கோ கோ உலகக் கோப்பை: இறுதிக்கு முன்னேறியது இந்திய ஆண்கள், பெண்கள் அணி

புதுடெல்லி:

தலைநகர் டெல்லியில் அமைந்துள்ள இந்திராகாந்தி விளையாட்டரங்கில் கோ கோ உலகக் கோப்பை 2025 அரையிறுதிப் போட்டி நேற்று நடைபெற்றது.

இதில் இந்திய பெண்கள் அணி, தென் ஆப்பிரிக்காவுடன் மோதியது.

இதில் தொடக்கம் முதலே சிறப்பாக ஆடிய இந்திய பெண்கள் அணி 66-16 என்ற புள்ளிக்கணக்கில் தென் ஆப்பிரிக்காவை வீழ்த்தி இறுதிப்போட்டிக்கு முன்னேறியது.

மற்றொரு அரையிறுதிப் போட்டியில் இந்திய ஆண்கள் அணி தென் ஆப்பிரிக்காவை 62-42 என்ற புள்ளிக் கணக்கில் வீழ்த்தியது.

இந்திய பெண்கள் அணி இறுதிப்போட்டியில் நேபாளம் அணியை எதிர்கொள்கிறது.