ராஜஸ்தான்

ராஜஸ்தானில் நடந்து முடிந்த சட்டசபை தேர்தலில் காங்கிரசை வீழ்த்தி பா.ஜ.க. அமோக வெற்றி பெற்றுள்ளது. அம்மாநிலத்தில் புதிய முதல் மந்திரியை தேர்வு செய்வதில் பாரதிய ஜனதா தீவிரம் காட்டி வருகிறது. தேர்தல் பிரசாரத்தின்போது முதல்-மந்திரியாக யாரும் முன்னிறுத்தப்படவில்லை.

இந்நிலையில் தேர்தலில் அபார வெற்றி பெற்று கொண்டாட்டங்கள் நடைபெற்றது. அதைத்தொடர்ந்து புதிய முதல்-மந்திரியாக யாரை தேர்ந்தெடுப்பது என்பது பற்றி கட்சியின் உயர்மட்ட குழு ஆலோசனை நடத்தி வருகிறது.

முன்னாள் முதல்-மந்திரி வசுந்தரா ராஜே, முன்னாள் ஜெய்ப்பூர் அரச குடும்பத்தை சேர்ந்த தியா குமாரி,

எம்.பி. பாபா பாலக்நாத், மத்திய மந்திரி கஜேந்திர சகாவாத் ஆகியோர் முதல்-மந்திரி பதவிக்கான பரிசீலனையில் உள்ளனர்.

இந்நிலையில் கோபிசந்த் மீனா, சங்கர் சிங் ராவத் உள்பட 20-க்கும் மேற்பட்ட பா.ஜனதா எம்.எல்.ஏ.க்கள் வசுந்தரா ராஜேவின் வீட்டிற்கு சென்றுள்ளனர். அவர்கள் முதல்-மந்திரியாக வசுந்தரா ராஜேவுக்கு ஆதரவு தெரிவிப்பதாக கூறப்படுகிறது.

இதுவரை முதல்- மந்திரியை கட்சி தலைமை தேர்வு செய்யவில்லை. இந்நிலையில் வசுந்தரா ராஜே வீட்டுக்கு சென்ற 20 எம்.எல்.ஏ.க்களும் டெல்லி சென்று மத்திய உள்துறை மந்திரி அமித்ஷாவையும் சந்தித்துள்ளனர்.

இதுகுறித்து பா.ஜ.க. எம்.எல்.ஏ. சுரேஷ் ராவத் கூறுகையில், வசுந்தரா ராஜே தனது பதவி காலத்தில் முதல்-மந்திரியாக சிறப்பாக செயல்பட்டார் என்றார்.

இதற்கிடையே ராஜஸ்தான் பா.ஜ.க. தலைவர் சிபி ஜோஷியை தேர்தல் பொறுப்பாளராக இருந்த அருண் சிங் சந்தித்து ஆலோசனை நடத்தினார். அப்போது முதலமைச்சர் பதவி குறித்து கேட்டபோது, "முதலமைச்சர் யார் என்பதை உயர்மட்ட குழு முடிவு செய்யும். அதை அனைவரும் ஏற்றுக்கொள்வார்கள்" என்றார்.

புதிய முதல்-மந்திரி யார்? என்பது குறித்து பா.ஜ.க. தலைமை இன்று அறிவிப்பு வெளியிடும் என தகவல்கள் வெளியாகி உள்ளன.

ஜெய்ப்பூர்:

ராஜஸ்தான் மாநிலத்தில் பா.ஜ.க. கட்சி 114 தொகுதிகளில் முன்னிலை பெற்றுள்ளது. காங்கிரஸ் 70 தொகுதிகளில் முன்னிலை பெற்றுள்ளது.

இந்நிலையில், ராஜஸ்தானில் மாலை 4 மணி நிலவரப்படி 27 தொகுதிகளில் பாஜகவும், 19 தொகுதிகளில் காங்கிரசும் வென்றுள்ளது.

இதில் ராஜஸ்தானின் முன்னாள் முதல் மந்திரியும், பா.ஜ.க. வேட்பாளருமான வசுந்தரா ராஜே 1,38,831 வாக்குகள் பெற்று வெற்றி பெற்றுள்ளார். இவர் காங்கிரஸ் வேட்பாளரைவிட 53,193 வாக்குகள் கூடுதலாக பெற்றார்.

இதேபோல், வித்யாதர் நகர் தொகுதியில் போட்டியிட்ட பாஜக எம்பியான தியா குமாரி 158516 வாக்குகள் பெற்று அபார வெற்றி பெற்றார். இவரை 71368 வாக்குகள் வித்தியாசத்தில் வென்றுள்ளார்.

