நீங்கள் தேடியது "நலத் திட்ட உதவிகள்"

திருப்பூர் : 

திருப்பூா் மாவட்ட கலெக்டர் அலுவலகத்தில் பிற்படுத்தப்பட்டோா், மிகவும் பிற்படுத்தப்பட்டோா், சீா்மரபினா் மற்றும் சிறுபான்மையினா் நலத் துறை சாா்பில் சிறுபான்மையினா் உரிமைகள் தின விழா நடைபெற்றது. இவ்விழாவுக்கு மாவட்ட வருவாய் அலுவலா் த.ப.ஜெய்பீம் தலைமை வகித்தாா்.

இதில், மாவட்ட முஸ்லிம் மகளிா் உதவும் சங்கத்தின் மூலம் 99 சிறுதொழில் முனைவோருக்கு ரூ.4.95 லட்சம் மதிப்பீட்டில் உதவித் தொகை, 21 ஆதரவற்ற ஏழை முஸ்லிம் பெண்களுக்கு ரூ.2.10 லட்சம் மதிப்பீட்டில் உதவித் தொகை, 26 ஆதரவற்ற விதவைகளுக்கு ரூ. 1.30 லட்சம் மதிப்பிட்டில் உதவித் தொகை, 27 ஆதரவற்ற முதியோா்களுக்கு ரூ.1.35 லட்சம் மதிப்பீட்டில் உதவித் தொகை உள்பட மொத்தம் 102 பயனாளிகளுக்கு ரூ.12 லட்சம் மதிப்பிலான நலத் திட்ட உதவிகள் வழங்கப்பட்டன.

இந்நிகழ்ச்சியில், மாவட்ட ஆதிதிராவிடா் நல அலுவலா் ரவிசந்திரன், திருப்பூா் மாவட்ட மகளிா் உதவும் சங்க கௌரவ செயலாளா் முகமது ஜெக்ரியா உள்ளிட்ட பலா் கலந்துகொண்டனா். 

அரூர்,

தருமபுரி மாவட்டம், பேதாதம்பட்டி ஊராட்சி, வாச்சாத்தி கிராமத்தில் மக்கள் தொடர்பு திட்ட முகாம் மாவட்ட கலெக்டர் சாந்தி தலைமையில் நடைபெற்றது.

இந்த முகாமில் மாவட்ட கலெக்டர் சாந்தி பேசியதாவது:-

மலைவாழ் பழங்குடியின மக்களுக்கு அரசு நலத் திட்டங்கள் பெறுவது குறித்து போதிய அளவில் விழிப்புணர்வு இல்லை.

இதனால், பழங்குடியின மக்களுக்கு கிடைக்க வேண்டிய அரசு நலத் திட்ட உதவிகள் முழுமையாக கிடைப்பதில்லை. எனவே, பழங்குடியின மக்களுக்கு அரசு நலத் திட்ட உதவிகளை கிடைப்பதற்கான உதவிகளை அனைத்து துறை அரசு அலுவலர்களும் செய்ய வேண்டும்.

பழங்குடியினர் நலத்துறையில் நலவாரிய அட்டையினை பெறுவதற்கு இதுநாள் வரையிலும் பதிவு செய்யாதவர்கள் உடனடியாக தங்களது பெயரை பதிவு செய்து கொண்டு, பழங்குடியினர் நலவாரிய அட்டையினை பெற்றுக்கொள்ளலாம்.

இந்த அட்டை இருந்தால் இயற்கை மற்றும் விபத்து மரணம், ஈமச்சடங்கு நிதியுதவி உள்ளிட்ட அரசு நலத் திட்ட உதவிகள் கிடைக்கும். எனவே, உரிய ஆவணங்களுடன் அரசு நலத் திட்ட உதவிகள் பெறுவதற்காக மலைவாழ் பழங்குடியின மக்கள் விண்ணப்பிக்கலாம் என்றார்.

தொடர்ந்து, புதிய குடும்ப அட்டைகள், இலவச வீட்டு மனைப் பட்டா, முதியோர் உதவித் தொகை, சொட்டு நீர் பாசன கருவிகள், மகளிர் சுய உதவிக் குழு கடன்கள் உள்பட 411 பயனாளிகளுக்கு ரூ. 1.71 கோடி மதிப்பிலான அரசு நலத் திட்ட உதவிகளை கலெக்டர் சாந்தி வழங்கினார்.

இந்த முகாமில் அரூர் வருவாய் கோட்டாட்சியர் (பொறுப்பு) ராஜசேகரன், ஒன்றியக்குழுத் தலைவர் பொன்மலர் பசுபதி, மாவட்ட ஊராட்சிக் குழு உறுப்பினர் சங்கீதா ராமச்சந்திரன், பேதாதம்பட்டி ஊராட்சி மன்றத் தலைவர் பாரதிராஜா, மாவட்ட ஆதிதிராவிடர் நல அலுவலர் கவிதா, வேளாண்மை இணை இயக்குநர் விஜயா, தோட்டக்கலை மற்றும் மலைப்பயிர்கள் துறை துணை இயக்குநர் மாலினி, பாப்பிரெட்டிப்பட்டி வட்டாட்சியர் சி.சுப்பிரமணி உள்ளிட்டோர் கலந்து கொண்டனர்.

