நீங்கள் தேடியது "ஜார்க்கண்ட் சட்டசபை தேர்தல்"

புதுடெல்லி:

மகாராஷ்டிரா மாநிலத்தில் உள்ள 288 தொகுதிகளுக்கு ஒரே கட்டமாகவும், ஜார்க்கண்ட் மாநிலத்தில் 38 தொகுதிகளுக்கு 2-ம் கட்ட தேர்தல் வாக்குப்பதிவு நடைபெற்றது.

மகாராஷ்டிராவில் பா.ஜ.க, சிவசேனா, தேசியவாத காங்கிரஸ் ஆகிய கட்சிகள் அடங்கிய ஆளும் மகாயுதி கூட்டணியும், காங்கிரஸ், உத்தவ் சிவசேனா, தேசியவாத காங்கிரஸ் (எஸ்.பி.) ஆகிய எதிர்க்கட்சிகள் அடங்கிய மகாவிகாஸ் அகாடி கூட்டணியும் நேருக்கு நேர் மல்லுகட்டுகின்றன.

ஜார்க்கண்ட் மாநில சட்டசபைத் தேர்தல் இரு கட்டமாக நடைபெறும் என தேர்தல் ஆணையம் அறிவித்தது. அதன்படி 43 தொகுதிகளுக்கான முதல் கட்ட தேர்தல் கடந்த 13-ம் தேதி நடந்தது. மீதமுள்ள 38 தொகுதிகளுக்கும் 2-வது கட்ட வாக்குப்பதிவு நடைபெற்றது.

காலை 7 மணிக்கு தொடங்கிய வாக்குப் பதிவு மாலை 6 மணிக்கு நிறைவடைந்தது.

இந்நிலையில், ஜார்க்கண்டில் நடந்த 2வது கட்ட தேர்தலில் 68.01 சதவீதம் வாக்குகள் பதிவானது என்றும், மகாராஷ்டிராவில் நடந்த சட்டசபை தேர்தலில் 62.05 சதவீதம் வாக்குகள் பதிவானது என தேர்தல் ஆணையம் தெரிவித்துள்ளது.

மகாராஷ்டிரா மாநிலத்தில் உள்ள 288 தொகுதிகளுக்கு ஒரே கட்டமாக இன்று தேர்தல் நடைபெற்றது. இதே போன்று ஜார்க்கண்ட் மாநிலத்தில் 38 தொகுதிகளுக்கு 2-ம் கட்ட தேர்தல் வாக்குப்பதிவு நடைபெற்றது. ஜார்க்கண்ட் மாநிலத்தில் 43 தொகுதிகளுக்கு முதற்கட்ட தேர்தல் கடந்த 13-ம் தேதி நடைபெற்றது.

மகாராஷ்டிராவில் பா.ஜ.க., சிவசேனா, தேசியவாத காங்கிரஸ் ஆகிய கட்சிகள் அடங்கிய ஆளும் மகாயுதி கூட்டணியும், காங்கிரஸ், உத்தவ் சிவசேனா, தேசியவாத காங்கிரஸ் (எஸ்.பி.) ஆகிய எதிர்க்கட்சிகள் அடங்கிய மகாவிகாஸ் அகாடி கூட்டணியும் நேருக்கு நேர் மல்லுக்கட்டுகின்றன.

மகாராஷ்டிரா தேர்தலுக்கு பிந்தைய கருத்துக்கணிப்பு:

இந்த நிலையில், மகாராஷ்டிரா மற்றும் ஜார்க்கண்டில் தேர்தலுக்கு பிந்தைய கருத்துக் கணிப்பு முடிவுகள் வெளியாகி உள்ளன. நியூஸ்18 வெளியிட்டுள்ள தேர்தலுக்கு பிந்தைய கருத்துக் கணிப்பு முடிவுகளின் படி மகாராஷ்டிராவில் பா.ஜ.க. கூட்டணி 137 முதல் 157 இடங்களிலும், காங்கிரஸ் கூட்டணி 126 முதல் 146 இடங்களிலும் வெற்றி பெறும் என கூறப்பட்டுள்ளது. மற்றவை 2 முதல் 8 இடங்களில் வெற்றி பெறலாம்.