4 மாநில தேர்தல் வாக்கு எண்ணிக்கை இன்று காலை 8 மணிக்கு தொடங்கியது. ராஜஸ்தானில் மாறிமாறிதான் தேர்தல் முடிவு இருந்துள்ளது. கடந்த முறை தேர்தலில் காங்கிரஸ் வெற்றி பெற்றதால், இந்த முறை பா.ஜனதா வெற்றி பெறும் எனக் கூறப்பட்டது.

பா.ஜனதா ஆட்சியை பிடிக்கும் என தேர்தலுக்கு பிந்தைய கருத்து கணிப்புகளும் தெரிவித்தன. என்றாலும், மக்கள் எங்கள் மீது நம்பிக்கை வைத்துள்ளனர். நாங்கள் மீண்டும் ஆட்சியை பிடிப்போம் என அசோக் கெலாட் உள்ளிட்ட காங்கிரஸ் தலைவர்கள் கூறினார்கள்.

ஆனால், தேர்தல் முடிவு பா.ஜனதாவுக்கு ஆதரவாக அமைந்துள்ளது. 199 தொகுதிகளில் பா.ஜனதா 112 தொகுதிகளில் முன்னிலை வகிக்கிறது. இதனால் பா.ஜனதா தனிப்பெரும்பான்மையுடன் ஆட்சியமைக்க இருக்கிறது.

ராஜஸ்தானில் முதல்வர் வேட்பாளரை முன்னிறுத்தாமல் பா.ஜனதா தேர்தலை சந்தித்தது. இதனால் முதலமைச்சர் யார்? என்ற கேள்வி எழுந்துள்ளது.

கடந்த முறை முதலமைச்சராக இருந்த வசுந்தரா ராஜே சிந்தியாவை பா.ஜனதா ஓரங்கட்டுகிறது என தேர்தல் பிசாரத்தின்போது தெரிவிக்கப்பட்டது. அதை நிரூபிக்கும் வகையில் பிரதமர் மோடியின் தொடக்கக்கால பிரசாரத்தில் வசுந்தரா ராஜே சிந்தியா கலந்து கொள்ளவில்லை. கடைசி கட்டத்தில் பிரமதர் மோடியுடன் ஒரு மேடையில் தோன்றினார். இதனால் வசுந்தரா ராஜே சிந்தியா மீண்டும் முதலமைச்சராக பதவி ஏற்க வாய்ப்புள்ளது. இவர் ஜல்ராபதான் தொகுதியில் அதிக வாக்குகள் வித்தியாசத்தில் முன்னிலை பெற்றுள்ளார்.

 அதேநேரத்தில் பா.ஜனதா எம்.பி.யான தியா குமாரிக்கு வித்யாநகர் தொகுதியில் போட்டியிட கட்சி மேலிடம் வாய்ப்பு வழங்கியது. இவரும் அதிக வாக்குகள் முன்னிலை பெற்றுள்ளார். மத்திய அமைச்சர் கஜேந்திர சிங் ஷெகாவத்தும் தேர்தல் களத்தில் உள்ளார்.  இவர்கள் மூன்று பேரில் வசுந்தரா ராஜே, கஜேந்திர சிங் ஷெகாவத் இடையே கடும் போட்டி நிலவும் என எதிர்பார்க்கப்பட்டது.

இதற்கிடையே சாமியாரும், அல்வார் தொகுதி எம்.பி.யுமான மஹந்த் பாலக்நாத் ராஜஸ்தான் முதலமைச்சர் பதவிக்கு முன்னணி போட்டியாளராக இருப்பார் என தகவல் வெளியாகியுள்ளது.

திஜாரா தொகுதியில் போட்டியிடும் பாலக்நாத் காங்கிரஸ் வேட்பாளரை விட மிகப்பெரிய வாக்கு வித்தியாசத்தில் முன்னிலைப் பெற்றுள்ளார்.

இன்று காலை வாக்கு எண்ணிக்கை தொடங்குவதற்கு முன் 40 வயதான பாலக்நாத் சிவன் கோவில் சென்று தரிசனம் மேற்கொண்டார். அப்போது, பா.ஜனதா 120 தொகுதிகளுக்கு மேல் கைப்பற்றும் எனத் தெரிவித்தார்.

வாக்கு எண்ணிக்கைக்கு முந்தைய நாளான நேற்று பாலக்நாத், அமைப்பு பொதுச்செயலாளர் பி.எல். சந்தோஷை நேற்று பா.ஜனதா தலைமைக்கழகத்தில் சந்தித்துள்ளார். அவரிடம் சந்தோஷ் உடனான சந்திப்பு குறித்து கேட்டபோது, இது தனிப்பட்ட சந்திப்பு என முடித்துக் கொண்டார்.

