நீங்கள் தேடியது "மஹிந்திரா"

மஹிந்திரா நிறுவனம் இந்திய சந்தையில் புதிய தார் 2WD மாடலை அறிமுகம் செய்தது. அறிமுக சலுகையாக மஹிந்திரா தார் 2WD மாடலின் விலை ரூ. 9 லட்சத்து 99 ஆயிரம், எக்ஸ்-ஷோரூம் என நிர்ணயம் செய்யப்பட்டு உள்ளது. இது மஹிந்திரா தார் எண்ட்ரி லெவல் மாடல் ஆகும். இந்த கார் மூன்று வேரியண்ட்கள், இரண்டு புது நிறங்கள் மற்றும் 1.5 லிட்டர் டீசல் என்ஜினுடன் கிடைக்கிறது.

தற்போது அறிவிக்கப்பட்டு இருக்கும் அறிமுக சலுகை காரை முன்பதிவு செய்யும் முதல் 10 ஆயிரம் பேருக்கு மட்டுமே பொருந்தும். புதிய மஹிந்திரா தார் 2WD மாடலின் வினியோகம் ஜனவரி 14 ஆம் தேதி துவங்க இருக்கிறது. மாற்றங்களை பொருத்தவரை மஹிந்திரா தார் 2WD மாடல் - பிளேசிங் பிரான்ஸ் மற்றும் எவரஸ்ட் வைட் என இரண்டு நிறங்களில் கிடைக்கிறது. இவைதவிர ரெட் ரேஜ், கேலக்ஸி கிரே, நபோலி பிளாக் மற்றும் அக்வா மரைன் போன்ற நிறங்களிலும் கிடைக்கிறது.

புதிய காரின் பின்புற ஃபெண்டரில் 4x4 பேட்ஜிங் நீக்கப்பட்டு இருப்பதை தவிர இந்த கார் தோற்றத்தில் அதன் 4WD வெர்ஷன் போன்றே காட்சியளிக்கிறது. மஹிந்திரா தார் 2WD மாடலில் 2.0 லிட்டர் எம்ஸ்டேலியன் டர்போ பெட்ரோல் என்ஜின் உள்ளது. இந்த என்ஜின் 150 ஹெச்பி பவர், 320 நியூட்டன் மீட்டர் டார்க் இழுவிசையை வெளிப்படுத்தும் திறன் கொண்டிருக்கிறது. இத்துடன் 1.5 லிட்டர் டீசல் என்ஜின் வழங்கப்பட்டுள்ளது.

டீசல் என்ஜின் 117 ஹெச்பி பவர், 300 நியூட்டன் மீட்டர் டார்க் இழுவிசை வெளிப்படுத்துகிறது. இத்துடன் 6 ஸ்பீடு மேனுவல் கியர்பாக்ஸ் வழங்கப்பட்டு இருக்கிறது. இதன் இண்டீரியர் பெருமளவு மாற்றப்படவில்லை. மஹிந்திரா தார் 4WD மாடலில் தற்போது எலெக்டிரானிக் பிரேக் லாக்கிங் வழங்கப்பட்டு இருக்கிறது. இதன் LX டீசல் மாடலில் மெக்கானிக்கல் லாக்கிங் டிஃபரென்ஷியல் அம்சம் ஆப்ஷாக வழங்கப்படுகிறது.

ஸ்டைல் பேக், முன்புறம் மற்றும் பின்புற ஆர்ம் ரெஸ்ட்கள், கூடுதல் பி-ஸ்போக் அக்சஸரீக்களை மஹிந்திரா புதிய தார் மாடலுடன் வழங்குகிறது. புதிய மஹ்ந்திரா தார் 2WD LX டீசல் மேனுவல் டிரான்ஸ்மிஷன் ஹார்டு-டாப் விலை ரூ. 10 லட்சத்து 99 ஆயிரம் என்றும் 2WD LX பெட்ரோல் ஆட்டோமேடிக் டிரான்ஸ்மிஷன் ஹார்டு டாப் விலை ரூ. 13 லட்சத்து 49 ஆயிரம் என நிர்ணயம் செய்யப்பட்டு உள்ளது. அனைத்து விலைகளும் எக்ஸ்-ஷோரூம் அடிப்படையில் குறிப்பிடப்பட்டு உள்ளது.

மஹிந்திரா நிறுவனம் தனது முதல் எலெக்ட்ரிக் எஸ்யுவி, XUV400 மாடலை செப்டம்பர் 2022 வாக்கில் அறிவித்தது. தற்போது இந்த மாடலுக்கான விலை மற்றும் முன்பதிவு விவரங்கள் உள்ளிட்டவை வரும் வாரங்களில் அறிவிக்கப்பட உள்ளன. இந்த நிலையில், புதிய மஹிந்திரா XUV400 மாடலுக்கான டெஸ்ட் டிரைவ் இந்தியாவில் துவங்கி நடைபெற்று வருகிறது.

புது XUV400 எலெக்ட்ரிக் எஸ்யுவி மஹிந்திரா நிறுவனம் ஏற்கனவே விற்பனை செய்து வரும் XUV300 மாடலின் எலெக்ட்ரிக் வெர்ஷன் ஆகும். இதுவரை வெளியாகி இருக்கும் தகவல்களின் படி இந்த எலெக்ட்ரிக் எஸ்யுவி மாடல் பேஸ், EP மற்றும் EL என மூன்று வேரிண்ட்களில் கிடைக்கும் என தெரிகிறது.

