மணல் கடத்திய டிப்பர் லாரி பறிமுதல்

ஆரணி:

ஆரணி மற்றும் சுற்றுவட்டார பகுதிகளில் ஆற்று மணல் கடத்தப்படுவதாக வந்த புகாரின் பேரில் தாசில்தார் மஞ்சுளா தலைமையிலான வருவாய் துறையினர் சம்பவ இடத்திற்கு சென்று ஆய்வு செய்தனர்.

அப்போது பாளைய ஏகாம்பரநல்லூர் கிராமத்தில் வேலூர் திருவண்ணாமலை சாலையில் ஆற்று மணலுடன் வந்த வாகனத்தை தடுத்து நிறுத்தி முயன்றனர்.

ஆனால் வருவாய் துறையினரை பார்த்ததும் டிப்பர் லாரி டிரைவர் வாகனத்தை நிறுத்தி விட்டு தப்பி ஓடினார்.

இதைத்தொடர்ந்து 2 யூனிட் ஆற்று மணலை கடத்தி வந்த டிப்பர் லாரியை பறிமுதல் செய்து மணலுடன் கண்ணமங்கலம் போலீசில் ஒப்படைத்தனர்.

மேலும் தாசில்தார் மஞ்சுளா கொடுத்த புகாரின் பேரில் கண்ணமங்கலம் போலீசார் வழக்கு பதிவு செய்து விசாரணை நடத்தி வருகின்றனர்.