இதேபோல் ஏபிபி வெளியிட்டுள்ள கருத்துக் கணிப்பு முடிவுகளின் படி பா.ஜ.க. கூட்டணி 150 முதல் 170 இடங்களிலும், காங்கிரஸ் கூட்டணி 110 முதல் 130 இடங்களிலும் மற்றவை 8 முதல் 10 இடங்களில் வெற்றி பெறலாம் என்று கூறப்பட்டுள்ளது.

சிஎன்பிசி கருத்துக் கணிப்பு முடிவுகளின் படி பா.ஜ.க. கூட்டணி 154 இடங்களிலும், காங்கிரஸ் கூட்டணி 128 இடங்களிலும், மற்றவை 6 இடங்களில் வெற்றி பெறலாம்.

ஜார்க்கண்ட் தேர்தலுக்கு பிந்தைய கருத்துக்கணிப்பு:

ஜார்க்கண்டில் நியூஸ்18 வெளியிட்டுள்ள தேர்தலுக்கு பிந்தைய கருத்துக் கணிப்பு முடிவுகளின் படி பா.ஜ.க. கூட்டணி 47 இடங்களிலும், காங்கிரஸ் கூட்டணி 30 இடங்களிலும், மற்றவை 4 இடங்களிலும் வெற்றி பெறும் என்று கூறப்பட்டுள்ளது.

என்டிடிவி வெளியிட்ட கருத்துக் கணிப்பு முடிவுகளில் பா.ஜ.க. கூட்டணி 44 முதல் 53 இடங்களிலும், காங்கிரஸ் கூட்டணி 25 முதல் 37 இடங்களிலும், மற்றவை 5 முதல் 9 இடங்களிலும் வெற்றி பெறலாம் என தெரிவிக்கப்பட்டு இருக்கிறது.

டைம்ஸ்நௌ வெளியிட்டுள்ள கருத்துக் கணிப்பு முடிவுகளின் படி பா.ஜ.க. கூட்டணி 40 முதல் 44 இடங்களிலும், காங்கிரஸ் கூட்டணி 30 முதல் 40 இடங்களிலும், மற்றவை 1 இடத்திலும் வெற்றி பெறலாம்.

மகாராஷ்டிரா மாநிலத்தில் உள்ள 288 தொகுதிகளுக்கு ஒரே கட்டமாகவும், ஜார்க்கண்ட் மாநிலத்தில் 38 தொகுதிகளுக்கு 2-ம் கட்ட தேர்தல் வாக்குப்பதிவு இன்று நடைபெற்றது.

மகாராஷ்டிராவில் பா.ஜ.க., சிவசேனா, தேசியவாத காங்கிரஸ் ஆகிய கட்சிகள் அடங்கிய ஆளும் மகாயுதி கூட்டணியும், காங்கிரஸ், உத்தவ் சிவசேனா, தேசியவாத காங்கிரஸ் (எஸ்.பி.) ஆகிய எதிர்க்கட்சிகள் அடங்கிய மகாவிகாஸ் அகாடி கூட்டணியும் நேருக்கு நேர் மல்லுக்கட்டுகின்றன.

81 தொகுதிகளை கொண்ட ஜார்கண்ட் மாநில சட்டசபைத் தேர்தல் 2 கட்டங்களாக நடைபெறும் என்று தேர்தல் கமிஷன் அறிவித்து இருந்தது. இதன்படி 43 தொகுதிகளுக்கான முதல் கட்ட தேர்தல் கடந்த 13 ஆம் தேதி நடந்தது. மீதமுள்ள 38 தொகுதிகளுக்கும் இன்று 2-வது கட்ட தேர்தல் வாக்குப்பதிவு நடைபெற்றது.

மகாராஷ்டிரா மற்றும் ஜார்க்கண்ட் மாநிலத்தில் இன்று காலை 7 மணிக்கு தொடங்கிய வாக்குப் பதிவு மாலை 6 மணிக்கு நிறைவு பெற்றது.

மகாராஷ்டிரா மாநிலத்தில் 288 தொகுதிகளுக்கு இன்று தேர்தல் நடைபெற்று வருகிறது. காலை 7 மணிக்கு வாக்குப்பதிவு தொடங்கியது. காலை 9 மணி வரை 6.61 சதவீதம் வாக்குகள் பதிவாகியிருந்தனர். இந்த நிலையில் 11 மணி வரை நிலவரப்படி 18.14 சதவீத வாக்குகள் பதிவாகியுள்ளன.