புதிய மஹிந்திரா XUV400 மாடலில் 39.4 கிலோவாட் ஹவர் பேட்டரி பேக் வழங்கப்பட்டு இருக்கிறது. இது 150 ஹெச்பி பவர், 310 நியூட்டன் மீட்டர் டார்க் இழுவிசையை வெளிப்படுத்தும் திறன் கொண்டுள்ளது. இந்த கார் முழு சார்ஜ் செய்தால் 456 கிலோமீட்டர் வரை செல்லும் திறன் கொண்டிருக்கிறது. இதனுடன் 3.3 கிலோவாட்/16A ஹோம் சார்ஜர், 7.2 கிலோவாட்/32A ஃபாஸ்ட் சார்ஜர் மற்றும் DC ஃபாஸ்ட் சார்ஜர் வழங்கப்படுகிறது.

மஹிந்திரா XUV400 காரை DC ஃபாஸ்ட் சார்ஜர் மூலம் சார்ஜ் செய்ய 50 நிமிடங்களே ஆகும். ஹோம் சார்ஜர் கொண்டு சார்ஜ் செய்ய 13 மணி நேரங்கள் ஆகும். இந்த கார் ஃபன், ஃபாஸ்ட் மற்றும் ஃபியர்லெஸ் என மூன்று வித ரைடிங் மோட்களை கொண்டிருக்கிறது. இந்த காரில் ஏராளமான அம்சங்கள், கனெக்டெட் கார் தொழில்நுட்பம், ஆட்டோமேடிக் கிளைமேட் கண்ட்ரோல், சன்ரூஃப், புஷ் பட்டன் ஸ்டார்ட் வழங்கப்பட்டு இருக்கிறது.

இந்திய சந்தையில் புதிய மஹிந்திரா XUV400 மாடலின் விலை ரூ. 17 லட்சத்தில் துவங்கும் என கூறப்படுகிறது. இந்த எலெக்ட்ரிக் கார் டாடா நெக்சான் EV மற்றும் எம்ஜி ZS EV போன்ற மாடல்களுக்கு போட்டியாக அமையும்.

மஹிந்திரா நிறுவனம் XUV400 எலெக்ட்ரிக் கார் விலை விவரங்களை அறிவித்து இருக்கிறது. புதிய XUV400 மாடலின் விலை ரூ. 15 லட்சத்து 99 ஆயிரம், எக்ஸ்-ஷோரூம் என துவங்குகிறது. இவை அறிமுக விலை என்றும் இது முதல் 5 ஆயிரம் யூனிட்களுக்கு மட்டுமே பொருந்தும். புதிய மஹிந்திரா XUV400 மாடல் இரண்டு வேரியண்ட்கள், இருவித சார்ஜிங் ஆப்ஷன்களில் கிடைக்கிறது.

புதிய மஹிந்திரா XUV400 மாடல் 34.5 கிலோவாட் ஹவர் மற்றும் 39.4 கிலோவாட் ஹவர் என இருவித பேட்டரி பேக் ஆப்ஷன்களில் கிடைக்கிறது. இவை முறையே 375 கிலோமீட்டர் மற்றும் 456 கிலோமீட்டர் வரையிலான ரேன்ஜ் வழங்குகிறது. இவற்றுடன் 3.3 கிலோவாட் மற்றும் 7.2 கிலோவாட் சார்ஜர்கள் வழங்கப்படுகின்றன. இரு வேரியண்ட்களும் 150 ஹெச்பி பவர், 310 நியூட்டன் மீட்டர் டார்க் இழுவிசையை வெளிப்படுத்துகின்றன.

காரின் வெளிப்புறம் காப்பர் நிற இன்சர்ட்கள், பிலான்க்டு-ஆஃப் கிரில், ட்வின் பீக் லோகோ, புதிய எல்இடி டெயில் லைட்கள், 16 இன்ச் அலாய் வீல், ப்ரோஜெக்டர் ஹெட்லேம்ப் மற்றும் எல்இடி டிஆர்எல்கள், இண்டகிரேட் செய்யப்பட்ட ஸ்பாயிலர் வழங்கப்பட்டு இருக்கிறது. காரின் உள்புறம் 7 இன்ச் டச் ஸ்கரீன் இன்ஃபோடெயின்மெண்ட் சிஸ்டம், ஆப்பிள் கார்பிளே, ஆண்ட்ராய்டு ஆட்டோ கனெக்டிவிட்டி உள்ளது.

இத்துடன் எலெக்ட்ரிக் சன்ரூஃப், ஆறு ஏர்பேக், ரிவர்ஸ் பார்கிங் கேமரா, டிரைவ் மோட்கள், 60:40 ஸ்ப்லிட் ரியர் சீட்கள், புளூ சென்ஸ் கனெக்டெட் கார் தொழில்நுட்பம் வழங்கப்பட்டு இருக்கிறது. புதிய மஹிந்திரா XUV400 மாடலின் முன்பதிவு ஜனவரி 26 ஆம் தேதி துவங்குகிறது. வினியோகம் மார்ச் மாத வாக்கில் துவங்க இருக்கிறது. வெளியாகி ஒரே ஆண்டிற்குள் 20 ஆயிரம் யூனிட்களை வினியோகம் செய்ய மஹிந்திரா இலக்கு நிர்ணயித்துள்ளது.

