நாளை காலை 11 மணிக்குள் ஆதாரம் வேண்டும்.. கெஜ்ரிவாலுக்கு மீண்டும் கெடு - தேர்தல் ஆணையம்

அரியானா அரசு யமுனையில் "விஷத்தை கலப்பதாக" கூறியது தொடர்பாக தேர்தல் ஆணையம் அனுப்பிய நோட்டீசுக்கு ஆம் ஆத்மி தலைவர் அரவிந்த் கெஜ்ரிவால் பதில் அளித்தார். அதில், சமீப காலங்களில் பா.ஜ.க. ஆளும் மாநிலத்தில் இருந்து பெறப்பட்ட பச்சை நீர் மனித ஆரோக்கியத்திற்கு "மிகவும் மாசுபட்டதாகவும் மிகவும் நச்சுத்தன்மை வாய்ந்ததாகவும் உள்ளது," என்று தெரிவித்து இருந்தார்.

அரவிந்த் கெஜ்ரிவால் அளித்த பதிலை பரிசீலனை செய்த தேர்தல் ஆணையம், இந்த விவகாரத்தில் உரிய ஆதாரங்களை வழங்க வேண்டும் என்று கெஜ்ரிவாலை கேட்டுக் கொண்டுள்ளது. மேலும், இதற்காக நாளை காலை 11 மணி வரை அவகாசம் வழங்கியுள்ளது.

இது தொடர்பாக தேர்தல் ஆணையம் வெளியிட்ட அறிக்கையில், "நல்லிணக்கம், வெவ்வேறு குழுக்கள் இடையே பகையை ஏற்படுத்துவது, பொது அமைதி மற்றும் அமைதியின்மையை ஏற்படுத்தியதாக அரவிந்த் கெஜ்ரிவாலுக்கு எதிராக நடவடிக்கை எடுக்காமல் இருக்க தேர்தல் ஆணையம் அவருக்கு மற்றொரு வாய்ப்பை வழங்குகிறது.

யமுனையில் அம்மோனியா அதிகரித்தது தொடர்பான பிரச்சினையை, யமுனையில் விஷத்தன்மை அதிகரித்த பிரச்சினையையுடன் சம்பந்தப்படுத்தாமல் தக்க ஆதாரத்தை வழங்க அரவிந்த் கெஜ்ரிவாலுக்கு தேர்தல் ஆணையம் உத்தரவிட்டுள்ளது.

மேலும், யமுனை நதியில் நச்சுத் தன்மையின் அளவு, அதன் தன்மை மற்றும் ஏற்படும் விதத்தை விளக்க வேண்டும். நதிநீரில் உள்ள விஷத்தன்மையை கண்டறியும் வழிமுறையை டெல்லி ஜல் போர்டு பொறியாளர்கள் நாளை காலை 11 மணிக்குள் வழங்குமாறு தேர்தல் ஆணையம் கேட்டுக்கொள்கிறது.

இவ்வாறு செய்ய தவறும் பட்சத்தில், இந்த விவகாரம் தொடர்பாக தேர்தல் ஆணையம் தக்க முடிவை எடுக்கும். போதுமான மற்றும் சுத்தமான நீர் கிடைக்க வழி செய்வது நிர்வாக ரீதியிலான பிரச்சினை. இந்த விவகாரங்களில் சம்பந்தப்பட்ட அனைத்து அரசாங்கங்களும் எல்லா நேரங்களிலும் அனைத்து மக்களுக்கும், இதை பாதுகாக்க வேண்டும் என்று தேர்தல் ஆணையம் வலியுறுத்தியுள்ளது.