நீங்கள் தேடியது "Hyundai"

டாடா பன்ச் மைக்ரோ எஸ்யுவி-க்கு போட்டியை ஏற்படுத்தும் புது காரை ஹூண்டாய் நிறுவனம் உருவாக்கி வருவதாக தகவல் வெளியாகி உள்ளது. புதிய ஹூண்டாய் மைக்ரோ எஸ்யுவி மாடல் 2023 வாக்கில் அறிமுகம் செய்யப்படும் என்றும் இந்த கார் கிராண்ட் ஐ10 பிளாட்பார்மில் உருவாக்கப்படும் என்றும் கூறப்படுகிறது. இதன் வெளியீடு அடுத்த ஆண்டு பண்டிகை காலக்கட்டத்தில் நடைபெறும் என எதிர்பார்க்கலாம்.

ஹூண்டாய் நிறுவனத்தின் கிராண்ட் ஐ10 பிளாட்பார்மில் சப்-4 மீட்டர் காம்பேக்ட் கார்களான கிராண்ட் ஐ10 நியோஸ் ஹேச்பேக் மற்றும் ஆரா காம்பேக்ட் செடான் மாடல்கள் உருவாக்கப்பட்டு இருக்கின்றன. புதிய மைக்ரோ எஸ்யுவி மாடல் கிராண்ட் ஐ10 பிளாட்பார்மை பயன்படுத்தும் மூன்றாவது கார் மாடல் என்ற பெருமையை பெறும். இந்த கார் Ai3 எனும் குறியீட்டு பெயரில் உருவாக்கப்பட்டு வருகிறது.

புதிய மைக்ரோ எஸ்யுவி மாடல் காம்பேக்ட் யுடிலிட்டி வாகனமாக நிலை நிறுத்தப்படும். இது எஸ்யுவி பிரிவில் குறைந்த விலை மாடலாக இருக்கும். பட்ச் ஸ்டைலிங் மற்றும் அதிகளவு கிரவுண்ட் கிளியரன்ஸ் உள்ளிட்டவை ஹூண்டாய் மைக்ரோ எஸ்யுவி காரின் முக்கிய அம்சங்களாக இருக்கும். தோற்றத்தில் இந்தகார் கேஸ்பர் மாடலை போன்றே காட்சியளிக்கும் என தகவல் வெளியாகி உள்ளது.

புதிய கேஸ்பர் மாடலை ஹூண்டாய் நிறுவனம் சர்வதேச சந்தையில் சமீபத்தில் அறிமுகம் செய்தது. இந்திய சந்தையில் ஹூண்டாய் நிறுவனத்தின் குறைந்த விலை எஸ்யுவி மாடலாக புதிய மைக்ரோ எஸ்யுவி இருக்கும் என கூறப்படுகிறது. இந்த காரில் 1.2 லிட்டர் பெட்ரோல் என்ஜின் வழங்கப்படலாம். இதே என்ஜின் கிராண்ட் ஐ10 நியோஸ் மற்றும் ஆரா மாடல்களிலும் வழங்கப்பட்டு இருக்கிறது.

ஹூண்டாய் மோட்டார் இந்தியா லிமிடெட் நிறுவனம் இந்திய சந்தையில் தனது இரண்டாவது எலெக்ட்ரிக் காரை அறிமுகம் செய்ய தயாராகி விட்டது. மேலும் இது ஹூண்டாய் ஐயோனிக் 5 மாடல் என்பதையும் உறுதிப்படுத்தி இருக்கிறது. புதிய ஹூண்டாய் ஐயோனிக் 5 அடுத்த ஆண்டு துவக்கத்தில் நடைபெற இருக்கும் ஆட்டோ எக்ஸ்போ 2023 நிகழ்வில் அறிமுகம் செய்யப்படும் என எதிர்பார்க்கலாம்.

ஏற்கனவே ஹூண்டாய் கோனா எலெக்ட்ரிக் காரை இந்தியாவில் விற்பனை செய்து வரும் நிலையில், தற்போது E-GMP பிளாட்பார்மில் உருவான முதல் கார் ஐயோனிக் 5 இந்தியா வர இருக்கிறது. இதே பிளாட்பார்மில் தான் கியா EV6 மாடலும் உருவாக்கப்பட்டு இருக்கிறது. புதிய ஐயோனிக் 5 மூலம் ஹூண்டாய் E-GMP பிளாட்பார்மையும் இந்தியா கொண்டு வருகிறது. இதே பிளாட்பார்மில் ஹூண்டாயின் எதிர்கால எலெக்ட்ரிக் வாகனங்கள் உருவாக்கப்பட இருக்கிறது.

புதிய ஐயோனிக் 5 மாடலில் உள்ள அதிவேக எலெக்ட்ரிக் மோட்டார் மணிக்கு அதிகபட்சம் 185 கிலோமீட்டர் வேகத்தில் செல்லும் திறன் கொண்டிருக்கிறது. இதில் உள்ள 5-லின்க் ரியர் சஸ்பென்ஷன், காரில் பயணம் செய்வோருக்கு தலைசிறந்த சவுகரியத்தை வழங்குவதோடு, சிறப்பான ஹேண்ட்லிங் வழங்குகிறது. மேலும் இந்த காரை 350 கிலோவாட் DC சார்ஜர் மூலம் 80 சதவீதம் வரை சார்ஜ் செய்ய 18 நிமிடங்களே ஆகும்.