மஹிந்திரா XUV400 மாடல் ஆர்க்டிக் புளூ, எவரஸ்ட் வைட், கேலக்ஸி கிரே, நபோலி பிளாக், இன்ஃபினிட்டி புளூ மற்றும் இன்ஃபினிட்டி புளூ மற்றும் சேடின் காப்பர் ரூஃப் என ஆறு விதமான நிறங்களில் கிடைக்கிறது.

விலை விவரங்கள்:

மஹிந்திரா XUV400 EC மற்றும் 3.3 கிலோவாட் சார்ஜர் ரூ. 15 லட்சத்து 99 ஆயிரம்

மஹிந்திரா XUV400 EC மற்றும் 7.7 கிலோவாட் சார்ஜர் ரூ. 16 லட்சத்து 49 ஆயிரம்

மஹிந்திரா XUV400 EL மற்றும் 7.2 கிலோவாட் சார்ஜர் ரூ. 18 லட்சத்து 99 ஆயிரம்

அனைத்து விலைகளும் எக்ஸ்-ஷோரூம் அடிப்படையில் குறிப்பிடப்பட்டு இருக்கிறது.

இந்திய சந்தையில் முன்னணி ஆட்டோமொபைல் உற்பத்தியாளரான மஹிந்திரா தனது ஸ்கார்பியோ N காரின் விலையை அதிரடியாக உயர்த்தி இருக்கிறது. கடந்த ஆண்டு ஜூன் மாத வாக்கில் அறிமுகம் செய்யப்பட்ட ஸ்கார்பியோ N மாடலின் விலை அறிமுக சலுகையாக ரூ. 11 லட்சத்து 99 ஆயிரம், எக்ஸ்-ஷோரூம் என நிர்ணயம் செய்யப்பட்டு இருந்தது.

இந்த நிலையில், அறிமுக சலுகை நிறைவு பெற்றதை அடுத்து ஸ்கார்பியோ N விலை ரூ. 1 லட்சம் வரை உயர்த்தப்பட்டு இருக்கிறது. தற்போதைய விலை உயர்வு காரின் அனைத்து வேரியண்ட்களுக்கும் பொருந்தும். விலை உயர்வின் படி மஹிந்திரா ஸ்கார்பியோ N பேஸ் பெட்ரோல் மாடல் விலை ரூ. 12 லட்சத்து 74 ஆயிரம் என மாறி இருக்கிறது.

மஹிந்திரா ஸ்கார்பியோ N டீசல் வேரியண்ட்களின் விலை ரூ. 13 லட்சத்து 24 ஆயிரம் என துவங்குகிறது. அறிமுக விலைகளுடன் ஒப்பிடும் போது Z2 மற்றும் Z4 வேரியண்ட்களின் விலை ரூ. 75 ஆயிரம் அதிகரிக்கப்பட்டு இருக்கிறது. இதோடு ஐந்து கூடுதல் வேரியண்ட்களின் விலையும் அதிகரிக்கப்பட்டு இருக்கிறது.

இதுதவிர Z6 டீசல் வேரியண்ட்களின் விலை ரூ. 65 ஆயிரமும், Z8 மற்றும் Z8L பெட்ரோல் வேரியண்ட்களின் விலை ரூ. 65 ஆயிரம் உயர்த்தப்பட்டு இருக்கிறது. ஸ்கார்பியோ N Z8L மேனுவல் மற்றும் 4WD பெட்ரோல் வேரியண்ட் விலை ரூ. 65 ஆயிரம் அதிகரித்துள்ளது. Z8L மேனுவல் மற்றும் 4WD மாடலின் விலை ரூ. 1 லட்சத்து 01 ஆயிரம் உயர்த்தப்பட்டு இருக்கிறது. Z8L ஆட்டோமேடிக் வேரியண்ட்களின் விலை ரூ. 15 ஆயிரம் உயர்ந்துள்ளது.

இந்திய சந்தையில் மஹிந்திரா ஸ்கார்பியோ N 2.0 லிட்டர் டர்போ பெட்ரோல் மற்றும் 2.2 லிட்டர் டீசல் என இருவித என்ஜின் ஆப்ஷன்களில் கிடைக்கிறது. இவை முறையே 198 ஹெச்பி பவர், 380 நியூட்டன் மீட்டர் டார்க் மற்றும் 173 ஹெச்பி பவர், 400 நியூட்டன் மீட்டர் டார்க் இழுவிசையை வெளிப்படுத்துகின்றன. இத்துடன் 6 ஸ்பீடு மேனுவல் அல்லது ஆட்டோமேடிக் டிரான்ஸ்மிஷன் மற்றும் 4WD ஆப்ஷனாக வழங்கப்படுகிறது.

அறிமுகம் செய்யப்பட்டதில் இருந்தே மஹிந்திரா நிறுவனம் ஸ்கார்பியோ N வினியோகத்தில் டாப் எண்ட் மாடல்களுக்கு அதிக முக்கியத்துவம் கொடுத்து வருகிறது. இதன் மிட் ரேன்ஜ் மாடல்களின் வினியோகம் சமீபத்தில் துவங்கியது. டாப் எண்ட் Z8L வேரியண்ட் தவிர மற்ற வேரியண்ட்களின் காத்திருப்பு காலம் தற்போது 25 மாதங்கள் வரை உள்ளது. இது ஒவ்வொரு பகுதிக்கும் ஏற்ப வேறுபடும்.

