நீங்கள் தேடியது "வெள்ளி கொலுசு"

சேலம்:

சேலம் மாநகர் மற்றும் புறநகர் பகுதிகளில் செய்யப்படும் கலை நயமிக்க வெள்ளி கொலுசுகளுக்கு பெரும் மவுசு உண்டு. இதனால் இங்கு தயாரிக்கப்படும் வெள்ளி கொலுசுகள் நாடு முழுவதும் ஏற்றுமதி செய்யப்படுகிறது.

இதையொட்டி சேலம் செவ்வாய்ப்பேட்டை, சிவதாபுரம், பனங்காடு, ஜலகண்டாபுரம், நங்கவள்ளி உள்பட மாவட்டத்தின் பல்வேறு இடங்களில் ஆயிரக்கணக்கான வெள்ளி பொருட்கள் உற்பத்தி பட்டறைகள் உள்ளன. இந்த பட்டறைகளில் பல ஆயிரம் தொழிலாளர்கள் பணிபுரிந்து வருகிறார்கள்.

இந்த நிலையில் பண்டிகை காலங்களில் தமிழகம் மட்டுமின்றி, கர்நாடகா, ஆந்திரா, குஜராத், மகாராஷ்டிரா, உத்தரபிரதேசம் உள்பட வட மாநிலங்களில் இருந்து அதிக அளவில் ஆர்டர்கள் குவியும். ஆனால் கடந்த தீபாவளி பண்டிகைக்கு போதுமான ஆர்டர்கள் வராததால் வெள்ளி தொழிலாளர்கள் போதிய வருமானம் இன்றியும், வேலை இல்லாமலும் தவித்தனர்.

தொடர்ந்து தமிழகத்தில் பொங்கல் பண்டிகை காலங்களில் வெள்ளி கொலுசு, அரைஞான் கொடி, மெட்டி உள்பட வெள்ளி விற்பனை அதிகரிக்கும் என்பதால் அப்போது ஆர்டர்கள் வரும் என வெள்ளி தொழிலாளர்கள் எதிர்பார்த்தனர்.

அதன் தொடர்ச்சியாக பொங்கல் பண்டிகைக்கு இன்னும் 20 நாட்களே உள்ள நிலையில் வெள்ளி கொலுசு, அரைஞான் கொடி உள்பட வெள்ளி பொருட்களுக்கான ஆர்டர்கள் தற்போது வர தொடங்கி உள்ளன. இதனால் அதனை தயாரிக்கும் பணியில் வெள்ளி தொழிலாளர்கள் ஈடுபட்டுள்ளனர்.

இது குறித்து வெள்ளி கொலுசு உற்பத்தியாளர்கள் கைவினை சங்க தலைவர் ஆனந்தராஜன் கூறியதாவது-

பொங்கல் பண்டிகை நெருங்கி வருவதால் தமிழகம் கர்நாடகம், ஆந்திரா மாநிலங்களில் இருந்து வெள்ளி பொருட்களுக்கு ஆர்டர்கள் வர தொடங்கி உள்ளது. இந்த ஆர்டர்களை தயாரிக்க தொடங்கி உள்ளோம். முன்பு பண்டிகைக்கு ஒரு மாதத்திற்கு முன்பே 75 சதவீத ஆர்டர்கள் கிடைத்து விடும். ஆனால் தற்போது 25 சதவீத ஆர்டர்கள் மட்டும் கிடைத்துள்ளன.

அதாவது ஒரு லட்சம் வெள்ளி கொலுசுகளுக்கு ஆர்டர் கிடைக்கும் என்று எதிர்பார்த்த நிலையில் தற்போது 25 ஆயிரம் வெள்ளி கொலுசுகளுக்கு மட்டுமே ஆர்டர் கிடைத்துள்ளது. கடந்த சில நாட்களாக பெய்த தொடர் மழையால் ஆர்டர்கள் குறைந்துள்ளது. மீதி ஆர்டர் விரைவில் கிடைக்கும் என்று நம்புகிறோம்.

வெள்ளி விலை ஒரு கிராம் கடந்த சில நாட்களுக்கு முன்பு 110 ரூபாய் வரை சென்ற நிலையில் தற்போது விலை குறைந்து 100 ரூபாய்க்கு விற்பனையாகிறது. இதனால் வெள்ளி பொருட்களை பொது மக்கள் வாங்க வாய்ப்புள்ளது.

இவ்வாறு அவர் கூறினார்.

சேலம்:

சேலம் மாவட்டத்தில் உற்பத்தி செய்யப்படும் வெள்ளி கொலுசுகளுக்கு நாடு முழுவதும் தனி மவுசு உண்டு. இதனால் இங்கு உற்பத்தி செய்யப்படும் வெள்ளி கொலுசுகளை நாட்டின் பல்வேறு பகுதிகளை சேர்ந்த வியாபாரிகள் போட்டி போட்டு வாங்கி செல்கிறார்கள்.

குறிப்பாக இங்கு வெள்ளி கால் கொலுசு, குங்கும சிமிழ், சில்வர் தட்டு, குடம் உள்பட பல்வேறு வகையான பொருட்கள் உற்பத்தி செய்யப்படுகின்றது. இந்த பொருட்கள் வட மாநிலங்களுக்கும் அதிகளவில் அனுப்பப்படுகிறது. இதனால் ஆண்டு முழுவதும் சேலத்தில் வெள்ளிப்பொருட்கள் உற்பத்தி இருக்கும்.