 மேலும், முதலமைச்சர் பதவியை பொறுத்தவரையில் பா.ஜனதாவின் முகம் பிரதமர் மோடி. அவரது தலைமையின் கீழ் நாங்கள் தொடர்ந்து பணியாற்றுவோம். முதலமைச்சர் யார் என்பதை கட்சி முடிவு செய்யும். எம்.பி.யாக மக்களுக்கு சேவை புரிய விரும்புகிறேன். அதனால் நான் திருப்தி அடைந்துள்ளேன்" என்றார்.

உத்தர பிரதேசத்தில் யாரும் எதிர்பார்க்காத வகையில் யோகி ஆதித்தயநாத்தை பா.ஜனதா முதலமைச்சராக்கியது. அதற்கு முன் அவர் எம்.பி.யாகத்தான் இருந்தார். யோகி ஆதித்யநாத் நாத் சமூகத்தை சேர்ந்தவர். பாலக்நாத்தும் நாத் சமூகத்தை சேர்ந்தவர். அல்வாரில் அவருக்கு மிகப்பெரிய ஆதரவு உள்ளது.

6 வயதிலேயே சன்னியாசியாக சென்றார். அவரது குடும்பத்தினர் அவரை துறவியாக்க வேண்டும் என முடிவு செய்தனர். அதன்படி துறவியானார்.

மிசோரம், சத்தீஸ்கர், மத்திய பிரதேசம், ராஜஸ்தான் மற்றும் தெலுங்கானா மாநிலங்களில் சட்டசபை தேர்தலுக்கான வாக்குப்பதிவு இன்று மாலையுடன் நிறைவடைந்தது.

தெலுங்கானாவில் மாலை 5 மணி நிலவரப்படி 63.94 சதவீத வாக்குப்பதிவாகியுள்ள நிலையில் மொத்த வாக்குப்பதிவு விவரம் இன்னும் வெளியாகவில்லை.

இந்நிலையில், 5 மாநில தேர்தலில் வாக்குப்பதிவுக்கு பிந்தைய கருத்துக் கணிப்பு முடிவுகள் வெளியானது.

இதில், ராஜஸ்தான் மாநிலத்தில் மொத்த இடங்கள் 199 ஆகும். இதில், பெரும்பான்மையாக பிடிக்க வேண்டிய இடங்கள் 101.

கருத்துக் கணிப்பு முடிவுகளின் விவரம் வருமாறு:

ராஜஸ்தானில் பாஜக கட்சி முன்னிலை பெற்றுள்ளது.

சிஎன்என் நியூஸ் 18: பாஜக- 111, காங்கிரஸ்- 74, மற்றவை-14

ஜன் கி பாத்: பாஜக 100- 122, காங்கிரஸ் 62- 85, மற்றவை 14- 15

பி- மார்க்யூ: பாஜக 101- 125, காங்கிரஸ் 69- 81, மற்றவை 05- 15

பால்ஸ்டிராட்: பாஜக 100- 110, காங்கிரஸ் 90- 100, மற்றவை 05-15

டைம்ஸ் நவ்: பாஜக 108- 128, காங்கிரஸ் 56- 72, மற்றவை 13- 21

இதையடுத்து, ராஜஸ்தானில் பாஜக கட்சி முன்னிலையில் இருப்பதாக கருத்துக் கணிப்பு தெரிவிக்கிறது.

ஜெய்ப்பூர்:

ராஜஸ்தான் மாநிலத்தில் 200 தொகுதிகளைக் கொண்ட சட்டசபை தேர்தல் வாக்குப்பதிவு கடந்த 25-ம் தேதி விறுவிறுப்பாக நடைபெற்றது. ஸ்ரீகங்கா நகர் கரன்பூர் தொகுதியின் காங்கிரஸ் வேட்பாளர் மரணம் அடைந்ததால் அங்கு மட்டும் வாக்குப்பதிவு நடைபெறவில்லை.

வாக்காளர்கள் காலை முதல் நீண்ட வரிசையில் நின்று உற்சாகமாக வாக்களித்து வந்தனர். ராஜஸ்தானில் 74 சதவீத வாக்குகள் பதிவானது என தேர்தல் ஆணையம் தெரிவித்துள்ளது.

இந்நிலையில், ராஜஸ்தான் முதல் மந்திரி அசோக் கெலாட் இன்று செய்தியாளர்களைச் சந்தித்தார். அப்போது அவர் கூறுகையில், 5 மாநில தேர்தலில் பாஜகவால் எங்கும் ஆட்சி அமைக்க முடியாது. வாக்குப்பதிவுக்கு பிந்தைய எக்சிட் போல் முடிவுகள் எதுவாக இருந்தாலும் காங்கிரஸ் மீண்டும் ஆட்சிக்கு வரும் என நம்பிக்கையுடன் தெரிவித்தார்.

5 மாநில தேர்தலில் பதிவான வாக்குகள் எண்ணும் பணி டிசம்பர் 3-ம் தேதி நடைபெற இருக்கிறது.