மஹிந்திரா நிறுவனம் இந்திய சந்தையில் முற்றிலும் புதிய பொலிரோ நியோ லிமிடெட் எடிஷன் மாடலை அறிமுகம் செய்தது. புதிய மஹிந்திரா பொலிரோ நியோ லிமிடெட் எடிஷன் மாடலின் விலை ரூ. 11 லட்சத்து 50 ஆயிரம், எக்ஸ்-ஷோரூம் என நிர்ணயம் செய்யப்பட்டு உள்ளது. புதிய லிமிடெட் எடிஷன் எஸ்யுவி டாப் எண்ட் N10 மாடலை தழுவி உருவாக்கப்பட்டு இருக்கிறது.

புதிய பொலிரோ நியோ லிமிடெட் எடிஷன் மாடலின் வெளிப்புறம் ஸ்கை-ரேக், ஃபாக் லைட்கள், ஹெட்லேம்ப் மற்றும் இண்டகிரேட் செய்யப்பட்ட எல்இடி டிஆர்எல்கள், டீப் சில்வர் நிறத்தில் ஃபினிஷ் செய்யப்பட்ட ஸ்பேர் வீல் கவர் வழங்கப்பட்டு இருக்கிறது.

காரின் உள்புறம் டூயல் டோன் ஃபௌக்ஸ் லெதர் இருக்கைகள், லம்பர் சப்போர்ட், ஒட்டுனர் இருக்கை உயரத்தை அட்ஜஸ்ட் செய்யும் வசதி, சில்வர் ஆர்ம்-ரெஸ்ட் கொண்ட செண்டர் கன்சோல், ரிவர்ஸ் பார்கிங் கேமரா, குரூயிஸ் கண்ட்ரோல், புளூசென்ஸ் கனெக்டெட் கார் தொழில்நுட்பம், ஸ்டீரிங் மவுண்ட் செய்யப்பட்ட கண்ட்ரோல்கள், 7 இன்ச் டச் ஸ்கிரீன் இன்ஃபோடெயின்மெண்ட் சிஸ்டம் உள்ளது.

புதிய மஹிந்திரா பொலிரோ நியோ லிமிடெட் எடிஷன் மாடலிலும் 1.5 லிட்டர் எம்ஹாக் 100 டீசல் என்ஜின் வழங்கப்பட்டு இருக்கிறது. இந்த என்ஜின் 100 ஹெச்பி பவர், 260 நியூட்டன் மீட்டர் டார்க் இழுவிசையை வெளிப்படுத்தும் திறன் கொண்டுள்ளது. இத்துடன் 5 ஸ்பீடு மேனுவல் டிரான்ஸ்மிஷன் வழங்கப்பட்டு இருக்கிறது. இந்த காரில் ஏழு பேர் பயணம் செய்யும் வகையில் உருவாக்கப்பட்டு இருக்கிறது.

மஹிந்திரா நிறுவனம் இந்திய சந்தையில் புதிய தலைமுறை ஸ்கார்பியோ N மாடலை கடந்த ஆண்டு ஜூன் மாத வாக்கில் அறிமுகம் செய்யப்பட்டது. அறிமுகம் செய்யப்பட்டதில் இருந்து புது ஸ்கார்பியோ N வாங்க பலரும் விருப்பம் தெரிவித்தனர். முன்பதிவில் நல்ல வரவேற்பை பெற்று வந்த ஸ்கார்பியோ N வினியோகம் பல்வேறு காரணங்களால் தொடர்ந்து பாதிக்கப்பட்டு வருகிறது.

ஸ்கார்பியோ N மட்டுமின்றி இரண்டாம் தலைமுறை தார், முற்றிலும் புதிய XUV700 உள்ளிட்ட மாடல்களுக்கும் கடும் தட்டுப்பாடு சூழல் ஏற்பட்டு இருக்கிறது. இதன் காரணமாக இந்த கார்களின் காத்திருப்பு காலம் அதிகரித்து வருகிறது. இந்திய சந்தையில் மஹிந்திரா ஸ்கார்பியோ N மாடலின் விலை ரூ. 12 லட்சத்து 74 ஆயிரம் என துவங்கி அதிகபட்சம் ரூ. 24 லட்சத்து 05 ஆயிரம், எக்ஸ்-ஷோரூம் வரை நிர்ணயம் செய்யப்பட்டு உள்ளது.

இந்திய சந்தையில் மஹிந்திரா ஸ்கார்பியோ N மாடல் Z2, Z4, Z6, Z8 மற்றும் Z8L போன்ற வேரியண்ட்களில் கிடைக்கிறது. இந்த மாடல் ஆறு மற்றும் ஏழு பேர் அமரக்கூடிய இருக்கை அமைப்புகளில் கிடைக்கிறது. ஸ்கார்பியோ N எண்ட்ரி லெவல் மாடலின் பெட்ரோல் மற்றும் டீசல் வேரியண்ட்களுக்கான காத்திருப்பு காலம் 85 முதல் 90 வாரங்களாக இருக்கிறது. Z4 வேரியண்டிற்கான காத்திருப்பு காலம் 90 முதல் 95 வாரங்கள் ஆகும்.

