திருவண்ணாமலை மாவட்டத்தில் முத்திரைத்தாள் தட்டுப்பாடு

திருவண்ணாமலை:

திருவண்ணாமலை மாவட்ட முத்திரைத்தாள் விற்பனையாளர்கள் சங்க நிர்வாகிகள் மாவட்ட கருவூல அலுவலருக்கு அளித்த மனுவில் கூறியதாவது;

திருவண்ணாமலை மாவட்ட சார்கருவூல அலுவலங்களில் மிக குறைந்த அளவிலேயே நீதி சாரா முத்திரை த்தாள்கள், நீதிமன்ற முத்திரைத்தாள்கள், நீதிமன்ற வில்லைகள் இருப்பில் உள்ளது.

நமது மாவட்ட சார்கருவூல அலுவலங்களில் சில வகையான முத்திரைத்தாள்கள் சுத்தமாக இருப்பில் இல்லை.

இதனால் பொது மக்களும் வழக்கறிஞர்களும் பாதிக்கப்படுவதுடன் எங்களின் வாழ்வாதாரம் பாதிக்கப்பட்டு மிகுந்த சிரமத்துடன் வாழ்ந்து வருகிறோம்.

எனவே திருவண்ணாமலை மாவட்ட சார்கருவூல அலுவலங்களில் தட்டுப்பாடு ஏற்படா வண்ணம் எல்லா வகையான முத்திரைத்தாள்கள்,ஒட்டு வில்லைகள் உடனே கிடைக்க ஆவணம் செய்து எங்களின் வாழ்வாதாரத்திற்கு உதவ வேண்டும். இவ்வாறு அதில் கூறப்பட்டுள்ளது.