நீங்கள் தேடியது "சாம்பியன்ஸ் கோப்பை 2025"

"மினி உலக கோப்பை" என அழைக்கப்படும் ஐசிசி சாம்பியன்ஸ் டிராபி கிரிக்கெட் போட்டி 1998-ம் ஆண்டு வங்காளதேசத்தில் அறிமுகம் செய்யப்பட்டது. இதில் தென் ஆப்பிரிக்கா கோப்பையை கைப்பற்றியது. இதுவரை 8 போட்டித் தொடர் நடைபெற்றுள்ளது.

கடைசியாக 2017-ம் ஆண்டு இங்கிலாந்தில் நடந்த போட்டியில் பாகிஸ்தான் கோப்பையை வென்றது. 9-வது ஐசிசி சாம்பியன்ஸ் டிராபி போட்டி 8 ஆண்டுகளுக்கு பிறகு நடைபெற இருக்கிறது. இதனை பாகிஸ்தான் முதல் முறையாக 2025-ல் நடத்துகிறது.

ஒருநாள் போட்டித் தர வரிசையில் டாப் 8 நாடுகள் இதில் பங்கேற்கின்றன. வெஸ்ட்இண்டீஸ், இலங்கை ஆகியவை தகுதிபெறும் வாய்ப்பை இழந்தன. சாம்பியன்ஸ் டிராபி போட்டியை பிப்ரவரி 19 முதல் மார்ச் 9 வரை கராச்சி, லாகூரில் நடத்த திட்டமிட்டு பாகிஸ்தான் கிரிக்கெட் வாரியம் முடிவு செய்துள்ளது.

தொடக்க ஆட்டம், அரை இறுதி உள்பட 3 போட்டிகள் கராச்சியிலும், இறுதிப் போட்டி உள்பட 7ஆட்டங்கள் லாகூரிலும், அரையிறுதி உள்பட 5 போட்டிகள், ராவல்பிண்டியிலும் நடத்த திட்டமிடப்பட்டுள்ளது.

சாம்பியன்ஸ் டிராபி போட்டிக்காக இந்திய அணி பாகிஸ்தான் சென்று விளையாட மறுப்பதாக தகவல் வெளியாகி இருந்தது. பாதுகாப்பு கருதி மத்திய அரசு அனுமதி மறுப்பதாக இந்திய கிரிக்கெட் கட்டுப்பாட்டு வாரியம் (பிசிசிஐ) தெரிவித்ததாக கூறப்படுகிறது.

பொதுவான இடமான ஐக்கிய அரபு எமிரேட்ஸ் அல்லது இலங்கையில் விளையாட தயார் என்று பிசிசிஐ தரப்பில் தெரிவிக்கப்பட்டது. வருகிற 19-ந்தேதி ஐ.சி.சி.யின் கூட்டம் கொழும்பில் நடக்கிறது. இந்த கூட்டத்தில் இதுபற்றி முடிவு செய்யப்படும்.

இந்த நிலையில் சாம்பியன்ஸ் டிராபி போட்டியில் விளையாட இந்திய அரசு அனுமதி மறுப்பதற்கு எழுத்துப்பூர்வ ஆதாரத்தை அளிக்க வேண்டும் என்று பிசிசிஐ-இடம் பாகிஸ்தான் கிரிக்கெட் வாரியம் கேட்டுள்ளது.

இந்த கடிதத்தை சர்வதேச கிரிக்கெட் கவுன்சிலிடம் (ஐசிசி) இந்திய கிரிக்கெட் வாரியம் வழங்குவது கட்டாயம் என்று பாகிஸ்தான் கிரிக்கெட் வாரியம் தெரிவித்துள்ளதாக தகவல் வெளியாகி உள்ளது. 2023-ம் ஆண்டு பாகிஸ்தானில் நடந்த ஆசிய கோப்பையில் இந்திய அணி விளையாட மறுத்து இலங்கையில் ஆடியது குறிப்பிடத்தக்கது.

லாகூர்:

இந்திய கிரிக்கெட் அணி 2008-ம் ஆண்டுக்கு பிறகு பாகிஸ்தானுக்கு சென்று விளையாடியதில்லை. கடந்த ஆண்டு பாகிஸ்தானில் ஆசியகோப்பை கிரிக்கெட் போட்டி நடந்தபோது இந்திய அணி அங்கு செல்ல மறுத்ததால் இந்திய அணிக்குரிய ஆட்டங்கள் மட்டும் இலங்கைக்கு மாற்றப்பட்டது.

அடுத்ததாக பாகிஸ்தானில் 8 அணிகள் இடையிலான சாம்பியன்ஸ் கோப்பை கிரிக்கெட் போட்டி அடுத்த ஆண்டு பிப்ரவரி, மார்ச்சில் நடக்கிறது. பாகிஸ்தானுடனான சீரற்ற உறவு மற்றும் பாதுகாப்பு பிரச்சினையால் இந்திய அணி அங்கு செல்வதற்கு தயக்கம் காட்டுகிறது. மத்திய அரசின் அனுமதி கிடைக்குமா என்பது சந்தேகம் தான்.