ஜார்க்கண்டில் 38 தொகுதிகளுக்கு 2-ம் கட்ட தேர்தல் வாக்குப்பதிவு நடைபெற்று வருகிறது. இங்கு காலை 11 மணி வரை 31.37 சதவீத வாக்குகள் பதிவாகியுள்ளது. காலை 9 மணி வரை 12.71 சதவீதம் வாக்குகள் பதிவாகியிருந்தன.

உத்தரபிரதேசத்துக்கு அடுத்தப்படியாக அதிக சட்டமன்ற தொகுதிகளை கொண்ட மகாராஷ்டிரா, ஜார்க்கண்ட் மாநில சட்டசபை தேர்தல் இன்று நடைபெறுகிறது.

288 தொகுதிகளை கொண்ட மகாராஷ்டிரா மாநிலத்துக்கு ஒரே கட்டமாக இன்று வாக்குப்பதிவு தொடங்கியது. காலை 7 மணிக்கு தொடங்கி மாலை 6 மணி வரை வாக்குப்பதிவு நடைபெற உள்ளது.

இதேப்போல் 81 தொகுதிகளை கொண்ட ஜார்கண்ட் மாநில சட்டசபைத்தேர்தல் 2 கட்டங்களாக நடைபெறும் என்று தேர்தல் கமிஷன் அறிவித்து இருந்தது. இதன்படி 43 தொகுதிகளுக்கான முதல் கட்ட தேர்தல் கடந்த 13-ந் தேதி நடந்தது. மகாராஷ்டிரா மாநில சட்டமன்றத்தேர்தலுடன் சேர்த்து மீதமுள்ள 38 தொகுதிகளுக்கு இன்று 2-வது கட்ட தேர்தல் தொடங்கியது.

இரண்டு மாநிலங்களிலும் வாக்குப்பதிவு தொடங்கிய காலை 7 மணியில் இருந்து அரசியல் தலைவர்கள், பிரமுகர்கள், பொதுமக்கள் என பலரும் வரிசையில் நின்று தங்களது ஜனநாயக கடமையை நிறைவேற்றி வருகின்றனர்.

இந்த நிலையில், வாக்காளர்கள் முழு ஆர்வத்துடன் வாக்குப்பதிவில் பங்கேற்க வேண்டும் என்று பிரதமர் மோடி வேண்டுகோள் விடுத்துள்ளார்.

இதுதொடர்பாக எக்ஸ் தள பக்கத்தில் அவர் வெளியிட்டுள்ள பதிவில், மகாராஷ்டிரா வாக்காளர்கள் முழு ஆர்வத்துடன் தேர்தலில் பங்கேற்று ஜனநாயகப் பண்டிகையின் சிறப்பை அதிகரிக்க வேண்டும். பெண்கள் மற்றும் இளம் வாக்காளர்கள் அதிக எண்ணிக்கையில் வாக்களிக்க வேண்டும்.

ஜார்க்கண்ட் வாக்காளர்களும் அதிக பங்கேற்புடன் வாக்குப்பதிவு சாதனை படைக்க வேண்டும். முதல்முறையாக வாக்களிப்பவர்களின் ஒவ்வொரு வாக்கும் மாநிலத்தின் பலம் என்றார். 

மகாராஷ்டிரா மாநிலத்தில் 288 தொகுதிகளுக்கும் ஒரே கட்டமாக வாக்குப்பதிவு நடைபெற்று வருகிறது. ஜார்க்கண்ட் மாநிலத்தில் 38 தொகுதிகளுக்கு 2-ம் கட்ட தேர்தல் வாக்குப்பதிவு நடைபெற்று வருகிறது. 9 கோடியே 70 லட்சத்து 25 ஆயிரத்து 119 வாக்காளர்கள் ஓட்டுப்போட தகுதியானவர்கள்.

மகாராஷ்டிராவில் பா.ஜனதா, சிவசேனா, தேசியவாத காங்கிரஸ் ஆகிய கட்சிகள் அடங்கிய ஆளும் மகாயுதி கூட்டணியும், காங்கிரஸ், உத்தவ் சிவசேனா, தேசியவாத காங்கிரஸ் (எஸ்.பி.) ஆகிய எதிர்க்கட்சிகள் அடங்கிய மகாவிகாஸ் அகாடி கூட்டணியும் நேருக்கு நேர் மல்லுக்கட்டுகின்றன.