சமீப காலமாக தங்கத்தை போலவே வெள்ளியின் விலையில் அடிக்கடி மாற்றம் ஏற்பட்டு வருகிறது. இந்த நிலையில் ஆடி மாதம் தொடங்கியதில் வெள்ளிப் பொருட்களின் விற்பனை மந்தமாக உள்ளது. இதனால் வெள்ளி விலை வேகமாக சரிந்து வருகிறது. இதனால் வெள்ளி தொழில் உற்பத்தி பாதியாக குறைந்துள்ளதால் தொழிலாளர்கள் வேலை இழந்துள்ளனர்.

இதுகுறித்து சேலம் செவ்வாய்ப்பேட்டை வெள்ளி கால்கொலுசு உற்பத்தி கைவினைஞர்கள் சங்க தலைவர் ஆனந்தராஜன் கூறியதாவது:-

சேலம் வெள்ளிப்பொருட்களுக்கு இந்தியா முழுவதும் நல்ல வரவேற்பு இருக்கிறது. கடந்த ஏப்ரல், மே, ஜூன், ஜூலை 15-ந்தேதி வரை முகூர்த்தங்கள் இருந்ததால் வெள்ளிப்பொருட்களின் விற்பனை நல்லமுறையில் இருந்தது. வழக்கத்தைவிட 20 முதல் 30 சதவீதம் விற்பனை அதிகரித்தது. இதனால் வெள்ளிப்பட்டறைகள் வாரத்தில் 6 நாட்களும் சுறுசுறுப்பாக இயங்கியது.

இந்த நிலையில் ஆடிமாதம் தொடங்கியதில் இருந்தே வெள்ளிப்பொருட்களின் விற்பனை சரிந்துள்ளது. கடந்த ஜூலை முதல் வாரத்தில் ஒருகிலோ வெள்ளி ரூ.65 ஆயிரத்திற்கு விற்றது. ஜூலை மாத இறுதியில் ரூ.60 ஆயிரமாக சரிந்தது. இதனால் மேலும் விலை குறையும் என்று பொதுமக்கள் எதிர்பார்ப்பதால் வெள்ளிப்பொருட்களின் விற்பனை வழக்கத்தை விட 50 சதவீதமாக குறைந்துள்ளது.

இதனால் வெள்ளிக்கட்டிகளின் விற்பனையும் குறைந்தது. கடந்த 10 நாளில் கிலோவுக்கு மேலும் ரூ.3 ஆயிரம் சரிந்து, தற்போது ரூ.57 ஆயிரத்திற்கு விற்கப்படுகிறது. வெள்ளிப்பொருட்கள் விற்பனை சரிவால் பட்டறைகள் வாரத்தில் 3 நாட்கள் மட்டுமே செயல்படுகிறது. வேலை குறைந்ததால் தொழிலாளர்களும் வருமானமின்றி பாதித்துள்ளனர்.

இவ்வாறு அவர் கூறினார்.

கன்னியாகுமரி :

கருங்கல் அருகே உள்ள விழுந்தயம்பலம் பாலக்காவி ளையை சேர்ந்தவர் விஜயன். இவரது மனைவி சாந்தி (வயது 50).சம்பவத்தன்று இவர் தனது மகள் ஜென்சியின் குழந்தை அக்சிதாவுடன் கருங்கல் பேருந்து நிலையத்தில் இருந்து பஸ் ஏறி உள்ளார். பஸ்சில் ஏறியபின் பார்த்தபோது அக்சிதா காலில் கிடந்த ஒரு பவுன் எடையுள்ள கொலுசு திருட்டு போயிருந்தது தெரிந்தது. திருட்டு போன கொலுசின் மதிப்பு ரூபாய் 30 ஆயிரம் ஆகும்.

இதுகுறித்து சாந்தி கருங்கல் போலீசில் புகார் செய்தார். இப்புகாரின் பேரில் கருங்கல் போலீசார் வழக்கு பதிவு செய்து விசாரணை செய்து வருகின்றனர்.

கன்னியாகுமரி:

கருங்கல் அருகே உள்ள விழுந்தயம்பலம் பாலக்காவி ளையை சேர்ந்தவர் விஜயன். இவரது மனைவி சாந்தி (வயது 50).சம்பவத்தன்று இவர் தனது மகள் ஜென்சியின் குழந்தை அக்சிதாவுடன் கருங்கல் பேருந்து நிலையத்தில் இருந்து பஸ் ஏறி உள்ளார். பஸ்சில் ஏறியபின் பார்த்தபோது அக்சிதா காலில் கிடந்த ஒரு பவுன் எடையுள்ள கொலுசு திருட்டு போயிருந்தது தெரிந்தது. திருட்டு போன கொலுசின் மதிப்பு ரூபாய் 30 ஆயிரம் ஆகும்.

இதுகுறித்து சாந்தி கருங்கல் போலீசில் புகார் செய்தார். இப்புகாரின் பேரில் கருங்கல் போலீசார் வழக்கு பதிவு செய்து விசாரணை செய்து வருகின்றனர்.