மணல்திருட்டை தடுக்க பள்ளம் தோண்டிய அதிகாரிகள்

ஆரணி:

ஆரணியை அடுத்த குன்னத்தூர் ஆற்றுப்படுகை பகுதியில் ஆற்று மணலை விற்பனைக்காக குவித்து வைத்திருப்பதாக ஆரணி வருவாய் கோட்டாட்சியருக்கு தகவல் கிடைத்தது.

இதைத்தொடர்ந்து அவரது உத்தரவின்பேரில் ஆரணி தாசில்தார் ரா.மஞ்சுளா மற்றும் வருவாய் ஆய்வாளர்கள், கிராம நிர்வாக அலுவலர்கள், சிப்பந்திகளுடன் சென்று ஆற்றுப்படுகை பகுதியில் குவித்து வைத்திருந்த மணல் குவியல்களை பொக்லைன் எந்திரம் மூலம் சமன் செய்தனர்.

மேலும் ஆற்றுப்படுகை பகுதிக்கு லாரி, டிராக்டர், மாட்டு வண்டிகள் செல்லாதவாறு ஆங்காங்கே பெரிய பள்ளம் தோண்டி தடுப்பு நடவடிக்கைகளையும் மேற்கொண்டனர்.