நீங்கள் தேடியது "உரக்கிடங்கு"

வேதாரண்யம்:

வேதாரண்யம் நகராட்சி சார்பில்தூய்மையே சேவை திட்டத்தின் கீழ் நகராட்சி செயல்படுத்தி வரும் திடக்கழிவு மேலாண்மை திட்டப் பணிகளை பொதுமக்கள் , சிறு கடைகள் முதல் பெரிய வணிக நிறுவனங்கள் வரை உள்ள கடை உரிமையாளர்கள் மற்றும் தன்னார்வலர்கள் அனைவருக்கும் விழிப்புணர்வு ஏற்படுத்தும் வகையில் செயல்விளக்கம் அளிக்கபட்டது.

நிகழ்ச்சிக்கு நகர் மன்ற தலைவர் புகழேந்தி தலைமை வகித்தார் நகராட்சி ஆணையர் வெ ங்கடலட்சுமண ன்முன்னி லை வகித்தார்.

சுகாதார ஆய்வாளர் மணிவண்ணன் வரவேற்றார் நிகழ்ச்சியி ல்வர்த்தக சங்க தலைவர் தென்னரசு பொருளாளர் சீனிவாசன் உள்ளிட்ட வர்த்தக சங்க நிர்வாகிகள் கலந்து கொண்டனர்.

நிகழ்ச்சியில் நகராட்சி வளம் மீட்பு மையத்திலும் நுண் உரக்கிடங்கு வளாகத்திலும் செயல்முறை கள் செய்து காண்பிக்கப்பட்டது.

மேலும் இந்நிகழ்ச்சியில் கலந்து கொண்ட வணிகர்கள் மற்றும் தன்னார்வலர்கள் அனைவருக்கும் உரக்கி டங்கில் தயார் செய்யப்பட்ட மாதிரி உரம் இலவசமாக வழங்கப்பட்டது.

திடக்கழிவு மேலாண்மைவளாகத்தில் மரக்கன்று நடப்பட்டது.

நாகர்கோவில் :

தமிழ்நாடு தலித் உரிமைகள் பாதுகாப்பு இயக்க மாநில தலைவர் வை.தினகரன் மற்றும் நிர்வாகிகள் இன்று நாகர்கோவிலில் உள்ள மாவட்ட கலெக்டர் அலுவலகத்தில் ஒரு மனு அளித்தனர். அந்த மனுவில் கூறப்பட்டு இருப்பதாவது:-

அகஸ்தீஸ்வரம் தாலுகா லீபுரம் வருவாய் கிராமம் மகாராஜபுரம் ஊராட்சிக்கு உட்பட்ட அரிதாசபுரத்தில் சுமார் 60 தலித் குடும்பங்கள் வசித்து வருகின்றன. இங்கு இறந்தவர்கள் உடலை அடக்கம் செய்ய ஊர் சார்பில் 5 தலைமுறைகளாக சுமார் 40 சென்ட் இடத்தை சுடுகாட்டுக்காக பயன்படுத்தி வருகிறார்கள். இந்த சுடுகாடு இடத்தை சுற்றி வேலி அமைக்க ஊர் பொதுமக்கள் சார்பில் மாவட்ட நிர்வாகத்திடம் மனு கொடுக்கப்பட்டது.

தற்போது அதற்கு நிதி ஒதுக்கப்பட்டு பணிகள் நடந்து வருகின்றன. இந்த நிலையில் ஒருவர் சுடுகாட்டை சுற்றி சுற்றுச்சுவர் கட்டி சுடுகாட்டை இனி பயன்படுத்த கூடாது என தடுத்து வருகிறார். மேலும் எங்கள் ஊரில் 132 ஆண்டுகள் பழமையான சுமார் 20 அடி ஆழ குடிநீர் கிணறு உள்ளது. இந்த கிணற்றில் உள்ள தண்ணீரை எங்கள் ஊர் தலித் மக்கள் மட்டுமல்லாது சுற்று வட்டாரங்களை சேர்ந்த சுமார் 10 கிராம மக்கள் குடிநீராக பயன்படுத்தி வருகிறார்கள். இந்த நிலையில் கிணற்றுக்கு மிக அருகில் உரங்கிடங்கு அமைக்க சம்பந்தப்பட்ட நபர் முயற்சி செய்கிறார். எனவே இதுதொடர்பாக நடவடிக்கை எடுக்க வேண்டும்.

இவ்வாறு அதில் கூறப்பட்டுள்ளது.