ஜெய்ப்பூர்:

ராஜஸ்தான் மாநில சட்டசபை தேர்தல் நேற்று நடைபெற்றது. அங்கு மொத்தமுள்ள 200 தொகுதிகளில் கரன்பூர் தொகுதி காங்கிரஸ் வேட்பாளர் மரணம் அடைந்ததால் அங்கு வாக்குப்பதிவு தள்ளிவைக்கப்பட்டது.

இந்தத் தேர்தலில் பல்வேறு கட்சிகளைச் சேர்ந்த 1,862 வேட்பாளர்கள் போட்டியிட்டனர். 5.25 கோடிக்கும் அதிகமான வாக்காளர்கள் வாக்களிக்க உள்ளதாக தேர்தல் கமிஷன் அறிவித்தது. 199 தொகுதிகளில் 51 ஆயிரத்துக்கும் அதிகமான வாக்குச்சாவடிகள் நிறுவப்பட்டிருந்தன.

நேற்று காலை 7 மணிக்கு வாக்குப்பதிவு தொடங்கியது. நீண்ட வரிசையில் நின்று தங்கள் ஜனநாயக கடமையை ஆற்றினர். பல்வேறு இடங்களில் விறுவிறுப்பான வாக்குப்பதிவு காணப்பட்டது.

இந்நிலையில், ராஜஸ்தான் சட்டசபைத் தேர்தலில் 74.13 சதவீத வாக்குகள் பதிவானதாக தேர்தல் ஆணையம் தெரிவித்துள்ளது.

வாக்குப்பதிவு முடிந்ததும் மின்னணு வாக்குப்பதிவு எந்திரங்கள் அனைத்தும் மூடி சீல் வைக்கப்பட்டு வாக்கு எண்ணும் மையங்களுக்கு பலத்த பாதுகாப்புடன் அனுப்பி வைக்கப்பட்டன. அங்கு 24 மணி நேரமும் துப்பாக்கி ஏந்திய பாதுகாப்புப் படையினர் கண்காணிப்பில் வைக்கப்பட்டு உள்ளன.

நேற்று பதிவான வாக்குகள் டிசம்பர் 3-ம் தேதி எண்ணப்பட்டு முடிவுகள் வெளியிடப்படுகின்றன.

ராஜஸ்தான் மாநிலத்தில் 200 தொகுதிகளை கொண்ட சட்டசபை தேர்தல் வாக்குப்பதிவு இன்று காலை 7 மணிக்கு தொடங்கி விறுவிறுப்பாக நடைபெற்றது.

ஸ்ரீகங்கா நகர் கரன்பூர் தொகுதியின் காங்கிரஸ் வேட்பாளர் மரணம் அடைந்ததால், இந்த ஒரு தொகுதியில் மட்டும் வாக்குப்பதிவு நடைபெறவில்லை. அந்த தொகுதியில் மட்டும் ஒத்திவைக்கப்பட்டுள்ளது.

வாக்காளர்கள் காலை முதல் நீண்ட வரிசையில் நின்று உற்சாகமாக வாக்களித்து வந்தனர்.

இந்நிலையில், இன்று மாலை 6 மணியுடன் வாக்குப்பதிவுகள் நிறைவடைந்தது. வாக்கு எண்ணிக்கை டிசம்பர் 3-ந்தேதி நடைபெற இருக்கிறது.

ராஜஸ்தான் மாநில சட்டசபை தேர்தலில் 1 மணி நிலவரப்படி, 40.27 சதவீதம் வாக்குப்பதிவாகி உள்ளது.

வாக்குப்பதிவின் முதல் இரண்டு மணி நேரத்தில் கிட்டத்தட்ட 10 சதவீத வாக்காளர்கள் மட்டுமே வாக்களித்திருந்தனர். காலை 11 மணிக்குள் அந்த எண்ணிக்கை கிட்டத்தட்ட 25 சதவீதமாக உயர்ந்துள்ளது.

தொடர்ந்து, 3 மணி நிலவரப்படி 55 சதவீதம் வாக்குகள் பதிவாகியுள்ளது. பின்னர், 5 மணி நிலவரப்படி 68 சதவீத வாக்குகள் பதிவாகியுள்ளது.

ராஜஸ்தான் மாநிலத்தில் 200 தொதிகளை கொண்ட சட்டசபை தேர்தல் வாக்குப்பதிவு இன்று காலை 7 மணிக்கு தொடங்கி விறுவிறுப்பாக நடைபெற்று வருகிறது. மாலை 6 மணி வரை வாக்குப்பதிவு நடைபெறும். காங்கிரஸ்- பா.ஜனதா இடையே நேரடி போட்டி நிலவுகிறது.

