வேளாண் பட்ஜெட்: 100 முன்னோடி விவசாயிகள் வெளிநாடுகளுக்கு அழைத்துச் செல்லப்படுவார்கள்... முழு விவரம்
- நேற்று 2025-26ம் ஆண்டுக்கான பட்ஜெட் தாக்கல் செய்யப்பட்டது.
- 17-ந்தேதி முதல் 20-ந்தேதி வரை பட்ஜெட் மீதான விவாதம் நடக்கிறது.
தமிழக சட்டசபையில் நேற்று 2025-26ம் ஆண்டுக்கான பட்ஜெட் தாக்கல் செய்யப்பட்டது. அதனை தொடர்ந்து இன்று வேளாண் பட்ஜெட்டை அமைச்சர் எம்.ஆர்.கே. பன்னீர்செல்வம் தாக்கல் செய்தார்.
அதனைத்தொடர்ந்து, 17-ந்தேதி முதல் 20-ந்தேதி வரை பட்ஜெட் மீதான விவாதம் நடக்கிறது. 21-ந்தேதி சட்ட மசோதாக்கள் தாக்கல், நிறைவேற்றம் நடக்க உள்ளது.
தமிழக சட்டசபையில் இன்று காலை 9.30 மணிக்கு வேளாண் பட்ஜெட்டை அமைச்சர் எம்.ஆர்.கே. பன்னீர்செல்வம் தாக்கல் செய்ய தொடங்கினார். சுமார் 1 மணி நேரம் 41 நிமிடங்கள் பட்ஜெட்டை தாக்கல் செய்துள்ளார்.
வேளாண் பட்ஜெட்டில் ஒதுக்கப்பட்டுள்ள நிதி விவரம்:-
* எண்ணெய் வித்துகள் இயக்கம் -ரூ.108 கோடி
* நெல் சிறப்பு தொகுப்பு திட்டம்- ரூ.160 கோடி
* மண்ணுயிர் காத்து மன்னுயிர் காப்போம் திட்டம்-ரூ.142 கோடி
* இயற்கை சீற்ற பாதிப்பு - ரூ.841 கோடி
* கரும்பு விவசாயிகளுக்கு ஊக்கத்தொகை டன் ஒன்றுக்கு ரூ.349.
* வீட்டு தோட்ட காய்கறி சாகுபடி- 75 சதவீத மானியத்தில் விதைகள்
* தென்னை பரப்பு விரிவாக்கம்- ரூ.35 கோடி
* நுண்ணீர் பாசனத் திட்டம் - ரூ.1,168 கோடி
* வேளாண் இயந்திரங்கள் வாடகை- ரூ.17.37 கோடி
* 17 ஆயிரம் விவசாயிகளுக்கு மானியம் ரூ.215.80 கோடி
நெல் கொள்முதல் மூலம் ரூ. 297 கோடி நேரடியாக விவசாயிகள் வங்கி கணக்கில் வரவு வைக்கப்பட்டுள்ளது
பயிர் கடன் தள்ளுபடி திட்டத்தின் கீழ் தற்போது வரை ரூ.10,346 கோடி தொகையும், வட்டித் தொகையும் தமிழ்நாடு அரசால் விடுவிக்கப்பட்டுள்ளன.
வேளாண் துறைக்கு இந்த ஆண்டு ரூ.45,661 கோடி ஒதுக்கீடு- அமைச்சர் எம்.ஆர்.கே.பன்னீர்செல்வம்
உழவர்களுக்காக இலவச மின் இணைப்புகளுக்கான கட்டணத் தொகையாக ரூ.8,186 கோடி ஒதுக்கீடு- அமைச்சர் எம்.ஆர்.கே.பன்னீர்செல்வம்
இயற்கை மேலாண்மை பணிகளுக்காக ரூ.2000 கோடி ஒதுக்கீடு.
மீனவர் மற்றும் மீன் வளர்ப்போருக்கு விவசாய கடன் அட்டை வழங்கப்படும்.
மீன் குஞ்சு உற்பத்தி உள்ளிட்ட விவகாரங்கள் குறித்து மகளிருக்கு பயிற்சி அளிக்கப்படும்.
5 ஆயிரம் பேருக்கு சிறிய அளவிலான பால் பண்ணைகள் அமைக்க 4 சதவீத வட்டி மானியம் வழங்கப்படும்- அமைச்சர் எம்.ஆர்.கே.பன்னீர்செல்வம்