81 தொகுதிகளை கொண்ட ஜார்கண்ட் மாநில சட்டசபைத் தேர்தல் 2 கட்டங்களாக நடைபெறும் என்று தேர்தல் கமிஷன் அறிவித்து இருந்தது. இதன்படி 43 தொகுதிகளுக்கான முதல் கட்ட தேர்தல் கடந்த 13-ந்தேதி நடந்தது. மீதமுள்ள 38 தொகுதிகளுக்கும் இன்று 2-வது கட்ட தேர்தல் வாக்குப்பதிவு நடைபெற்று வருகிறது.

ஒரு கோடியே 23 லட்சம் வாக்காளர்கள் தகுதி பெற்றுள்ளனர். தேர்தலில் 528 வேட்பாளர்கள் களத்தில் உள்ளனர்.

காலை 7 மணிக்கு தொடங்கி மாலை 6 மணி வரை ஓட்டுப்பதிவு நடைபெற உள்ளது.

பாட்னா:

ஜார்க்கண்ட் மாநிலத்தில் நவம்பர் 13 மற்றும் 20-ம் தேதிகளில் 2 கட்டமாக தேர்தல் நடைபெறும் என அறிவிக்கப்பட்டது.

அதன்படி, ஜார்க்கண்ட் மாநிலத்தில் மொத்தமுள்ள 81 தொகுதிகளில் 43 தொகுதிகளுக்கு கடந்த 13-ம் தேதி முதல் கட்ட தேர்தல் நடந்தது. அதில் சுமார் 67 சதவீதம் வாக்குகள் பதிவானது.

இதையடுத்து, அங்கு 2-வது கட்டமாக 38 தொகுதிகளில் விறுவிறுப்பான தேர்தல் பிரசாரம் நடந்தது. நேற்று மாலையுடன் பிரசாரம் நிறைவு பெற்றது. தலைவர்கள் இறுதிக்கட்ட வாக்கு சேகரிப்பில் ஈடுபட்டனர். தேர்தலை முன்னிட்டு பலத்த பாதுகாப்பு ஏற்பாடுகள் செய்யப்பட்டு உள்ளன.

இந்நிலையில், பீகார் தலைநகர் பாட்னாவில் மத்திய ஜவுளித்துறை மந்திரி கிரிராஜ் சிங் இன்று செய்தியாளர்களைச் சந்தித்தார். அப்போது அவர் கூறியதாவது:

முதல் மந்திரி ஹேமந்த் சோரனும், காங்கிரசும் தலைநகர் ராஞ்சியை கராச்சியாக மாற்ற விரும்புகின்றனர்.

அதேபோல் தும்கா, தியோகர் மற்றும் சாஹிப்கஞ்ச் மாவட்டங்களை வங்காளதேசமாக மாற்ற விரும்புகிறார்கள். காங்கிரசும் அதன் கூட்டணி கட்சிகளும் எங்களைப் பிரிக்க நினைக்கின்றன.

ஜார்க்கண்டில் இறுதிக்கட்ட வாக்குப்பதிவுக்கு ஒரு நாள் முன்னதாக, மக்கள் தங்கள் 'பாஹு-பேட்டி'யின் பாதுகாப்பிற்காக வாக்களிக்குமாறு கேட்டுக்கொள்கிறேன்.

அவர்கள் 'ஓட்டு ஜிஹாத்' பற்றி பேசுகிறார்கள். பெரும்பான்மை சமூகத்தின் வாக்குகளைப் பிரிப்பதே இவர்களின் அடிப்படை நோக்கம். இதை மக்கள் அனுமதிக்கக் கூடாது என தெரிவித்தார்.

மகாராஷ்டிரா, ஜார்க்கண்ட் மாநில சட்டசபைகளின் பதவிகாலம் விரைவில் நிறைவு பெறுகிறது. இதையொட்டி புதிய சட்டசபைகளை தேர்வு செய்ய தலைமை தேர்தல் ஆணையம் தேர்தல் அட்டவணை வெளியிட்டது.

அதன்படி மகாராஷ்டிராவில் 288 தொகுதிகளுக்கும் நவம்பர் 20-ந் தேதி ஒரே கட்டமாக தேர்தல் நடைபெறும் என்று அறிவிக்கப்பட்டது. 81 தொகுதிகள் கொண்ட ஜார்க்கண்ட் மாநிலத்தில் நவம்பர் 13 மற்றும் 20-ம் தேதிகளில் 2 கட்டமாக தேர்தல் நடைபெறும் என்று அறிவிக்கப்பட்டது.