ஸ்ரீகங்கா நகர் கரன்பூர் தொகுதியின் காங்கிரஸ் வேட்பாளர் மரணம் அடைந்ததால், இந்த ஒரு தொகுதியில் மட்டும் வாக்குப்பதிவு நடைபெறவில்லை. அந்த தொகுதியில் மட்டும் ஒத்திவைக்கப்பட்டுள்ளது.

வாக்காளர்கள் காலை முதல் நீண்ட வரிசையில் நின்று உற்சாகமாக வாக்களித்து வருகிறார்கள். வாக்கு எண்ணிக்கை டிசம்பர் 3-ந்தேதி நடைபெற இருக்கிறது.

இந்நிலையில், ராஜஸ்தான் மாநில சட்டசபை தேர்தலில் 1 மணி நிலவரப்படி, 40.27 சதவீதம் வாக்குப்பதிவாகி உள்ளது.

வாக்குப்பதிவின் முதல் இரண்டு மணி நேரத்தில் கிட்டத்தட்ட 10 சதவீத வாக்காளர்கள் மட்டுமே வாக்களித்திருந்தனர். காலை 11 மணிக்குள் அந்த எண்ணிக்கை கிட்டத்தட்ட 25 சதவீதமாக உயர்ந்துள்ளது.

ராஜஸ்தானில் சட்டசபை தேர்தல் வாக்குப்பதிவு இன்று காலை 7 மணிக்கு தொடங்கியது. முதல்வர் அசோக் கெலாட் சர்தார்புரா தொகுதிக்கு உட்பட்ட வாக்குச்சாவடி சென்று வாக்களித்தார்.

பின்னர் அசோக் கெலாட் கூறியதாவது:-

ராஜஸ்தானில் ஆளுங்கட்சிக்கு எதிராக எதிர்ப்பு அலை இல்லை. காங்கிரஸ் மீண்டும் ஆட்சி அமைக்கும். பா.ஜனதா தலைவர்கள் மாநிலத்திற்கு வெளியில் இருந்து பிரசாரத்திற்காக வந்தவர்கள். அடுத்த ஐந்தாண்டுக்கு அவர்களை இங்கு பார்க்க முடியாது. இது மோடிக்கான தேர்தல் இல்லை. இது மாநில சட்டசபை தேர்தல். அவர்களை மீண்டும் ஐந்தாண்டு இங்கே பார்க்க முடியாது. நாங்கள் இங்கேதான் இருப்போம். அதோடு மக்களோடு இருப்போம்" என்றார்.

ராஜஸ்தான் மாநிலத்தில் முதல்-மந்திரி அசோக் கெலாட் தலைமையில் காங்கிரஸ் ஆட்சி நடந்து வருகிறது. அவரது ஆட்சியின் 5 ஆண்டு பதவிக்காலம் அடுத்த ஆண்டு (2024) ஜனவரி மாதம் 14-ந்தேதி நிறைவு பெறுகிறது. இதையடுத்து ராஜஸ்தான் மாநில சட்டசபைக்கு தேர்தல் நடத்தும் அறிவிப்பை கடந்த அக்டோபர் மாதம் 30-ந்தேதி தலைமை தேர்தல் ஆணையம் வெளியிட்டது.

ராஜஸ்தான் மாநிலத்தில் மொத்தம் 200 சட்டசபை தொகுதிகள் உள்ளன. இந்த 200 தொகுதிகளுக்கும் ஒரே கட்டமாக தேர்தல் நடத்தப்படும் என்று அறிவிக்கப்பட்டது. தேர்தல் ஆணையத்தின் அட்டவணைப்படி அங்கு 200 சட்டசபை தொகுதிகளிலும் கடந்த மாதம் 30-ந்தேதி வேட்பு மனு தாக்கல் ஆரம்பித்தது.

கடந்த 6-ந்தேதி மனுதாக்கல் முடிந்தது. மறுநாள் 7-ந்தேதி மனுக்கள் பரிசீலனை செய்யப்பட்டு தகுதி இல்லாத மனுக்கள் நிராகரிக்கப்பட்ட பிறகு 200 தொகுதிகளிலும் 1875 பேர் களத்தில் இருப்பது உறுதிப்படுத்தப்பட்டது. இந்த வேட்பாளர்களில் 183 பேர் பெண் வேட்பாளர்கள்.

இறுதி வேட்பாளர் பட்டியல் வெளியிடப்பட்ட பிறகு 200 தொகுதிகளிலும் அனல் பறக்கும் பிரசாரம் தொடங்கியது. ராஜஸ்தான் மாநிலத்தில் சுமார் 5 கோடியே 25 லட்சம் வாக்காளர்கள் உள்ளனர். இவர்களை குறி வைத்து அனைத்து கட்சிகளும் வாக்குறுதிகளை அள்ளி வீசின.