இந்த நிலையில் இந்திய அணி இந்த முறை பாகிஸ்தானுக்கு வருகை தரும் என்று அந்த நாட்டை சேர்ந்த முன்னாள் கேப்டன் ரஷித் லத்தீப் கூறியுள்ளார்.

இது குறித்து அவர் கூறியதாவது:-

ஐ.சி.சி.யின் புதிய தலைவராக இந்தியாவின் ஜெய்ஷா போட்டியின்றி தேர்ந்தெடுக்கப்பட்டு இருக்கிறார் என்றால் பாகிஸ்தான் கிரிக்கெட் வாரியம் அவருக்கு ஆதரவு அளித்துள்ளது என்று தான் அர்த்தம். இதுவே இந்திய அணி பாகிஸ்தானுக்கு வருகை தருவதை 50 சதவீதம் உறுதிப்படுத்தி விட்டது.

கிரிக்கெட் வாரிய நிர்வாகியாக ஜெய்ஷா இதுவரை செய்துள்ள பணிகள் கிரிக்கெட்டுக்கு ஆதாயம் தரும் வகையிலேயே இருந்துள்ளன. எனவே சாம்பியன்ஸ் கோப்பை கிரிக்கெட்டில் இந்திய அணி பங்கேற்பதை உறுதி செய்வதற்கான முயற்சியை அவர் மேற்கொள்வார் என நம்புகிறேன்.

இவ்வாறு ரஷித் லத்தீப் கூறினார்.

ஐ.சி.சி.யின் சாம்பியன்ஸ் கோப்பை கிரிக்கெட் தொடர் அடுத்த ஆண்டு பிப்ரவரி 19 ஆம் தேதி துவங்கி மார்ச் 9 ஆம் தேதி வரை நடைபெற இருக்கிறது. இந்தத் தொடரை பாகிஸ்தான் நடத்த இருக்கிறது. இந்திய அணி பாகிஸ்தானுக்கு சுற்றுப் பயணம் மேற்கொண்டு சாம்பியன்ஸ் கோப்பை தொடரில் விளையாடுமா என்ற கேள்விக்கு இதுவரை பதில் இல்லை.

இந்த நிலையில், இந்திய கிரிக்கெட் கட்டுப்பாட்டு வாரியமான பி.சி.சி.ஐ. துணை தலைவர் ராஜீவ் சுக்லா, சாம்பியன்ஸ் கோப்பை தொடரில் விளையாட இந்திய அணி பாகிஸ்தான் செல்லுமா என்ற கேள்விக்கு பதில் அளித்துள்ளார்.

"இந்த விவகாரம் தொடர்பாக இதுவரை எந்த முடிவும் எடுக்கப்படவில்லை. சர்வதேச சுற்றுப் பயணங்களின் போது நாங்கள் எப்போதும் அரசிடம் அனுமதி கேட்பதை வழக்கமாக கொண்டிருக்கிறோம்."

"அந்த வகையில், அணி குறிப்பிட்ட வெளிநாட்டிற்கு சென்று கிரிக்கெட் விளையாட வேண்டுமா, விளையாட கூடாதா என்ற முடிவை அரசு தான் எடுக்கும். இந்த விஷயத்திலும் அரசு என்ன முடிவு எடுக்கிறதோ, அதை நாங்கள் ஏற்றுக் கொள்வோம்," என்று பதில் அளித்தார்.

2008 ஆம் ஆண்டு மும்பை பயங்கரவாத தாக்குதல் சம்பவத்தைத் தொடர்ந்து இந்தியா மற்றும் பாகிஸ்தான் அணிகள் ஐ.சி.சி. தொடர்களில் மட்டுமே விளையாடி வருகின்றன. தாக்குதல் சம்பவத்தைத் தொடர்ந்து இந்திய அணி இதுவரை பாகிஸ்தான் சென்று விளையாடியதே இல்லை. 

லாகூர்:

ஆஸ்திரேலியா, இங்கிலாந்து, இந்தியா, நடப்பு சாம்பியன் பாகிஸ்தான் உள்பட 8 அணிகள் பங்கேற்கும் 9-வது ஐ.சி.சி. சாம்பியன்ஸ் கோப்பை கிரிக்கெட் போட்டி அடுத்த ஆண்டு பிப்ரவரி 19-ந்தேதி முதல் மார்ச் 9-ந்தேதி வரை பாகிஸ்தானில் நடக்கிறது. 1996-ம் ஆண்டுக்கு பிறகு பாகிஸ்தானில் நடக்கும் முதல் ஐ.சி.சி. தொடர் இதுவாகும்.

