நீங்கள் தேடியது "English speaking"

ராணிப்பேட்டை:

ராணிப்பேட்டை மாவட்ட கலெக்டர் அலுவலகத்தில் ஆதிதிராவிடர் மற்றும் பழங்குடியினர் நலத் துறை மூலம் 11 மற்றும் 12-ம் வகுப்பு முடித்த மாணவ, மாணவியர்களுக்கு விழுதுகளை வேர்களாக்க எனும் உயர்கல்வி ஆலோசனை நிகழ்ச்சி நடைபெற்றது.

நிகழ்ச்சியில் மாவட்ட கலெக்டர் வளர்மதி தலைமை தாங்கி பேசியதாவது:-

உயர்கல்வியில் சேரும் மாணவ மாணவியர்கள் அனைவரும் ஒரேவித பாடத்தினை தேர்ந்தெடுக்காமல் இன்றைய காலக்கட்டத்தில் எவ்வித படிப்பு நமக்கு பயனுள்ளதாகவும்.

வேலை வாய்ப்புள்ளதாகவும் அமையும் என்பதை அறிந்து பாடப்பிரிவுகளை தேர்ந்தெடுக்க வேண்டும். குறிப்பிட்ட ஒரே பாடப் பிரிவுகளை அனைவரும் தேர்ந்தெடுக்கக் கூடாது. குறிப்பாக மருத்துவம் சார்ந்த படிப்புகளிலேயே பல்வேறு வகையிலான படிப்புகள் உள்ளது.

அதே போன்று உங்களின் தனித்திறமைகளையும் படிக்கும் போதே வார்த்துக் கொள்ளுங்கள், இன்றைய காலகட்டத்தில் அதிகளவிலான குறுகிய கால படிப்புகள் இணையம் வாயிலாகவும், பல்வேறு கல்லூரிகளிலும் நடத்துகின்றார்கள்.

அதில் சேர்ந்து உங்கள் திறமைகளை வளர்த்துக் கொள்ளலாம். அதோடு ஆங்கிலம் பேசும் அறிவினையும் வளர்த்துக் கொள்ளுங்கள். மேலும் ஏதாவது தங்களுக்கு பிடித்த கைத்தொழியையும் கற்றுக் கொள்ள வேண்டும்.

கைவினைப் பொருட்களுக்கு என்றுமே சந்தையில் விற்பனை வாய்ப்பு அதிகம்.

அது நமக்கு கூடுதல் வருமானம் ஈட்டித் தரும் இன்றைய காலத்தில் நாம் அனைவரும் ஸ்மார்ட் போன் பயன்படுத்துகிறோம்.

அதில் எந்த அளவில் நமக்கு பயன் உள்ளதோ அதே அளவில் ஆபத்தும் உள்ளது என்பதை உணர்ந்து கவனமுடன் பயன்ப டுத்துங்கள், அனைத்து மாணவ, மாணவியர்களும் உயர்கல்வியில் சேர்ந்து நல்ல முறையில் படித்து வாழ்க்கையில் மென்மேலும் உயர வேண்டும். இவ்வாறு கலெக்டர் பேசினார்.

இந்த நிகழ்ச்சியில் ஆதி திராவிடர் மற்றும் பழங்குடியினர் நல அலுவலர் பூங்கொடி, பயிற்சியாளர்கள் கோபி, முருகானந்தம், சிவானந்தன், அமுதமணி மற்றும் துறைசார்ந்த அலுவலர்கள், மாணவ மாணவியர்கள் கலந்து கொண்டனர்.

உடுமலை:

அரசு பள்ளிகளில் பயிலும் 4-ம்வகுப்பு முதல் 9-ம் வகுப்பு வரையிலான மாணவர்களுக்கு ஆங்கில பேச்சு பயிற்சி (ஸ்போக்கன் இங்கிலீஷ்) அளிக்க அரசு திட்டமிட்டுள்ளது. இதற்காக அரசு பள்ளிகளில் ஆங்கிலத்தில் புலமை வாய்ந்த ஆசிரியர்கள் கண்டறியப்பட்டு, அவர்களுக்கு பயிற்சி அளிக்க மாநில கல்வி ஆராய்ச்சி மற்றும் பயிற்சி கவுன்சில் முடிவு செய்துள்ளது. உடுமலை திருமூர்த்தி நகரிலுள்ள மாவட்ட கல்வி ஆராய்ச்சி மற்றும் பயிற்சி நிறுவனம் மற்றும் ஒருங்கிணைந்த பள்ளி கல்வி சார்பில், மாவட்ட அளவிலான ஆங்கில பேச்சு பயிற்சி வழங்கப்படுகிறது.

முதற்கட்ட பயிற்சியில் ஆங்கில புலமை வாய்ந்தவர்களாக தேர்வு செய்யப்பட்ட 4,5-ம் வகுப்பு எடுக்கும் 78 ஆசிரியர்கள், 6 முதல் 9-ம் வகுப்பு வரை கற்பிக்கும் 30 ஆசிரியர்கள் பங்கேற்றனர்.இதில் சரளமாக ஆங்கிலம் பேசுவது மற்றும் மாணவர்களை பேச வைப்பதற்கான வழிமுறைகள் குறித்து ஆசிரியர்களுக்கு பயிற்சி அளிக்கப்பட்டது.

இது குறித்து கல்வி அதிகாரிகள் கூறியதாவது: -

மாணவர்கள் பள்ளிப்படிப்பை முடித்து உயர் கல்விக்கு செல்லும் போதும், வேலைவாய்ப்புகளுக்கான நேர்முகத்தேர்வு மற்றும் பிற நாடுகளில் பணிபுரியும் போதும் ஆங்கில உரையாடல் என்பது தவிர்க்க முடியாததாக இருக்கிறது.ஆங்கில மொழியில் சரளமாக உரையாட பயிற்சி அளித்து தொடர்ந்து ஊக்கப்படுத்தும்போது மாணவர்களின் ஆங்கில பேச்சாற்றலை கண்டிப்பாக வளர்க்க முடியும்.இதனால், மாணவர்களின் ஆங்கில பேச்சாற்றல் அதிகரிப்பதோடு ஆங்கில பாடத்தை சுயமாக கற்றறிந்து, படித்த பாடத்தின் கருத்துகளை வெளிப்படுத்தும் திறனை வளர்க்க முடியும்.ஆங்கில மொழியில் சரளமாக உரையாட பயிற்சி அளித்து தொடர்ந்து ஊக்கப்படுத்தும்போது மாணவர்களின் ஆங்கில பேச்சாற்றலை கண்டிப்பாக வளர்க்க முடியும். இவ்வாறு அவர்கள் கூறினர்.