2026 தேர்தலுக்குள் ஓர் அணியில் அதிமுக.. With or without எடப்பாடி பழனிசாமி ?- டிடிவி தினகரன் பதில்

2026 தேர்தலுக்கு முன்பாகவே அதிமுக ஒன்றிணைய வாய்ப்புள்ளது என்று டிடிவி தினகரன் தெரிவித்துள்ளார்.

இதுகுறித்து டிடிவி தினகரன் அறித்துள்ள பேட்டியில் கூறியிருப்பதாவது:-

அனைவரும் ஓர் அணியில் திரள வேண்டும் என்பதை தான் தொடர்ந்து சொல்லிக் கொண்டு வருகிறேன்.

உறுதியாகவே 2026 தேர்தலுக்கு முன்பாகவே அதிமுக ஒன்றிணைய வாய்ப்புள்ளது. இது நடக்கும் என்கிற நம்பிக்கை எனக்கு உள்ளது.

அம்மா மக்கள் முன்னேற்ற கழகம் அம்மாவின் கொள்கைகளை தொடர்ந்து முன்னெடுத்துச் செல்லும் இயக்கமாக இருக்கிறது.

அதனால், அம்மாவின் தொண்டர்கள் ஓர் அணியில் திரள்வதன் மூலம் மீண்டும் அம்மாவின் ஆட்சியை தமிழகத்தில் மீண்டும் அமைப்பதற்கு தேசிய ஜனநாயக கூட்டணி அவசியம்.

திமுகவை ஜெயிக்க வேண்டும் என்றால் அம்மாவின் தொண்டர்கள் அனைவரும் ஒன்றினைய வேண்டும்.

அது With or without எடப்பாடி பழனிசாமி என்பதை அதிமுக தொண்டர்கள் முடிவு செய்வார்கள்.

இவ்வாறு அவர் கூறினார்.