நீங்கள் தேடியது "NZvENG"

கிறிஸ்ட்சர்ச்:

இங்கிலாந்து கிரிக்கெட் அணி 3 டெஸ்டில் விளையாடுவதற்காக நியூசிலாந்து சென்றுள்ளது. இரு அணிகள் மோதும் முதல் டெஸ்ட் போட்டி கிறிஸ்ட்சர்ச் மைதானத்தில் நேற்று தொடங்கியது. டாஸ் வென்ற இங்கிலாந்து பந்து வீச்சை தேர்வு செய்தது.

அதன்படி, பேட்டிங் செய்த நியூசிலாந்து அணி முதல் நாள் முடிவில் 8 விக்கெட்டுக்கு 319 ரன்கள் எடுத்திருந்தது. சதமடிப்பார் என எதிர்பார்க்கப்பட்ட கனே வில்லியம்சன் 93 ரன்னில் அவுட்டானார். பிலிப்ஸ் 41 ரன்னும், சவுதி 10 ரன்னும் எடுத்து களத்தில் இருந்தனர்.

இந்நிலையில், இரண்டாம் நாள் ஆட்டம் இன்று தொடங்கியது. பொறுப்புடன் ஆடிய கிளென் பிலிப்ஸ் அரை சதம் கடந்தார். சவுத்தி 15 ரன்னிலும் அடுத்து வந்த வில்லியம் ஓரோர்கே ரன் ஏதும் எடுக்காமல் அவுட் ஆனார். பிலிப்ஸ் 58 ரன் எடுத்து கடைசி வரை ஆட்டமிழக்காமல் இருந்தார். இதனால் நியூசிலாந்து முதல் இன்னிங்சில் 348 ரன்களுக்கு ஆல் அவுட்டானது. இங்கிலாந்து சார்பில் பஷீர், பிரிடன் கேர்ஸ் தலா 4 விக்கெட்டும், கஸ் அட்கின்சன் 2 விக்கெட்டும் கைப்பற்றினர்.

இதையடுத்து, இங்கிலாந்து அணியின் தொடக்க வீரர்களாக சாக் கிராலி- பென் டக்கெட் களமிறங்கினர். சாக் கிராலி 0 ரன்னிலும் அடுத்து வந்த ஜேக்கப் பெத்தேல் 10, ஜோரூட் 0, டக்கெட் 46 என அடுத்தடுத்து விக்கெட்டுகளை இழந்தனர். இதனால் இங்கிலாந்து அணி 71 ரன்களில் 4 விக்கெட்டுகளை இழந்து திணறியது.

இதனையடுத்து ஹாரி ப்ரூக் - ஒல்லி போப் ஜோடி சேர்ந்து பொறுப்புடன் விளையாடி அணியின் ஸ்கோரை உயர்த்தினர். இருவரும் அரை சதம் விளாசினார். 77 ரன்னில் போப் ஆட்டமிழந்தார். தொடர்ந்து சிறப்பான ஆட்டத்தை வெளிப்படுத்திய ஹாரி ப்ரூக் சதம் அடித்து அசத்தினார். இதனால் 2-ம் நாள் ஆட்ட நேர முடிவில் இங்கிலாந்து அணி 5 விக்கெட்டுகளை இழந்து 319 ரன்கள் எடுத்துள்ளது.

இந்த போட்டியில் நியூசிலாந்து வீரர் கிளென் பிலிப்ஸ் பிடித்த கேட்ச் ஒன்று சமூக வலைதளங்களில் வைரலாகி வருகிறது. 53 ஓவரை டிம் சவுத்தி வீசினார். அந்த ஓவரின் 2-வது பந்தில் போப் அடித்த பந்தை நியூசிலாந்து அணியின் சிறந்த பீல்டரான கிளென் பிலிப்ஸ் பாய்ந்து பிடித்தார்.

பீல்டர் என்றால் முன்னாள் தென் ஆப்பிரிக்கா வீரரான ஜாண்டி ரோட்ஸ் தான் நம் நினைவுக்கு வருவதுண்டு. அவரை போலவே இவரவும் அந்தரத்தில் கேட்ச் பிடித்து கிளென் பிலிப்ஸ் அசத்தி உள்ளார் எனவும் விட்டால் அவரையே மிஞ்சி விடுவார் எனவும் கிரிக்கெட் ரசிகர்கள் கருத்து தெரிவித்து வருகின்றனர்.