ராஜஸ்தான் மாநில தேர்தலில் பா.ஜ.க., காங்கிரஸ், ஆம் ஆத்மி உள்பட பல கட்சிகள் களத்தில் நின்றாலும் உண்மையான போட்டி பாரதீய ஜனதாவுக்கும் காங்கிரசுக்கும் இடையேதான் நிலவுகிறது. ஆட்சியை தக்க வைத்துக் கொள்ள காங்கிரசும், ஆட்சியை கைப்பற்ற பா.ஜனதாவும் மிக, மிக தீவிரமாக பிரசாரம் செய்தன.

ராஜஸ்தான் மாநில மக்களை கவரும் வகையில் 7 முக்கிய வாக்குறுதிகளை காங்கிரஸ் கட்சி வெளியிட்டது. குடும்பத் தலைவிகளுக்கு ஆண்டுக்கு ரூ.10 ஆயிரம் உதவித்தொகை, ரூ.500 விலையில் சமையல் எரிவாயு சிலிண்டர், பழைய ஓய்வூதிய திட்டம் ஆகியவை காங்கிரஸ் அறிவித்த முக்கிய வாக்குறுதிகளாகும்.

மேலும் விவசாயிகள் கடன் தள்ளுபடி, அரசு பஸ்சில் பெண்களுக்கு இலவச பயணம், மாணவர்களுக்கு இலவச மடிக்கணினி திட்டங்களையும் ராஜஸ்தான் காங்கிரஸ் அறிவித்து அதிரடி காட்டியது. பாரதிய ஜனதாவும் சில அறிவிப்புகளை வெளியிட்டது.

ராஜஸ்தான் மாநிலத்தில் பா.ஜ.க.வுக்கு மிக, மிக வலுவான தலைவர் இல்லா விட்டாலும் மிக வலுவான அடி மட்டம் வரையிலான பூத் கமிட்டி அமைப்புள்ளது. அடுத்தப்படியாக பிரதமர் மோடியை மட்டுமே அந்த கட்சி நம்பி இருப்பது இந்த தேர்தலில் தெரிகிறது. அதை பூர்த்தி செய்யும் வகையில் பிரதமர் மோடி ராஜஸ்தானில் பல சுற்று பிரசாரத்தில் ஈடுபட்டார்.

பா.ஜ.க. பிரசாரங்களுக்கு பதிலடி கொடுக்கும் வகையில் ராகுல், பிரியங்கா இருவரும் ராஜஸ்தான் முழுவதும் சூறாவளி சுற்றுப் பயணம் செய்து தீவிரமாக ஆதரவு திரட்டினார்கள். இந்த வார தொடக்கத்தில் உச்சக்கட்ட பிரசாரம் நடந்தது. நேற்று முன்தினம் மாலையுடன் தேர்தல் பிரசாரம் நிறைவு பெற்றது.

இதையடுத்து ஓட்டுப் பதிவுக்கு நேற்று அனைத்து ஏற்பாடுகளும் செய்யப்பட்டது. கரன்பூர் தொகுதியில் காங்கிரஸ் வேட்பாளர் குர்மித்சிங் சமீபத்தில் மரணம் அடைந்ததால் 199 தொகுதிகளில் மட்டும் இன்று தேர்தல் நடத்தப்படுகிறது. ஓட்டுப் பதிவுக்காக மாநிலம் முழுவதும் 51 ஆயிரத்து 756 வாக்குச் சாவடிகள் அமைக்கப்பட்டன.

இந்த வாக்குச்சாவடிகளில் இன்று (சனிக்கிழமை) காலை 7 மணிக்கு ஓட்டுப் பதிவு தொடங்கியது. ஆண்களும், பெண்களும் அதிகாலை முதலே வாக்குச் சாவடிகளுக்கு ஆர்வமுடன் திரண்டு வந்தனர். இதனால் ராஜஸ்தானில் பெரும்பாலான தொகுதிகளில் தொடக்கம் முதலே நல்ல விறுவிறுப்பு இருந்ததை காண முடிந்தது.

காலை 9 மணி வரை முதல் 2 மணி நேரத்தில் சுமார் 10 சதவீதம் வாக்குகள் பதிவாகி இருந்தது.

ஓட்டுப்பதிவை சுமூகமாக நடத்தி முடிக்க துணை நிலை ராணுவ வீரர்கள் மற்றும் உள்ளூர் போலீசார் ஓட்டுச்சாவடிகளில் 2 அடுக்கு பாதுகாப்பை வழங்கினார்கள். பதற்றம் ஏற்படலாம் என்று கருதப்படும் வாக்குச்சாவடிகளில் கூடுதல் பாதுகாப்பு ஏற்பாடுகள் செய்யப்பட்டுள்ளன. மொத்தம் 1 லட்சத்து 2 ஆயிரம் போலீசார் பாதுகாப்பு பணியில் ஈடுபட்டுள்ளனர்.