2008-ம் ஆண்டுக்கு பிறகு பாகிஸ்தானில் எந்த கிரிக்கெட் போட்டியிலும் விளையாடாத இந்திய அணி, இப்போதும் அங்கு செல்ல மறுத்து விட்டது. பாதுகாப்பு அச்சுறுத்தல் இருப்பதாக கூறிய இந்திய கிரிக்கெட் வாரியம் தங்கள் அணிக்குரிய ஆட்டங்களை ஐக்கிய அரபு அமீரகத்துக்கு மாற்றும்படி கேட்டுக் கொண்டது. ஏற்கனவே கடந்த ஆண்டு ஆசிய கோப்பை கிரிக்கெட் தொடரில் இதே நிலைமை ஏற்பட்ட போது, இந்திய அணியின் ஆட்டங்கள் இலங்கைக்கு மாற்றப்பட்டது.

ஆனால் இந்த முறை இந்திய அணியின் கோரிக்கையை பாகிஸ்தான் நிராகரித்து விட்டது. இந்திய அணி வராவிட்டால் ஐ.சி.சி. மீது சட்டப்பூர்வ நடவடிக்கை மேற்கொள்ள பாகிஸ்தான் திட்டமிட்டுள்ளது. இன்னொரு பக்கம் போட்டிக்கான ஏற்பாடுகளை தீவிரமாக செய்து வருகிறது.

இந்த நிலையில் பாகிஸ்தான் கிரிக்கெட் வாரிய தலைவர் மொசின் நக்வி நேற்று லாகூரில் நிருபர்களிடம் கூறுகையில், 'பாகிஸ்தானுக்கு வந்து விளையாடமாட்டோம் என்று இந்தியா மறுத்தது தொடர்பாக சில விளக்கங்களை கேட்டு சர்வதேச கிரிக்கெட் கவுன்சிலுக்கு (ஐ.சி.சி.) கடிதம் எழுதி உள்ளோம். அவர்களின் பதிலுக்காக காத்திருக்கிறோம். விளையாட்டையும், அரசியலையும் தனித்தனியாக பார்க்க வேண்டும். எந்த நாடும் அவற்றை ஒன்றாக கலக்கக்கூடாது. சாம்பியன்ஸ் கோப்பை கிரிக்கெட் விஷயத்தில் எல்லாமே சரியாக நடக்கும் என்று நம்புகிறேன்' என்றார்.

மேலும் நக்வி கூறுகையில், 'எங்களை பொறுத்தவரை பாகிஸ்தானின் கவுரவமும், மதிப்பும் மிகவும் முக்கியம். சாம்பியன்ஸ் கோப்பை கிரிக்கெட் போட்டி பாகிஸ்தானில் மட்டுமே நடைபெறும். அவற்றில் ஒரு பகுதி ஆட்டங்களை வேறு நாட்டில் நடத்தும் யோசனையை ஏற்றுக்கொள்ளமாட்டோம்.

இந்த போட்டிக்கு தகுதி பெற்ற மற்ற அணிகள் அனைத்தும் பாகிஸ்தானுக்கு வர தயாராக உள்ளன. அவர்களுக்கு எந்த பிரச்சினையும் இல்லை. எனவே இந்திய அணிக்கு இங்கு வந்து விளையாடுவதில் ஏதாவது சிக்கல் இருந்தால், அவர்கள் எங்களிடம் பேசட்டும். அவர்களின் கவலையை எங்களால் எளிதில் தீர்க்க முடியும். அவர்கள் இங்கு வராததற்கு எந்த காரணமும் இருப்பதாக தெரியவில்லை.

எனவே போட்டியை வேறு இடத்திற்கு மாற்றுவதில்லை என்ற எங்களது நிலைப்பாட்டில் உறுதியாக இருக்கிறோம். சர்வதேச கிரிக்கெட் கவுன்சில் கூடிய சீக்கிரம் போட்டி அட்டவணையை வெளியிடும்' என்றார்.

துபாய்:

9-வது சாம்பியன்ஸ் கோப்பை கிரிக்கெட் போட்டி பாகிஸ்தானில் அடுத்த ஆண்டு பிப்ரவரி 19-ந்தேதி முதல் மார்ச் 9-ந்தேதி வரை நடத்த திட்டமிடப்பட்டுள்ளது. இதில் இந்தியா, ஆஸ்திரேலியா, பாகிஸ்தான், இங்கிலாந்து உள்பட 8 அணிகள் பங்கேற்கின்றன. அணிகள் இரு பிரிவாக பிரிக்கப்பட்டு மோதும் வகையில் போட்டி அட்டவணை தயாரிக்கப்பட்டுள்ளது. அதாவது 12 லீக் மற்றும் இரண்டு அரைஇறுதி, இறுதிப்போட்டி என மொத்தம் 15 ஆட்டங்களை கொண்டது.

