அமெரிக்க அதிபர் தேர்தல் முடிவுகள்: காரணத்திற்காகவே என் உயிரை கடவுள் காப்பாற்றினார்.. டொனால்டு டிரம்ப்
Byமாலை மலர்6 Nov 2024 6:46 AM IST (Updated: 6 Nov 2024 5:36 PM IST)
இந்திய நேரப்படி நேற்று மாலை 5.30 மணி முதல் இன்று காலை 5.30 மணி வலை வாக்குப்பதிவு நடைபெற்றது.
ஸ்விங் மாகாணங்களான ஏழு மாகாணங்கள் வெற்றித் தோல்வியை நிர்ணயிக்கும்.
அமெரிக்க அதிபர் தேர்தல் இந்திய நேரப்படி நேற்று மாலை 5.30 மணிக்கு தொடங்கியது. இன்று அதிகாலை 5.30 மணிக்கு வாக்குப்பதிவு நிறைவடைந்தது. வாக்குப்பதிவு நிறைவடைந்ததும் உடனடியாக வாக்குகள் எண்ணும் பணி தொடங்கின. வாக்கு எண்ணிக்கை விறுவிறுப்பாக நடைபெற்று வருகிறது.
டிஸ்ட்ரிக்ட் ஆஃப் கொலம்பியாவில் கமலா ஹாரிஸ் 92.4 சதவீதம் வாக்குள் பெற்று வெற்றி பெற்றார். டிரம்ப் 6.7 சதவீதம் வாக்குகள் மட்டுமே பெற்றார். இங்கு 3 எலக்டோரல் வாக்குகள் உள்ளன.
54 எலக்டோரல் வாக்குகள் கொண்ட கலிபோர்னியாவில் கமலா ஹாரிஸ் வெற்றி பெற்றார். 12 எலக்டோரல் வாக்குகள் கொண்ட வாஷிங்டனிலும் வெற்றி பெற்றார். இரண்டு மாகாணங்களில் 66 வாக்குகளை பெற்றார்.
28 எலக்டோரல் வாக்குகளை கொண்ட நியூயார்க்கில் கமலா ஹாரிஸ் 58.8 சதவீத வாக்குகள் பெற்று வெற்றி பெற்றுள்ளார். டொனால்டு டிரம்ப் 41.2 சதவீதம் வாக்குகள் பெற்றுள்ளார்.