ஸ்கார்பியோ N டீசல் Z6 மாடலுக்கான காத்திருப்பு காலம் 100 முதல் 105 வாரங்களாக உள்ளது. Z8 பெட்ரோல் மற்றும் டீசல் வேரியண்ட்களுக்கும் இதே போன்ற காத்திருப்பு காலம் உள்ளது. Z8 லக்சரி வேரியண்ட் ஆட்டோமேடிக் வெரிஷனுக்கான காத்திருப்பு காலம் 20 முதல் 25 வாரங்களாக உள்ளது. டாப் எண்ட் வேரியண்ட்-ஆன Z8 L மேனுவல் வாங்க 70 முதல் 75 வாரங்கள் வரை காத்திருக்க வேண்டும்.

மஹிந்திரா ஸ்கார்பியோ N மாடல் 2.0 லிட்டர் நான்கு சிலிண்டர்கள் கொண்ட எம்ஹாக் பெட்ரோல் மற்றும் 2.2 லிட்டர் நான்கு சிலிண்டர்கள் கொண்ட எம்ஹாக் டீசல் என்ஜின் ஆப்ஷன்களில் கிடைக்கிறது. இருவித என்ஜின்களுடன் 6 ஸ்பீடு மேனுவல் அல்லது 6 ஸ்பீடு டார்க் கன்வெர்ட்டர் ஆட்டோமேடிக் யூனிட் வழங்கப்பட்டு இருக்கிறது.

இதன் பெட்ரோல் என்ஜின் மேனுவல் டிரான்ஸ்மிஷன் மாடல் 203 ஹெச்பி பவர், 370 நியூட்டன் மீட்டர் டார்க் இழுவிசையை வெளிப்படுத்துகிறது. ஆட்டோமேடிக் மாடல் 203 ஹெச்பி பவர், 380 நியூட்டன் மீட்டர் டார்க் இழுவிசையை வெளிப்படுத்துகிறது. டீசல் என்ஜின் 175 ஹெச்பி பவர், 370 நியூட்டன் மீட்டர் டார்க் இழுவிசையை மேனுவல் டிரான்ஸ்மிஷனில் வழங்குகிறது. ஆட்டோமேடிக் வேரியண்ட் 175 ஹெச்பி பவர், 400 நியூட்டன் மீட்டர் டார்க் இழுவிசையை வெளிப்படுத்துகிறது. 

மஹிந்திரா நிறுவனத்தின் XUV400 எலெக்ட்ரிக் எஸ்யுவி மாடலுக்கான முன்பதிவு ஜனவரி 26 ஆம் தேதி துவங்கியது. இந்த நிலையில், புது XUV400 மாடல் முன்பதிவில் 10 ஆயிரம் யூனிட்களை கடந்துள்ளதாக மஹிந்திரா நிறுவனம் அறிவித்து இருக்கிறது. அறிமுகம் செய்யப்பட்ட முதல் 12 மாதங்களில் மஹிந்திரா நிறுவனம் 20 ஆயிரம் XUV400 யூனிட்களை வினியோகம் செய்ய திட்டமிட்டுள்ளது.

தற்போது இந்த காருக்கான காத்திருப்பு காலம் ஏழு மாதங்களாக இருக்கிறது. மேலும் வினியோகத்தை பொருத்தவரை XUV400 டாப் எண்ட் மாடல் EL வேரியண்டிற்கு முன்னுரிமை வழங்கப்படும் என மஹிந்திரா நிறுவனம் அறிவித்து இருக்கிறது. முதற்கட்டமாக இந்த எலெக்ட்ரிக் எஸ்யுவி-இன் வினியோகம் மார்ச் மாத வாக்கில் துவங்க இருக்கிறது.

இந்திய சந்தையில் மஹிந்திரா XUV400 மாடல் டாடா நெக்சான் EV, எம்ஜி ZS EV மற்றும் பிஒய்டி அட்டோ 3 போன்ற மாடல்களுக்கு போட்டியாக அமைகிறது. புதிய மஹிந்திரா XUV400 EC வேரியண்ட் 3.3 கிலோவாட் அல்லது 7.2 கிலோவாட் AC சார்ஜர் வங்கப்படுகிறது. இதன் EL வேரியண்ட் உடன் 7.2 கிலோவாட் AC சார்ஜர் மட்டுமே வழங்கப்படுகிறது.

பேட்டரியை பொருத்தவரை மஹிந்திரா XUV400 மாடலில் 39.5 கிலோவாட் ஹவர் பேட்டரி பேக் வழங்கப்பட்டு இருக்கிறது. இந்த கார் முழு சார்ஜ் செய்தால் அதிகபட்சம் 456 கிலோமீட்டர் வரை செல்லும் என சான்று பெற்றுள்ளது. இந்திய சந்தையில் மஹிந்திரா XUV400 மாடலின் விலை ரூ. 15 லட்சத்து 99 ஆயிரம் என துவங்கி அதிகபட்சம் ரூ. 18. லட்சத்து 99 ஆயிரம் என நிர்ணயம் செய்யப்பட்டு உள்ளது.