அதன்படி ஜார்க்கண்ட் மாநிலத்தில் 43 தொகுதிகளில் கடந்த 13-ம் தேதி முதல் கட்ட தேர்தல் நடந்தது. அதில் சுமார் 67 சதவீதம் வாக்குகள் பதிவானது. இதையடுத்து அங்கு 2-வது கட்டமாக 38 தொகுதிகளில் விறுவிறுப்பான தேர்தல் பிரசாரம் நடந்தது.

அதுபோல மகாராஷ்டிரா மாநிலத்தில் கடந்த 2 வாரங்களாக அனல் பறக்கும் பிரசாரம் நடந்தது. பா.ஜனதா கூட்டணிக்கு ஆதரவாக ஆர்.எஸ்.எஸ். அமைப்பும், காங்கிரஸ் கூட்டணிக்கு ஆதரவாக இஸ்லாமிய அமைப்புகளும் மறைமுகமாக வேலை செய்தன.

இந்த நிலையில் இன்று (திங்கட்கிழமை) மாலையுடன் பிரசாரம் நிறைவு பெற்றது. 2 மாநிலங்களிலும் தலைவர்கள் இறுதிகட்ட ஓட்டு வேட்டை ஆடினார்கள். நாளை வாக்குச் சாவடிகளுக்கு மின்னணு எந்திரங்கள் கொண்டு செல்லும் பணி நடைபெறும். 20-ந் தேதி (புதன்கிழமை) ஓட்டுப்பதிவு நடைபெற உள்ளது.

இதையொட்டி இரு மாநிலங்களிலும் பலத்த பாதுகாப்பு ஏற்பாடுகள் செய்யப்பட்டு உள்ளன. ஓட்டுப்பதிவு முடிந்ததும் மின்னணு எந்திரங்கள் ஓட்டு எண்ணும் மையங்களுக்கு எடுத்துச் செல்லப்படுகிறது. 23-ந் தேதி (சனிக்கிழமை) ஓட்டுக்கள் எண்ணி முடிவுகள் அறிவிக்கப்படும்.

ஜார்க்கண்ட் மாநிலத்தில் 2-வது கட்ட தேர்தல் வாக்குப்பதிவு 20-ந்தேதி நடைபெற இருக்கும் நிலையில் பாஜக தலைவர்கள், இந்தியா கூட்டணி கட்சித் தலைவர்கள் தீவிர தேர்தல் பிரசாரத்தில் ஈடுபட்டு வருகிறார்கள்.

பிரதமர் மோடி தனது பிரசாரத்தில் ஜார்க்கண்டின் மண், மக்கள், உணவு (Mati, Beti, Roti) ஆகியவற்றை பா.ஜ.க. காப்பாற்றும் என்ற கோஷத்தை கூறி வருகிறார்.

இந்த நிலையில் ஜார்க்கண்ட் முதல்வர் ஹேமந்த் சோர்ன் இன்று இந்தியா கூட்டணியின் காங்கிரஸ் வேட்பாளரும், மந்திரியுமான தீபிகா பாண்டே சிங்கை ஆதித்து பிரசாரம் மேற்கொண்டார்.

அப்போது பா.ஜ.க., Mati, Beti and Roti கோஷத்தை அரசியல் ஆதாயத்திற்காக மக்களை தவறாக வழிநடத்துகிறது என்றார்.

பா.ஜ.க.-வின் பிரித்தாளும் சூழ்ச்சிக்கு வாக்காளர்கள் மயங்கிவிடக் கூடாது. பாஜக-வின் முழக்கம் மாநிலத்தில் நிலவும் அமைதி மற்றும் நல்லிணக்கத்தை சீர்குலைப்பதை நோக்கமாகக் கொண்டது. இது பதட்டத்தைத் தூண்டுவதற்கு அக்கட்சியின் தவறான முயற்சி.

மிகப்பெரிய வெற்றியை பெற இந்தியா கூட்டணி வேட்பாளருக்கு ஆதரவு அளிக்க வேண்டும். மாநிலத்தை சீர்குலைக்கவும், ஒற்றுமையை சீர்குலைக்கவும் கடந்த ஓராண்டாக பாஜக சதி செய்து வருகிறது.