"மொபிலிட்டி துறையில் சாத்தியமானவற்றுக்கு சவால் விடும் எங்களின் பானி, எலெக்ட்ரிக் குளோபல் மாட்யுலர் பிளாட்பார்ம் -E-GMP-இல் தெளிவாக பிரதிபலிக்கிறது. இந்தியாவில் E-GMP அறிமுகம் செய்வதன் மூலம் வாடிக்கையாளர்களுக்கு அதிநவீன எலெக்ட்ரிக் வாகனங்களை கொண்டுவர முடியும். இந்தியாவில் உள்ள புது தலைமுறை வாடிக்கையாளர்களுக்கு ஏற்ற வகையில் தலைசிறந்த எலெக்ட்ரிக் வாகனங்களை E-GMP உருவாக்கும்." என ஹூண்டாய் மோட்டார் இந்தியா தலைவர், தலைமை செயல் அதிகாரி அன்சூ கிம் தெரிவித்து இருக்கிறார்.

ஹூண்டாய் நிறுவனம் கிராண்ட் i10 நியோஸ் மாடலுக்கு மிட்-லைஃப் அப்டேட் வழங்கும் பணிகளில் ஈடுபட்டு வருகிறது. இந்தியாவில் அறிமுகம் செய்யப்பட இருக்கும் புதிய கிராண்ட் i10 நியோஸ் மாடலுக்கான டெஸ்டிங் துவங்கி இருக்கிறது. புதிய கிராண்ட் i10 நியோஸ் ஃபேஸ்லிஃப்ட் மாடல் சென்னை அருகில் உள்ள ஹூண்டாய் ஆலை பகுதிகளில் சோதனை செய்யப்பட்டு வருகிறது.

புதிய கிராண்ட் i10 நியோஸ் ஃபேஸ்லிஃப்ட் மாடல் அடுத்த ஆண்டு அறிமுகம் செய்யப்படும் என எதிர்பார்க்கலாம். தற்போதைய ஸ்பை படங்களில் புதிய கிராண்ட் i10 நியோஸ் ஃபேஸ்லிஃப்ட் மாடலின் வெளிப்புறம் மூடப்பட்ட நிலையில் காட்சியளிக்கிறது. இந்த காரில் பூமராங் வடிவம் கொண்ட எல்இடி டிஆர்எல்கள் பம்ப்பரின் ஓரத்தில் வழங்கப்படும் என தெரியவந்துள்ளது. இதன் முன்புற கிரில் தற்போது ஹெக்சகோனல் டிசைன் கொண்டிருக்கிறது.

பக்கவாட்டில் புதிய கிராண்ட் i10 நியோஸ் ஃபேஸ்லிஃப்ட் மாடலில் புதிய அலாய் வீல் டிசைன் கொண்டிருக்கிறது. காரின் பின்புறம் அதிகளவு மறைக்கப்பட்டு இருக்கிறது. அதன்படி இந்த காரில் புதிய டிசைன் கொண்ட எல்இடி டெயில் லைட்கள் வழங்கப்படும் என எதிர்பார்க்கலாம்.

முன்னதாக ஜெர்மனியில் எடுக்கப்பட்ட ஸ்பை படங்களில் இந்த ஹேச்பேக் மாடல் ஸ்கை புளூ நிறம் கொண்டிருந்தது. இந்த நிறம் இந்தியாவில் அறிமுகம் செய்யப்படும் பட்சத்தில் இது முற்றிலும் புதிதாக இருக்கும். இந்திய சாலைகளில் டெஸ்டிங் செய்யப்படும் மாடல் வைட் நிறம் கொண்டிருக்கிறது.

தற்போது இந்திய சந்தையில் விற்பனை செய்யப்படும் கிராண்ட் i10 நியோஸ் மாடல்- டைட்டன் கிரே, டைஃபூன் சில்வர், அக்வா டியல், ஃபியரி ரெட் மற்றும் போலார் வைட் என ஐந்து வித நிறங்களிலும், டூயல் டோன் நிற ஆப்ஷனிலும் கிடைக்கிறது. தற்போதைய ஸ்பை படங்களில் காரின் இண்டீரியர் பற்றிய விவரங்கள் எதுவும் இடம்பெறவில்லை. எனினும், புது காரின் இண்டீரியரும் மாற்றப்பட்டு இருக்கும் என்றே தெரிகிறது.

Photo Courtesy: Rushlane

ஹூண்டாய் நிறுவனம் இந்திய சந்தையில் புதிய மைக்ரோ எஸ்யுவி மாடலை அறிமுகம் செய்யும் திட்டம் பற்றி சமீபத்தில் அறிவித்து இருந்தது. இந்த மாடல் சிட்ரோயன் C3 மற்றும் டாடா பன்ச் போன்ற மாடல்களுக்கு போட்டியாக அமையும். மேலும் இந்த கார் கிராண்ட் i10 நியோஸ் மாடலுடன் நிலை நிறுத்தப்படும் என கூறப்படுகிறது. புதிய பி1 செக்மெண்ட் காம்பேக்ட் எஸ்யுவி மாடல் பல்வேறு பவர்டிரெயின் ஆப்ஷன்களில் கிடைக்கும் என தெரிகிறது.