மஹிந்திரா நிறுவனம் கடந்த ஆண்டு ஆகஸ்ட் மாதத்தில் தனது ஆல்-எலெக்ட்ரிக் எஸ்யுவி கான்செப்ட் மாடலை லண்டனில் அறிமுகம் செய்தது. புதிய எலெக்ட்ரிக் வாகனங்கள் மஹிந்திரா அட்வான்ஸ்டு டிசைன் யூரோப் ஸ்டூடியோவில் டிசைன் செய்யப்பட்டது. இந்தியாவில் முதல் முறையாக இந்த எலெக்ட்ரிக் எஸ்யுவி கான்செப்ட் பிப்ரவரி 10 ஆம் தேதி அறிமுகம் செய்யப்பட இருக்கிறது.

மஹிந்திராவின் எலெக்ட்ரிக் எஸ்யுவி மாடல்கள் XUV.e மற்றும் BE பிரிவுகளின் கீழ் வரிசைப்படுத்தப்பட உள்ளன. மஹிந்திரா XUV.e பிரிவின் கீழ் இரண்டு மாடல்களும் BE பிரிவின் கீழ் மூன்று மாடல்களும் இடம்பெற்று இருக்கின்றன. இரு மாடல் பிரிவுகளும் முற்றிலும் பிரத்யேக டிசைன் மொழி மற்றும் INGLO பிளாட்ஃபார்மில் உருவாக்கப்பட்டு வருகின்றன. XUV.e பிரிவில் உள்ள மாடல்களின் உற்பத்தி டிசம்பர் 2024 வாக்கில் துவங்க இருக்கிறது. இதைத் தொடர்ந்து அக்டோபர் 2025 வாக்கில் BE பிரிவு மாடல்களின் உற்பத்தி துவங்க இருக்கிறது.

IC என்ஜின் மாடல்களில் மஹிந்திராவின் XUV பிராண்டு மிகவும் பிரபலம் ஆகும். தற்போது எலெக்ட்ரிக் பிரிவிலும் இதே நிலையை அடைய மஹிந்திரா பணியாற்றி வருகிறது. XUV சீரிசில் உள்ள டுவின் பீக் லோகோ காப்பர் ஃபினிஷ் மஹிந்திரா XUV400 மாடலில் வழங்கப்பட்டு இருக்கிறது. XUV.e8 மாடல் ஏற்கனவே மஹிந்திரா விற்பனை செய்து வரும் XUV700 காரின் எலெக்ட்ரிக் வெர்ஷன் ஆகும்.

இதைத் தொடர்ந்து XUV.e9 மாடல் முற்றிலும் புதிய எலெக்ட்ரிக் கார் ஆகும். இது கூப் போன்ற டிசைன் கொண்ட மஹிந்திரா XUV9 உற்பத்தி அடுத்த ஆண்டு ஏப்ரல் மாதம் துவங்க இருக்கிறது. மஹிந்திராவின் BE ரக எலெக்ட்ரிக் வாகனம் 2025 வாக்கில் உற்பத்தி செய்யப்பட இருக்கிறது. இந்த மாடல் வித்தியாசமான சி வடிவ எல்இடி ஹெட்லேம்ப், டெயில் லேம்ப் மற்றும் ஷார்ப் கட் பாடி சர்ஃபேஸ் கொண்டிருக்கிறது.

மஹிந்திரா நிறுவனம் தனது முதல் எலெக்ட்ரிக் எஸ்யுவி, XUV400 மாடலை கடந்த மாதம் அறிமுகம் செய்தது. மேலும் இந்த எலெக்ட்ரிக் காருக்கான முன்பதிவு ஜனவரி 26 ஆம் தேதி துவங்கியது. குடியரசு தின வார இறுதி வரையிலான காலக்கட்டத்திற்குள் புதிய எலெக்ட்ரிக் காரை வாங்க சுமார் 10 ஆயிரத்திற்கும் அதிகமானோர் முன்பதிவு செய்திருந்தனர்.

இந்த நிலையில், அறிமுகமான 13 நாட்களில் புதிய மஹிந்திரா XUV400 எலெக்ட்ரிக் காரை வாங்க சுமார் 15 ஆயிரத்திற்கும் அதிகமானோர் முன்பதிவு செய்துள்ளனர். மேலும் தற்போது முன்பதிவு செய்யப்பட்டு இருக்கும் எலெக்ட்ரிக் கார்களை வினியோகம் செய்ய அதிகபட்சம் ஏழு மாதங்கள் வரை ஆகும் என மஹிந்திரா தெரிவித்து இருக்கிறது.

புதிய மஹிந்திரா XUV400 மாடலுக்கான முன்பதிவு கட்டணம் ரூ. 21 ஆயிரம் என நிர்ணயம் செய்யப்பட்டு உள்ளது. இந்த காரின் EL வேரியண்ட் வினியோகம் அடுத்த மாதம் துவங்க இருக்கிறது. இதைத் தொடர்ந்து இந்த ஆண்டு தீபாவளி காலக்கட்டத்தில் XUV400 EC வேரியண்ட் வினியோகம் துவங்க இருக்கிறது. இந்த ஆண்டு இறுதிக்குள் முதல் 20 ஆயிரம் யூனிட்களை வினியோகம் செய்ய மஹிந்திரா திட்டமிட்டுள்ளது.

இந்திய சந்தையில் மஹிந்திரா XUV400 மாடல் 34.5 கிலோவாட் ஹவர் மற்றும் 39.4 கிலோவாட் ஹவர் என இருவித பேட்டரி பேக் ஆப்ஷன்களில் கிடைக்கிறது. இவை முறையே 375 மற்றும் 456 கிலோமீட்டர் வரையிலான ரேன்ஜ் வழங்குகின்றன.