கிறிஸ்ட்சர்ச்:

இங்கிலாந்து - நியூசிலாந்து இடையிலான முதலாவது டெஸ்ட் கிரிக்கெட் போட்டி கிறிஸ்ட்சர்ச்சில் நேற்று முன்தினம் தொடங்கியது. இதில் டாஸ் வென்ற இங்கிலாந்து அணியின் கேப்டன் ஸ்டோக்ஸ் பந்துவீச்சை தேர்வு செய்தார்.

அதன்படி முதலில் பேட் செய்த நியூசிலாந்து அணி முதல் இன்னிங்சில் 91 ஓவர்களில் 348 ரன்களில் ஆல்-அவுட் ஆனது. அதிகபட்சமாக வில்லியம்சன் 93 ரன்கள் அடித்தார்.

பின்னர் தனது முதல் இன்னிங்சை தொடங்கிய இங்கிலாந்து அணி 499 ரன்கள் குவித்த நிலையில் ஆல் அவுட் ஆனது. அதிகபட்சமாக ஹாரி புரூக் 171 ரன்களும், ஸ்டோக்ஸ் 80 ரன்களும் அடித்தனர்.

இதனையடுத்து 151 ரன்கள் பின்னிலையுடன் 2-வது இன்னிங்சை தொடங்கிய நியூசிலாந்து அணி 3-வது நாளில் 6 விக்கெட்டுகளை இழந்து 155 ரன்கள் அடித்துள்ளது. சிறப்பாக விளையாடி அரைசதம் அடித்த வில்லியம்சன் 61 ரன்களில் வீழ்ந்தார்.

முன்னதாக வில்லியம்சன் இந்த 2-வது இன்னிங்சில் 26 ரன்கள் எடுத்திருந்தபோது டெஸ்ட் கிரிக்கெட்டில் 9000 ரன்களை கடந்தார். இதன் மூலம் டெஸ்ட் வரலாற்றில் நியூசிலாந்து தரப்பில் 9000 ரன்கள் அடித்த முதல் வீரர் என்ற மாபெரும் சாதனையை அவர் படைத்துள்ளார்.

நியூசிலாந்து மற்றும் இங்கிலாந்து அணிகள் மோதும் முதல் டெஸ்ட் போட்டி கிறிஸ்ட்சர்ச் நகரில் நடைபெற்றது. இந்தப் போட்டியில் இங்கிலாந்து அணி டெஸ்ட் வரலாற்றில் 100 ரன்களை அதிவேகமாக சேஸ் செய்து சாதனை படைத்துள்ளது.

இந்தப் போட்டியின் முதல் இன்னிங்சில் நியூசிலாந்து அணி 348 ரன்களை குவித்து ஆல்-அவுட் ஆனது. இதைத் தொடர்ந்து முதல் இன்னிங்சை விளையாடிய இங்கிலாந்து 499 ரன்கள் குவித்து ஆல்-அவுட்ஆனது. ஹாரி புரூக் 171 ரன்கள் எடுத்தார்.

பின்னர் 151 ரன்கள் பின்தங்கிய நிலையில் 2-வது இன்னிங்சை விளையாடிய நியூசிலாந்து திணறியது. நியூசிலாந்து அணி 2-வது74.1 ஓவர்களில் 254 ரன்னுக்கு ஆல்-அவுட் ஆனது. மிட்செல் 84 ரன்கள் எடுத்து கடைசியாக அவுட் ஆனார்.

இதனால் இங்கிலாந்துக்கு 104 ரன் இலக்கு நிர்ணயிக்கப்பட்டது. எளிய இலக்கை துரத்திய இங்கிலாந்து அணியில் தொடக்க வீரர்களான கிராவ்லி ஒரு ரன்னி லும், டக்கெட் 27 ரன்னிலும் ஆட்டமிழந்தனர்.

