நீங்கள் தேடியது "Kerala Southwest Monsoon"

கொழிஞ்சாம்பாறை:

கேரள மாநிலம் கண்ணூர் மாவட்டம் பையனூரை சேர்ந்தவர் சங்கரன். இவரது மகள் ஸ்வகா (வயது 16). அங்குள்ள தனியார் பள்ளியில் பிளஸ்-1 படித்து வருகிறார்.

கேரளாவில் பெய்த பலத்த மழையால் பெரும் சேதம் ஏற்பட்டது. பலகோடி இழப்பு ஏற்பட்டத்தையொட்டி அரசு பெரும் தொகை எதிர்பார்த்துள்ளது. இந்நிலையில் கேரள முதல்-மந்திரியின் நிவாரண நிதிக்கு பல்வேறு இடங்களில் இருந்து நிதி அளிக்கப்பட்டு வருகிறது.

இந்த தகவல் மாணவி ஸ்வகாவுக்கு தெரியவந்தது. தானும் ஏதாவது செய்ய வேண்டும் என்று நினைத்தார். தனது தந்தை தனக்கு எழுதி வைத்த 1 ஏக்கர் நிலத்தை நிவாரணமாக வழங்க முடிவு செய்தார். இது குறித்து முதல்-மந்திரி பினராயி விஜயனுக்கு கடிதம் எழுதினார்.

கடிதத்தை படித்த முதல்-மந்திரி நெகிழ்ச்சியடைந்து பாராட்டினர். நிவாரணத்தை கண்ணூர் கலெக்டரிடம் ஒப்படைக்கும்படி கூறினார். இதனையடுத்து மாணவி கண்ணூர் கலெக்டர் முகமது அலியிடம் தனது 1 ஏக்கர் நிலத்தை நிவாரணத்துக்கு வழங்கினார்.

மாணவி வழங்கிய ஒரு ஏக்கர் நிலம் ரூ.2 கோடிக்கு மேல் இருக்கும் என்று ரியல் எஸ்டேட் அதிபர்கள் கூறினர்.

புதுச்சேரி:

புதுவை போலீஸ் கட்டுப்பாட்டு அறை பிரிவில் போலீஸ் ஏட்டாக பணி புரிந்து வருபவர் தேவ் ஆனந்த் (வயது 44). இவர் கோரிமேடு போலீஸ் குடியிருப்பில் தனது குடும்பத்துடன் வசித்து வந்தார்.

இவரது சொந்த ஊர் கேரள மாநிலத்தில் உள்ள புதுவை பிராந்தியமானமாகி ஆகும். இவர், கடந்த 16-ந் தேதி குடும்பத்துடன் சொந்த ஊரானமாகிக்கு புறப்பட்டு சென்றார்.

மழை வெள்ளம் காரணமாக கேரளாவுக்கு அனைத்து ரெயில்களும் ரத்து செய்யப்பட்டதால் ஈரோட்டில் இருந்து கோவை வழியாக பஸ்சில் பாலக்காடு சென்றார். பின்னர் பஸ்சில் குடும்பத்தினரை அமர வைத்து விட்டு உணவு வாங்குவதற்காக தேவ் ஆனந்த் இறங்கி சென்றார்.

ஆனால், வெகுநேர மாகியும் தேவ் ஆனந்த் வரவில்லை. இதையடுத்து அவரது குடும்பத்தினர் மட்டும் மாகி சென்றனர். அதன் பிறகும் தேவ் ஆனந்த் வீடு திரும்பாததால் அவரது குடும்பத்தினர் இது பற்றி பாலக்காடு போலீசில் புகார் செய்தனர். போலீசார் வழக்கு பதிவு செய்து விசாரணை நடத்தி வந்தனர்.

இந்த நிலையில் பாலக்காட்டில் ஒரு நீரோடை பாலத்தின் அடியில் தேவ் ஆனந்த் பிணமாக கிடந்தார். உணவு வாங்க சென்ற போது தேவ் ஆனந்த் மழை வெள்ளத்தில் அடித்து செல்லப்பட்டு இறந்து போனதாக கூறப்படுகிறது.

இதையடுத்து பாலக்காடு போலீசார் தேவ் ஆனந்தின் உடலை கைப்பற்றி பிரேத பரிசோதனைக்காக அங்குள்ள அரசு ஆஸ்பத்திரிக்கு அனுப்பி வைத்தனர்.

புதுச்சேரி:

கேரளாவில் கடந்த 9 நாட்களாக பெய்த கனமழை வெள்ளத்தால் அங்கு வரலாறு காணாத அளவில் பாதிப்பு ஏற்பட்டது. இதையடுத்து மாநில அரசு மற்றும் பிறமாநில அரசுகள் கேரளாவுக்கு நிவாரணநிதி அளித்து வருகிறது.

இதற்கிடையே கேரள மழை வெள்ள நிவாரணத்துக்கு புதுவை அரசு ஊழியர்கள் தங்களது ஒரு நாள் சம்பளத்தை வழங்க வேண்டும் என்று புதுவை கவர்னர் கிரண்பேடி, முதல்-அமைச்சர் நாராயணசாமி ஆகியோர் வேண்டுகோள் விடுத்தனர்.

இந்த வேண்டுகோளை ஏற்று புதுவை அரசு ஊழியர்கள் தங்களது ஒரு நாள் சம்பளத்தை வழங்க முன்வந்துள்ளனர். அதற்கான ஒப்புதல் கடிதத்தை புதுவையில் உள்ள அனைத்து அரசுஊழியர்கள் சங்க நிர்வாகிகள் இன்று முதல்-அமைச்சர் நாராயணசாமியை சந்தித்து அளித்தனர்.

எனது வேண்டுகோளை ஏற்று புதுவை அரசு ஊழியர்கள் கேரள மழை வெள்ள நிவாரணத்துக்கு தங்களது ஒரு நாள் சம்பளத்தை மனமுவந்து வழங்கி உள்ளதற்கு நன்றியை தெரிவித்து கொள்கிறேன்.

இதுபோல் பொதுத்துறை, கூட்டுறவுத்துறை ஊழியர்களும் ஒருநாள் சம்பளத்தை கேரள மழை வெள்ள நிவாரணத்துக்கு வழங்கி உள்ளனர். இதன் மூலம் திரட்டப்பட்ட ரூ.7 கோடி நிதியை கேரளாவுக்கு அனுப்ப உள்ளோம்.

இவ்வாறு அவர் கூறினார்.