இந்திய சந்தையில் புதிய ஹூண்டாய் மைக்ரோ எஸ்யுவி மாடல் அடுத்த ஆண்டு இறுதியிலோ அல்லது 2024 ஆண்டு துவக்கத்திலோ அறிமுகம் செய்யப்படலாம். புதிய மைக்ரோ எஸ்யுவி மாடல் ஹூண்டாய் Ai3 CUV எனும் குறியீட்டு பெயரில் உருவாக்கப்பட்டு வருவதாக கூறப்படுகிறது. இந்தியாவில் நியோஸ் மற்றும் ஆரா மாடல்கள் உருவாக்கப்பட்டு இருக்கும் பிளாட்ஃபார்மிலேயே புதிய காரும் உருவாக்கப்பட இருக்கிறது.

அந்த வகையில், இந்த கார் கிராண்ட் i10 நியோஸ் மாடலில் வழங்கப்படும் என்ஜின் ஆப்ஷன்களில் கிடைக்கும் என எதிர்பார்க்கலாம் தற்போது இந்திய சந்தையில் விற்பனை செய்யப்படும் ஹூண்டாய் கிராண்ட் i10 நியோஸ் மாடலில் 1.2 லிட்டர் NA பெட்ரோல் மற்றும் 1.0 லிட்டர் டர்போ பெட்ரோல் என்ஜின்கள் வழங்கப்படுகிறது. அறிமுகம் செய்யப்பட்டதும் இந்த மாடல் ஹூண்டாய் நிறுவனத்தின் குறைந்த விலை எஸ்யுவி என்ற பெருமையை பெறும்.

புதிய ஹூண்டாய் காரில் பெரிய இன்ஃபோடெயின்மெண்ட் சிஸ்டம், வயர்லெஸ் சார்ஜ், செமி டிஜிட்டல் இன்ஸ்ட்ரூமெண்ட் கன்சோல், ஆட்டோமேடிக் கிளைமேட் கண்ட்ரோல், புஷ் பட்டன் ஸ்டார்ட், ஹூண்டாய் புளூ லின்க், கூல்டு ஸ்டோரேஜ் கன்சோல், எலெக்ட்ரிக் வசதியுடன் ORVM போன்ற அம்சங்கள் வழங்கப்படும் என எதிர்பார்க்கலாம்.

ஹூண்டாய் இந்தியா நிறுவனம் தனது ஐயோனிக் 5 எலெக்ட்ரிக் வாகனத்திற்கான முன்பதிவு இந்தியாவில் டிசம்பர் 20 ஆம் தேதி துவங்கும் என அறிவித்து இருக்கிறது. ஏற்கனவே இந்த காரின் டெஸ்டிங் இந்தியாவில் துவங்கி நடைபெற்று வருகிறது. மேலும் புதிய ஐயோனிக் 5 எலெக்ட்ரிக் காரின் இந்திய விலை விவரங்கள் அடுத்த ஆண்டு துவக்கத்தில் அறிவிக்கப்படும் என தெரிகிறது.

கியா நிறுவனத்தின் EV6 மாடல் உருவாக்கப்பட்ட E-GMP பிளாட்ஃபார்மிலேயே புதிய ஐயோனிக் 5 மாடலும் உருவாக்கப்பட்டு இருக்கிறது. புதிய ஹூண்டாய் ஐயோனிக் 5 எலெக்ட்ரிக் கார் பானரோமிக் சன்ரூஃப், 20 இன்ச் அளவில் பாராமெட்ரிக் பிக்சல் டிசைன் அலாய் வீல்கள், முழு சார்ஜ் செய்தால் 412 கிலோமீட்டர் வரை செல்லும் ரேன்ஜ் கொண்டிருக்கிறது. இதன் உள்புறம் சுற்றுச்சூழலுக்கு மாசு ஏற்படுத்தாத பொருட்களால் உருவாக்கப்பட்டு இருக்கிறது.

டிசைனை பொருத்தவரை ஹூண்டாய் ஐயோனிக் 5 மாடலில் எல்இடி ஹெட்லேம்ப்கள், இண்டகிரேட் செய்யப்பட்ட எல்இடி டிஆர்எல்கள், ஃபிளஷ்-ஃபிட்டிங் டோர் ஹேண்டில்கள், பிக்சலேட் டிசைன் கொண்ட எல்இடி டெயில் லைட்கள், இண்டகிரேடெட் ஸ்பாயிலர், ஷார்க்-ஃபின் ஆண்டெனா, ஃபௌக்ஸ் முன்புறம் மற்றும் பின்புற ஸ்கிட் பிளேட்கள் வழங்கப்படுகிறது.

