என் மலர்tooltip icon

    நீங்கள் தேடியது "Thailakappu"

    • 5 ஆண்டுகளுக்கு ஒரு முறை தைலக்காப்பு அபிஷேகம் நடக்கும்.
    • அம்மனுக்கு அபிஷேகம் கிடையாது.

    தஞ்சாவூர்:

    தஞ்சாவூர் அருகே புன்னைநல்லூர் மாரியம்மன் கோவில் அமைந்துள்ளது. மிகவும் பிரசித்தி பெற்ற இக்கோவிலுக்கு தினமும் தமிழகம் மட்டுமின்றி வெளி மாநிலம், வெளிநாடுகளில் இருந்தும் ஏராளமான பக்தர்கள் வந்து மாரியம்மனை தரிசித்து செல்கின்றனர்.

    இக்கோவிலில் 21 ஆண்டுகளுக்கு பிறகு கடந்த பிப்ரவரி மாதம் 10-ந்தேதி கும்பாபிஷேகம் நடைபெற்றது.

    இங்கு மூலஸ்தானத்தில் எழுந்தருளி அருள்பாலித்து வரும் மாரியம்மன் புற்று மண்ணால் உருவானது என்பதால் அம்மனுக்கு அபிஷேகம் கிடையாது. அலங்காரம் மட்டுமே நடைபெறும். உற்சவர் அம்மனுக்கு மட்டுமே அபிஷேகம் நடைபெறும்.

    இதனால் மூலவர் மாரியம்மனுக்கு 5 ஆண்டுகளுக்கு ஒரு முறை ஒரு மண்டலம் (48 நாட்கள்) தைலக்காப்பு அபிஷேகம் நடைபெறுவது வழக்கம். அப்போது அம்மனை ஒரு வெண் திரையில் வரைந்து ஆவாஹனம் செய்து அதற்கு அர்ச்சனை, ஆராதனைகள் நடைபெறும். அதன்படி, கடந்த 2020-ம் ஆண்டு தைலக்காப்பு அபிஷேகம் நடைபெற்றது.

    இதையடுத்து 5 ஆண்டுகள் முடிவடைந்ததை தொடர்ந்து இன்று (வெள்ளிக்கிழமை) புன்னை நல்லூர் மாரியம்மன் கோவிலில் தைலக்காப்பு அபிஷேகம் தொடங்கியது. இதனை முன்னிட்டு மூலவர் சன்னதி திரையிட்டு மறைக்கப்பட்டது.

    இதையடுத்து அனுக்னஞ, விக்னேஸ்வர பூஜை, தேவதானுக்ஞை, யஜமான சங்கல்பம், புண்யாஹ வசனம், வேதிகார்ச்சனை, அக்னிகார்யம், ஜபஹோமம், பூர்ணாஹூதி ஆகியவை நடைபெற்றது. பின்னர், யாத்ரா தானம், க்ருஹப்ரீத்தி, கடம் புறப்பாடு நடந்தது. கோவில் வளாகத்தில் சிறப்பு ஹோமங்கள் நடந்தன.

    அதனை தொடர்ந்து மூலஸ்தான மாரியம்மனுக்கு தைலக்காப்பு அபிஷேகம் நடைபெற்றது. வருகிற ஜூன் 1-ந்தேதி வரை தினமும் காலை, மாலை தைலக்காப்பும், சகஸ்ரநாம அர்ச்சனையும் நடைபெற உள்ளது. இந்த நிகழ்ச்சி ஜூன் 4-ந்தேதி வரை (48 நாட்கள்) நடைபெறுகிறது.

    • அழகர்கோவிலில் இன்று தைலக்காப்பு உற்சவ விழா நடந்தது.
    • நூபுர கங்கையில் நீராடி சுந்தரராஜ பெருமாள் அருள்பாலித்தார்.