பின்னர் ஜேக்கப் பெத்தேல் - ஜோ ரூட் ஜோடி அதிரடி ஆட்டத்தை வெளிப்படுத்தி, அணியை வெற்றி பெற செய்தது. இங்கிலாந்து அணி வெறும் 12.4 ஓவர்களில் 2 விக்கெட் இழப்புக்கு 104 ரன்கள் எடுத்து 8 விக்கெட் வித்தியாசத்தில் வெற்றி பெற்றது.

இங்கிலாந்து சார்பில் பெத்தேல் 50 ரன்னுடனும், ஜோ ரூட் 23 ரன்னுடம் அவுட் ஆகாமல் இருந்தனர். இந்த வெற்றி மூலம் 3 போட்டிகள் கொண்ட டெஸ்ட் தொடரில் இங்கிலாந்து 1-0 என்ற கணக்கில் முன்னிலை பெற்றுள்ளது.

நியூசிலாந்து நாட்டுக்கு சுற்றுப் பயணம் மேற்கொண்டுள்ள இங்கிலாந்து கிரிக்கெட் அணி மூன்று போட்டிகள் கொண்ட டெஸ்ட் தொடரில் விளையாடுகிறது. இதில் இரு அணிகள் இடையிலான முதலாவது டெஸ்ட் போட்டியில் இங்கிலாந்து அணி வெற்றி பெற்று தொடரில் 1-0 என்ற கணக்கில் முன்னிலை பெற்றுள்ளது.

இந்த நிலையில், நியூசிலாந்து-இங்கிலாந்து அணிகள் இடையிலான முதல் டெஸ்ட் போட்டியில் ஜோ ரூட் இந்திய அணியின் முன்னாள் வீரர் சச்சின் டெண்டுல்கரின் சாதனையை முறியடித்துள்ளார். இந்தப் போட்டியின் முதல் இன்னிங்ஸில் டக் அவுட் ஆன ஜோ ரூட், 2-வது இன்னிங்ஸில் 23 ரன்களை அடித்தார்.

டெஸ்ட் கிரிக்கெட்டில் ஒரு போட்டியின் 4-வது இன்னிங்ஸில் அதிக ரன்களை அடித்த வீரர் என்ற சச்சின் டெண்டுல்கரின் வாழ்நாள் சாதனையை ஜோ ரூட் முறியடித்துள்ளார். டெஸ்ட் கிரிக்கெட்டின் 4-வது இன்னிங்ஸில் சச்சின் டெண்டுல்கர் 1625 ரன்களை அடித்துள்ளார். தற்போது ஜோ ரூட் 1630 ரன்களை அடித்ததன் மூலம் சச்சின் சாதனையை முறியடித்துள்ளார்.

டெஸ்ட் கிரிக்கெட்டின் 4-வது இன்னிங்ஸில் அதிக ரன்களை அடித்த வீரர்கள் பட்டியலில் தற்போது ஜோ ரூட் (1630) முதலிடத்திலும், சச்சின் டெண்டுல்கர் (1625) இரண்டாவது இடத்திலும், அலெஸ்டர் குக் / கிரேம் ஸ்மித் (1611) மூன்றாவது இடத்திலும் உள்ளனர்.

வெல்லிங்டன்:

இங்கிலாந்து அணி நியூசிலாந்தில் சுற்றுப்பயணம் செய்து 3 போட்டிகள் கொண்ட டெஸ்ட் தொடரில் விளையாடி வருகிறது. முதல் டெஸ்டில் இங்கிலாந்து அபார வெற்றி பெற்றது.

இந்நிலையில், இரு அணிகளுக்கு இடையிலான 2வது டெஸ்ட் வெல்லிங்டனில் இன்று தொடங்கியது. டாஸ் வென்ற நியூசிலாந்து பவுலிங் தேர்வு செய்தது.

அதன்படி, இங்கிலாந்து அணி முதலில் களமிறங்கியது. தொடக்க ஆட்டக்காரர் பென் டக்கெட் டக் அவுட்டானார். ஜாக் கிராலி 17 ரன்னிலும், ஜோ ரூட் 3 ரன்னிலும், ஜேக்கப் பெத்தேல் 16 ரன்னும் எடுத்து ஆட்டமிழந்தனர்.

இதனால் இங்கிலாந்து அணி 43 ரன்கள் எடுப்பதற்குள் முன்னணி வீரர்களின் விக்கெட்டுகளை இழந்து திணறி வருகிறது.

