நீங்கள் தேடியது "Motorboat service stop"

கன்னியாகுமரி:

கன்னியாகுமரி கடலில் சுனாமிக்கு பிறகு அடிக்கடி பல்வேறு மாற்றங்கள் நிகழ்ந்து வருகின்றன. குறிப்பாக அமாவாசை, பவுர்ணமி போன்ற நாட்களில் இந்த இயற்கை மாற்றங்கள் நிகழ்ந்து வருகின்றன.

அதன்படி பவுர்ணமியை யொட்டி கன்னியாகுமரியில் இன்று பயங்கர சூறாவளி காற்றுடன் கடல் சீற்றம் ஏற்பட்டது. இதனால்யில் முக்கடலும் சங்கமிக்கும் திரிவேணி சங்கமம் பகுதியில் வங்க கடல், இந்திய பெருங்கடல், அரபிக் கடல் ஆகிய 3 கடல்களும் சீற்றமாக காணப்பட்டது.

இதனால் சுமார் 10 அடி முதல் 15 அடி உயரத்துக்கு ராட்சத அலைகள் ஆக்ரோஷமாக எழும்பி வீசுகின்றன. இதைத்தொடர்ந்து சுற்றுலாப் பயணிகள் கடலில் இறங்கி குளிப்பதற்கு அச்சப்பட்டனர்.

கடலில் இறங்கிய சிலரை ரோந்து பணியில் ஈடுபட்ட சுற்றுலா போலீசாரும் கடலோர பாதுகாப்பு குழும போலீசாரும் அங்கு இருந்து வெளியேற்றி எச்சரித்து அனுப்பி வைத்தனர்.

விவேகானந்தர் நினைவு மண்டபம் அமைந்து உள்ள வங்ககடல் பகுதியில் கடுமையான சீற்றம் காணப்பட்டதால் அங்கு செல்வதற்கான படகு போக்குவரத்து காலையில் ரத்து செய்யப்பட்டது. இதனால் சுற்றுலா பயணி கள்ஏமாற்றமடைந்தனர்.

கடல் சகஜநிலைக்கு திரும்புவதை பொறுத்து படகு போக்குவரத்து இயக்கப்படும்என்று பூம்புகார் கப்பல் போக்கு வரத்து கழகம் அறிவித்து உள்ளது. இது சம்பந்தமான அறிவிப்பு பலகை படகுத்துறை நுழை வாயிலில் வைக்கப்பட்டு உள்ளது.

விவேகானந்தர் நினைவு மண்டபத்துக்கும் திரு வள்ளுவர் சிலைக்கும் இடையே இணைப்புபால பணிகள் நடைபெற்று வருவதால் திருவள்ளுவர் சிலைக்கு ஏற்கனவே கடந்த ஒரு வருடத்துக்கு முன்பே படகு போக்குவரத்து ரத்து செய்யப்பட்டுள்ளது குறிப்பிடத்தக்கதாகும்.

கன்னியாகுமரி, சின்ன முட்டம், வாவத்துறை, கோவளம், கீழமணக்குடி, மணக்குடி போன்ற கடற்கரை கிராமங்க ளிலும் கடல் சீற்றமாக காணப்பட்டது. கன்னியாகுமரியில் இருந்து வட்டக்கோட்டைக்கு உல்லாச படகு சவாரி நடத்தப்படவில்லை. 

மேட்டுப்பாளையம்,

மேட்டுப்பாளையம் அருகே மேற்கு தொடர்ச்சி மலைப்பகுதியை ஒட்டிய கேரளா மற்றும் நீலகிரி மலைப்பகுதிகளில் தென்மேற்கு பருவமழை கடந்த சில மாதங்களுக்கு முன் பெய்தது.

இதையொட்டி உள்ள 100 அடி கொள்ளளவு கொண்ட பில்லூர் அணைக்கு நீர்வரத்து அதிகரித்து அணையின் பாதுகாப்பு கருதி அணையிலிருந்து தண்ணீர் அப்படியே பவானி ஆற்றில் திறந்து விடப்பட்டது. மேலும் நீலகிரி மாவட்டத்தில் மற்ற பகுதிகளிலும் மழையின் தாக்கம் அதிகளவில் பெய்ததால் கோத்தகிரி, கூடலூர் மாயாறு வழியாகவும் தண்ணீர் பவானி சாகர் அணைக்கு வந்து சேர்ந்தது.

இதனால் பவானி சாகர் அணையின் நீர்மட்டம் உயர தொடங்கியது. அணையின் நீர்தேக்க பகுதிகளான சிறுமுகை, லிங்காபுரம், காந்தயல், லிங்காபுரம் பகுதியில் தண்ணீர் சூழ்ந்து வெள்ளக்காடாக மாறியது. இதனிடையே லிங்காபுரத்தில் இருந்து காந்தவயல், காந்தையூர், மேலூர், ஆலூர் உள்ளிட்ட கிராமங்களுக்கு செல்லும் சாலை முற்றிலும் துண்டிக்கப்பட்டது.

இதையடுத்து 4 கிராம மக்கள் பயணம் செய்ய பரிசல் பயணம் தொடங்கப்பட்டது. இதில் பள்ளி, கல்லூரி, வேலைக்கு செல்வோர் சென்று வந்தனர். மேலும் தண்ணீர் வரத்து அதிகரித்ததால் பொள்ளாச்சி ஆழியார் அணையில் இருந்து மோட்டார் படகுகள் கொண்டு வரப்பட்டு இப்பகுதியில் கூடுதலாக இயக்கப்பட்டு வந்தன.

தற்போது பவானிசாகர் அணையின் நீர்மட்டம் குறைய தொடங்கி உள்ளதால் மோட்டார் படகு இயக்கம் குறைந்துள்ளது. இதனால் பரிசல் மட்டுமே இயக்க கூடிய சூழல் உருவாகி உள்ளது. எனவே ஆழியாறு அணையில் இருந்து கொண்டு வரப்பட்ட மோட்டார் படகு மீண்டும் ஆழியாறு அணைக்கு திருப்பி அனுப்பப்பட்டது. மேலும் தண்ணீர் குறைந்தவுடன் விரைவில் உயர்மட்ட பாலம் கட்டும் பணி தொடங்க உள்ளதாக சிறுமுகை பேரூராட்சி நிர்வாகம் தெரிவித்துள்ளனர்.