ஆனால் பாதுகாப்பு அச்சுறுத்தல் காரணமாக 2008-ம் ஆண்டுக்கு பிறகு பாகிஸ்தான் மண்ணில் எந்த கிரிக்கெட் போட்டிகளிலும் விளையாடாத இந்திய அணி இந்த முறையும் அங்கு செல்ல மறுத்து விட்டது. அதற்கு பதிலாக ஆசிய கோப்பை போட்டி போன்று தங்களுக்குரிய ஆட்டங்களை மட்டும் ஐக்கிய அரபு அமீரகத்துக்கு மாற்றும்படி இந்திய கிரிக்கெட் வாரியம் கேட்டுக் கொண்டது. ஆனால் இதனை ஏற்க மறுத்த பாகிஸ்தான் கிரிக்கெட் வாரியம், சாம்பியன்ஸ் கோப்பை போட்டி முழுமையாக பாகிஸ்தானில் மட்டுமே நடைபெறும் என்று கூறியது. இதனால் போட்டி அட்டவணையை வெளியிடுவது தாமதமாகியுள்ளது.

இந்த நிலையில் சாம்பியன்ஸ் போட்டி அட்டவணையை இறுதி செய்வது குறித்து சர்வதேச கிரிக்கெட் கவுன்சிலின் (ஐ.சி.சி.) நிர்வாக கமிட்டி இயக்குனர்கள் கூட்டம் இன்று நடக்கிறது. காணொலி மூலம் நடைபெறும் இந்த கூட்டத்தில் சம்பந்தப்பட்ட கிரிக்கெட் வாரிய உறுப்பினர்கள் கலந்து கொண்டு தங்களது யோசனையை தெரிவிப்பார்கள்.

ஐ.சி.சி.யை பொறுத்தவரை இந்திய அணிக்குரிய ஆட்டங்களை மட்டும் வேறு நாட்டில் நடத்துவதற்கு சம்மதிக்கும்படி பாகிஸ்தானுக்கு அழுத்தம் கொடுக்கும் என்று தெரிகிறது. 10 ஆட்டங்களை பாகிஸ்தானிலும், 5 ஆட்டங்களை வேறு நாட்டிலும் நடத்தலாம் என்ற பரிந்துரையை ஐ.சி.சி. முன்வைக்கும் என்று எதிர்பார்க்கப்படுகிறது. இதனை பாகிஸ்தான் ஏற்றுக்கொண்டால் சிக்கல் தீரும். ஆனால் அவர்கள் எதுக்கும் பிடிகொடுக்காவிட்டால், போட்டி முழுமையாக வேறு நாட்டிற்கு மாற்றப்படலாம் அல்லது தள்ளிவைக்கப்படலாம்.

பாகிஸ்தானில் அரசியல் போராட்டத்தில் வெடித்த வன்முறை எதிரொலியாக, இலங்கை 'ஏ' அணி அங்கு மேலும் 2 ஆட்டங்களில் விளையாட வேண்டிய நிலையில் பாதியிலேயே தொடரை ரத்து செய்து விட்டு தாயகம் திரும்பியுள்ளது. இது பாகிஸ்தானுக்கு பின்னடைவாக கருதப்படுகிறது.

இதற்கிடையே பாகிஸ்தான் கிரிக்கெட் வாரிய நிர்வாகி ஒருவர் நேற்று கூறுகையில், 'இந்திய அணிக்குரிய ஆட்டங்களை வேறு நாட்டிற்கு மாற்றும் திட்டத்தை எந்த வகையிலும் ஏற்றுக்கொள்ளமாட்டோம் என்பதை ஐ.சி.சி.யிடம் சில மணி நேரத்திற்கு முன்பாக தெரிவித்து விட்டோம்.

இந்திய அணி பாகிஸ்தானுக்கு வந்து விளையாடாவிட்டால் அதன் பிறகு வருங்காலங்களில் இந்தியாவில் நடக்கும் ஐ.சி.சி. தொடர்களுக்கு நாங்களும் அங்கு செல்லமாட்டோம். அதற்கு பதிலாக பாகிஸ்தான் அணிக்குரிய ஆட்டங்களை வேறு இடத்திற்கு மாற்ற வேண்டும் என கேட்கவேண்டிய சூழல் வரும். ஐ.சி.சி. விதிப்படி, தங்கள் நாட்டு அரசாங்கம் குறிப்பிட்ட நாட்டிற்கு செல்ல அனுமதிக்கவில்லை என்று எந்த அணி கூறினாலும், என்ன காரணம் என்றாலும் சரி அரசாங்கத்தின் எழுத்துப்பூர்வமான உத்தரவை சம்பந்தப்பட்ட கிரிக்கெட் வாரியம் தாக்கல் செய்ய வேண்டும். ஆனால் அத்தகைய உத்தரவை இதுவரை நாங்கள் பார்க்கவில்லை' என்றார்.

துபாய்:

9-வது சாம்பியன்ஸ் கோப்பை கிரிக்கெட் போட்டி பாகிஸ்தானில் அடுத்த ஆண்டு பிப்ரவரி 19-ந்தேதி முதல் மார்ச் 9-ந்தேதி வரை நடத்த திட்டமிடப்பட்டுள்ளது. இதில் இந்தியா, ஆஸ்திரேலியா, பாகிஸ்தான், இங்கிலாந்து உள்பட 8 அணிகள் பங்கேற்கின்றன. அணிகள் இரு பிரிவாக பிரிக்கப்பட்டு மோதும் வகையில் போட்டி அட்டவணை தயாரிக்கப்பட்டுள்ளது. அதாவது 12 லீக் மற்றும் இரண்டு அரைஇறுதி, இறுதிப்போட்டி என மொத்தம் 15 ஆட்டங்களை கொண்டது.