ஜார்க்கண்ட் மக்கள் நம்பிக்கையைப் பொருட்படுத்தாமல் ஒன்றாக பண்டிகைகளை கொண்டாடுகின்றனர். மேலும் இந்த உணர்வு தொடர இந்தியா கூட்டணி வாக்காளர்கள் வாக்களிக்க வேண்டும். ஒவ்வொரு வருடமும் திருவிழாக்கள் வரும், ஆனால் ஐந்து ஆண்டுகளுக்கு ஒருமுறை தேர்தல்கள் வரும் என்று ஹேமந்த் சோரன் தெரிவித்தார்.

ஜார்க்கண்ட் மாநிலத்தில் 81 தொகுதிகளுக்கு இரண்டு கட்டங்களாக தேர்தல் நடைபெற இருக்கிறது. முதற்கட்ட தேர்தல் ஏற்கனவே கடந்த 13-ந்தேதி 43 தொகுதிகளுக்கு நடந்து முடிந்துவிட்டது. 38 தொகுதிகளுக்கு வருகிற 20-ந்தேதி நடைபெற இருக்கிறது.

பா.ஜ.க. தலைவர்களும், இந்தியா கூட்டணி கட்சி தலைவர்களும் தீவிர தேர்தல் பிரசாரம் மேற்கொண்டு வருகின்றனர். ஜார்க்கண்ட் மாநிலத்திற்குள் ஊடுருபவர்கள் தொடர்பான பிரச்சனை தேர்தல் பிரசாரத்தில் பிரதானதாக இருந்து வருகிறது.

இந்த நிலையில் ஜார்க்கண்ட் மாநிலத்தில் பழங்குடியினரின் மக்கள் தொகை குறைந்து வருவதற்கு ஹேமந்த் சோரன்தான் முக்கிய காரணம். அவர் ஊடுருவல்காரர்களை அனுமதிக்கிறார். இதற்கு ஹேமந்த் சோரன் பொறுப்பேற்க வேண்டும். பிரதமர் மோடி ஜன்ஜதியா கவுரவ் வர்ஷ் (Janjatiya Gaurav Varsh) உள்ளிபட்ட பல்வேறு திட்டங்களை அவர்களுக்கு அறிவித்து பழங்குடியினரின் பெருமைமை மீட்டெடுத்தார் என பா.ஜ.க. தலைவரும், மத்திய உள்துறை மந்திரியுமான அமித் ஷா தெரிவித்துள்ளார்.

ராஞ்சி:

ஜார்க்கண்ட் மாநிலத்தில் மொத்தமுள்ள 81 சட்டசபை தொகுதிகளுக்கு 2 கட்டமாக தேர்தல் நடைபெறுகிறது. 43 தொகுதிகளுக்கு முதல் கட்ட தேர்தல் நேற்று நடைபெற்றது. இதில் 65 சதவீத வாக்குகள் பதிவாகியுள்ளன.

இரண்டாம் கட்ட தேர்தல் வரும் 20-ம் தேதி நடைபெற உள்ளது. தேர்தலில் பதிவாகும் வாக்குகள் 23-ம் தேதி எண்ணப்பட்டு அன்றே முடிவுகள் அறிவிக்கப்பட உள்ளன.

அங்கு ஜார்க்கண்ட் முக்தி மோர்ச்சா தலைமையிலான கூட்டணி ஆட்சி நடைபெற்று வருகிறது. இந்தக் கூட்டணியில் காங்கிரஸ், ராஷ்டிரீய ஜனதா தளம் ஆகிய கட்சிகள் உள்ளன.

இதற்கிடையே, அம்மாநிலத்தின் பகூர் மாவட்டம் லிதிபரா தொகுதி எம்.எல்.ஏ.வாக ஆளும் ஜார்க்கண்ட் முக்தி மோர்ச்சா கட்சியை சேர்ந்த தினேஷ் வில்லியம்ஸ் மராண்டி செயல்பட்டு வந்தார். அவருக்கு இந்த தேர்தலில் போட்டியிட வாய்ப்பு வழங்கப்படவில்லை.

இந்நிலையில், தேர்தலில் வாய்ப்பு வழங்கப்படாததால் ஆளும் கட்சி எம்.எல்.ஏ. தினேஷ் வில்லியம்ஸ் ஜார்க்கண்ட் முக்தி மோர்ச்சா கட்சியில் இருந்து விலகி பா.ஜ.க.வில் நேற்று இணைந்தார்.