காரின் உள்புறம் பெரிய கன்சோலில் ஒரு ஸ்கிரீன் இன்ஸ்ட்ரூமெண்ட் கிளஸ்டர் போன்றும் மற்றொரு ஸ்கிரீன் தொடுதிரை வசதி கொண்ட இன்ஃபோடெயின்மெண்ட் சிஸ்டம், ஃபுளோடிங் செண்டர் கன்சோல், 2-ஸ்போக் ஃபிளாட் பாட்டம் ஸ்டீரிங் வீல், என்ஜின் ஸ்டார்ட்-ஸ்டாப் பட்டன் வழங்கப்பட்டு இருக்கிறது.

சர்வதேச சந்தையில் 2023 ஹூண்டாய் ஐயோனிக் 5 மாடல் 58 கிலோவாட் ஹவர் மற்றும் 72.6 கிலோவாட் ஹவர் பேட்டரி பேக், RWD மற்றும் AWD வெர்ஷ்ன்களில் கிடைக்கிறது. இந்திய சந்தையில் இந்த இரு வேரியண்ட்களும் கிடைக்கும் என கூறப்படுகிறது. புதிய ஐயோனிக் 5 மாடல் உள்நாட்டிலேயே அசெம்பில் செய்யப்படும் என தெரிகிறது. 

ஹூண்டாய் மோட்டார் இந்தியா நிறுவனம் தனது மேம்பட்ட கிராண்ட் i10 நியோஸ் மாடலை இந்திய சாலைகளில் டெஸ்டிங் செய்யும் புகைப்படங்கள் சமீபத்தில் வெளியாகி இருந்தன. இந்திய சந்தையில் ஹூண்டாய் நிறுவனத்தின் குறைந்த விலை மாடலாக கிராண்ட் i10 நியோஸ் மாடல் தற்போது விளங்குகிறது. இந்த காரின் ஃபேஸ்லிஃப்ட் வெர்ஷன் அடுத்த ஆண்டு வாக்கில் அறிமுகம் செய்யப்படும் என கூறப்படுகிறது.

புதிய கிராண்ட் i10 நியோஸ் ஃபேஸ்லிஃப்ட் மட்டுமின்றி ஹூண்டாய் நிறுவனம் தனது i20 பிரீமியம் ஹேச்பேக்கின் ஃபேஸ்லிஃப்ட் மாடலையும் அறிமுகம் செய்யலாம் என தகவல் வெளியாகி உள்ளது. இதை மேலும் உறுதிப்படுத்தும் வகையில் புதிய i20 ஃபேஸ்லிஃப்ட் மாடலின் ஸ்பை படங்கள் இணையத்தில் வெளியாகி இருக்கின்றன.

முற்றிலும் புதுிய i20 மாடல் நவம்பர் 2020 ஆண்டு முதல் விற்பனை செய்யப்பட்டு வருகிறது. அந்த வகையில் தற்போது அறிமுகம் செய்யப்பட இருக்கும் புது ஃபேஸ்லிஃப்ட இந்த காருக்கான முதல் மிக முக்கிய அப்டேட் ஆகும். தற்போதைய ஸ்பை படங்களின் படி புதிய i20 ஃபேஸ்லிஃப்ட் மாடலில் ரிடிசைன் செய்யப்பட்ட கிரில், முன்புற பம்ப்பர் சிறிதளவு காஸ்மெடிக் மாற்றங்களை பெற்று இருக்கிறது.

இத்துடன் புதிய அலாய் வீல்கள், இண்டீரியரை பொருத்தவரை இந்த காரில் டிரன்க் மற்றும் ரியர் பம்ப்பர் காணப்படுகிறது. இத்துடன் எல்இடி லைட்னிங் ஸ்ட்ரிப்கள் டெயில் லைட்களுடன் இணைகிறது. இது ஹூண்டாய் வென்யு மாடலில் உள்ளதை போன்றே காட்சியளிக்கிறது. 2023 ஹூண்டாய் i20 மாடலின் கேபினிலும் அதிக அம்சங்கள் வழங்கப்படும் என எகிர்பார்க்கலாம்.

ஹூண்டாய் நிறுவனத்தின் முற்றிலும் புதிய மைக்ரோ எஸ்யுவி மாடல் டாடா பன்ச் மற்றும் சிட்ரோயன் C3 போன்ற மாடல்களுக்கு போட்டியாக உருவாக்கப்பட்டு வருகிறது. புதிய எஸ்யுவி மாடல் முதல் முறையாக கொரியாவில் ஸ்பை செய்யப்பட்டு இருக்கிறது. இதில் புதிய கார் அதன் ப்ரோடோடைப் வடிவில் இருப்பது தெரியவந்துள்ளது. இந்த வெர்ஷன் இந்தியாவில் உருவாக்கப்பட்டு இங்கிருந்து கொரியாவில் உள்ள தலைமையகத்திற்கு அனுப்பப்பட்டு இருக்கலாம் என கூறப்படுகிறது.

ஹேச்பேக் மாடல்களின் விற்பனை தொடர்ந்து சரிவடைந்து வருவதால் மற்ற ஆட்டோ உற்பத்தியாளர்களை போன்றே ஹூண்டாய் நிறுவனமும் அனைத்து பிரிவுக்கும் ஏற்றவாரு எஸ்யுவி மாடலை உருவாக்கி வருகிறது. இதுவரை பெயரிடப்படாமல் இருக்கும் ஹூண்டாய் எஸ்யுவி மாடல் கிராண்ட் i10 மாடலுக்கு இணையாக இருக்கும் என்றும் இது இந்திய சந்தையில் ஹூண்டாயின் மிகச் சிறிய எஸ்யுவி-யாக இருக்கும் என கூறப்படுகிறது.