இந்திய அணி இந்த முறையும் பாகிஸ்தான் செல்ல மறுத்து விட்டது. அதற்கு பதிலாக ஆசிய கோப்பை போட்டி போன்று தங்களுக்குரிய ஆட்டங்களை மட்டும் ஐக்கிய அரபு அமீரகத்துக்கு மாற்றும்படி இந்திய கிரிக்கெட் வாரியம் கேட்டுக் கொண்டது.

ஆனால் இதனை ஏற்க மறுத்த பாகிஸ்தான் கிரிக்கெட் வாரியம், சாம்பியன்ஸ் கோப்பை போட்டி முழுமையாக பாகிஸ்தானில் மட்டுமே நடைபெறும் என்று கூறியது. இதனால் போட்டி அட்டவணையை வெளியிடுவது தாமதமாகியுள்ளது.

இந்த நிலையில் சாம்பியன்ஸ் போட்டி அட்டவணையை இறுதி செய்வது குறித்து சர்வதேச கிரிக்கெட் கவுன்சிலின் (ஐ.சி.சி.) நிர்வாக கமிட்டி இயக்குனர்கள் கூட்டம் நடந்தது. இதில் ஹைபிரிட் மாடலில் போட்டியை நடத்துவதற்கு பாகிஸ்தான் ஒப்புதல் அளித்துள்ளது.

எங்கள் நாட்டில்தான் அனைத்து போட்டிகளும் நடத்தப்படும் என பாகிஸ்தான் திட்டவட்டமாக அறிவித்தது நிலையில் தற்போது அந்த முடிவில் இருந்து பின்வாங்கி உள்ளது.

சாம்பியன்ஸ் கோப்பை கிரிக்கெட் போட்டி அடுத்த ஆண்டு பிப்ரவரி 19-ந்தேதி முதல் மார்ச் 9-ந்தேதி வரை பாகிஸ்தானில் நடத்த திட்டமிடப்பட்டுள்ளது. இதில் இந்தியா, பாகிஸ்தான், இங்கிலாந்து உள்பட 8 அணிகள் பங்கேற்கின்றன.

எட்டு அணிகளும் இரண்டு பிரிவாக பிரிக்கப்பட்டு மோதும் வகையில் போட்டியின் அட்டவணை தயாரிக்கப்பட்டுள்ளது. அதாவது 12 லீக் மற்றும் இரண்டு அரையிறுதி, இறுதிப்போட்டி என மொத்தம் 15 ஆட்டங்களை கொண்டுள்ளது. இந்த தொடர் பாகிஸ்தானில் நடைபெறுவதை ஒட்டி இந்திய அணி இந்த முறையும் அந்நாட்டுக்கு சென்று விளையாட மறுத்து விட்டது.

இந்த விவகாரம் தொடர்பாக அட்டவணையை வெளியிடுவதில் தொடர்ந்து தாமதம் ஏற்பட்டு வந்தது. இந்த நிலையில் சாம்பியன்ஸ் போட்டி அட்டவணையை இறுதி செய்வது குறித்து சர்வதேச கிரிக்கெட் கவுன்சிலின் நிர்வாக கமிட்டி இயக்குனர்கள் கூட்டம் நடந்தது. இதில் ஹைபிரிட் மாடலில் போட்டியை நடத்துவதற்கு பாகிஸ்தான் ஒப்புதல் அளித்துள்ளது.

மேலும் இதற்கு சில நிபந்தனைகளை வைத்துள்ளதாக தகவல் வெளியாகி உள்ளது. அதன்படி, இந்திய அணி சாம்பியன்ஸ் கோப்பை தொடரின் லீக் சுற்றில் தோல்வியுற்றால் அரையிறுதி மற்றும் இறுதி போட்டிகளை பாகிஸ்தானில் நடத்த வேண்டும்.

வருங்காலங்களில் இந்தியாவில் நடைபெறும் ஐ.சி.சி. தொடர்களில் பங்கேற்க பாகிஸ்தான் அணி இந்தியா செல்லாது என்றும் தங்களுக்குரிய ஆட்டங்களை வேறு நாட்டில் நடத்த வேண்டும். மேலும், கூடுதல் நிதி வழங்க வேண்டும் என்று பாகிஸ்தான் தரப்பில் நிபந்தனைகள் வைக்கப்பதாக தகவல் வெளியாகி உள்ளது.