இத்துடன் 3.3 கிலோவாட் மற்றும் 7.2 கிலோவாட் சார்ஜர்கள் வழங்கப்படுகின்றன. இதன் 39.4 கிலோவாட் ஹவர் வேரியண்டிற்கு 7.2 கிலோவாட் சார்ஜர் மட்டுமே வழங்கப்படுகிறது. இந்திய சந்தையில் மஹிந்திரா XUV400 மாடல் டாடா நெக்சான் EV, எம்ஜி ZS EV, ஹூண்டாய் கோனா மற்றும் ஹூண்டாய் ஐயோனிக் 5 மாடல்களுக்கு போட்டியாக அமைகிறது.

இந்தியாவை சேர்ந்த எஸ்யுவி உற்பத்தியாளரான மஹிந்திரா தனது BE Rall-E எலெக்ட்ரிக் கான்செப்ட் மாடலை ஃபார்முலா E ஐதராபாத் E-ப்ரிக்ஸ் நிகழ்வில் அறிமுகம் செய்து இருக்கிறது. இத்துடன் XUV.e9 மற்றும் BE.05 EV கான்செப்ட்களையும் இந்திய பயனர்களுக்கு அறிமுகம் செய்தது. இரு கார்களின் உற்பத்தியும் இந்த தசாப்தத்திலேயே துவங்கும் என தெரிகிறது.

மஹிந்திரா BE Rall-E எலெக்ட்ரிக் கான்செப்ட் மஹிந்திரா நிறுவனத்தின் பார்ன் எலெக்ட்ரிக் பிரிவின் புதுவரவு மாடல் ஆகும். இந்த கார் பார்ன் எலெக்ட்ரிக் சீரிசை தழுவிய டிசைன் கொண்டிருக்கிறது. எனினும், இது ஆஃப்-ரோட் மாடலாக உருவாகி வருகிறது. இந்த மாடலில் ஸ்ப்லிட் ஹெட்லேம்ப் டிசைன் உள்ளது.

இத்துடன் சில்வர் பேஷ் பிளேட், சற்றே தடிமனான வீல்ஆர்ச்கள், ஏரோ வீல்கள், மேக்சிஸ் ஆல்-டெரைன் டையர்கள் வழங்கப்பட்டு இருக்கின்றன. இதன் ரூஃப் ரேக் ஸ்பேர் வீல் கொண்டிருக்கிறது. இதன் பின்புறம் மெல்லிய டெயில் லைட்கள், தடிமனான பம்ப்பர் மற்றும் பேஷ் பிளேட் உள்ளது. மற்ற பார்ன் எலெக்ட்ரிக் மாடல்களை போன்றே BE Rall-E கான்செப்ட் மாடலும் IN-GLO ஸ்கேட்போர்டு EV பிளாட்பார்மில் உருவாக்கப்பட்டு இருக்கிறது. இந்த காரின் பேட்டரி விவரங்கள் எதுவும் தற்போது அறிவிக்கப்படவில்லை.

இத்துடன் மஹிந்திரா நிறுவனம் XUV.e9 எலெக்ட்ரிக் எஸ்யுவியை முதல்முறையாக இந்தியாவில் காட்சிப்படுத்தியது. கடந்த ஆண்டு லண்டனில் அறிமுகம் செய்யப்பட்டதை அடுத்து தற்போது இந்தியாவில் இந்த கார் அறிமுகம் செய்யப்பட்டு இருக்கிறது. மஹிந்திராவின் புதிய XUV.e சீரிசில் ஃபிளாக்ஷிப் மாடலாக XUV.e9 இருக்கும்.

இந்த எலெக்ட்ரிக் எஸ்யுவி-இல் எல்இடி டிஆர்எல்கள் காரின் முன்புறம் முழுக்க படர்ந்து இருக்கின்றன. இதன் ஹெட்லேம்ப்கள் செங்குத்தாக முன்புற பம்ப்பர் மீது பொருத்தப்பட்டுள்ளன. இத்துடன் முன்புறம், பக்கவாட்டு மற்றும் பின்புறங்களில் பிளாஸ்டிக் கிளாடிங் காணப்படுகின்றன. இத்துடன் காரை சுற்றி காப்பர் அக்செண்ட்களும் உள்ளன.

இரு கார்களை தொடர்ந்து BE.05 எலெக்ட்ரிக் எஸ்யுவி-யையும் மஹிந்திரா அறிமுகம் செய்தது. இந்த கார் அளவில் 4370mm நீளம், 1900mm அகலம், 1635mm உயரம் மற்றும் 2775mm வீல்பேஸ் கொண்டுள்ளது. 2025 ஆண்டு இறுதியில் இந்த கார் அறிமுகம் செய்யப்படும் என எதிர்பார்க்கலாம். இந்த காரும் IN-GLO பிளாட்ஃபார்மிலேயே உருவாக்கப்பட்டு வருகிறது. இதில் 60 அல்லது 80 கிலோவாட் ஹவர் பேட்டரி வழங்கப்படலாம். 