புதிய ஹூண்டாய் மைக்ரோ எஸ்யுவி மாடல் Ai3 எனும் குறியீட்டு பெயரில் உருவாகி வருவதாக கூறப்படுகிறது. கொரோனா பெருந்தொற்று தொடங்கும் முன்பு தான் இந்த காரின் உற்பத்தியை துவங்குவதற்கான அனுமதி வழங்கப்பட்டு இருக்கிறது. டெஸ்ட் செய்யப்படும் மாடலை பார்க்கும் போது, கேஸ்பர் மாடலை விட சற்று வித்தியாசமான தோற்றம் கொண்டிருக்கும் என்றெ தெரிகிறது. இதன் ஸ்டைலிங் முற்றிலும் வித்தியாசமாகவும், அதிக எஸ்யுவி பாரம்பரியத்தை கொண்டிருக்கிறது.

இந்த மைக்ரோ எஸ்யுவி மாடலில் ஸ்ப்லிட் ரக ஹெட்லேம்ப் செட்டப், எல்இடி டேடைம் ரன்னிங் லைட்கள், வென்யூ போன்ற ஹெட்லேம்ப் அதன் கீழே பொருத்தப்பட்டு இருக்கிறது. டேடைம் ரன்னிங் லைட்கள் H வடிவம் கொண்டிருக்கின்றன. இதே போன்ற செட்டப் சாண்டா ஃபெ எஸ்யுவி மாடலின் ஸ்பை படங்களிலும் காணப்பட்டது. இது ஹூண்டாய் நிறுவனத்தின் புதிய எல்இடி டிஆர்எல் ஆக இருக்கும் என தெரிகிறது.

பக்கவாட்டு பகுதிகளில் முன்புற ஃபெண்டர்கள் கேஸ்பர் மாடலில் உள்ளதை போன்றே காட்சியளிக்கிறது. பின்புறம் கதவு சற்றே உறுதியானதாகவும், டோப் ஹேண்டில் செவ்வக பகுதியில் பொருத்தப்பட்டு இருக்கிறது. பின்புறம் சற்றே ஆங்குலர் டிசைன் கொண்ட டெயில் லேம்ப்கள், பின்புற பம்ப்பர் முற்றிலும் வித்தியாசமான டிசைன் கொண்டிருக்கிறது. டாடா பன்ச் மற்றும் சிட்ரோயன் C3 மாடல்களை போன்றே இந்த காரிலும் போட்டியை ஏற்படுத்தும் அம்சங்களான சன்ரூஃப் வழங்கப்படுகிறது.

Source : Rushlane | 악군TV

ஹூண்டாய் நிறுவனம் 2023 கோனா மாடலை அறிமுகம் செய்தது. புதிய ஹூண்டாய் கோனா மாடல் நான்கு வித வேரியண்ட்களில் கிடைக்கிறது. புதிய மாடலில் ஹூண்டாய் நிறுவனத்தின் முற்றிலும் புதிய டிசைன் மொழி பின்பற்றப்பட்டு இருக்கிறது. நான்கு வேரியண்ட்களில் ஒரே மாதிரியான யுனிவர்சல் ஆர்கிடெக்ச்சர் பின்பற்றப்பட்டு இருக்கும் போதிலும், இவற்றை தனித்துவப்படுத்தும் ஸ்டைலிங் வழங்கப்பட்டுள்ளது.

புதிய கோனா மாடல் வழக்கமான ICE ரக என்ஜின், கோனா ஹைப்ரிட் எலெக்ட்ரிக் வாகனம், கோனா N லைன் மற்றும் கோனா எலெக்ட்ரிக் என நான்கு வெர்ஷன்களில் கிடைக்கிறது. இவற்றில் கோனா எலெக்ட்ரிக் மாடல் அமெரிக்காவின் கலிஃபோர்னியாவை அடுத்த பாலைவன பகுதிகளில் சோதனை செய்யப்பட்டு வந்த ஸ்பை படங்கள் இணையத்தில் வெளியாகி இருந்தது. கோனா EV மாடலில் பிக்சலெட் செய்யப்பட்ட சீம்லெஸ் ஹாரிசான் லேம்ப், பாராமெட்ரிக் கிரில் டிசைன் வழங்கப்பட்டுள்ளது.

காரின் உள்புறம் 12.3 இன்ச் ஹாரிசாண்டல் டிஸ்ப்ளேக்கள், ஒன்று இன்ஃபோடெயின்மெண்ட் யூனிட் மற்றொன்று இன்ஸ்ட்ரூமெண்ட் கிளஸ்டர் ஆக உள்ளது. இத்துடன் சிங்கில் பேன் சன்ரூஃப், ஆட்டோ டிம்மிங் IRVM, ADAS மற்றும் ஏராளமான அம்சங்கள் வழங்கப்பட்டு இருக்கிறது. கோனா EV மாடலின் பவர்டிரெயின் அம்சங்கள் இதுவரை அறிவிக்கப்படவில்லை.