நியூசிலாந்து சார்பில் மேட் ஹென்றி, நாத்ன் ஸ்மித் தலா 2 விக்கெட் வீழ்த்தினர்.

நியூசிலாந்து- இங்கிலாந்து அணிகளுக்கு இடையில் 3 போட்டிகள் கொண்ட டெஸ்ட் கிரிக்கெட் தொடர் நடைபெற்று வருகிறது. 2-வது டெஸ்ட் வெலிங்டனில் இன்று தொடங்கியது. டாஸ் வென்ற நியூசிலாந்து பந்து வீச்சை தேர்வு செய்தது. அதன்படி முதலில் களம் இறங்கிய இங்கிலாந்தின் தொடக்க விக்கெட்டுகள் மளமளவென சரிந்தன.

ஒரு கட்டத்தில் 43 ரன்கள் எடுப்பதற்குள் 4 விக்கெட்டுகளை இழந்தது. 5-வது விக்கெட்டுக்கு ஹாரி ப்ரூக் உடன் ஒல்லி போப் ஜோடி சேர்ந்தார். இந்த ஜோடி சிறப்பான விளையாடி அணியை சரிவில் இருந்து மீட்டது.

ஒல்லி போக் 66 ரன்னில் ஆட்டமிழந்தார். ஹாரி ப்ரூக் சிறபப்ான விளையாடி சதம் விளாசினார். இந்த ஜோடி 5-வது விக்கெட்டுக்கு 174 ரன்கள் குவித்தது. ஹாரி ப்ரூக் 123 ரன்கள் எடுத்து ரன்அவுட் ஆனார்.

இருவரும் ஆட்டமிழந்ததும் இங்கிலாந்து கடைநிலை வீரர்கள் சொற்ப ரன்களில் வெளியே இங்கிலாந்து முதல் இன்னிங்சில் 280 ரன்கள் எடுத்து ஆல்அவுட் ஆனது. 54.4 ஓவரில் 280 ரன்கள் விளாசியது குறிப்பிடத்தக்கது.

நியூசிலாந்து அணி சார்பில் நாதன் ஸ்மித் 3 விக்கெட், வில்லியம் ஓ'ரூக்கே 3 விக்கெட்டும் வீழ்த்தினர்.

பின்னர் நியூசிலாந்து முதல் இன்னிங்சை தொடங்கியது. 

நியூசிலாந்து- இங்கிலாந்து இடையிலான 2-வது டெஸ்ட் வெலிங்டனில் இன்று தொடங்கியது. டாஸ் வென்ற நியூசிலாந்து பந்து வீச்சை தேர்வு செய்தது. அதன்படி இங்கிலாந்து முதலில் பேட்டிங் செய்தது. இங்கிலாந்து ஒரு கட்டத்தில் 43 ரன்கள் எடுப்பதற்குள் 4 விக்கெட்டுகளை இழந்தது. அதன்பின் ஹாரி ப்ரூக் (123) சதமும், ஒல்லி போப் (66) அரைசதமும் அடிக்க இங்கிலாந்து 280 ரன்கள் எடுத்து ஆல்அவுட் ஆனது.

பின்னர் நியூசிலாந்து முதல் இன்னிங்சை தொடங்கியது. இங்கிலாந்தின் பந்து வீச்சை தாக்குப்பிடிக்க முடியாமல் நியூசிலாந்து பேட்ஸ்மேன்கள் திணறினர். தொடங்க வீரர்களான டாம் லாதம் (17), டேவன் கான்வே (11) அடுத்தடுத்து ஆட்டமிழந்தனர்.

கேன் வில்லியம்சன் தாக்குப்பிடித்து 37 ரன்கள் அடித்தார். ரச்சின் ரவீந்திரா 3 ரன்னிலும், டேரில் மிட்செல் 6 ரன்னிலும் ஆட்டமிழந்தனர். நியூசிலாந்து முதல் நாள் ஆட்ட முடிவில் 5 விக்கெட் இழப்பிற்கு 86 ரன்கள் எடுத்துள்ளது. ஓ'ரூக்கே ரன்ஏதும் எடுக்காமலும், பிளெண்டல் 7 ரன்னுடனும் களத்தில் உள்ளனர்.

