைடு ஸ்லங் எக்சாஸ்ட் வழங்கப்பட்டு இருக்கிறது. இந்த மாடலில் பைக்ஸ் பீக் லிவரி, சிறிய விண்ட்ஸ்கிரீன், 17 இன்ச் வீல், சிங்கில் சைடு ஸ்விங் ஆர்ம் வழங்கப்பட்டு இருக்கிறது.

ஹார்டுவேரை பொருத்தவரை 48 மில்லிமீட்டர் ஒலின்ஸ் முன்புற போர்க்குகள், பின்புறம் ஒலின்ஸ் TTX36 மோனோ ஷாக் மற்றும் ஒலின்ஸ் ஸ்மார்ட் EC 2.0 எலெக்டிரானிக் அட்ஜஸ்ட்மெண்ட் சிஸ்டம் வழங்கப்பட்டு இருக்கிறது. பிரேக்கிங்கிற்கு 330 மில்லிமீட்டர் செமி ஃபுளோட்டிங் டிஸ்க், முன்புறத்தில் பிரெம்போ ஸ்டைல்மா மோனோபிளாக் நான்கு பிஸ்டன் 2 பேட் கேலிப்பர்கள், பின்புறம் சிங்கில் 265 மில்லிமீட்டர் ரோட்டார் மற்றும் பிரெம்போ ட்வின் பிஸ்டன் புளோட்டிங் கேலிப்பர் வழங்கப்பட்டு இருக்கிறது.

அம்சங்களை பொருத்தவரை எல்இடி லைட்டிங், ப்ளூடூத் வசதி கொண்ட 6.5 இன்ச் TFT டிஸ்ப்ளே, அட்பாடிவ் குரூயிஸ் கண்ட்ரோல், பிளைண்ட் ஸ்பாட் டிடெக்‌ஷன் வழங்கப்பட்டு இருக்கிறது. இத்துடன் ரைடிங் மோட்கள், பவர் மோட்கள், கார்னெரிங் ஏபிஎஸ், டிராக்‌ஷன் கண்ட்ரோல், வீலி கண்ட்ரோல், டேடைம் ரன்னிங் லைட், கார்னெரிங் லைட், வெஹிகில் ஹோல்டு கண்ட்ரோல் போன்ற அம்சங்கள் உள்ளன.

இத்துடன் 1158சிசி, 90-டிகிரி V4 சிலிண்டர், லிக்விட் கூல்டு என்ஜின் வழங்கப்பட்டு இருக்கிறது. இந்த என்ஜினுடன் 6 ஸ்பீடு கியர்பாக்ஸ் வழங்கப்பட்டு இருக்கிறது. இந்த என்ஜின் 167.6 ஹெச்பி பவர், 125 நியூட்டன் மீட்டர் டார்க் இழுவிசையை வெளிப்படுத்தும் திறன் கொண்டிருக்கிறது.

ஹீரோ எக்ஸ்டிரீம் 160R புது மாடல் சோதனை செய்யப்படும் புகைப்படங்கள் இணையத்தில் வெளியாகி உள்ளது. இந்தியாவில் ஸ்டெல்த் எடிஷன் 2.0 மாடல் அறிமுகம் செய்யப்பட்டதை தொடர்ந்து எக்ஸ்டிரீம் 160R புது மாடல் சோதனை நடைபெற்று வருகிறது. ஸ்பை படங்களில் புது மாடல் பற்றிய அதிக விவரங்கள் வெளியாகவில்லை. எனினும், இந்த மாடலில் அதிக மாற்றங்கள் இருக்காது என்றே கூறப்படுகிறது.

புதிய 2023 ஹீரோ எக்ஸ்டிரீம் 160R மாடலில் புது இண்டிகேட்டர், ஹாரன் ஸ்விட்ச் வழங்கப்பட்டு இருக்கிறது. இத்துடன் புதிய ஸ்டெல்த் 2.0 எடிஷனில் வழங்கப்பட்ட ப்ளூடூத் கனெக்டிவிட்டி மற்றும் சில அம்சங்கள் 2023 எக்ஸ்டிரீம் 160R மாடலிலும் வழங்கப்படலாம்.

ஹீரோ எக்ஸ்டிரீம் 160R மாடலில் 163சிசி ஏர் கூல்டு என்ஜின் வழங்கப்பட்டு இருக்கிறது. இந்த என்ஜின் 15.2 பிஎஸ் பவர், 14 நியூட்டன் மீட்டர் டார்க் இழுவிசையை வெளிப்படுத்துகிறது. 2023 மாடலின் என்ஜினில் மாற்றங்கள் செய்யப்படுமா என்பது கேள்விக்குறியாகவே உள்ளது.

தற்போது இந்தியாவில் விற்பனை செய்யப்படும் ஹீரோ எக்ஸ்டிரீம் 160R மாடலின் விலை ரூ. 1 லட்சத்து 18 ஆயிரத்து 616, எக்ஸ்-ஷோரூம் என நிர்ணயம் செய்யப்பட்டு உள்ளது. அந்த வகையில் புதிய எக்ஸ்டிரீம் 160R விலை சற்று அதிகமாகவே நிர்ணயம் செய்யப்படும் என எதிர்பார்க்கலாம்.