இன்று மாலை 6 மணி வரை ஓட்டுப்பதிவு நடைபெறும். அதன் பிறகு மின்னணு எந்திரங்கள் அனைத்தும் 'சீல்' வைக்கப்பட்டு பலத்த பாதுகாப்புடன் வாக்கு எண்ணும் இடங்களுக்கு எடுத்துச் செல்லப்படும்.

கடந்த 2018-ம் ஆண்டு நடந்த சட்டசபை தேர்தலின்போது 74.72 சதவீதம் வாக்குகள் பதிவாகி இருந்தது. இந்த தடவை அதைவிட சற்று அதிகம் வாக்குகள் பதிவாக வாய்ப்பு உள்ளது.

இதன் காரணமாக ராஜஸ்தானில் ஆட்சியை கைப்பற்றப் போவது காங்கிரசா? அல்லது பாரதீய ஜனதாவா? என்ற எதிர்பார்ப்பு ஏற்பட்டுள்ளது. ராஜஸ்தானில் ஒரு கட்சி தனித்து ஆட்சி அமைக்க 101 இடங்கள் தேவை. கடந்த 2018-ம் ஆண்டு தேர்தலில் காங்கிரஸ் 100 இடங்களிலும், பாரதிய ஜனதா 73 இடங்களிலும் வெற்றி பெற்றிருந்தன.

இந்த ஆண்டு இந்த எண்ணிக்கையில் மிகப்பெரிய மாற்றம் ஏற்படும் என்று கருத்து கணிப்புகள் கூறுகின்றன. சமீபத்தில் நடத்தப்பட்ட கருத்து கணிப்பில் காங்கிரஸ், பாரதீய ஜனதா இரு கட்சிகளுக்கும் தனிப்பெரும்பான்மை கிடைக்காமல் இழுபறி ஏற்படலாம் என்று கூறப்பட்டு இருந்தது.

என்றாலும் காங்கிரசை விட பாரதீய ஜனதா அதிக இடங்களை கைப்பற்றும் என்று கூறப்பட்டுள்ளது. ராஜஸ்தானில் கடந்த 30 ஆண்டுக்கு தேர்தல் வரலாற்றைப் புரட்டிப் பார்த்தால் 5 ஆண்டுகளுக்கு ஒருமுறை ஆட்சி மாற்றம் ஏற்பட்டு இருப்பது தெரியும்.

ஒரு தடவை ஆட்சி அமைத்த கட்சி அடுத்த தேர்தலில் ஆட்சி அமைப்பதில்லை. எனவே இந்த தடவை தங்களுக்கே வெற்றி கிடைக்கும் என்று பா.ஜ.க. தலைவர்கள் மிகுந்த நம்பிக்கையுடன் உள்ளனர். அவர்களது நம்பிக்கையும் ஆசையும் பலிக்குமா? என்பது டிசம்பர் 3-ந்தேதி ஓட்டு எண்ணிக்கையின் போது தெரிந்துவிடும்.

ராஜஸ்தான் மாநிலத்தில் 200 தொதிகளை கொண்ட சட்டசபை தேர்தல் வாக்குப்பதிவு இன்று காலை 7 மணிக்கு தொடங்கியது. மாலை 6 மணி வரை வாக்குப்பதிவு நடைபெறும்.

ஸ்ரீகங்கா நகர் கரன்பூர் தொகுதியின் காங்கிரஸ் வேட்பாளர் மரணம் அடைந்ததால், இந்த ஒரு தொகுதியில் மட்டும் வாக்குப்பதிவு நடைபெறவில்லை. அந்த தொகுதியில் மட்டும் ஒத்திவைக்கப்பட்டுள்ளது. 

வாக்காளர்கள் காலை முதல் நீண்ட வரிசையில் இன்று உற்சாகமாக வாக்களித்து வருகிறார்கள். 5,25,38,105 வாக்காளர்கள் உள்ளனர். 1,862 வேட்பாளர்கள் களத்தில் உள்ளனர். 199 தொகுதிகளிலும் 51,507 வாக்குச்சாவடிகள் அமைக்கப்பட்டுள்ளன.

1.7 லட்சத்திற்கும் மேற்பட்ட போலீசார் பாதுகாப்பு பணியில் ஈடுபடுத்தப்பட்டுள்ளனர். இதில் 70 ஆயிரம் ராஜஸ்தான் போலீசார், 18 அயிரம் ராஜஸ்தான் ஹோம் கார்ட்ஸ், 2 ஆயிரம் ராஜஸ்தான் பார்டர் ஹோம் கார்ட்ஸ், மற்ற மாநிலங்களில் இருந்து 15 ஆயிரம் ஹோம் கார்ட்ஸ் அடங்குவர். மேலும், 120 ஆர்ஏசி கம்பெனிகள் பாதுகாப்பில் ஈடுபடுத்தப்பட்டுள்ளன.