3 போட்டிகள் கொண்ட டெஸ்ட் தொடரில் இங்கிலாந்து முதல் டெஸ்டில் 8 விக்கெட் வித்தியாசத்தில் அபார வெற்றி பெற்றது.

வெல்லிங்டன்:

இங்கிலாந்து அணி நியூசிலாந்தில் சுற்றுப்பயணம் செய்து 3 போட்டிகள் கொண்ட டெஸ்ட் தொடரில் விளையாடி வருகிறது. முதல் டெஸ்டில் இங்கிலாந்து அபார வெற்றி பெற்றது.

இந்நிலையில், இரு அணிகளுக்கு இடையிலான 2வது டெஸ்ட் வெல்லிங்டனில் நடந்து வருகிறது. டாஸ் வென்ற நியூசிலாந்து பவுலிங் தேர்வு செய்தது.

அதன்படி, இங்கிலாந்து முதலில் களமிறங்கியது. ஒரு கட்டத்தில் 43 ரன்கள் எடுப்பதற்குள் 4 விக்கெட்டுகளை இழந்தது. அதன்பின் ஹாரி ப்ரூக் (123) சதமும், ஒல்லி போப் (66) அரைசதமும் அடிக்க இங்கிலாந்து 280 ரன்களுக்கு ஆல் அவுட்டானது.

நியூசிலாந்து சார்பில் நாதன் ஸ்மித் 4 விக்கெட்டும், ஓருக்கே 3 விக்கெட்டும், மேட் ஹென்றி 2 விக்கெட்டும் வீழ்த்தினர்.

தொடர்ந்து நியூசிலாந்து அணி முதல் இன்னிங்சை தொடங்கியது. இங்கிலாந்து பந்துவீச்சை தாக்குப்பிடிக்க முடியாமல் நியூசிலாந்து பேட்ஸ்மேன்கள் திணறினர். கேன் வில்லியம்சன் ஓரளவு தாக்குப்பிடித்து 37 ரன்கள் எடுத்தார். இறுதியில், நியூசிலாந்து முதல் நாள் முடிவில் 5 விக்கெட்டுக்கு 86 ரன்கள் எடுத்திருந்தது.

இந்நிலையில், இரண்டாம் நாள் ஆட்டம் இன்று நடைபெற்றது. தொடர்ந்து ஆடிய நியூசிலாந்து 125 ரன்களுக்கு ஆல் அவுட்டானது.

அட்கின்சன் ஹாட்ரிக் விக்கெட் வீழ்த்தி அசத்தினார்.

இங்கிலாந்து சார்பில் கஸ் அட்கின்சன், பிரைடன் கேர்ஸ் தலா 4 விக்கெட் வீழ்த்தினர்.

இதையடுத்து, 155 ரன்கள் முன்னிலை பெற்ற இங்கிலாந்து அணி இரண்டாவது இன்னிங்சை விளையாடி வருகிறது.

நியூசிலாந்து- இங்கிலாந்து இடையிலான 2-வது டெஸ்ட் வெலிங்டனில் நடைபெற்று வருகிறது. டாஸ் வென்ற நியூசிலாந்து பந்து வீச்சை தேர்வு செய்தது.

அதன்படி முதலில் களம் இறங்கிய இங்கிலாந்து ஹாரி ப்ரூக் (123) சதத்தால் 280 ரன்கள் எடுத்து ஆல்அவுட் ஆனது. பின்னர் முதல் இன்னிங்சை தொடங்கிய நியூசிலாந்து நேற்றைய முதல் நாள் ஆட்ட முடிவில் 5 விக்கெட் இழப்பிற்கு 86 ரன்கள் எடுத்திருந்தது.

இன்று 2-வது நாள் ஆட்டம் தொடங்கியது. தொடர்ந்து விளையாடிய நியூசிலாந்து 125 ரன்னில் சுருண்டது. இதனால் 155 ரன்கள் முன்னிலையுடன் இங்கிலாந்து 2-வது இன்னிங்சை தொடங்கியது. பென் டக்கெட் 92 ரன்களும், பெத்தேல் 96 ரன்களும் விளாசினர். ஹாரி ப்ரூக் 55 ரன்னில் வெளியேறினார்.