ஹூண்டாய் மோட்டார் இந்தியா நிறுவனம் இந்தியாவுக்கான ஐயோனிக் 5 எலெக்ட்ரிக் காரை அறிமுகம் செய்தது. புதிய ஐயோனிக் 5 மாடலின் வெளியீடு 2023 ஆட்டோ எக்ஸ்போ நிகழ்வில் நடைபெற இருக்கிறது. புதிய ஐயோனிக் 5 மாடலுக்கான முன்பதிவு துவங்கி இருக்கிறது. இந்த எலெக்ட்ரிக் காருக்கான முன்பதிவு கட்டணம் ரூ. 1 லட்சம் என நிர்ணயம் செய்யப்பட்டு உள்ளது.

அளவீடுகளை பொருத்தவரை புதிய ஹூண்டாய் ஐயோனிக் 5 மாடல் 4635mm நீளம், 1890mm அகலம், 1625mm உயரமாக இருக்கிறது. இந்த காரின் வீல்பேஸ் 3000mm ஆகும். இந்திய சந்தையில் புதிய ஹூண்டாய் ஐயோனிக் 5 மாடல் - மேட் கிராவிட்டி கோல்டு, ஆப்டிக் வைட் மற்றும் மிட்நைட் பிளாக் பியல் என மூன்று வித நிறங்களில் கிடைக்கிறது.

இந்த காரில் 72.6 கிலோவாட் ஹவர் பேட்டரி பேக் வழங்கப்பட்டு இருக்கிறது. இது 214 ஹெச்பி பவர், 350 நியூட்டன் மீட்டர் டார்க் இழுவிசையை வெளிப்படுத்தும் திறன் கொண்டுள்ளது. இந்த கார் முழு சார்ஜ் செய்தால் 631 கிலோமீட்டர் ரேன்ஜ் வழங்கும் என ARAI சான்று பெற்று இருக்கிறது. இத்துடன் ஃபாஸ்ட் சார்ஜிங் வசதி வழங்கப்படுகிறது. அந்த வகையில் 350 கிலோவாட் DC சார்ஜர் மூலம் இந்த காரை 10-80 சதவீதம் வரை சார்ஜ் செய்ய 18 நிமிடங்களே ஆகும்.

பாதுகாப்பிற்கு ஐயோனிக் 5 மாடலில் ஆறு ஏர்பேக், ABS மற்றும் EBD, VESS, EPB, MCB, நான்கு வீல்களிலும் டிஸ்க் பிரேக்குகள் வழங்கப்பட்டுள்ளன. டிசைனை பொருத்தவரை புதிய ஹூண்டாய் ஐயோனிக் 5 மாடலில் பாராமெட்ரிக் பிக்சல் எல்இடி ஹெட்லேம்ப், முன்புறம், பின்புறம் பம்ப்பர்கள், இண்டகிரேட் செய்யப்பட்ட ஸ்கிட் பிலேட்கள், ஆக்டிவ் ஏர் ஃபிளாப்கள், 20 இன்ச் டூயல் டோன் அலாய் வீல்கள், ஃபிலஷ் ஃபிட் டோர் ஹேண்டில்கள், எல்இடி டெயில் லைட்கள், ஷார்க் ஃபின் ஆண்டெனா, இண்டகிரேட் செய்யப்பட்ட ஸ்பாயிலர், ரேக்டு ரியர் விண்ட்ஷீல்டு வழங்கப்பட்டு இருக்கிறது.

காரின் உள்புறம் டார்க் பெபில் கிரே இண்டீரியர் தீம், ஸ்லைடிங் செண்டர் கன்சோல், ஸ்லைடிங் குளோவ் பாக்ஸ், லெவல் 2 ADAS, இரு 12.3 இன்ச் ஸ்கிரீன்கள், V2L (வெஹிகில் டு லோட்) தொழில்நுட்பம், போஸ் நிறுவனத்தின் 8 ஸ்பீக்கர் மியுசிக் சிஸ்டம், புளூ லின்க் கனெக்டெட் கார் தொழில்நுட்பம், பவர்டு டெயில்கேட், ஹீடெட் மற்றும் வெண்டிலேடெட் முன்புற இருக்கைகள், டூயல் ஜோன் கிளைமேட் கண்ட்ரோல், வயர்லெஸ் சார்ஜிங், பவர்டு முன்புற இருக்கை மற்றும் லம்பர் சப்போர்ட், மெமரி ஃபன்ஷன் உள்ளது.

ஹூண்டாய் நிறுவனம் அடுத்த ஆண்டு ஜனவரி 11 ஆம் தேதி துவங்கும் 2023 ஆட்டோ எக்ஸ்போ நிகழ்வுக்காக தயாராகி வருகிறது. புது டெல்லியில் நடைபெறும் இந்த நிகழ்வு ஆட்டோமொபைல் துறையில் முக்கியமான ஒன்று ஆகும். இதில் ஹூண்டாய் நிறுவனம் தனது புதிய, கான்செப்ட் மற்றும் தற்போதைய மாடல்களை காட்சிப்படுத்த திட்டமிட்டுள்ளது. இதில் ஐயோனிக் 5 எலெக்ட்ரிக் கார் அனைவரின் கவனத்தை ஈர்க்கும் மாடலாக இருக்கும்.

