சர்வதேச கிரிக்கெட்டில் அதிக கேட்ச்கள் பிடித்து விராட் கோலி சாதனை

சாம்பியன்ஸ் டிராபி தொடர் இறுதிக்கட்டத்தை எட்டியுள்ளது. மொத்தம் 8 அணிகள் பங்கேற்றிருந்த இத்தொடரில் இந்தியா, ஆஸ்திரேலியா, நியூசிலாந்து மற்றும் தென் ஆப்பிரிக்க அணிகள் அரையிறுதிக்கு முன்னேறியுள்ளன.

இதில் இன்று நடைபெறும் முதல் அரையிறுதி போட்டியில் இந்திய அணியும், ஆஸ்திரேலிய அணியும் மோதுகின்றன. இப்போட்டியில் டாஸ் வென்ற ஆஸ்திரேலியா பேட்டிங் தேர்வு செய்து விளையாடி வருகிறது.

45.1 ஓவர்கள் முடிவில் 7 விக்கெட் இழப்பிற்கு 239 ரன்கள் அடித்து ஆடி வருகிறது. இப்போட்டியில் ஜாஸ் இங்கிலீஸ் கேட்சை விராட் கோலி பிடித்தார்.

இதன்மூலம் சர்வதேச கிரிக்கெட்டில் 335 கேட்சுகள் பிடித்து அதிக கேட்ச் பிடித்த இந்திய வீரர் என்ற சாதனையை விராட் கோலி படைத்தார்.

விராட் கோலிக்கு அடுத்தபடியாக ராகுல் டிராவிட் 334 கேட்சுகளும் அசாருதின் 261 கேட்சுகளும் சச்சின் 256 கேட்சுகளும் பிடித்துள்ளனர்.

மேலும், சர்வதேச கிரிக்கெட்டில் அதிக கேட்ச் பிடித்தவர்களின் பட்டியலில் ஜெயவர்த்தனே (440), ராஸ் டெய்லர் (351), ரிக்கி பாண்டிங் (364) ஆகியோருக்கு அடுத்து 4 ஆவது இடத்தில விராட் கோலி உள்ளார்.