மஹிந்திரா நிறுவனம் இந்திய சந்தையில் தனது பொலிரோ நியோ எஸ்யுவி மாடலை 2021 வாக்கில் அறிமுகம் செய்தது. இந்த கார் மஹிந்திரா ஏற்கனவே விற்பனை செய்து வந்த TUV300 காரின் ரிபேட்ஜ் செய்யப்பட்ட வெர்ஷன் ஆகும். இந்த நிலையில், மஹிந்திரா பொலிரோ பிளஸ் 9 சீட்டர் எஸ்யுவி மாடல் சாலைகளில் சோதனை செய்யப்படும் போது எடுக்கப்பட்ட ஸ்பை படங்கள் இணையத்தில் வெளியாகி உள்ளது.

ஸ்பை படங்கள் பொலிரோ நியோ பிளஸ் மாடல் கடுமையான போக்குவரத்து நெரிசலில் செல்லும் போது எடுக்கப்பட்டு இருக்கிறது. காரின் டெயில்கேட்டில் பொலிரோ பெயர் மறைக்கப்பட்டு இருக்கிறது. ஸ்பை காரில் மஹிந்திரா லோகோவும் மறைக்கப்பட்டே இருக்கிறது. அதன்படி இந்த காரிலும் மஹிந்திராவின் புதிய டுவின் பீக் லோகோ வழங்கப்படும் என தெரிகிறது.

தற்போதைய தகவல்களின் படி பொலிரோய நியோ பிளஸ் மாடல் மூன்று வித வேரியண்ட்கள், 7-சீட்டர் மற்றும் 9-சீட்டர் என இருவித இருக்கை அமைப்புகளில் கிடைக்கும் என கூறப்படுகிறது. இதன் 9 சீட்டர் வேரியண்ட் மூன்று அடுக்கு இருக்கைகள் - முதல் அடுக்கில் இரண்டு, இரண்டாவது அடுக்கில் மூன்று இருக்கைகள், பின்புறம் நான்கு இருக்கைகள் இருக்கும் என தெரிகிறது. 7 சீட்டர் வேரியண்டில் அனைத்து இருக்கைகளும் முன்புறம் பார்த்தப்படி இருக்கும்.

என்ஜினை பொருத்தவரை தற்போது விற்பனை செய்யப்படும் பொலிரோ நியோ மாடல் 1.5 லிட்டர் எம்ஹாக் டீசல் என்ஜின் கொண்டிருக்கிறது. இந்த என்ஜின் 100 ஹெச்பி பவர், 260 நியூட்டன் மீட்டர் டார்க் இழுவிசையை வெளிப்படுத்துகிறது. அந்த வகையில் நியோ பிளஸ் மாடலில் இதைவிட சற்றே பெரிய என்ஜின் வழங்கப்படும் என எதிர்பார்க்கலாம். இந்த என்ஜின் புதிய RDE விதிகளுக்கு பொருந்தும் வகையில் இருக்கும்.

Photo Courtesy: Rushlane

மஹிந்திரா தார் ஆஃப் ரோடர் மாடலின் ரியர் வீல் டிரைவ் (RWD) வெர்ஷன் சமீபத்தில் அறிமுகம் செய்யப்பட்டது. புதிய தார் மாடல் விலை ரூ. 9 லட்சத்து 99 ஆயிரம், எக்ஸ்-ஷோரூம் என நிர்ணயம் செய்யப்பட்டு உள்ளது. மஹிந்திரா தார் RWD வினியோகம் துவங்கி நடைபெற்று வருகிறது.

இந்த நிலையில், ஏற்கனவே விற்பனை செய்யப்பட்டு வரும் மஹிந்திரா தார் 4WD வேரியண்ட்களுக்கு அந்நிறுவனம் ரூ. 1 லட்சம் வரையிலான தள்ளுபடி வழங்குகிறது. இவற்றில் ரூ. 45 ஆயிரம் தள்ளுபடி அல்லது ரூ. 60 ஆயிரம் வரையிலான அக்ச்ஸரீக்கள் வழங்கப்படுகிறது.

இத்துடன் ரூ. 10 ஆயிரம் வரை கார்ப்பரேட் போனஸ், ரூ. 15 ஆயிரம் வரை எக்சேன்ஜ் போனஸ் வழங்கப்படுகிறது. இவற்றுடன் இன்சூரன்ஸ் பலன்கள், மூன்று ஆண்டுகளுக்கு பராமரிப்பு பேக்கேஜ் உள்ளிட்டவை வழங்கப்படுகிறது. எனினும், இந்த பலன்கள் MY2022 LX பெட்ரோல் AT 4WD வேரியண்டிற்கு மட்டுமே வழங்கப்படுகிறது.

இந்திய சந்தையில் மஹிந்திரா தார் 4WD MY2022 LX பெட்ரோல் AT வேரியண்ட் விலை ரூ. 15 லட்சத்து 82 ஆயிரம், எக்ஸ்-ஷோரூம் ஆகும். இதுதவிர மஹிந்திரா தார் RWD மற்றும் 4WD வெர்ஷன்களின் காத்திருப்பு காலம் முறையே 18 மாதங்கள் மற்றும் நான்கு மாதங்களாக உள்ளது. தற்போது அறிவிக்கப்பட்டு இருக்கும் சலுகைகள் ஒவ்வொரு பகுதி, மாடல், விற்பனை மையம் என பல்வேறு விஷயங்களை பொருத்து வேறுப்படும்.