    அலங்காநல்லூர்

    மதுரை மாவட்டம் அழகர்கோவிலில் உள்ள கள்ளழகர் கோவிலில் தைல காப்பு திருவிழா வருடம் தோறும் ஐப்பசி மாதம் நடைபெறும். அதன்படி இந்த ஆண்டு தைலக்காப்பு உற்சவ விழா 24-ந்தேதி தொடங்கியது. அன்று மாலையில் மேஷ லக்க னத்தில் நவநீத கிருஷ்ணன் சன்னதி மண்டபத்தில் பரமபதநாதன் சேவையுடன் கள்ளழகர் பெருமாளுக்கு உற்சவம் தொடங்கியது.

    நேற்று (25-ந்தேதி) கோவிலில் உள்ள மீட்டு கிருஷ்ணன் சன்னதியில் சீராப்பதிநாதன் சேவை நடைபெற்றது. இதில் சிறப்பு அலங்காரத்தில் கள்ளழகர் பெருமாள், தேவியர்களுடன் எழுந்தருளி அருள் பாலித்தார். இன்று 3-ம் நாள் திருவிழாவாக காலை 7.31 மணிக்கு மேல் 8.10 மணிக்குள் இருப்பிடத்தில் இருந்து கள்ளழகர் பெரு மாள் பல்லக்கில் எழுந்தருளி சகல பரிவாரங்களுடன் சுமார் 4 கிலோமீட்டர் தூரம் மலைமேல் உள்ள நூபுர கங்கைக்கு புறப்பாடானார்.

    தொடர்ந்து அழகர்மலை, நூபுர கங்கை செல்லும் வழியில் உள்ள அனுமார் தீர்த்தம், கருட தீர்த்த எல்லைகளில் நிறுத்தப்பட்டு விசேஷ பூஜைகள் தீபாரா தனைகள் நடை பெற்றது. பின்னர் அங்கிருந்து புறப் பாடாகி நூபுர கங்கைக்கு காலை 12 மணிக்கு மேல் சென்று ராக்காயி அம்மன் கோவிலில் எழுந்தருளினார். பகல் 12 மணிக்கு மேல் 1.30 மணிக்குள் தைல காப்பு பூஜைகள் நடைபெறுகிறது. தொடர்ந்து பெருமாளுக்கு திருதைலம் சாத்தப்பட்து அங்குள்ள தீர்த்த தொட்டி யில் தீர்த்தவாரி நடைபெற் றது. பின்னர் அங்குள்ள மண்டபத்தில் கள்ளழகர் எழுந்தருளி பக்தர்களுக்கு அருள் பாலித்தார். முன்ன தாக கோவிலில் இருந்து மலைக்கு புறப்பட்ட பெருமாளுக்கு வழி நெடுகிலும் நூற்றுக்கணக்கான பக்தர் கள் சாமி தரிசனம் செய்தனர்.

    முன்னதாக நூபுர கங்கை ராக்காயி அம்மன் கோவில் மாதவி மண்டபம் உள்ளிட்ட உள் பிரகாரம் முழுவதும் சுமார் 500 கிலோ பழ வகைகள் ஆப்பிள், ஆரஞ்சு, மாதுளை, சாத்துக்குடி அண்ணாச்சி, மற்றும் 200 கிலோ வண்ண மலர்களால் அலங்கரிக்கப் பட்டிருந்தது.

    தைலக்காப்பு உற்சவம் முடிவடைந்தவுடன் மாலையில் பெருமாள் மேளதாளம் முழங்க தீவட்டி பரிகாரங் களுடன் மலையில் இருந்து கோவிலுக்குள் சென்று போய் இருப்பிடம் சேருகின்றார்.

    விழாவிற்கான ஏற்பாடு களை தக்கார் வெங்கடாஜலம், துணை ஆணையர் ராமசாமி மற்றும் கோவில் கண்காணிப்பாளர்கள் உள்துறை அலுவலர்கள், பணியாளர்கள் செய் திருந்தனர். தைலக்காப்பு உற்சவத்தை பக்தர்கள் காணும் வசதிக்காக அழகர் கோவில் யூடியூப் சேனலில் நேரடி ஒளிபரப்பு செய்ய ஏற்பாடு செய்யப்பட்டது.

    ×