நீங்கள் தேடியது "RTO office"

திருவனந்தபுரம்:

கேரள மாநிலத்தில் சப்-கலெக்டராக இருப்பவர் விஷ்ணுராஜ். போர்ட் கொச்சி ஆர்.டி.ஓ. அலுவலகத்ததில் பணிபுரிந்து வருகிறார். இவர் கேரள ஐகோர்ட்டு பிறப்பித்த ஏராளமான உத்தரவுகளை அமல்படுத்தவில்லை என்று கூறப்படுகிறது. இதனால் கடந்த 2 ஆண்டுகளில் 243 நீதிமன்ற அவமதிப்பு வழக்குகளை சப்-கலெக்டர் விஷ்ணுராஜ் எதிர்கொண்டுள்ளார். ஒரு அரசு அதிகாரி இவ்வளவு குறுகிய காலத்தில், இவ்வளவு நீதிமன்ற அவமதிப்பு வழக்குகளை எதிர்கொண்டுள்ளது இதுவே முதன்முறை என்று கூறப்படுகிறது.

கேரள மாநிலத்தை பொறுத்தவரை, போர்ட் கொச்சி ஆர்.டி.ஓ. அலுவலகத்தில் நில மறுவகைப்படுத்துதல் வழக்குகள் அதிகம் என்பதால் 35 ஆயிரத்துக்கும் மேற்பட்ட விண்ணப்பங்கள் இருப்பதாகவும், பல்லாயிரக்கணக்கான விண்ணப்பங்கள் இருப்பதால் கோர்ட்டு விதிக்கும் காலக்கொடுவுக்குள் தீர்ப்பை அமல்படுத்த முடியாததால் சப்-கலெக்டர் இத்தனை கோர்ட்டு அவமதிப்பு வழக்குகளை எதிர்கொண்டிருப்பதாகவும் கூறப்படுகிறது.

திருப்பூர் :

திருப்பூர் வீரபாண்டி பிரிவு அருகே திருப்பூர் தெற்கு ஆர். டி.ஓ. அலுவலகம் அமைந்துள்ளது. தினசரி ஏராளமான வாகனங்கள் பதிவு, வாகன உரிமம் , தரச்சான்று புதுப்பிப்பு உள்ளிட்ட பணிகளுக்காக வருகின்றனர். ஆர்.டி.ஓ அலுவலகத்தில் போதிய இடவசதி இல்லாததால் வீரபாண்டி பிரிவு அடுத்த நொச்சிப்பாளையம் செல்லும் சாலையில் உள்ள தனியார் இடத்தில் வாகனங்கள் ஆய்வு மற்றும் விண்ணப்பதாரர்கள் எட்டு போட்டு காட்டுதல் போன்றவை நடைபெறுகின்றன.நொச்சிப்பாளையம் சாலையில் ஆர்.டி.ஓ.ஆய்வு பணிகள் நடந்து வரும் இடம் மிகவும் குறுகலானது. மேலும் வாகன ஒட்டிகளும் பொதுமக்களும் இடத்தை கண்டுபிடித்துவர வேண்டியுள்ளது.

தெற்கு ஆர்.டி. ஓ அலுவலகத்திற்கு புதிய இடம் தேர்வு செய்யப்படாமல் கிடப்பில் போடப்பட்டுள்ளது. விரைவாக இடம் தேர்வு செய்து பயன்பாட்டுக்கு கொண்டுவர வேண்டும் என வாகன ஒட்டிகளும் பொதுமக்களும் கோரிக்கை வைத்துள்ளார்கள்.

சென்னை:

கார், வேன் போன்ற 4 சக்கர வாகனங்களுக்கும் லாரி, ‘ட்ரக்’ போன்ற கனரக வாகனங்களுக்கும் காலாண்டு, அரையாண்டு, முழு ஆண்டு என சாலை வரி 3 விதமாக வசூலிக்கப்படுகிறது.

