நீங்கள் தேடியது "வியாபாரிகள் மனு"

நெல்லை:

நெல்லை மாநகராட்சி கூட்ட அரங்கில் இன்று வாராந்திர மக்கள் குறைதீர்க்கும் கூட்டம் நடைபெற்றது. இந்த கூட்டத்தில் மேயர் சரவணன் தலைமை தாங்கி பொதுமக்களிடம் மனுக்களை பெற்றுக்கொண்டார்.

இதில் துணை மேயர் ராஜு, மாநகராட்சி கமிஷனர் சிவ கிருஷ்ணமூர்த்தி ஆகியோர் முன்னிலை வகித்தனர்.

அம்மா மக்கள் முன்னேற்றக் கழகத்தை சேர்ந்த சரவணன் என்பவர் கலங்கலான குடிநீரை தண்ணீர் பாட்டிலில் எடுத்து வந்து மேயரிடம் அளித்த புகார் மனுவில் கூறியிருப்பதாவது:-

நெல்லை மாநகராட்சி பாளை மண்டலத்துக்குட்பட்ட 9-வது வார்டில் கோட்டூர் ரோடு உள்ளிட்ட பல்வேறு தெருக்களில் பல மாதங்களாக குடிநீர் சரிவர வருவதில்லை. அவ்வாறு வந்தாலும் சாக்கடை கழிவுகள் கலந்தபடி மிகவும் கலங்கலாக குடிநீர் வருகிறது.

இதனால் அப்பகுதி மக்களுக்கு நோய் தொற்று ஏற்படும் நிலை உள்ளது. எனவே உடனடியாக நடவடிக்கை எடுத்து சுத்தமான குடிநீர் வழங்க வேண்டும். மேலும் சாக்கிய நாயனார் தெரு, கோட்டூர் ரோடு முப்புடாதி அம்மன் கோவில் மேல தெரு மற்றும் கீழே தெருக்களில் உள்ள மின்கம்பங்களில் பொருத்தப்பட்டுள்ள மின்விளக்குகள் சரிவர எரிவது இல்லை. இதனால் அப்பகுதி இருள் சூழ்ந்து காணப்படுகிறது. இரவு நேரங்களில் அந்த வழியாக பெண்கள் செல்வதற்கு அச்சப்படுகின்றனர். எனவே அந்த தெருக்களில் உடனடியாக மின் விளக்குகளை சரி செய்து தர வேண்டும்.

இவ்வாறு அதில் கூறியிருந்தார்.

நெல்லை மாவட்ட மொத்த பூ கமிஷன் உரிமையாளர்கள் நலச் சங்கத்தினர் தி.மு.க வர்த்தக அணி நிர்வாகி எல்ஐசி பேச்சிமுத்து தலைமையில் திரண்டு வந்து அளித்த மனுவில் கூறியிருப்பதாவது:-

சந்திப்பு கெட்வெல் பூ மார்க்கெட் பகுதியில் 25-க்கும் மேற்பட்ட கடைகளும், வணிக வளாகம், கோவில் உள்ளிட்டவையும் உள்ளது. இங்கு மக்கள் நடமாட்டம் எப்போதும் இருக்கும். இந்த பகுதிக்கு சந்திப்பு பஸ் நிலையத்தில் இருந்து சாலை வசதி உள்ளது. இந்த சாலையில் மின்விளக்குகள் இல்லாததால் இருள் சூழ்ந்து காணப்படுகிறது. இந்த சாலையை சீரமைத்து இருபுறமும் மின் கம்பங்கள் மூலமாக மின் விளக்குகள் அமைத்து தர வேண்டும். மேலும் மார்க்கெட்டில் இருந்து வெளியேற்றப்படும் குப்பைகளை தினமும் முறையாக அகற்றுவதற்கு மாநகராட்சி நிர்வாகம் தூய்மை பணியாளர்களை நியமித்து நடவடிக்கை எடுக்க வேண்டும். மேலும் சந்திப்பு பஸ் நிலையத்தை விரைவாகத் திறந்து வியாபாரிகள் சிரமமின்றி பூ மார்க்கெட்டுக்கு வந்து செல்ல நடவடிக்கை எடுக்க வேண்டும். இவ்வாறு அதில் கூறியிருந்தனர்.

ஊட்டி,

நீலகிரி மாவட்டம் கோத்தகிரியில் 2006 -ல் கதர்துறை அமைச்சராய் இருந்த தற்போதைய வனத்துறை அமைச்சர் ராமசந்திரனால் உழவர் சந்தை திறந்து வைக்கப்பட்டது. ஒரு கட்டத்தில் அந்த உழவர் சந்தை செயல்படாமல் போனது.

இந்த நிலையில் தினசரி மார்க்கெட் பகுதியில் 40 வருட காலமாக இயங்கி கொண்டிருக்கும் கடைகளின் ஒரு பகுதியில் 64 கடைகளை அப்புறபடுத்தி விட்டு அந்த இடத்தில் உழவர் சந்தை அமைக்க ஆய்வுகள் நடைபெற்றனஇது வியாபாரிகளிடையே அதிருப்தியையும் அச்சத்தையும் ஏற்டுத்தியது

மார்க்கெட்டின் அந்த கடைகளை நம்பி வாழும் சுமார் 300 குடும்பங்கள் வாழ்வாதாரத்தை இழந்து வாடும் நிலைக்கு தள்ளப்பட்டுள்ளனர் என மார்க்கெட் வியாபாரிகள் வருத்தம் தெரிவித்துள்ளனர்.

இந்த நிலையில் உழவர் சந்தையை மார்க்கெட் பகுதியில் அமைக்க கூடாது என கோத்தகிரி மார்க்கெட் வியாபாரிகள் மற்றும் பொதுமக்கள் , வாகன டிரைவர்கள், உரிமையாளர்கள் சார்பில் தமிழக முதல்-அமைச்சருக்கு மனு அனுப்பும் போராட்டம் நடைபெற்றது.பழைய இடத்திலேயே உழவர் சந்தை அமைக்க வேண்டும், இல்லாவிட்டால் புதிய நூலகம் அருகே உள்ள பேருராட்சி இடம், என்.சி.எம்.எஸ் மைதானம், ரைபில் ரேஞ்ச் கால்நடை மைதானம் ஆகிய இடங்களில் ஒன்றை தேர்ந்தெடுத்து உழவர் சந்தை அமைக்கலாம் என வேண்டுகோள் விடுத்துள்ளனர்.மார்க்கெட் பகுதியில் கடைகளை அகற்றி உழவர் சந்தை அமைந்தால் பேருராட்சிக்கு ரூ.1 கோடிவரை வருமான இழப்பு ஏற்படும் என சுட்டி காட்டப்பட்டு உள்ளது.