ரோட்டர்டாம் டென்னிஸ்: அல்காரஸ் இறுதிப்போட்டிக்கு முன்னேற்றம்

ரோட்டர்டாம்:

ரோட்டர்டாம் ஓபன் டென்னிஸ் தொடர் நெதர்லாந்தில் நடந்து வருகிறது.

இதில் ஆண்கள் ஒற்றையர் பிரிவின் அரையிறுதி சுற்றில் ஸ்பெயின் வீரர் கார்லோஸ் அல்காரஸ், போலந்தின் ஹியூபர்ட் ஹர்காக்ஸ் உடன் மோதினார்.

இதில் சிறப்பாக ஆடிய அல்காரஸ் 6-4 என முதல் செட்டை வென்றார். இரண்டாவது செட்டை ஹர்காக்ஸ் 7-6 (7-5) என வென்றார்.

வெற்றியாளரை நிர்ணயிக்கும் 3-வது செட்டை அல்காரஸ் 6-3 என கைப்பற்றி இறுதிப்போட்டிக்கு முன்னேறினார்.

இன்று நடைபெறும் இறுதிப்போட்டியில் கார்லோஸ் அல்காரஸ், ஆஸ்திரேலியாவின் அலெக்ஸ் டி மினார் உடன் மோதுகிறார்.