இதுதவிர ஹூண்டாய் நிறுவனத்தின் ஐயோனிக் 6 மாடலும் நிகழ்வில் காட்சிப்படுத்தப்படலாம் என தகவல் வெளியாகி உள்ளது. ஐயோனிக் 6 ஹூண்டாய் சமீபத்தில் அறிமுகம் செய்த எலெக்ட்ரிக் செடான் மாடல் ஆகும். சர்வதேச சந்தையில் ஹூண்டாய் நிறுவனத்தின் மூன்றாவது எலெக்ட்ரிக் வாகனமாக ஐயோனிக் 6 அறிமுகம் செய்யப்பட்டு இருக்கிறது. மற்ற இரு ஹூண்டாய் எலெக்ட்ரிக் கார்கள்- கோனா மற்றும் ஐயோனிக் 5 ஏற்கனவே இந்தியாவில் அறிமுகம் செய்யப்பட்டு விட்டன.

ஐயோனிக் 6 மாடல் E-GMP பிளாட்ஃபார்மில் உருவாக்கப்பட்டு இருக்கிறது. இதே பிளாட்ஃபார்மில் தான் கியா EV6 மாடலும் உருவாக்கப்பட்டது. ஸ்டைலிஷ் ஃபுல் எலெக்ட்ரிக் செடான் மாடலான ஐயோனிக் 6 ஏரோடைனமிக் சில்ஹவுட் டிசைன் கொண்டிருக்கிறது. இந்த காரின் பின்புறம் பிக்சல் ஸ்டைல் எல்இடி டெயில் லைட்கள் உள்ளன. இத்துடன் டக்டெயில் ரியர் ஸ்பாயிலர், வளைந்த ஷோல்டர் லைன் உள்ளது.

எலெக்ட்ரிக் காரின் உள்புறத்தில் ஃபிலாட் செண்டர் கன்சோல், டூயல் 12 இன்ச் டச் ஸ்கிரீன்கள், 2-ஸ்போக் ஸ்டீரிங் வீல் உள்ளது. அளவீடுகளை பொருத்தவரை ஐயோனிக் 6 மாடல் 4855mm நீளமாகவும், 1880mm அகலமாகவும், 1495mm உயரம் மற்றும் 2950mm வீல்பேஸ் கொண்டிருக்கிறது. அளவில் இந்த கார் டெஸ்லா மாடல் 3, போல்ஸ்டார் 2 மற்றும் பிஎம்டபிள்யூ i4 மாடல்களுக்கு மிக நெருக்கமாக உருவாக்கப்பட்டு இருக்கிறது.

ஹூண்டாய் ஐயோனிக் 6 மாடல் 53 கிலோவாட் ஹவர் மற்றும் 77 கிலோவாட் ஹவர் என இருவித பேட்டரி பேக் ஆப்ஷன்களில் கிடைக்கிறது. இத்துடன் சிங்கில் மோட்டார் RWD ஸ்டாண்டர்டு அம்சமாகவும், டாப் வேரியண்ட்களில் டூயல் மோட்டார், AWD ஆப்ஷன் வழங்கப்படுகிறது. ஐயோனிக் 6 காரில் டூயல் மோட்டார் செட்டப் 320 ஹெச்பி பவர், 605 நியூட்டன் மீட்டர் டார்க் இழுவிசையை வெளிப்படுத்துகிறது.

தற்போதைய ஐயோனிக் 5 மாடலில் உள்ள RWD செட்டப் 228 ஹெச்பி பவர், 350 நியூட்டன் மீட்டர் டார்க் இழுவிசையை வெளிப்படுத்துகிறது. புதிய ஐயோனிக் 6 மாடலின் RWD 53 கிலோவாட் ஹவர் வெர்ஷன் முழு சார்ஜ் செய்தால் 429 கிலோமீட்டர்களும், 77.4 கிலோவாட் ஹவர் பேட்டரி கொண்ட RWD வெர்ஷன் 614 கிலோமீட்டர்களும், AWD வெர்ஷன் 583 கிலோமீட்டர்கள் செல்லும் என WLTP சான்று பெற்றுள்ளன.

ஹூண்டாய் இந்தியா நிறுவனம் ஐயோனிக் 5 ஆல்-எலெக்ட்ரிக் கிராஸ்ஒவர் மாடலை இந்திய சந்தையில் டிசம்பர் 20 ஆம் தேதி அறிமுகம் செய்து இருந்தது. இந்த எலெக்ட்ரிக் காருக்கான முன்பதிவு ஏற்கனவே துவங்கி நடைபெற்று வருகிறது. ஹூண்டாய் ஐயோனிக் 5 இந்திய விலை விவரங்கள் அடுத்த ஆண்டு துவக்கத்தில் நடைபெற இருக்கும் ஆட்டோ எக்ஸ்போ 2023 நிகழ்வில் அறிவிக்கப்பட இருக்கிறது.