சர்வதேச கிரிக்கெட் கவுன்சில் (ஐசிசி) நடத்தும் சாம்பியன்ஸ் கோப்பை கிரிக்கெட் தொடர் அடுத்த ஆண்டு பிப்ரவரி மாதம் துவங்குகிறது. இந்தத் தொடரை பாகிஸ்தான் நடத்த இருக்கிறது. இதனால் இந்த தொடரின் போட்டிகள் பாகிஸ்தானில் நடைபெற திட்டமிடப்பட்டது. எனினும், பாதுகாப்பு காரணங்களால் இந்திய அணி பாகிஸ்தான் பயணம் மேற்கொள்ள முடியாது என கூறியது.

இது தொடர்பாக பாகிஸ்தான் கிரிக்கெட் வாரியம், ஐசிசி மற்றும் இந்திய கிரிக்கெட் கட்டுப்பாட்டு வாரியமான பிசிசிஐ இடையே கடும் இழுபறி சூழல் நிலவி வந்தது. பிறகு, இந்திய அணி விளையாடும் போட்டிகள் பொதுவான இடத்தில் நடைபெறும் என்று ஐசிசி அறிவித்தது.

இந்த நிலையில், சாம்பியன்ஸ் கோப்பை 2025 கிரிக்கெட் தொடரில் இந்திய அணிக்குரிய ஆட்டங்கள் ஐக்கிய அரபு அமீரகத்தில் நடத்தப்பட உள்ளன. இரு அணிகள் இடையிலான பொதுவான இடமாக பாகிஸ்தான் கிரிக்கெட் வாரியம் ஐக்கிய அரபு அமீரகத்தை தேர்வு செய்துள்ளது. இதனை பாகிஸ்தான் கிரிக்கெட் வாரிய செய்தித் தொடர்பாளர் ஆமிர் மிர் தெரிவித்துள்ளார்.

இது குறித்து பேசிய ஐக்கிய அரபு அமரீகத்தின் கிரிக்கெட் வாரிய தலைவர், "பொதுவான களம் குறித்த முடிவை பாகிஸ்தான் கிரிக்கெட் வாரியம் ஐ.சி.சி.-யிடம் அறிவித்துள்ளது. தற்போது இந்தியா மற்றும் பாகிஸ்தான் அணிகள் இடையிலான சாம்பியன்ஸ் கோப்பை தொடரின் போட்டிகள் ஐக்கிய அரபு அமீரகத்தில் நடைபெறும்."

"சாம்பியன்ஸ் கோப்பை தொடரின் பொதுவான இடம் பற்றிய முடிவை, இந்தத் தொடரை நடத்தும் பாகிஸ்தான் தான் எடுக்க வேண்டும். இதுப்பற்றிய இறுதி முடிவு மொசின் நக்வி மற்றும் ஷேக் அல் நயன் இடையிலான ஆலோசனைக்கு பிறகு எடுக்கப்பட்டது," என்று தெரிவித்தார்.

பார்டர் கவாஸ்கர் கோப்பை தொடரில் இந்திய அணி மோசமான ஆட்டம் காரணமாக ஏராளான மாற்றங்கள் அரங்கேற இருப்பதாக தகவல் வெளியாகி உள்ளது. ஆஸ்திரேலிய அணிக்கு எதிரான டெஸ்ட் தொடர் முடிந்துவிட்ட நிலையில், இந்திய அணி இங்கிலாந்து அணிக்கு எதிராக ஒருநாள் கிரிக்கெட் தொடரில் விளையாட இருக்கிறது.

இந்தத் தொடரைத் தொடர்ந்து சாம்பியன்ஸ் கோப்பை தொடர் நடைபெற இருக்கிறது. இது பிப்ரவரி 19 ஆம் தேதி துவங்கி மார்ச் 9 ஆம் தேதி வரை நடைபெறுகிறது. இந்தத் தொடர் பாகிஸ்தானில் நடைபெறுகிறது. எனினும், இந்திய அணி தனது போட்டிகளை துபாயில் விளையாட இருக்கிறது.

சாம்பியன்ஸ் கோப்பை தொடருக்கான இந்திய அணியை கேப்டன் ரோகித் சர்மா வழிநடத்துவது உறுதிப்படுத்தப்பட்டு விட்டது. இந்த நிலையில், சாம்பியன்ஸ் கோப்பை 2025 தொடருக்கான இந்திய அணியின் துணை கேப்டன் யார் என்ற கேள்வு எழுந்துள்ளது. இது குறித்து வெளியான தகவல்களில் சுப்மன் கில் துணை கேப்டனாக அறிவிக்கப்படலாம் என்று கூறப்பட்டது.

இந்த நிலையில், தற்போது வெளியாகி இருக்கும் தகவல்களில் 2025 சாம்பிய்ஸ் கோப்பை தொடருக்கான இந்திய அணிக்கு ஜஸ்பிரித் பும்ரா துணை கேப்டனாக செயல்படுவார் என்று தகவல் வெளியாகி உள்ளது. முன்னதாக இந்திய அணியை ஒருநாள் தொடரில் ஜஸ்பிரித் பும்ரா வழிநடத்தியுள்ளார் என்பது குறிப்பிடத்தக்கது.