காங்கிரஸ்- பா.ஜனதா இடையே நேரடி போட்டி நிலவுகிறது. வாக்கு எண்ணிக்கை டிசம்பர் 3-ந்தேதி நடைபெற இருக்கிறது.

ஜெய்ப்பூர்:

ராஜஸ்தான் மாநிலத்தில் முதல் மந்திரி அசோக் கெலாட் தலைமையிலான காங்கிரஸ் ஆட்சி நடைபெற்று வருகிறது.

இந்நிலையில், ராஜஸ்தானில் நாளை சட்டசபை தேர்தல் நடக்கவுள்ள நிலையில் அதற்கான ஏற்பாடுகள் செய்யப்பட்டுள்ளன.

மொத்தமுள்ள 200 தொகுதிகளில் கரண்பூர் தொகுதி காங்கிரஸ் வேட்பாளர் குர்மித் சிங் கூனார் உயிரிழந்ததை அடுத்து, மீதமுள்ள 199 தொகுதிகளுக்கு மட்டும் நாளை வாக்குப்பதிவு நடைபெறுகிறது.

இங்கு ஆளும் காங்கிரஸ் மற்றும் எதிர்க்கட்சியான பா.ஜ.க. இடையே கடும் போட்டி நிலவுகிறது. மாநிலம் முழுதும் பல்வேறு இடங்களில் இறுதிக்கட்டமாக நடந்த பிரசாரம் நேற்று மாலையுடன் நிறைவடைந்தது.

இந்த சட்டசபை தேர்தலில் 183 பெண்கள் உட்பட 1,875 பேர் போட்டியிடுகின்றனர். 5.25 கோடி பேர் தங்கள் ஜனநாயக கடமையை நிறைவேற்ற உள்ளனர்.

வாக்குப்பதிவு காலை 7:00 மணி முதல் மாலை 6:00 மணி வரை நடக்கிறது. இதையொட்டி, மாநிலம் முழுதும் உள்ள 51,756 வாக்குச்சாவடிகளில் உள்ளூர் போலீசார் மற்றும் துணை ராணுவப் படையினர் பாதுகாப்புப் பணிகளில் ஈடுபடுத்தப்பட்டுள்ளனர்.

பதற்றமான வாக்குச்சாவடிகளில் கூடுதல் பாதுகாப்பு போடப்பட்டுள்ளது. பதிவாகும் வாக்குகள் டிசம்பர் 3-ம் தேதி எண்ணப்பட உள்ளது.

ராஜஸ்தான் முதல்-மந்திரி அசோக் கெலாட் இன்று காங்கிரஸ் அலுவலகத்தில் நிருபர்களுக்கு பேட்டி அளித்தார். அப்போது அவர் கூறியதாவது:-

ராஜஸ்தான், சத்தீஸ்கர் சட்டசபை தேர்தல்களில் வெற்றிபெற பா.ஜனதா சதி செய்கிறது. மஹாதேவ் சூதாட்ட செயலியும், சிவப்பு டைரி விவகாரமும் பா.ஜனதாவால் உருவாக்கப்பட்டது. இந்த இரண்டு விவகாரங்களும் ஓய்வுபெற்ற சுப்ரீம் கோர்ட்டு நீதிபதியால் விசாரிக்கப்பட வேண்டும்.

ராஜேஷ் பைலட் குறித்து பேசுவதன் மூலம் குர்ஜார் சமூக மக்களை பிரதமர் மோடி தூண்டிவிட முயற்சிக்கிறார். பா.ஜனதா ஆட்சியில் இட ஒதுக்கீடு கேட்டு போராடிய குர்ஜார் சமூகத்தை சேர்ந்த 72 பேர் போலீசாரின் துப்பாக்கி சூட்டில் மரணம் அடைந்தனர். இன்று அந்த சமூக மக்களுக்கு ஆதரவாக இருப்பது போல் பா.ஜனதாவினர் பேசி வருகின்றனர்.

ஆனால் காங்கிரஸ் ஆட்சியில் போராட்டம் நடத்தியவர்கள் மீது எந்தவித தாக்குதலும் நடத்தப்படவில்லை. குர்ஜார் சமூக மக்களுக்கு காங்கிரஸ் அரசு 5 சதவீத இடஒதுக்கீடு வழங்கியுள்ளது.

சதி கோட்பாடுகளை உருவாக்கி மக்களை தவறாக வழி நடத்துவதன் மூலம் தேர்தலில் வெற்றிபெற பா.ஜனதா நினைக்கிறது.

இவ்வாறு அசோக் கெலாட் கூறியுள்ளார்.