இந்திய சந்தையில் ஐயோனிக் 5 மாடல் ஒற்றை ஃபுலி லோடெட் வேரியண்ட் ஆக விற்பனைக்கு வருகிறது. இந்த எலெக்ட்ரிக் கார் மூன்று வித நிறங்களில் கிடைக்கும். புதிய ஐயோனிக் 5 வாங்கும் வாடிக்கையாளர்களுக்கு ஹூண்டாய் நிறுவனம் பிரத்யேக சர்வீஸ் பேக்கேஜ் வழங்குகிறது.

அதன்படி மூன்று ஆண்டுகள் அல்லது அன்லிமிடெட் கிலோமீட்டர்கள், எட்டு ஆண்டுகள் அல்லது 1 லட்சத்து 60 ஆயிரம் கிலோமீட்டர்கள் பேட்டரி வாரண்டி வழங்க இருக்கிறது. இதுதவிர மூன்று ஆண்டுகளுக்கு ரோட்-சைடு அசிஸ்டண்ஸ், வாரண்டியை ஐந்து ஆண்டுகள் அல்லது 1 லட்சத்து 40 ஆயிரம் கிலோமீட்டர்களுக்கு வாரண்டி வழங்கும் என கூறப்படுகிறது.

இத்துடன் இரண்டு (3.3 கிலோவாட் மற்றும் 11 கிலோவாட்) ஹோம் சார்ஜர்களை இலவசமாக வழங்கவும் ஹூண்டாய் முடிவு செய்து இருப்பதாக தெரிகிறது. இவைதவிர ஐகேர் மெயின்டனன்ஸ் பேக்கேஜ் வழங்க இருக்கிறது. இதில் வெஹிகில்-டு-வெஹிகில் சார்ஜிங் சப்போர்ட் வழங்கப்படுகிறது. இந்த வசதி நான்கு நகரங்களில் வழங்கப்பட இருக்கிறது.

தென் கொரிய கார் உற்பத்தியாளரான ஹூண்டாய் இந்திய சந்தையில் கிராண்ட் i10 நியோஸ் மற்றும் ஆரா மாடல்களில் CNG ஆப்ஷனை வழங்கி வருகிறது. எனினும், மாருதி சுசுகி அளவுக்கு அதிக கார்களில் CNG வசதியை ஹூண்டாய் வழங்கவில்லை. 2023 ஏப்ரல் மாதம் முதல் புதிய புகை விதிகள் அமலுக்கு வர இருக்கின்றன.

புது விதிகளின் படி பெரும்பாலான 2.0 லிட்டருக்கும் குறைந்த திறன் கொண்ட என்ஜின்களில் மாற்றம் செய்ய வேண்டும். புதிய புகை விதிகளுக்கு ஏற்ப மாற்றம் செய்யப்படவில்லை எனில், அவற்றை கார்களில் பயன்படுத்த முடியாத சூழல் ஏற்படும். இவ்வாறு மாற்றம் செய்யப்படாத 17 வாகனங்கள் விரைவில் நிறுத்தப்பட இருப்பதாக கூறப்படுகிறது.

இந்த நிலையில், ஹூண்டாய் நிறுவனத்தின் i20 N லைன் மாடல் சோதனை செய்யப்படும் போது எடுக்கப்பட்ட வீடியோ வெளியாகி உள்ளது. ஸ்பை வீடியோவில் டெஸ்டிங் செய்யப்படும் ஹூண்டாய் i20 N லைன் மாடலில் - On Test By ARAI எனும் ஸ்டிக்கர் ஒட்டப்பட்டு இருக்கிறது. அந்த வகையில், சோதனை செய்யப்படும் கார் ஒன்று CNG வேரியண்ட் ஆகவோ அல்லது புது விதிகளுக்கு பொருந்தும் மாற்றங்களுடனோ சோதனை செய்யப்படலாம்.

தொடர்ந்து எரிபொருள் விலை அதிகரித்து வருவதால், CNG தொழில்நுட்பம் பெருமளவு வரவேற்பை பெற துவங்கி இருக்கிறது. எண்ட்ரி-லெவல் கார்களில் துவங்கி பிரீமியம் ஹேச்பேக், பிரீமியம் எம்பிவி மற்றும் காம்பேக்ட் எஸ்யுவி மாடல்களிலும் CNG ஆப்ஷனாக வழங்கப்பட்டு வருகிறது. இதுவரை பிரீமியம் ஹேச்பேக் பிரிவில் பலேனோ மற்றும் கிளான்சா மாடல்களில் இந்த ஆப்ஷ் வழங்கப்பட்டுள்ளது.

இதுதவிர டாடா அல்ட்ரோஸ், ஹூண்டாய் i20 போன்ற கார்களும் இதே வழியை பின்பற்றும் என தெரிகிறது. ஹூண்டாய் i20 N லைன் மாடல் விசேஷ உபகரணங்களுடன் சோதனை செய்யப்படுகிறது. இதை அடுத்து இந்த கார் டர்போ என்ஜின் அல்லாத போட்டி நிறுவன கார்களுக்கு போட்டியாக களமிறக்க ஹூண்டாய் முடிவு செய்து இருக்கலாம் என தெரிகிறது.

Photo Courtesy: Cyrus Dhabhar