Photo Courtesy: Rushlane

டுகாட்டி இந்தியா நிறுவனம் 2022 மல்டிஸ்டிராடா V4 S அட்வென்ச்சர் மோட்டார்சைக்கிளை இந்திய சந்தையில் அறிமுகம் செய்து இருக்கிறது. 2022 டுகாட்டி மல்டிஸ்டிராடா V4 S மாடல் ஐஸ்பெர்க் வைட் என புதிய நிறத்தில் கிடைக்கிறது. இந்த மோட்டார்சைக்கிள் விலை ரூ. 26 லட்சத்து 99 ஆயிரம், எக்ஸ்-ஷோரூம் என நிர்ணயம் செய்யப்பட்டு உள்ளது. இது முந்தைய மாடலின் டாப் எண்ட் S வெர்ஷனை விட ரூ. 1 லட்சத்து 50 ஆயிரம் வரை அதிகம் ஆகும்.

2022 டுகாட்டி மல்டிஸ்டிராடா V4 S மாடலில் பிரீலோட் செட்டப், ரிவைஸ்டு இன்போடெயின்மெண்ட் செட்டப், லோயர்டு சஸ்பென்ஷன் கிட் மற்றும் அலுமினியம் பேக் வழங்கப்பட்டு இருக்கிறது. இந்த மோட்டார்சைக்கிளின் பவர்டிரெயினில் எந்த மாற்றமும் மேற்கொள்ளப்படவில்லை. அந்த வகையில் 2022 மல்டிஸ்டிராடா V4 S மாடலிலும் 1158சிசி, கிரான்டூரிஸ்மோ V4 என்ஜின் வழங்கப்பட்டு இருக்கிறது.

இந்த என்ஜின் 167.6 ஹெச்பி பவர், 121 நியூட்டன் மீட்டர் டார்க் இழுவிசையை வெளிப்படுத்தும் திறன் கொண்டுள்ளது. இத்துடன் டுகாட்டி ஸ்கைஹூக் சஸ்பென்ஷன் இவோ வழங்கப்பட்டு இருக்கிறது. மேலும் வயர்-ஸ்போக் வீல்கள், 6.5 இன்ச் டிஎப்டி இன்ஸ்ட்ரூமென்ட் கன்சோல், நேவிகேஷன், கால்ஸ், மியூசிக் கனெக்டிவிட்டி வழங்கப்பட்டு இருக்கிறது. இந்த மோட்டார்சைக்கிளில் 30 லிட்டர் பியூவல் டேன்க் உள்ளது.

புதிய டுகாட்டி மல்டிஸ்டிராடா V4 S மாடலில் அடாப்டிவ் குரூயிஸ் கண்ட்ரோல், பிளைன்ட் ஸ்பாட் டிடெக்‌ஷன், ஸ்போர்ட், டூரிங், அர்பன் மற்றும் எண்டியூரோ என நான்கு ரைடிங் மோட்கள் வழங்கப்பட்டுள்ளன. இத்துடன் கார்னெரிங் ஏபிஎஸ், வீலி கண்ட்ரோல், டிராக்‌ஷன் கண்ட்ரோல் போன்ற அம்சங்களும் வழங்கப்பட்டு உள்ளன.

யமஹா மோட்டார் இந்தியா நிறுவனம் அக்டோபர் மாதம் MT 15 V2 மோட்டார்சைக்கிள் விலையை இந்திய சந்தையில் உயர்த்தி இருக்கிறது. விலை உயர்வு யமஹா MT 15 V2 அனைத்து நிற வேரியண்ட்களுக்கும் பொருந்தும். இம்முறை யமஹா MT 15 V2 மாடலின் விலை ரூ. 500 அதிகரிக்கப்பட்டு இருக்கிறது. முன்னதாக ஆகஸ்ட் மாத வாக்கில் யமஹா இதே மாடல் விலையை ரூ. 1500 உயர்த்தி இருந்தது குறிப்பிடத்தக்கது.

புதிய விலை விவரம்:

யமஹா MT 15 V2 மெட்டாலிக் பிளாக் ரூ. 1 லட்சத்து 63 ஆயிரத்து 900

யமஹா MT 15 V2 ஐஸ் புளோ, ரேசிங் புளூ ரூ. 1 லட்சத்து 64 ஆயிரத்து 900

யமஹா MT 15 V2 மோட்டோ ஜிபி எடிஷன் ரூ. 1 லட்சத்து 65 ஆயிரத்து 900

அனைத்து விலைகளும் எக்ஸ்-ஷோரூம் அடிப்படையில் குறிப்பிடப்பட்டு உள்ளது.

விலை தவிர யமஹா MT 15 V2 அம்சங்களில் வேறு எந்த மாற்றமும் மேற்கொள்ளப்படவில்லை. அந்த வகையில் இந்த மாடல் 155 சிசி, லிக்விட் கூல்டு, சிங்கில் சிலிண்டர் என்ஜின் வழங்கப்பட்டு இருக்கிறது. இந்த என்ஜின் 18.14 ஹெச்பி பவர், 14.1 நியூட்டன் மீட்டர் டார்க் இழுவிசையை வெளிப்படுத்துகிறது. இத்துடன் 6 ஸ்பீடு கியர்பாக்ஸ் வழங்கப்பட்டுள்ளது. மேலும் அசிஸ்ட் மற்றும் ஸ்லிப்பர் கிளட்ச் வழங்கப்பட்டு இருக்கிறது.

இத்துடன் யமஹா MT 15 V2 மாடலில் அப்சைடு-டவுன் போர்க்குகள், அலுமினியம் ஸ்விங் ஆரம், பிரேக்கிங்கிற்கு சிங்கில் டிஸ்க் மற்றும் சிங்சில் சேனல் ஏபிஎஸ் வழங்கப்பட்டு உள்ளது. இத்துடன் எல்இடி ஹெட்லேம்ப், டெயில் லேம்ப், எல்சிடி கன்சோல், ப்ளூடூத் கனெக்டிவிட்டி, 10 லிட்டர் பியூவல் டேன்க் வழங்கப்பட்டு இருக்கிறது.