திருவண்ணாமலை:

வருகிற 8, 9-ந் தேதிகளில் திருவண்ணாமலைக்கு வருகை தரும் தமிழக முதல்- அமைச்சருக்கு எழுச்சிமிகு வரவேற்பு அளிக்கப்பட உள்ளதாக பொதுப்பணித்துறை அமைச்சர் எ.வ.வேலு அறிக்கை வெளியிட்டு உள்ளார்.

திருவண்ணாமலை மாவட்டத்திற்கு வருகை தரும் தமிழக முதல்- அமைச்சரும், தி.மு.க. தலைவருமான மு.க.ஸ்டாலினுக்கு எழுச்சிமிகு வரவேற்பு அளிக்கப்பட உள்ளது என்று பொதுப்பணித்துறை அமைச்சரும், கழக உயர்நிலை செயல்திட்டக்குழு உறுப்பினருமான எ.வ.வேலு தெரிவித்து உள்ளார். இது குறித்து அவர் வெளியிட்டு உள்ள அறிக்கையில் கூறியிருப்பதாவது:-

பதினைந்து வயதில் தன் உழைப்பால், தொண்டால், தியாகத்தால் 50 ஆண்டு கால அரசியல் பொது வாழ்வில் சாவல்கள், துரோகங்கள், நெருக்கடிகள், எதிர் கொண்டு வீழ்த்தி வெற்றிமாலை சூடியவர் தலைவர் மு.க.ஸ்டாலின். தோல்விகளை கண்டு துவளாமல், வெற்றிக் களை கண்டு ஆணவம் கொள்ளாமல் இனம், மொழி, நாடு, கலாச்சாரம் என இவற்றிற்கு பணி செய்து கிடப்பதே பணியென இருக்கும் தமிழக முதல்- அமைச்சர் திருவண்ணாமலை மாவட்டத்திற்கு வருகை தரவுள்ளார்.

முத்தமிழறிஞர் கலைஞர், "ஸ்டாலின் என்றால் உழைப்பு, உழைப்பு, உழைப்பு" என வாழ்த்திய வண்ணம், கழக தலைவராக பொறுப்பேற்றது முதல் எதிர் கொண்ட அனைத்து தேர்தல்களிலும் வெற்றிகளை ஈட்டி குறிப்பாக நாடாளுமன்றத்தில் 3-வது பெரிய கட்சியாகவும், உள்ளாட்சி மற்றும் நகர்புறத் தேர்தல்களில் நூறு சதவீத வெற்றி கண்டு வெற்றி நாயகனாக திகழ்கிற கழக தலைவர் தமிழக முதல்- அமைச்சராக பொறுப்பேற்று முதன் முறையாக திருவண்ணாமலை மாவட்டத்திற்கு வருகிற 8 மற்றும் 9-ந் தேதிகள் என 2 நாட்கள் வருகை தர உள்ளார். எனவே அனைவரும் கலந்து கொள்ளுமாறு கேட்டு கொள்கிறேன்.

வருகிற 8-ந் தேதி (வெள்ளிக்கிழமை) காலை தமிழக முதல்-அமைச்சருக்கு திருவண்ணாமலை மாவட்ட எல்லையான கீழ்பென்னாத்தூரில் காலை 10 மணிக்கு எழுச்சிமிகு வரவேற்பு அளிக்கப்பட உள்ளது. மேலும் அன்று மாலை திருவண்ணாமலை- வேலூர் செல்லும் சாலையில் உலக தமிழினத்தின் ஒப்பற்றத் தலைவராம், முத்தமிழறிஞர் கலைஞரின் திருவுருவச்சிலை திறப்பு விழாவும், பேரறிஞர் அண்ணா நுழைவு வாயில் திறப்பு விழாவும் நடைபெற உள்ளது.

அதை தொடர்ந்து மறுநாள் 9-ந் தேதி (சனிக்கிழமை) காலை திருவண்ணாமலை திருக்கோவிலூர் சாலையில் நடைபெறும் அரசு விழாவில் கலந்து கொண்டு புதிய திட்டங்களுக்கு தொடக்க விழாக்கள் மற்றும் பொதுமக்களுக்கு நலத் திட்ட உதவிகள் வழங்கும் விழா நடைபெற உள்ளது.

எல்லோருக்கும் எல்லாமும், சமூக நீதி, ஜனநாயகம், சமூக வளர்ச்சியை உள்ளடக்கிய உன்னதமான திராவிட மாடல் ஆட்சியை அளித்து கொண்டிருக்கும் தமிழக முதல்- அமைச்சர் வருகைத் தரும் அத்தனை திசைகளிலும் லட்சக்கணக்கில் கூடி, கைகளில் கழக கொடியையும், பதாகைகளையும் ஏந்தி, எழுச்சியான வரவேற்பு அளித்திட வேண்டும். தலைவர் மு.க.ஸ்டாலின் வருகைத் தரும் அந்தந்தப் பகுதிக்கு உட்பட்ட ஒன்றிய, நகர, பேரூர் கிளைக் கழக நிர்வாகிகள், அமைப்பு சார்ந்த அணி அமைப்பாளர்கள், துணை அமைப்பாளர்கள், உள்ளாட்சி அமைப்பின் நிர்வாகிகள் பொறுப்பேற்று உற்சாகமான வரவேற்பு அளித்திட வேண்டும். இவ்வாறு அதில் கூறப்பட்டு உள்ளது.