சென்னையில் பல இடங்களில் இடி, மின்னலுடன் கனமழை: போக்குவரத்து பாதிப்பு

சென்னை:

சென்னையில் பல இடங்களில் கனமழை பெய்து வருகிறது. புரசைவாக்கம், எழும்பூர், நுங்கம்பாக்கம், ஈக்காடுதாங்கல், கோடம்பாக்கம், பல்லாவரம் உள்ளிட்ட இடங்களில் காற்றுடன் கனமழை பெய்கிறது. அதேபோல், ஆவடி, அம்பத்தூர், அண்ணாநகர், வில்லிவாக்கம் மற்றும் பாடி உள்ளிட்ட இடங்களிலும் இடி, மின்னலுடன் மழை பெய்து வருகிறது. பலத்த சத்துடன் இடி இடிக்கிறது.

மழையின் காரணமாக சென்னையில் கோயம்பேடு, வடபழனி, எம்எம்டிஏ., நூறடி சாலை உள்ளிட்ட பகுதிகளில் போக்குவரத்து நெரிசல் ஏற்பட்டுள்ளது.

தாம்பரம், பொழிச்சலூர், வண்டலூர் உள்ளிட்ட புறநகர் பகுதிகளிலும் மழை பெய்து வருகிறது.