இங்கிலாந்து அணிக்கு எதிரான தொடர் மற்றும் சாம்பியன்ஸ் கோப்பை 2025 தொடருக்கான இந்திய அணி விவரங்களை பி.சி.சி.ஐ. விரைவில் வெளியிடும் என்று எதிர்பார்க்கப்படுகிறது. மேலும், இங்கிலாந்து அணிக்கு எதிரான தொடரில் ஜஸ்பிரித் பும்ராவுக்கு ஓய்வு அளிக்கப்படும் என்றும் கூறப்படுகிறது. 

சர்வதேச கிரிக்கெட் கவுன்சிலின் (ஐ.சி.சி.) சாம்பியன்ஸ் கோப்பை 2025 தொடரை பாகிஸ்தான் நடத்த இருக்கிறது. இந்தத் தொடரில் பங்கேற்கும் இந்திய அணி தனது போட்டிகளை துபாயில் விளையாட இருக்கிறது. இந்த நிலையில், சாம்பியன்ஸ் கோப்பை கிரிக்கெட் தொடர் போட்டிகள் அனைத்தும் பாகிஸ்தானில் இருந்து வேறு இடத்திற்கு மாற்றப்படுவதாக தகவல்கள் வெளியாகின.

போட்டியை நடத்தும் மைதானங்கள் ஐ.சி.சி. நிர்ணயித்துள்ள விதிகளுக்கு ஏற்ப மாற்றியமைக்க கால தாமதம் ஏற்பட்டுள்ளதால், இந்த நடவடிக்கை எடுக்கப்படுவதாக கூறப்பட்டது. இந்த நிலையில், சாம்பியன்ஸ் கோப்பை 2025 தொடர் பற்றிய தகவல்களில் உண்மையில்லை என்று பாகிஸ்தான் கிரிக்கெட் வாரியம் தெரிவித்துள்ளது.

சாம்பியன்ஸ் கோப்பை தொடர் துவங்கும் முன்பு தென் ஆப்பிரிக்கா, நியூசிலாந்து மற்றும் பாகிஸ்தான் அணிகள் மோதும் முத்தரப்பு கிரிக்கெட் தொடர் நடைபெறுகிறது. இந்தத் தொடருக்கான போட்டிகள் முதலில் முல்தானில் நடத்த திட்டமிடப்பட்டது. எனினும், கடைசி நேரத்தில் இந்தப் போட்டிகள் கராச்சி மற்றும் லாகூரில் நடைபெறும் என்று பாகிஸ்தான் கிரிக்கெட் வாரியம் தெரிவித்து இருக்கிறது.

மேலும், அடுத்த மாதம் துவங்க இருக்கும் சாம்பியன்ஸ் கோப்பை தொடருக்கு முன்பு அந்த இடங்களில் புதுப்பித்தல் பணிகள் தாமதமாகி நடைபெற்று வருவதாக வெளியான தகவல்களை பாகிஸ்தான் கிரிக்கெட் வாரியம் நிராகரித்துள்ளது.

லாகூரில் உள்ள கடாபி மைதானம், கராச்சியில் உள்ள நேஷனல் பேங்க் மைதானத்தில் புதுப்பித்தல் பணிகள் காலக்கெடுவிற்குள் அல்லது அதற்கு முன்பாகவோ முடிந்துவிடும் நிலையில் சாம்பியன்ஸ் கோப்பை தொடருக்கான ஏற்பாடுகள் முழு வீச்சில் நடைபெற்று வருவதாக பாகிஸ்தான் கிரிக்கெட் வாரியம் தெரிவித்துள்ளது.

ஏற்கனவே வெளியான தகவல்களில், "இது மிகவும் ஏமாற்றமளிக்கும் விஷயம். மூன்று மைதானங்களும் இன்னும் தயாராகவில்லை. இங்கு நடப்பது புதுப்பித்தல் பணிகள் இல்லை. சீரான கட்டுமான பணிகள் நடந்து வருகிறது. இருக்கைகள், ஃப்ளட்-லைட்கள், வெளிப்புற மைதானம் மற்றும் விளையாட்டு மேற்பரப்புகள் உட்பட நிறைய வேலைகள் முடிக்கப்பட வேண்டிய நிலையில் தான் உள்ளன," என்று கூறப்பட்டது.

பொதுவாக, எந்தவொரு சர்வதேச போட்டியையும் நடத்தும் நாடுகள், தரச் சரிபார்ப்பை மேற்கொள்வதற்கும் தேவையான ஏற்பாடுகளைச் செய்வதற்கும் மைதானங்களை சர்வதேச கிரிக்கெட் வாரியத்திடம் (ICC) முன்கூட்டியே ஒப்படைக்க வேண்டியது வழக்கம்.