ஜோ ரூட் சிறப்பாக விளையாடி 73 ரன்கள் எடுத்து களத்தில் உள்ளார். இங்கிலாந்து 5 விக்கெட் இழபபிற்கு 378 ரன்கள் எடுத்திருக்கும்போது 2-வது நாள் ஆட்டம் முடிவடைந்தது.

ஜோ ரூட் 73 ரன்னுடனும், பென் ஸ்டோக்ஸ் 35 ரன்களுடனும் களத்தில் உள்ளனர். தற்போது வரை இங்கிலாந்து 533 ரன்கள் முன்னிலை பெற்றுள்ளது. இன்னும் 2-வது இன்னிங்சை டிக்ளேர் செய்யவில்லை.

நாளை காலை 3-வது நாள் ஆட்டம் தொடங்கியதும் இங்கிலாந்து விரைவாக ரன்கள் எடுத்து டிக்ளேர் செய்ய வாய்ப்புள்ளது. அல்லது ஜோ ரூட் சதம் அடித்ததும் 2-வது இன்னிங்சை டிக்ளேர் செய்யலாம். நியூசிலாந்து ஏறக்குறைய 600 ரன்கள் வெற்றி இலக்காக நிர்ணயிக்கலாம்.

முதல் டெஸ்டில் ஏற்கனவே இங்கிலாந்து வெற்றி பெற்றிருந்தது. இந்த போட்டியிலும் வெற்றி பெற்று 3 போட்டிகள் கொண்ட டெஸ்ட் தொடரை 2-0 எனக் கைப்பற்ற வாய்ப்புள்ளது.

இங்கிலாந்து - நியூசிலாந்து அணிகளுக்கு இடையேயான 2-வது டெஸ்ட் போட்டி வெலிங்டனில் நடைபெற்று வருகிறது. இதில் டாஸ் வென்ற நியூசிலாந்து அணி பந்து வீச்சை தேர்வு செய்தது.

அதன்படி முதலில் விளையாடிய இங்கிலாந்து அணி 280 ரன்களுக்கு ஆல் அவுட் ஆனது. அதனை தொடர்ந்து விளையாடிய நியூசிலாந்து அணி 125 ரன்னில் சுருண்டது.

இதனையடுத்து இங்கிலாந்து அணி 2-வது இன்னிங்சில் விளையாடி வருகிறது. அந்த அணி 2-வது நாள் ஆட்ட நேர முடிவில் 5 விக்கெட்டுகளை இழந்து 378 ரன்கள் குவித்திருந்தது. ரூட் 73 ரன்னிலும் பென் ஸ்டோக்ஸ் 35 ரன்னிலும் களத்தில் உள்ளனர்.

இந்த போட்டியில் அரை சதம் விளாசியதன் மூலம் டெஸ்ட் கிரிக்கெட்டில் 100 முறை 50+ ரன்களை குவித்த 4-வது வீரர் என்ற சாதனையை ரூட் படைத்துள்ளார்.

இதில் முதல் வீரராக இந்திய அணியின் ஜாம்பவான் சச்சின் உள்ளார். அவர் 119 முறை 50+ ரன்களை அடித்துள்ளார். 2-வது 3-வது இடங்கள் முறையே தென் ஆப்பிரிக்கா வீரர் கல்லீஸ் (103 முறை), ஆஸ்திரேலிய வீரர் ரிக்கி பாண்டிங் (103 முறை) ஆகியோரை தொடர்ந்து ரூட் 4-வது இடத்தில் உள்ளார். 5-வது இடத்தில் ராகுல் டிராவிட் (99 முறை) உள்ளார். 

வெலிங்டன்:

இங்கிலாந்து கிரிக்கெட் அணி நியூசிலாந்தில் சுற்றுப்பயனம் மேற்கொண்டு 3 போட்டிகள் கொண்ட டெஸ்ட் தொடரில் விளையாடி வருகிறது. இதில் நடைபெற முதல் போட்டியில் இங்கிலாந்து வெற்றி பெற்று தொடரில் 1-0 என்ற கணக்கில் முன்னிலை வகிக்கிறது.

