பல்வேறு வழக்குகளில் பிடிபட்ட வாகனங்கள் உரிமையாளர்களிடம் ஒப்படைப்பு

சிவகங்கை:

சிவகங்கை மாவட்டத்தில் பல்வேறு விபத்துகள் மற்றும் சமூக விரோத செயல்களின் போது போலீசாரிடம் பிடிபடும் வாகனங்கள், திருட்டு சம்பவ வழக்குகளில் பிடிபடும் வாகனங்கள் உள்ளிட்ட வாகனங்கள் மாவட்டத்தில் உள்ள அந்ததந்த போலீஸ் நிலையங்களில் நிறுத்தி வைக்கப்பட்டு இருந்தன.

இந்த வாகனங்களை வழக்குகள் முடியாததால் நீண்ட காலமாக அதன் உரிமையாளர்களிடம் ஒப்படைக்கப்படாமல் இருந்தது. இதனால் அந்த வாகனங்களை கோர்ட்டு அனுமதியுடன் அதன் உரிமையாளர்களிடம் ஒப்படைத்துவிட்டு கோர்ட்டில் வழக்கு விசாரணைக்கு தேவைப்படும்போது மீண்டும் கொண்டு வரும்படி சம்பந்தப்பட்ட உரிமையாளர்களிடம் தெரிவித்து அந்த வாகனங்களை சம்பந்தப்பட்ட உரிமையாளர்களிடம் ஒப்படைக்க மாவட்ட போலீஸ் சூப்பிரண்டு ஜெயச்சந்திரன் உத்தரவிட்டார்.

இதையடுத்து சிவகங்கை நகர், சிவகங்கை தாலுகா மற்றும் மதகுபட்டி போலீஸ் நிலையங்களில் பல்வேறு வழக்குகளில் பிடிபட்ட 4 கார் மற்றும் 18 மோட்டார் சைக்கிள் உள்பட 22 வாகனங்களை அதன் உரிமையாளர்களிடம் மாவட்ட போலீஸ் சூப்பிரண்டு ஜெயசந்திரன் ஒப்படைத்தார். இந்த நிகழ்ச்சியில் கூடுதல் போலீஸ் சூப்பிரண்டு தணிகைவேலு, துணை போலீஸ் சூப்பிரண்டு மங்களேஸ்வரன், சப்–இன்ஸ்பெக்டர்கள் பூமிநாதன், விஜயகுமார், மாசிலாமணி மற்றும் போலீசார் கலந்து கொண்டனர்.