நெல்லை நீதிமன்ற வாசலில் ஒருவர் வெட்டிக் கொலை - பதற்றம்

நெல்லை நீதிமன்ற வாசலில் மாயாண்டி endraஇளைஞர் வெட்டிக் கொல்லப்பட்ட சம்பவம் பெரும் பரபரப்பை ஏற்படுத்தியது. இளைஞரை அரிவாளால் வெட்டிய நான்கு பேர் கும்பல் அவரது முகத்தை சிதைத்து விட்டு அங்கிருந்து தப்பிச் சென்றது.

ஊராட்சி மன்ற துணை தலைவர் கொலை வழக்கில் ஆஜராக சென்ற போது மாயாண்டியை நான்கு பேர் கொண்ட கும்பல் மக்கள் நடமாட்டம் கொண்ட பகுதியில் வைத்தே வெட்டிக் கொன்றது. இதில் சம்பவ இடத்திலேயே உயிரிழந்த மாயாண்டியை கொலை செய்ய ஏற்கனவே இரண்டு முறை முயற்சி நடைபெற்றதாக தகவல் வெளியாகி உள்ளது.

நீதிமன்ற வளாகத்திலேயே கொலை சம்பவம் அரங்கேறிய நிலையில், நான்கு பேர் கும்பல் காரில் ஏறி தப்பியோடியது. வழக்கு விசாரணைக்காக நீதிமன்றம் வந்த நிலையில் மக்கள் நடமாட்டம் அதிகம் உள்ள பகுதியில் வெட்ட வெளிச்சத்தில் படுகொலை சம்பவம் அரங்கேறியது அந்தப் பகுதியில் பரபரப்பை ஏற்படுத்தி இருக்கிறது.