இதனையடுத்து இவ்விரு அணிகள் இடையிலான 2-வது டெஸ்ட் போட்டி வெலிங்டனில் நேற்று தொடங்கியது. இதில் டாஸ் வென்ற நியூசிலாந்து அணியின் கேப்டன் டாம் லாதம் முதலில் இங்கிலாந்தை பேட் செய்ய பணித்தார்.

அதன்படி முதலில் பேட் செய்த இங்கிலாந்து அணி முதல் இன்னிங்சில் 280 ரன்களில் ஆல்-அவுட் ஆனது. பின்னர் தனது முதல் இன்னிங்சை தொடங்கிய நியூசிலாந்து அணி 125 ரன்களில் சுருண்டது.

இதனையடுத்து 155 ரன்கள் முன்னிலையுடன் 2-வது இன்னிங்சை தொடங்கிய இங்கிலாந்து அபாரமான ஆட்டத்தை வெளிப்படுத்தியது. பென் டக்கெட் 92 ரன்களிலும், ஜேக்கப் பெத்தேல் 96 ரன்களிலும் ஆட்டமிழந்தனர். 2-வது நாள் முடிவில் இங்கிலாந்து 5 விக்கெட்டுகளை இழந்து 378 ரன்கள் குவித்தது. இதன் மூலம் இங்கிலாந்து 533 ரன்கள் முன்னிலை பெற்று வலுவான நிலையில் உள்ளது. ஜோ ரூட் 73 ரன்களுடனும், ஸ்டோக்ஸ் 35 ரன்களுடனும் களத்தில் உள்ளனர்.

இந்நிலையில் 1,082-வது டெஸ்ட் போட்டியில் விளையாடி வரும் இங்கிலாந்து அணி, 5 லட்சம் ரன்களை குவித்த ஒரே அணி என்ற உலக சாதனையை படைத்துள்ளது. இதற்கு அடுத்தபடியாக ஆஸ்திரேலியா 4 லட்சத்து 29 ரன்களை எடுத்துள்ளது. 3-வது இடத்தில் இந்தியா 2 லட்சத்து 78,751 ரன்கள் எடுத்துள்ளது.

டெஸ்ட் கிரிக்கெட் வரலாற்றில் அதிக ரன்கள் எடுத்த அணிகள்:-

5,00,126 - இங்கிலாந்து (1082 போட்டிகள், 18,954 இன்னிங்ஸ்)

4,29,000 - ஆஸ்திரேலியா (868 போட்டிகள், 15,183 இன்னிங்ஸ்)

2,78,751 - இந்தியா (586 போட்டிகள், 10,119 இன்னிங்ஸ்)

வெல்லிங்டன்:

நியூசிலாந்து- இங்கிலாந்து இடையிலான 2-வது டெஸ்ட் வெலிங்டனில் நடைபெற்று வருகிறது. டாஸ் வென்ற நியூசிலாந்து பந்து வீச்சை தேர்வு செய்தது.

அதன்படி, முதலில் பேட் செய்த இங்கிலாந்து ஹாரி ப்ரூக் (123) சதத்தால் 280 ரன்களுக்கு ஆல் அவுட்டானது.

அடுத்து ஆடிய நியூசிலாந்து முதல் இன்னிங்சில் 125 ரன்களுக்கு சுருண்டது.

இதையடுத்து, 155 ரன்கள் முன்னிலை பெற்ற இங்கிலாந்து 2-வது இன்னிங்சில் களமிறங்கியது. பென் டக்கெட் 92 ரன்னும், பெத்தேல் 96 ரன்னும் எடுத்தனர். ஹாரி புரூக் 55 ரன்னில் வெளியேறினார்.

சிறப்பாக ஆடிய ஜோ ரூட் சதமடித்து அசத்தினார். இது இவரது 36வது சதமாகும். ஜோ ரூட் 106 ரன்னில் அவுட்டானார்.

இறுதியில், இங்கிலாந்து 2வது இன்னிங்சில் 6 விக்கெட்டுக்கு 427 ரன்கள் எடுத்து டிக்ளேர் செய்தது. பென் ஸ்டோக்ஸ் 49 ரன்னுடன் ஆட்டமிழக்காமல் உள்ளானர்.

இதையடுத்து, 583 ரன்கள் எடுத்தால் வெற்றி என்ற கடின இலக்குடன் நியூசிலாந்து அணி களமிறங்குகிறது.