சாலை வரிசெலுத்தும் முறை கடந்த மாதம் வரை ஆன்லைன் மற்றும் நேரடியாக செலுத்தும் முறை இருந்து வந்தது. ஆனால் இந்த மாதம் 1-ந்தேதி முதல் ஆன்லைனில் மட்டுமே செலுத்த வேண்டும் என்று அறிவிக்கப்பட்டுள்ளது.

அக்டோபர், நவம்பர், டிசம்பர் ஆகிய 3 மாத காலாண்டு வரி இந்த மாதம் முதல் செலுத்த வேண்டும். இந்த காலத்தில் எப்.சி. காட்ட வேண் டிய வாகனங்களுக்கு சாலை வரி செலுத்தினால் மட்டுமே எப்.சி.க்கு செல்ல முடியும்.

ஆனால் கடந்த 1-ந்தேதி முதல் ஆன்லைனில் சாலை வரி செலுத்துவதற்கு வாகன உரிமையாளர்கள் தயாராக இருந்தும் சாப்ட்வேர் பிரச்சினையால் செயல்படாமல் உள்ளது. இதனால் 10 நாட்களாக சாலை வரி செலுத்த முடியாத நிலை ஏற்பட்டுள்ளது.

ரெட்டேரி வட்டார போக்கு வரத்து அலுவலகத்தில் மட் டும் தான் இந்த பிரச்சினை ஏற்பட்டு இருக்கிறது. மற்ற ஆர்.டி.ஓ. அலுவலகங்களில் கவுண்டர்களில் பணமாகவோ, வரை வோலையாகவோ பெற்றுக் கொள்கிறார்கள். ரெட்டேரி ஆபீசில் பணம் பெற மறுத்து ஆன்லைனில் தான் செலுத்த வேண்டும் என்று கூறி வருகின்றனர்.

ஆன்லைன் குளறுபடியை சரி செய்யாமல் காலம் தாழ்த்தி வருவதால் வாகனங்களை இயக்க முடியாமலும், எப்.சி. காட்ட முடியாமலும் உரிமையாளர்கள் திண்டாடுகிறார்கள்.

இதுகுறித்து லாரி உரிமையாளர் வக்கீல் ஜெ.சத்திய மூர்த்தி கூறியதாவது:-

வாகனங்களுக்கான சாலை வரியை ஆன்லைன் மூலம் செலுத்த வேண்டும் என்று ரெட்டேரி ஆர்.டி.ஓ. தெரிவித்த போதிலும் அதனை செலுத்த கடந்த 10 நாட்களாக முயற்சி செய்கிறோம். ஆனால் பணம் செலுத்த முடியவில்லை. சாப்ட்வேர் குளறுபடியால் அதிக கட்டணம் செலுத்து மாறு காட்டுகிறது.

ஆன்லைனில் செலுத்த முடியாமல் நூற்றுக்கணக்கான லாரிகளை இயக்க முடியாமல் நிறுத்தி வைத்துள்ளோம். சாப்ட்வேர் பிரச்சினை என்றால் கவுண்டரில் பணத்தை பெற்று கொண்டு வாகனங்களை எப்.சி.க்கு அனுமதிக்க வேண்டும்.

அவ்வாறு செய்யாமல் ஆன்லைன் இன்று சரியாகி விடும் என்று சாக்கு போக்கு சொல்லி வருகிறார்கள். இதனால் லாரி உரிமையாளர்கள் பாதிக்கப்படுகிறோம். மற்ற வட்டார போக்கு வரத்து அலுவலகங்களில் இந்த பிரச்சினை இல்லை. ரெட்டேரியில் மட்டும் தான் உள்ளது. ஆதலால் கவுண்டரில் சாலை வரியை பெறுவதற்கு போக்குவரத்து துறை அதிகாரிகள் நடவடிக்கை எடுக்க வேண்டும் என்றார். #Rtooffice