ஓசூர் அருகே வாலிபரை தாக்கி கார் கடத்தல்

ஒசூர்,

கிருஷ்ணகிரி மாவட்டம், தேன்கனிக்கோட்டை அருகே பைரமங்கலம் கிராமத்தை சேர்ந்த கோவிந்தராஜ் என்பவரது மகன் ராஜ்குமார் (36). இவர், தனது காரில் மத்திகிரி- கெலமங்கலம் சாலை, ஜொனபண்டா கூட்டு ரோடு, ஆஞ்சநேயர் கோவில் அருகே சென்று கொண்டிருந்த போது, இயற்கை உபாதை கழிக்க காரை நிறுத்திவிட்டு இறங்கினார்.

அப்போது, மோட்டார் சைக்களில் வந்த அடையாளம் தெரியாத 3 பேர் அவரை தாக்கி, மிரட்டி பணம் ரூ.2,000 மற்றும் ரூ.2, 20,000- மதிப்புள்ள காரை எடுத்து கொண்டு தப்பிச்சென்று விட்டனர். இதுகுறித்து ராஜ்குமார், மத்திகிரி காவல் நிலையத்தில் புகார் அளித்ததின் பேரில் போலீசார் வழக்கு பதிவு செய்து விசாரித்து வருகின்றனர்.