லிதிபரா தொகுதியில் தேர்தல் பிரசாரத்தில் ஈடுபட்டிருந்த பா.ஜ.க. மூத்த தலைவரும் மத்திய மந்திரியுமான சிவராஜ் சிங் சவுகான் முன்னிலையில் தினேஷ் பா.ஜ.க.வில் இணைந்தார்.

பா.ஜ.க.வில் இணைந்துள்ள தினேஷுக்கு நடப்பு தேர்தலில் லிதிபரா தொகுதியில் போட்டியிட வாய்ப்பு வழங்கப்படலாம் என எதிர்பார்க்கப்படுகிறது.

ராஞ்சி:

ஜார்க்கண்ட் மாநிலத்தில் முதல்-மந்திரி ஹேமந்த் சோரன் தலைமையிலான ஜார்க்கண்ட் முக்திமோர்ச்சா கட்சி ஆட்சி நடந்து வருகிறது.

இந்த மாநிலத்தில் மொத்தம் உள்ள 81 சட்டசபை தொகுதிகளுக்கு 2 கட்டங்களாக தேர்தல் அறிவிக்கப்பட்டது. அதன்படி கடந்த 13-ந்தேதி 43 தொகுதிகளுக்கு தேர்தல் நடந்தது.

மீதம் உள்ள 38 தொகுதிகளுக்கு வருகிற 20-ந்தேதி 2-ம் கட்டமாக தேர்தல் நடைபெற உள்ளது. இதையொட்டி அங்கு தீவிர வாகன சோதனை நடத்தப்பட்டு வருகிறது.

இந்நிலையில் ஜார்க்கண்ட்- பீகார் எல்லையில் உள்ள கிரிதிஹ் மாவட்டத்தில் வருமான வரித்துறையினரும், போலீசாரும் சேர்த்து வாகன சோதனையில் ஈடுபட்டிருந்தனர்.

அப்போது சந்தேகத்திற்கிடமாக வந்த ஒரு வாகனத்தை சோதனை செய்தனர். அப்போது வாகனத்தில் உதிரியாக ஒரு டயர் மறைத்து வைக்கப்பட்டிருந்தது. இதனால் சந்தேகம் அடைந்த அதிகாரிகள் அந்த டயரை சோதனை செய்தபோது டயருக்குள் கட்டுக்கட்டாக பணம் பதுக்கி வைக்கப்பட்டிருப்பது தெரியவந்தது.

மொத்தம் ரூ.50 லட்சம் மதிப்புள்ள பண கட்டுகளை டயருக்குள் பதுக்கி வைக்கப்பட்டிருப்பதை கண்ட அதிகாரிகள் அதனை பறிமுதல் செய்து விசாரணை நடத்தி வருகின்றனர்.

இந்த பணம் எதற்காக மறைத்து வைத்து கடத்தி செல்லப்படுகிறது? வாக்காளர்களுக்கு கொடுப்பதற்காக கொண்டு செல்லப்பட்டதா? என விசாரணை நடந்து வருகிறது.

இந்த நிலையில் டயருக்குள் பதுக்கி பணம் கொண்டு செல்லப்பட்டதை அதிகாரிகள் கைப்பற்றிய வீடியோவை ஜார்க்கண்டில் கோடா தொகுதி பாஜக எம்.பி. நிசிகாந்த் துபே எக்ஸ் தளத்தில் பகிர்ந்துள்ளார்.

வீடியோவுடன் அவரது பதிவில், ஆளும் ஜார்க்கண்ட் முக்திமோச்சா மற்றும் அதன் கூட்டணி கட்சியான காங்கிரஸ் சேர்ந்து மாநிலத்தில் ஊழல் செய்கின்றனர் என பதிவிட்டுள்ளார்.

மேலும் ஊழலையும், பணக்கட்டுகளையும் பார்க்க வேண்டுமானால் ஜார்க்கண்டுக்கு வாருங்கள். வருமானவரித்துறையும், தேர்தல் அதிகாரிகளும் கிரிதிக் தொகுதியில் ரூ.50 லட்சம் பணத்தை கைப்பற்றி உள்ளனர் என பதிவிட்டுள்ளார். இந்த வீடியோ சமூக வலைதளத்தளங்களில் வைரலாகி வருகிறது.