பாகிஸ்தான் கிரிக்கெட் வாரியம் காலக்கெடுவைத் தவறவிட்டால் மற்றும் மைதானங்கள் ஐ.சி.சி. சரிபார்ப்பு பட்டியலை பூர்த்தி செய்யாவிட்டால் என்ன நடக்கும் என்பது கேள்விக்குரிய விஷயம் தான். முழுமையாக தயாராகாத இடங்களில் போட்டியை நடத்த முடியாது. அடுத்த வாரம் இதுகுறித்து முழு விவரங்கள் தெரியவரும்.

சாம்பியன்ஸ் கோப்பை 2025 கிரிக்கெட் தொடர் அடுத்த மாதம் 19 ஆம் தேதி துவங்குகிறது. இந்தத் தொடர் மார்ச் மாதம் 9 ஆம் தேதி வரை நடைபெற இருக்கிறது. இந்தத் தொடருக்கான இந்திய அணி வருகிற 19 ஆம் தேதி அறிவிக்கப்படும் என்று தகவல் வெளியாகி உள்ளது.

இந்தத் தொடருக்கான எட்டு அணிகளும் இரண்டாக பிரிக்கப்படுகின்றன. இதில் க்ரூப் ஏ பிரிவில் இந்தியா, பாகிஸ்தான், நியூசிலாந்து மற்றும் வங்காளதேசம் அணிகள் இடம்பெற்றுள்ளன. குரூப் பி பிரிவில் ஆஸ்திரேலியா, இங்கிலாந்து, தென் ஆப்பிரிக்கா மற்றும் ஆப்கானிஸ்தான் அணிகளும் இடம்பெற்றுள்ளன.

சாம்பியன்ஸ் கோப்பை தொடரில் ஒவ்வொரு அணியும் மற்ற பிரிவில் உள்ள அணிகளுடன் தலா ஒரு முறை மோத வேண்டும். லீக் சுற்று முடிவில் ஒவ்வொரு பிரிவிலும் முதல் இரு இடங்களை பிடிக்கும் அணிகள் அரையிறுதி சுற்றுக்கு முன்னேற முடியும்.

பாகிஸ்தானில் அடுத்த மாதம் துவங்கும் சாம்பியன்ஸ் கோப்பை 2025 தொடரில் எட்டு அணிகள் பங்கேற்று விளையாடுகின்றன. இந்தத் தொடருக்கான எட்டு அணிகள் இரண்டு பிரிவுகளாக பிரிக்கப்பட்டுள்ளன. இதில் ஏ பிரிவில் இந்தியா, பாகிஸ்தான், நியூசிலாந்து மற்றும் வங்கதேசம் அணிகளும், பி பரிவில் ஆஸ்திரேலியா, இங்கிலாந்து, தென் ஆப்பிரிக்கா மற்றும் ஆப்கானிஸ்தான் அணிகளும் இடம்பெற்றுள்ளன.

இரண்டு பிரிவுகளிலும் உள்ள அணிகள் தங்கள் பிரிவில் உள்ள மற்ற அணிகளுடன் தலா ஒரு போட்டியில் விளையாட வேண்டும். லீக் சுற்று போட்டிகளின் முடிவில் முதல் இரண்டு இடங்களை பிடிக்கும் அணிகள் அரையிறுதி சுற்றுக்கு முன்னேற முடியும்.

இந்த தொடருக்கான லீக் சுற்று போட்டிகளில் இந்திய அணியின் வேகப்பந்து வீச்சாளர் ஜஸ்பிரித் பும்ரா விளையாட மாட்டார் என்று தகவல் வெளியாகி உள்ளது. ஆஸ்திரேலியா அணிக்கு எதிரான டெஸ்ட் தொடரின் போது காயமுற்ற ஜஸ்பிரித் பும்ரா குணமடைய மார்ச் மாதம் ஆகும். இதனால், அவர் லீக் சுற்று போட்டிகளில் விளையாட மாட்டார் என்று கூறப்படுகிறது.

ஜஸ்பிரித் பும்ரா இந்த தொடரில் விளையாடாத பட்சத்தில் அவருக்கு பதிலாக இந்திய அணியின் அனுபவ வேகப்பந்துவீச்சாளர் புவனேஷ்வர் குமாரை கொண்டுவரலாம் என்று இந்திய அணி முன்னாள் வீரர் ஸ்ரீகாந்த் தெரிவித்துள்ளார்.

இது குறித்து பேசிய அவர், "இன்றும் புவனேஷ்வர் குமாரால் பந்தை இரண்டு புறமும் ஸ்விங் செய்து வீச முடியும். 2022 ஆம் ஆண்டு டி20 உலக கோப்பை தொடரின்போது அவர் அசத்தலான பந்துவீச்சை வெளிப்படுத்தி இருந்தார். அவரை இந்திய அணி தற்போது மறந்தே விட்டது."

"என்னை பொருத்தவரை சாம்பியன்ஸ் கோப்பை தொடரில் ஜஸ்பிரித் பும்ரா பங்கேற்க முடியவில்லை என்றால் அவருக்கு பதிலாக புவனேஷ்வர் குமாரை கொண்டு வந்தால் அது அணிக்கு நல்லதாக இருக்கும்" என்றார்.